ജില്ലയിലെ തിരഞ്ഞെടുപ്പ് പ്രവര്‍ത്തനങ്ങള്‍ക്ക് നേതൃത്വം നല്‍കുന്ന ജില്ലാ തിരഞ്ഞെടുപ്പ് ഓഫീസറായ ജില്ലാ കലക്ടര്‍ എന്‍. ദേവിദാസ്. കലക്‌ട്രേറ്റില്‍ സജ്ജീകരിച്ച വോട്ടര്‍ ഫെസിലിറ്റേഷന്‍ സെന്ററില്‍ വോട്ടുരേഖപ്പെടുത്തി. ഓഫീസ് സമയം തുടങ്ങുന്നതിനുംമുമ്പേ സമ്മതിദാന അവകാശം വിനിയോഗിക്കുകയായിരുന്നു. കാസര്‍ഗോഡ് ലോക്‌സഭമണ്ഡലപരിധിയിലെ തൃക്കരിപ്പൂര്‍ അസംബ്ലി നിയോജകമണ്ഡലത്തിലെ വോട്ടറാണ് ജില്ലാ കലക്ടര്‍. അര്‍ഹതയുള്ള എല്ലാവരും വോട്ടര്‍ ഫെസിലിറ്റേഷന്‍ സംവിധാനം വിനിയോഗിക്കണമെന്ന് അറിയിച്ചു.  

വോട്ടെല്ലാം ബൂത്തിലെത്തിക്കാന്‍ സ്വീപ് (സിസ്റ്റമറ്റിക് വോട്ടര്‍ എഡ്യുക്കേഷന്‍ ആന്റ് ഇലക്ട്രല്‍ പാര്‍ട്ടിസിപ്പേഷന്‍) നടത്തുന്ന പരിപാടികള്‍ സമസ്തമേഖലയിലേക്കും. വ്യത്യസ്തമായ പരിപാടികളിലൂടെ വോട്ടര്‍മാരെയെല്ലാം ബോധവത്കരിക്കുന്നതിന്റെ ഭാഗമായി ജില്ലയിലെ ഏറ്റവും വലിയ മീന്‍പിടുത്ത തുറമുഖങ്ങളായ ശക്തികുളങ്ങരയിലും നീണ്ടകരയിലും സ്വീപ് സംഘമെത്തി. ബോട്ടുകളില്‍ വോട്ടുസന്ദേശം ഉള്‍ക്കൊള്ളുന്ന സന്ദേശങ്ങള്‍ നിരത്തിയാണ് ജലമാര്‍ഗത്തിലൂടെയും വോട്ടുപ്രചാരണം നടത്തിയത്. മത്സ്യത്തൊഴിലാളികളെയെല്ലാം പോളിംഗ് ബൂത്തിലെത്തിക്കാനുള്ള ദൗത്യമാണ് ഇവിടെ നിര്‍വഹിക്കപ്പെട്ടത്.  

ലോക്‌സഭാ തിരഞ്ഞെടുപ്പിന് തൃശൂര്‍ ജില്ല സജ്ജമായതായി ജില്ലാ തിരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ വി.ആര്‍ കൃഷ്ണതേജ അറിയിച്ചു. നാളെ (ഏപ്രില്‍ 26) രാവിലെ ഏഴ് മുതല്‍ വൈകീട്ട് ആറുവരെയാണ് പോളിങ്. ഗുരുവായൂര്‍, മണലൂര്‍, ഒല്ലൂര്‍, തൃശൂര്‍, നാട്ടിക, ഇരിങ്ങാലക്കുട, പുതുക്കാട് നിയോജക മണ്ഡലങ്ങള്‍ ഉള്‍പ്പെടുന്ന തൃശൂര്‍ ലോക്‌സഭാ മണ്ഡലത്തിലാണ് തിരഞ്ഞെടുപ്പ് നടക്കുന്നത്. ചേലക്കര, കുന്നംകുളം, വടക്കാഞ്ചേരി മണ്ഡലങ്ങള്‍ ആലത്തൂര്‍ പാര്‍ലമെന്റ് മണ്ഡലത്തിലും, കൈപ്പമംഗലം, ചാലക്കുടി, കൊടുങ്ങലൂര്‍ മണ്ഡലങ്ങള്‍ ചാലക്കുടി ലോക്‌സഭാ മണ്ഡലത്തിലുമാണ് ഉള്‍പ്പെടുന്നത്.

ലോക്‌സഭാ തിരഞ്ഞെടുപ്പ് ദിനമായ ഏപ്രില്‍ 26ന് തൃശൂരിലെ സംസ്ഥാന മ്യൂസിയം മൃഗശാല തുറന്ന് പ്രവര്‍ത്തിക്കില്ലെന്ന് സൂപ്രണ്ട് അറിയിച്ചു.

ഏപ്രില്‍ 24 വൈകിട്ട് 6 മുതല്‍ 27 ന്  രാവിലെ 6 വരെ 

ലോക്സഭാ തിരഞ്ഞെടുപ്പിന്റെ ഭാഗമായി പരസ്യ പ്രചാരണം അവസാനിക്കുന്ന ഏപ്രില്‍ 24, വൈകിട്ട് 6 മുതല്‍ ഏപ്രില്‍ 27, രാവിലെ 6 വരെ തൃശൂര്‍ ജില്ലയില്‍ നിരോധനാജ്ഞ പുറപ്പെടുവിച്ച് ജില്ലാ തിരഞ്ഞെടുപ്പ് ഉദ്യോഗസ്ഥനും ജില്ലാ കലക്ടറുമായ വി.ആര്‍ കൃഷ്ണതേജ ഉത്തരവിട്ടു. ഈ കാലയളവില്‍ താഴെ പറയുന്ന നിര്‍ദേശങ്ങള്‍ പാലിക്കേണ്ടതാണ്.

*നിയമവിരുദ്ധമായ സംഘം ചേരരുത്. പൊതുയോഗം/ റാലികള്‍ സംഘടിപ്പിക്കരുത്.

*ജില്ലയിലെ മണ്ഡലങ്ങളിലെ വോട്ടര്‍മാരല്ലാത്ത രാഷ്ട്രീയ പ്രവര്‍ത്തകരുടെയും പ്രചാരകരുടെയും സാന്നിധ്യം ഉണ്ടാകരുത്.

        തിരുവനന്തപുരം കുടപ്പനക്കുന്ന് സർക്കാർ പ്രാദേശിക കോഴി വളർത്തൽ കേന്ദ്രത്തിൽ നിന്നും എല്ലാ ചൊവ്വാഴ്ചകളിലും വെള്ളിയാഴ്ചകളിലും ഒരു ദിവസം പ്രായമുള്ള കോഴിക്കുഞ്ഞുങ്ങൾ ലഭ്യമാണ്. ഗ്രാമശ്രീ ഇനത്തിൽപ്പെട്ട പിട കോഴിക്കുഞ്ഞുങ്ങളെ 25 രൂപ നിരക്കിലും പൂവൻ കോഴിക്കുഞ്ഞുങ്ങളെ 5 രൂപ നിരക്കിലുമാണ് ലഭിക്കുക.

മുച്ചുണ്ടും, മുറിയണ്ണാക്കും ഉള്ള വ്യക്തികളുടെ സമഗ്ര പരിശോധനക്കായി മെയ് 4ന് നിഷ്-ൽ ക്യാംപ് സംഘടിപ്പിക്കുന്നു

        2024 ഏപ്രിൽ 26ന് നടക്കുന്ന പൊതുതിരഞ്ഞെടുപ്പുമായി ബന്ധപ്പെട്ട് പോളിംഗ് സ്റ്റേഷനുകൾ,  പോളിംഗ് സാമഗ്രികൾ വിതരണം ചെയ്യുന്ന സെന്ററുകൾ, വോട്ടെണ്ണൽ കേന്ദ്രങ്ങൾ എന്നിവിടങ്ങളിൽ ഉണ്ടാകുന്ന മാലിന്യം നീക്കം ചെയ്യലും സംസ്കരണവും സംബന്ധിച്ച് നിർദ്ദേശങ്ങൾ പുറപ്പെടുവിച്ചു.

മലപ്പുറം ജില്ലാ സ്‌പോര്‍ട്‌സ് കൗണ്‍സിലിന്റെ കീഴില്‍ ജില്ലയില്‍ കോട്ടപ്പടി  ഫുട്‌ബോള്‍ അക്കാദമിയിലേക്ക്  കുട്ടികളെ  തെരഞ്ഞെടുക്കുന്നു. 2024 മെയ് നാലിന് മലപ്പുറം കോട്ടപ്പടി ഫുട്‌ബോള്‍ സ്റ്റേഡിയത്തില്‍ വെച്ച് സെലക്‍ഷന്‍ നടത്തും. 2011, 2012, 2013, 2014 വര്‍ഷത്തില്‍ ജനിച്ച ആണ്‍കുട്ടികള്‍ക്ക് സെലക്‍ഷനില്‍ പങ്കെടുക്കാം. താല്‍പര്യമുള്ള  കുട്ടികള്‍  വയസ്സ് തെളിയിക്കുന്ന സര്‍ട്ടിഫിക്കറ്റിന്റെ പകര്‍പ്പുമായി രക്ഷിതാക്കളോടൊപ്പം ഫുട്‌ബോള്‍ കിറ്റ് സഹിതം അന്നേ ദിവസം രാവിലെ എട്ടു മണിക്ക് റിപ്പോര്‍ട്ട് ചെയ്യണം.
 

പട്ടാമ്പി ശ്രീ നീലകണ്‌ഠ സംസ്‌ക്യത കോളേജിലെ സംസ്കൃതം വിഭാഗം ഗവേഷണ കേന്ദ്രത്തില്‍ എനിടൈം കാറ്റഗറിയിൽ (ജെ.ആർ.എഫ്.) ഏതാനും ഒഴിവുകൾ ഉണ്ട്. ഏപ്രില്‍ 24 നു മുമ്പായി നേരിട്ടോ ഓണ്‍ലൈനായോ അപേക്ഷിക്കണം.