Skip to main content

'മാര്‍ക്സ്@200' പുസ്തകം പ്രകാശനം 27ന്

 കാള്‍മാക്സിന്റെ ഇരുനൂറാം ജന്മവാര്‍ഷികത്തോടനുബന്ധിച്ച് രാജേഷ്.കെ.എരുമേലിയും രാജേഷ് ചിറപ്പാടും സമ്പാദനം നിര്‍വഹിച്ച് കേരള ഭാഷാ ഇന്‍സ്റ്റിറ്റ്യൂട്ട് പ്രസിദ്ധീകരിച്ച 'മാര്‍ക്സ്@200' എന്ന പുസ്തകം ജൂണ്‍ 27ന് രാവിലെ 11 ന് യൂണിവേഴ്സിറ്റി കോളെജ് ഫിസിക്സ് ഹാളില്‍ മുന്‍മന്ത്രി എം.എ.ബേബി ഡോ.വി.ശിവദാസന് നല്‍കി പ്രകാശനം ചെയ്യും.

അസിസ്റ്റന്റ് പ്രൊഫസര്‍ ഒഴിവ്

 തിരുവനന്തപുരം കോളേജ് ഓഫ് എന്‍ജിനിയറിംഗില്‍ കമ്പ്യൂട്ടര്‍ ആപ്ലിക്കേഷന്‍ വിഭാഗത്തില്‍ താത്ക്കാലികാടിസ്ഥാനത്തില്‍ അസിസ്റ്റന്റ് പ്രൊഫസറുടെ ഒഴിവുണ്ട്.  കമ്പ്യൂട്ടര്‍ സയന്‍സ്/ഐ.ടിയില്‍ എം.ടെക്, കമ്പ്യൂട്ടര്‍ സയന്‍സ്/ഐ.ടി യില്‍ ബി.ടെക് ബിരുദവും ഇവയില്‍ ഏതെങ്കിലും ഒന്നില്‍ ഒന്നാം ക്ലാസ്/തത്തുല്യ യോഗ്യതയുള്ളവര്‍ 27 ന് രാവിലെ 10 ന് കമ്പ്യൂട്ടര്‍ ആപ്ലിക്കേഷന്‍ വിഭാഗത്തില്‍ ബന്ധപ്പെട്ട വിദ്യാഭ്യാസ യോഗ്യത, വയസ്, വ്യക്തിവിവരം എന്നിവ തെളിയിക്കുന്ന അസല്‍ രേഖകള്‍, പകര്‍പ്പ് സഹിതം അഭിമുഖത്തിനെത്തണം.  എഴുത്തു പരീക്ഷയുടെയും അഭിമുഖത്തിന്റെയും അടിസ്ഥാനത്തില്‍ തയ്യാറാക്കുന്ന റാങ്ക് പട്ടികയനുസരിച്ചാവും നിയമനം.

തൊഴിലധിഷ്ഠിത കോഴ്‌സുകളില്‍ അപേക്ഷ ക്ഷണിച്ചു

എല്‍.ബി.എസ് സെന്റര്‍ ഫോര്‍ സയന്‍സ് ആന്റ് ടെക്‌നോളജിയുടെ തിരുവനന്തപുരം കേന്ദ്രത്തില്‍ ജൂണ്‍ അവസാനവാരം ആരംഭിക്കുന്ന ഡി.സി.എഫ്.എ/ടാലി കോഴ്‌സുകളിലേക്ക് അപേക്ഷ ക്ഷണിച്ചു.  കൂടുതല്‍ വിവരങ്ങള്‍ക്ക് : 0471 2560332, 2560333.
പി.എന്‍.എക്‌സ്.2566/18

ഹോളോഗ്രാം സര്‍ട്ടിഫിക്കറ്റ് വെബ്‌സൈറ്റില്‍

 ട്രാവന്‍കൂര്‍-കൊച്ചിന്‍ മെഡിക്കല്‍ കൗണ്‍സിലില്‍ മോഡേണ്‍ മെഡിസിനില്‍ 39799 വരെ രജിസ്‌ട്രേഷന്‍ നമ്പരുള്ളവരെ സംബന്ധിച്ച് ഇതുവരെ നവീകരിച്ച ഹോളോഗ്രാം സര്‍ട്ടിഫിക്കറ്റ് നേടിയവരുടെ വിശദവിവരം കൗണ്‍സിലിന്റെ വെബ്‌സൈറ്റില്‍ ലഭിക്കും.  ഹോളോഗ്രാം സര്‍ട്ടിഫിക്കറ്റ് നേടിയിട്ടില്ലാത്ത ഡോക്ടര്‍മാര്‍ക്ക് കൗണ്‍സിലില്‍ നിന്നുള്ള സേവനങ്ങള്‍ ലഭിക്കില്ല.  കൂടുതല്‍ വിവരങ്ങള്‍ക്ക് : www.medicalcouncil.kerala.gov.in
പി.എന്‍.എക്‌സ്.2565/18

ഫൈബര്‍ റി ഇന്‍ഫോഴ്‌സിസ് പ്ലാസ്റ്റിക് കോഴ്‌സിന് അപേക്ഷ ക്ഷണിച്ചു

വട്ടിയൂര്‍ക്കാവ് സെന്‍ട്രല്‍ പോളിടെക്‌നിക്കില്‍ നടത്തുന്ന ഒരു വര്‍ഷത്തെ ഫൈബര്‍ റി ഇന്‍ഫോഴ്‌സ്ഡ് പ്ലാസ്റ്റിക് കോഴ്‌സിന് അപേക്ഷ ക്ഷണിച്ചു.  അപേക്ഷ സ്വീകരിക്കുന്ന അവസാന തിയതി ജൂണ്‍ 30 വൈകിട്ട് നാല് മണി. എസ്.എസ്.എല്‍.സിയും ഐ.റ്റി.ഐ യില്‍ മെക്കാനിസ്റ്റ്, ഫിറ്റര്‍, പാറ്റേണ്‍ മേക്കര്‍, കാര്‍പെന്റര്‍/മോള്‍ഡര്‍ എന്നീ ട്രേഡുകളില്‍ ഏതെങ്കിലും ഒന്നു പാസായിരിക്കണം.  അപേക്ഷ ഫാറം പത്തു രൂപയ്ക്ക് സെന്‍ട്രല്‍ പോളിടെക്‌നിക് കോളേജിന്റെ ഓഫീസില്‍ ലഭിക്കും. 
പി.എന്‍.എക്‌സ്.2564/18

സ്‌പെഷ്യല്‍ നീഡ് കുട്ടികളുടെ ഹോം നടത്താന്‍ അപേക്ഷ ക്ഷണിച്ചു

 വനിതാ ശിശു വികസന വകുപ്പിന്റെ  സംയോജിത ശിശു സംരക്ഷണ പദ്ധതിക്കുകീഴില്‍ സ്‌പെഷ്യല്‍ നീഡ് കുട്ടികളുടെ സംരക്ഷണത്തിനായി ഹോം നടത്തുന്നതിന് പരിചയ സമ്പത്തുള്ള സന്നദ്ധ സംഘടനകളില്‍ നിന്ന് അപേക്ഷ ക്ഷണിച്ചു.  ഐ.സി.പി.എസ്.

വനഗവേഷണ സ്ഥാപനത്തില്‍ താത്കാലിക ഒഴിവ്

വനഗവേഷണ സ്ഥാപനത്തില്‍ നാല് വര്‍ഷം കാലാവധിയുള്ള ഒരു സമയബന്ധിത ഗവേഷണ പദ്ധതിയായ 'ബയോഡൈവേഴ്‌സിറ്റി കാരക്ടറൈസേഷന്‍ അറ്റ് കമ്മ്യൂണിറ്റി ലെവല്‍ ഇന്‍ ഇന്‍ഡ്യ യൂസിംഗ് എര്‍ത്ത് ഒബ്‌സെര്‍വേഷന്‍ ഡാറ്റയില്‍ ജൂനിയര്‍ റിസര്‍ച്ച് ഫെല്ലോയുടെ താത്കാലിക ഒഴിവിലേക്ക് ജൂലൈ അഞ്ചിന് രാവിലെ 10 ന് തൃശൂര്‍ പീച്ചിയിലുള്ള വനഗവേഷണ ഓഫീസില്‍ വാക് ഇന്‍ ഇന്റര്‍വ്യൂ നടത്തും.  വിശദവിവരങ്ങള്‍ക്ക് : www.kfri.res.in
പി.എന്‍.എക്‌സ്.2562/18

കൂടിക്കാഴ്ച മാറ്റിവച്ചു

കിര്‍ടാഡ്‌സില്‍ പന്ത്രണ്ട് താത്ക്കാലിക തസ്തികകളിലേക്ക് ഉദ്യോഗാര്‍ത്ഥികളെ തെരഞ്ഞെടുക്കുന്നതിന് 29ന് നടത്താനിരുന്ന കൂടിക്കാഴ്ച മാറ്റിവച്ചതായി അഡ്മിനിസ്‌ട്രേറ്റീവ് ഓഫീസര്‍ അറിയിച്ചു. 
പി.എന്‍.എക്‌സ്.2561/18

വിവിധ തസ്തികകളിലേക്ക് അപേക്ഷ ക്ഷണിച്ചു

 തിരുവനന്തപുരം സര്‍ക്കാര്‍ പോളിടെക്‌നിക് കോളേജില്‍ കമ്പ്യൂട്ടര്‍ വിഭാഗത്തില്‍ ഡെമോണ്‍സ്‌ട്രേറ്റര്‍, ട്രേഡ് ഇന്‍സ്ട്രക്ടര്‍, ട്രേഡ്‌സ്മാന്‍ തസ്തികകളിലേക്കും, കൊമേഴ്‌സ്യല്‍ പ്രാക്ടീസ് വിഭാഗത്തില്‍ ഇന്‍സ്ട്രക്ടര്‍ ഇന്‍ കൊമേഴ്‌സ് തസ്തികയിലേക്കും താത്ക്കാലികാടിസ്ഥാനത്തില്‍ ജീവനക്കാരെ നിയമിക്കും.  താഴെപ്പറയുന്ന യോഗ്യതയുള്ള ഉദ്യോഗാര്‍ത്ഥികളുടെ ബയോഡാറ്റ, യോഗ്യത തെളിയിക്കുന്ന അസല്‍ സര്‍ട്ടിഫിക്കറ്റുകള്‍ സഹിതം രാവിലെ 10 ന് അഭിമുഖത്തിന് എത്തണം. 
പി.എന്‍.എക്‌സ്.2560/18

ഐ.ടി.ഐ പ്രവേശനം : അപേക്ഷയുടെ പ്രിന്റ് ഔട്ടും ഫീസും നല്‍കണം

2018 ആഗസ്റ്റ് സെഷനില്‍ സര്‍ക്കാര്‍ ഐ.ടി.ഐ.കളിലെ പ്രവേശനത്തിന് ഓണ്‍ലൈനില്‍ അപേക്ഷ സമര്‍പ്പിച്ചവര്‍ അപേക്ഷയുടെ പ്രിന്റൗട്ടും ഫീസും നല്‍കണം.  അവസാന തിയതി ജൂലൈ മൂന്ന് വൈകുന്നേരം അഞ്ച് മണി.
    അപേക്ഷ സമര്‍പ്പിക്കുമ്പോള്‍ എല്ലാ ഐ.ടി.ഐ.കളിലും പരമാവധി ട്രേഡ് ചോയിസ് ഉള്‍പ്പെടുത്തി പ്രവേശനം ലഭിക്കാനുള്ള സാധ്യതകള്‍ ഉപയോഗപ്പെടുത്തണം. 
പി.എന്‍.എക്‌സ്.2559/18

Subscribe to