Skip to main content

വിദ്യാര്‍ത്ഥികളുടെ കത്തിലെ പരാതിയില്‍ നടപടിയെടുത്ത് പൊതുമരാമത്ത് വകുപ്പ് മന്ത്രി

കൊച്ചി: മൂവാറ്റുപുഴ ഈസ്റ്റ് മാറാടി സ്‌കൂളിലെ വിദ്യാര്‍ത്ഥികള്‍ പൊതുമരാമത്ത് വകുപ്പ് മന്ത്രി ജി. സുധാകരന് എഴുതിയ കത്തിലെ പരാതിക്ക് പരിഹാരവുമായി മന്ത്രിയുടെ ഇടപെടല്‍. ലോക തപാല്‍ ദിനത്തിലാണ് ഈസ്റ്റ് മാറാടി സര്‍ക്കാര്‍ വൊക്കേഷണല്‍ ഹയര്‍ സെക്കന്ററി സ്‌കൂളിലെ നാഷണല്‍ സര്‍വ്വീസ് സ്‌കീം യൂണിറ്റിന്റെയും വിവിധ ക്ലബുകളുടെയും നേതൃത്വത്തില്‍ മൂവാറ്റുപുഴ - കൂത്താട്ടുകുളം എം.സി റോഡില്‍ തുടര്‍ച്ചയായി ഉണ്ടാകുന്ന വാഹന അപകടങ്ങളുടെ കാരണവും റോഡ് നിര്‍മ്മാണത്തില്‍  അപാകതകള്‍ ഉണ്ടായിട്ടുണ്ടോ എന്ന് പരിശോധിക്കണമെന്നും ആവശ്യപ്പെട്ട്   പൊതുമരാമത്ത് വകുപ്പ് മന്ത്രി ജി.സുധാകരന് നൂറ്റി ഒന്ന് കത്തുകള്‍ അയച്ചത്.

ചലച്ചിത്ര പ്രദര്‍ശനം: ഈയാഴ്ച എ സെപറേഷനും ശ്രീനാരായണഗുരുവും

കൊച്ചി: എറണാകുളം ദര്‍ബാര്‍ ഹാള്‍ ഗ്രൗണ്ടില്‍ ഡിസംബര്‍ 30 വരെ വാരാന്ത്യ സാംസ്‌കാരിക പരിപാടികളുടെ ഭാഗമായി ചലച്ചിത്ര/ ഡോക്യുമെന്ററി പ്രദര്‍ശനം സംഘടിപ്പിക്കുന്നു. ശനി, ഞായര്‍ ദിവസങ്ങളില്‍ വൈകീട്ട് 6.30 മുതലാണ് പ്രദര്‍ശനം. ഡിടിപിസിയുടെ ആഭിമുഖ്യത്തില്‍ വിവര പൊതുജന സമ്പര്‍ക്ക വകുപ്പിന്റെയും കൊച്ചിന്‍ ഫിലിം സൊസൈറ്റിയുടെയും സഹകരണത്തോടെയാണ് പരിപാടി സംഘടിപ്പിക്കുന്നത്. പരിപാടിയിലേക്കുള്ള പ്രവേശനം സൗജന്യമാണ്.

വനിതാമതില്‍: അവലോകനയോഗം ഇന്ന് (15.12.18) 

 

 

കൊച്ചി: നവോത്ഥാനമൂല്യങ്ങളുടെ സംരക്ഷണത്തിനായി  സംസ്ഥാന സര്‍ക്കാരിന്റെ നേതൃത്വത്തില്‍ സംഘടിപ്പിക്കുന്ന വനിതാ മതില്‍ സംബന്ധിച്ച അവലോകന യോഗം ഡിസംബര്‍ 15 ശനിയാഴ്ച്ച വൈകിട്ട് 4 മണിക്ക്  തദ്ദേശസ്വയംഭരണ വകുപ്പ് മന്ത്രി എ.സി. മൊയ്തീന്റെ അധ്യക്ഷതയില്‍ കളക്ടറേറ്റ് പ്ലാനിംഗ് ഹാളില്‍ ചേരും. 

 

പുഞ്ചക്കുഴി തോടിന് ശാപമോക്ഷമാകുന്നു

കൊച്ചി: കര്‍ഷകര്‍ക്ക് ആശ്വാസമായി പുഞ്ചക്കുഴി തോടിന് ശാപമോക്ഷമാകുന്നു. കൂവപ്പടി ബ്ലോക്ക് പഞ്ചായത്തില്‍ നിന്നും അനുവദിച്ച അഞ്ച് ലക്ഷം രൂപയും ഗ്രാമപഞ്ചായത്തില്‍ നിന്നനുവദിച്ച രണ്ട് ലക്ഷം രൂപയുമുപയോഗിച്ച്  തോട്ടില്‍ നവീകരണ പ്രവര്‍ത്തനങ്ങള്‍ ആരംഭിച്ചതോടെയാണ് തോടിന് ശാപമോക്ഷമാകുന്നത്.   കൂവപ്പടി പഞ്ചായത്തിലെ അഞ്ച്, എട്ട് വാര്‍ഡുകളിലൂടെ കടന്ന് പോകുന്ന പ്രധാന തോടാണിത്.നവീകരണ പ്രവര്‍ത്തനങ്ങള്‍ ആരംഭിച്ചതോടെ തോട്ടിലെ വെളളക്കെട്ട് മൂലം ഒരു പതിറ്റാണ്ടിലധികമായി കൃഷി മുടങ്ങിയ കോടനാട് പാടശേഖരത്തിലേതടക്കമുളള  കര്‍ഷകര്‍ ശുഭ പ്രതീക്ഷയിലാണ്.

പരപ്പ സർക്കാർ തടി ഡിപ്പോ ഇ-ഓക്ഷൻ  രജിസ്‌ട്രേഷൻ ക്യാമ്പ്

വനം വകുപ്പിന്റെ വിവിധ തടി ഡിപ്പോകളിലെ ഇ-ലേലത്തിൽ പങ്കെടുക്കുന്നതിലേക്കാവശ്യമായ രജിസ്‌ട്രേഷൻ ക്യാമ്പ് ഈ മാസം 18 നു രാവിലെ 10 മണിമുതൽ ദേലംബാടി പരപ്പ സർക്കാർ തടി ഡിപ്പോ ഓഫീസിൽ സൗജന്യമായി നടത്തും.  താൽപര്യമുളളവർ പാൻകാർഡ്, ബാങ്ക് പാസ് ബുക്ക്, ഇ-മെയിൽ ഐഡി, തിരിച്ചറിയൽ കാർഡ് എന്നിവ സഹിതം എത്തിച്ചേരണം.  ഫോൺ- 04994 270060, 8547602862, 8547602863.

                     

പരപ്പ സർക്കാർ തടി ഡിപ്പോ ഇ-ഓക്ഷൻ

 കേരള വനം വകുപ്പിന്റെ കീഴിൽ ഗവ.ടിമ്പർ ഡിപ്പോ പരപ്പ, കാസർകോട് നിന്നും തേക്ക്, അക്കേഷ്യ മറ്റ് വിവിധയിനം തടികൾ ഈ മാസം 29 ന് ഇ-ഓക്ഷൻ വഴി എം.എസ്.ടി.സി. ലിമിറ്റഡ് എന്ന കമ്പനി വഴി ഓൺലൈൻ ലേലത്തിൽ വിൽപ്പന നടത്തും.  ഫോൺ- 04994 270060, 8547602862, 8547602863.

പാഴ് വസ്തുക്കൾ വിറ്റ് കാരുണ്യ പ്രവർത്തനം

 'ഹരിതസ്പർശത്തിന് ഞാനും എന്റെ വിദ്യാലയവും' പദ്ധതിയുടെ ഭാഗമായി കാഞ്ഞങ്ങാട് ദുർഗ ഹയർസെക്കന്ററി സ്‌കൂളിലെ കുട്ടികൾ സ്വരൂപിച്ച തുക പ്രളയ ദുരിതാശ്വാസ നിധിയിലേക്കായി ജില്ലാ കളക്ടർ ഡോ. ഡി.സജിത്ത് ബാബുവിനു കൈമാറി. പ്രധാനാധ്യാപിക ചന്ദ്രമതി എം.വി, ഡെപ്യൂട്ടി ഹെഡ്മാസ്റ്റർ പ്രദീപ്കുമാർ ടി.വി, ഹരിതകേരളം മിഷൻ ജില്ലാ കോർഡിനേറ്റർ എം.പി സുബ്രഹ്മണ്യൻ, സ്‌കൂൾ ലീഡർ ശ്രീലക്ഷ്മി പി, ദേവിക, കൃഷ്ണ എന്നിവർ സംബന്ധിച്ചു.

വൈഗ-കൃഷി ഉന്നതി മേള

 സംസ്ഥാന കൃഷിവകുപ്പിന്റെയും ഭാരതീയ കാർഷിക ഗവേഷണ കൗൺസിലിന്റേയും ആഭിമുഖ്യത്തിൽ 27 മുതൽ 30 വരെ തൃശൂർ തേക്കിൻകാട് മൈതാനത്ത് നടത്തുന്ന സംസ്ഥാനതല വൈഗ-കൃഷി ഉന്നതി മേളയിലെ പ്രദർശന-ശിൽപ്പശാലകളിൽ പങ്കെടുക്കാൻ സന്നദ്ധരായ കർഷകർ കാസർകോട് മുനിസിപ്പൽ കൃഷിഭവനിൽ പേരുവിവരങ്ങൾ നൽകണം. ഫോൺ നമ്പർ 04994 - 230560, 9383472310 

ഓൺലൈൻ സെമിനാർ

 നാഷണൽ ഇൻസ്റ്റിറ്റ്യൂട്ട് ഓഫാ സ്പീച്ച് ആൻഡ് ഹിയറിംഗ് (നിഷ്-തിരുവനന്തപുരം) കുഷ്ഠരോഗം അിറഞ്ഞിരിക്കേണ്ട വസ്തുതകൾ എന്ന വിഷയത്തിൽ ഓൺലൈൻ ബോധവൽക്കരണ സെമിനാർ ഇന്നു നടക്കും.  സാമൂഹിക നീതി ഡയറക്ടററേറ്റിന്റെ സഹകരണത്തോടെ നടത്തുന്ന ഓൺലൈൻ സെമിനാർ ഇന്ന് (15) രാവിലെ 10.30 മുതൽ 12.55 വരെ യാണ്.  സ്ഥലം: ജില്ലാ ശിശുസംരക്ഷണ യൂണിറ്റ്, സിവിൽസ്റ്റേഷൻ, ഡി-ബ്ലോക്ക്, രണ്ടാംനില, വിദ്യാനഗർ, കാസർകോട്, പിൻ-671 123, ഫോൺ- 04994 256990.

ജില്ലയിൽ നാളെ വൈദ്യുതി വിതരണം  ഭാഗികമായി തടസപ്പെടും

 220 കെ.വി അരീക്കോട്- കാഞ്ഞിരോട് ഫീഡറിൽ അടിയന്തര അറ്റകുറ്റ പണി നടക്കുന്നതിനാൽ നാളെ (ഡിസംബർ 16) രാവിലെ 8 മുതൽ വൈകുന്നേരം 6 വരെ കണ്ണൂർ, കാസർകോട് ജില്ലകളിൽ ഭാഗീകമായി വൈദ്യുതിവിതരണം തടസപ്പെടുമെന്ന് കണ്ണൂർ ട്രാൻസ്മിഷൻ സർക്കിൾ ഡെപ്യൂട്ടി ചീഫ് എഞ്ചിനീയർ അറിയിച്ചു.

Subscribe to