ജില്ലാ കേരളോത്സവം ഡിസംബര്‍ 22, മുതല്‍ 24 വരെ പഞ്ചായത്ത് ആസ്ഥാനമായി നടത്തുമെന്ന് ജില്ലാ പഞ്ചായത്ത് പ്രസിഡന്റ് പി കെ ഗോപന്‍ അറിയിച്ചു. കലാമത്സരങ്ങള്‍ ജില്ലാ പഞ്ചായത്തിലെ വിവിധ വേദികളിലും കായിക മത്സരങ്ങള്‍ ചുവടെയുള്ള വേദികളിലും- 1 അത്‌ലറ്റിക്‌സ് - കല്ലുവാതുക്കല്‍ ഹൈസ്‌കൂള്‍

2 ഫുട്‌ബോള്‍- ഫാത്തിമ മാതാ കോളേജ് ഗ്രൗണ്ട്

3 ക്രിക്കറ്റ് - ആശ്രാമം മൈതാനം

4 കബഡി - കല്ലുവാതുക്കല്‍ കബഡി ഇന്‍സ്റ്റിറ്റ്യൂട്ട്

5 വോളിബോള്‍ - ചാത്തന്നൂര്‍

6 ബാസ്‌ക്കറ്റ്‌ബോള്‍, വടംവലി- ക്യൂ.എ.സി ഗ്രൗണ്ട്, കൊല്ലം

7 കളരിപ്പയറ്റ് - കടപ്പാക്കട സ്‌പോര്‍ട്‌സ് ക്ലബ്ബ്

ജില്ലയില്‍ എന്‍ സി സി വകുപ്പില്‍ ബോട്ട് കീപ്പര്‍ (വിമുക്ത ഭട•ാര്‍/ഡിസെബോഡീഡ് ടെറിട്ടോറിയല്‍ ആര്‍മിയില്‍ സേവനമനുഷ്ടിച്ചിട്ടുള്ളവര്‍ എന്നിവരില്‍ നിന്ന് മാത്രം) (കാറ്റഗറി നമ്പര്‍: 547/2019) തസ്തികയുടെ അഭിമുഖം ഡിസംബര്‍ 21ന് കെ പി എസ് സി തിരുവനന്തപുരം ആസ്ഥാന ഓഫീസില്‍ നടത്തും. എസ് എം എസ്, പ്രൊഫൈല്‍ മെസേജ് മുഖേന അറിയിപ്പ് ലഭിച്ചിട്ടില്ലാത്തവര്‍ കൊല്ലം ജില്ലാ പി എസ് സി ഓഫീസുമായി ബന്ധപ്പെടണം.

ജില്ലയില്‍ വനം വകുപ്പില്‍ ഡിപ്പോ വാച്ചര്‍/റിസര്‍വ്വ് വാച്ചര്‍ (കാറ്റഗറി നമ്പര്‍ : 408/2021) തസ്തികയുടെ ചുരുക്കപട്ടികയില്‍ ഉള്‍പ്പെട്ടവരുടെ ശാരീരികഅളവെടുപ്പ് ഡിസംബര്‍ 21, 22 തീയതികളില്‍ രാവിലെ 8.30 മുതല്‍ കേരള പബ്ലിക് സര്‍വ്വീസ് കമ്മീഷന്‍ ജില്ലാ ഓഫീസില്‍ നടത്തും. പ്രൊഫൈലില്‍ നിന്നും ഡൗണ്‍ലോഡ്‌ചെയ്ത പ്രവേശന ടിക്കറ്റും തിരിച്ചറിയല്‍ രേഖയുടെ അസല്‍, യോഗ്യത തെളിയിക്കുന്ന അസല്‍ പ്രമാണങ്ങള്‍, സംവരണസമുദായങ്ങളില്‍ ഉള്‍പ്പെട്ടവര്‍ ജാതി തെളിയിക്കുന്ന രേഖകള്‍ എന്നിവ ഹാജരാക്കണം. അന്നേ ദിവസം പ്രമാണപരിശോധനയും ഉണ്ടായിരിക്കും.

ക്രിസ്തുമസ്, പുതുവത്സര ആഘോഷങ്ങളുടെ ഭാഗമായി വ്യാജമദ്യം, മയക്കുമരുന്ന് ലഹരി വസ്തുക്കള്‍ എന്നിവയുടെ വിപണനം, ഉപയോഗം എന്ന് തടയുന്നതിനുള്ള നടപടികള്‍ ചര്‍ച്ച ചെയ്യാന്‍ ജില്ലാ കലക്ടറുടെ ചേംബറില്‍ ഡിസംബര്‍ 21 ന് ഉച്ചയ്ക്ക് 12ന് യോഗം ചേരും. പൊതുവിപണിയിലെ വിലക്കയറ്റം നിയന്ത്രിക്കുന്നതിനും ഭക്ഷ്യസുരക്ഷ ക്രമസമാധാനം തുടങ്ങിയ മേഖലകളില്‍ സുസ്ഥിരത ഉറപ്പ് വരുത്തുന്നതിനുള്ള നടപടികളും ചര്‍ച്ചചെയ്യും. ബന്ധപ്പെട്ട വകുപ്പുകളുടെയും ജില്ലാതല മേധാവിമാരുടേയും തദ്ദേശസ്വയംഭരണ സ്ഥാപന മേധാവിമാരുടേയും താലൂക്ക് തഹസില്‍ദാര്‍മാരുടേയും സാനിധ്യമുണ്ടാകും. ഫോണ്‍ 0474 2793473.

കശുവണ്ടി മേഖലയിലെ പ്രതിസന്ധി പരിഹരിക്കാന്‍ കേന്ദ്രസര്‍ക്കാര്‍ നയംമാറ്റം അനിവാര്യമെന്ന് കാഷ്യു കോര്‍പ്പറേഷന്‍ ചെയര്‍മാന്‍ എസ് ജയമോഹന്‍. നവകേരള സദസ്സിനു മുന്നോടിയായി ഫെഡറേഷന്‍ ഓഫ് കാഷ്യു പ്രോസസ്സേര്‍സ് ആന്‍ഡ് എക്‌സ്‌പോര്‍ട്ടേഴ്‌സ് നടത്തിയ സെമിനാര്‍ പ്രസ്‌ക്ലബ്ബ് ഹാളില്‍ ഉദ്ഘാടനം ചെയ്യുകയായിരുന്നു അദ്ദേഹം. തോട്ടണ്ടി ഇറക്കുമതിയിലെ ചുങ്കമാണ് പ്രധാന ഭീഷണി. ചെറുകിടക്കാരെയും ഇടത്തട്ടുകാരെയും ഒഴിവാക്കുന്നതിനായി കൊണ്ടുവന്ന നയവും ഇറക്കുമതിയെ സാരമായി ബാധിച്ചു.

ചാത്തന്നൂര്‍ നിയോജകമണ്ഡലത്തിലെ നവകേരള സദസ്സിന് മുന്നോടിയായി പരവൂര്‍ നഗരസഭയുടെ ആഭിമുഖ്യത്തില്‍ ഡിസംബര്‍ 18ന് വിളംബര ഘോഷയാത്രയും 4:30ന് മെഗാ തിരുവാതിരയും അരങ്ങേറും. വൈകിട്ട് നാലിന് പരവൂര്‍ നഗരസഭയുടെ മുന്നില്‍ തുടങ്ങുന്ന ഘോഷയാത്ര പുറ്റിങ്ങല്‍ മൈതാനത്ത് സമാപിക്കും.

നവകേരള സദസ്സിന്റെ പ്രചരണാര്‍ഥം തൃക്കോവില്‍വട്ടം ഗ്രാമപഞ്ചായത്തില്‍ കുടുംബശ്രീ സി ഡി എസിന്റെ നേതൃത്വത്തില്‍ പ്രദര്‍ശന-വിപണനമേള സംഘടിപ്പിച്ചു. തൃക്കോവില്‍വട്ടം ഗ്രാമപഞ്ചായത്ത് അങ്കണത്തില്‍ പ്രസിഡന്റ് ജി എസ് സിന്ധു ഉദ്ഘാടനം നിര്‍വഹിച്ചു. 35 കുടുംബശ്രീ യൂണിറ്റുകള്‍ പങ്കെടുത്തു. വൈസ് പ്രസിഡന്റ് ശിവകുമാര്‍ അധ്യക്ഷനായി. തദ്ദേശസ്വയംഭരണസ്ഥാപന പ്രതിനിധികള്‍, പാടശേഖരസമിതി അംഗങ്ങള്‍, സി ഡി എസ് പ്രവര്‍ത്തകര്‍, ഉദ്യോഗസ്ഥര്‍ തുടങ്ങിയവര്‍ പങ്കെടുത്തു. കുടുംബശ്രീ, പാടശേഖരസമിതി, കര്‍ഷകസമിതി എന്നിവിടങ്ങളിലെ അംഗങ്ങള്‍ നിര്‍മിച്ച വിവിധ ഉത്പ്പന്നങ്ങള്‍ പ്രദര്‍ശിപ്പിച്ചു.

ചാത്തന്നൂര്‍ നിയോജകമണ്ഡലത്തിലെ നവകേരള സദസിനോടനുബന്ധിച്ച് പൂതക്കുളം ഗ്രാമപഞ്ചായത്തിന്റെ ആഭിമുഖ്യത്തില്‍ ഇന്ന് (ഡിസംബര്‍ 16) വൈകിട്ട് 4:30ന് വിളംബര ജാഥയും മെഗാ തിരുവാതിരയും സംഘടിപ്പിക്കും. പൂതക്കുളം ബാങ്ക് ജംഗ്ഷനില്‍ തുടങ്ങി മിനി സ്റ്റേഡിയത്തില്‍ സമാപിക്കും. കുടുംബശ്രീ പ്രവര്‍ത്തകര്‍, ഹരിതകര്‍മസേന അംഗങ്ങള്‍, ആശാ പ്രവര്‍ത്തകര്‍, സി ഡി എസ് അംഗങ്ങള്‍ തുടങ്ങിയവര്‍ പങ്കെടുക്കും.

ആലപ്പുഴയിലെ കയർ വ്യവസായ മേഖലയുടെ സംരക്ഷണത്തിനായി സമഗ്ര ഇടപെടൽ നടത്തുമെന്ന് മുഖ്യമന്ത്രി പിണറായി വിജയൻ. നവകേരള സദസ്സിനോടുബന്ധിച്ച് കലവൂർ കാമിലോട്ട് കൺവെൻഷൻ സെന്ററിൽ നടന്ന ആലപ്പുഴ ജില്ലയിലെ ആദ്യ പ്രഭാത യോഗത്തിൽ സംസാരിക്കുകയായിരുന്നു മുഖ്യമന്ത്രി.

ഒരുമയോടും ഐക്യത്തോടും ജീവിക്കുന്ന നാടിനു ആ ഐക്യത്തെ തകർക്കാൻ വരുന്ന ശക്തികളെ ചെറുക്കാൻ സാധിക്കും. അത് മുൻകാലങ്ങളിൽ നമ്മൾ കാണുകയും ലോകവും രാജ്യവും അത് കണ്ട് വിസ്മയിച്ചിട്ടുള്ളതുമാണെന്ന് മുഖ്യമന്ത്രി പിണറായി വിജയൻ.