കെ.ടെറ്റ് ഫലം പ്രസിദ്ധീകരിച്ചു

2018 ഒക്‌ടോബറിൽ നടത്തിയ കെ.ടെറ്റ് പരീക്ഷയുടെ ഫലം പ്രസിദ്ധപ്പെടുത്തി.  പരീക്ഷാഭവൻ വെബ്‌സൈറ്റിലും  www.ktet.kerala.gov.in എന്ന വെബ്‌പോർട്ടലിലും ലഭ്യമാണ്.  നാലു കാറ്റഗറികളിലായി 69985 പേർ പരീക്ഷയെഴുതിയതിൽ 8178 പേർ കെ.ടെറ്റ് യോഗ്യതാ പരീക്ഷ വിജയിച്ചു.  നാല് കാറ്റഗറികളിലായി ആകെ വിജയശതമാനം 11.69.  കാറ്റഗറി-1 ൽ 2640 പേർ വിജയിച്ചു (വിജയശതമാനം 11.92). കാറ്റഗറി-2 ൽ 1741 പേർ വിജയിച്ചു (വിജയശതമാനം 10.42).  കാറ്റഗറി-3 ൽ 2378 പേർ വിജയിച്ചു (വിജയശതമാനം 10.39).  കാറ്റഗറി-4 ൽ 1419 പേർ വിജയിച്ചു (വിജയശതമാനം 17.24).  

പരീക്ഷ വിജയിച്ചവർ അസൽ സർട്ടിഫിക്കറ്റുകളുടെ പരിശോധനയ്ക്കായി അവരവരുടെ പരീക്ഷാ സെന്റർ സ്ഥിതി ചെയ്യുന്ന സ്ഥലത്തെ ജില്ലാവിദ്യാഭ്യാസ ഓഫീസിൽ ഹാജരാകണം.

പി.എൻ.എക്സ്. 5510/18