കണ്ണൂര്‍ മൃഗസംരക്ഷണ പരിശീലന കേന്ദ്രത്തില്‍ ഡിസംബര്‍ 19ന് മുയല്‍ വളര്‍ത്തല്‍ വിഷയത്തില്‍ പരിശീലനം നല്‍കുന്നു. താല്‍പര്യമുള്ള കണ്ണൂര്‍, കാസര്‍കോട്, കോഴിക്കോട് ജില്ലകളിലെ കര്‍ഷകര്‍ ഡിസംബര്‍ 18നകം പരിശീലന കേന്ദ്രത്തില്‍ പേര് രജിസ്റ്റര്‍ ചെയ്യണം.  ഫോണ്‍: 04972 763473.

ഫിഷറീസ് വകുപ്പിന്റെ കീഴില്‍ പ്രവര്‍ത്തിക്കുന്ന സൊസൈറ്റി ഫോര്‍ അസിസ്റ്റന്‍സ് ടു ഫിഷര്‍ വിമണ്‍ (സാഫ്) മുഖാന്തിരം തീരമൈത്രി പദ്ധതിയുടെ കീഴില്‍ മത്സ്യത്തൊഴിലാളി കുടുംബങ്ങളില്‍ നിന്നും തെരഞ്ഞെടുത്ത ബിരുദധാരികളായ യുവതികള്‍ക്ക് (പ്രായപരിധി 21 -35 വയസ്സ്) ഡിജിറ്റല്‍ മീഡിയ, മാര്‍ക്കറ്റിങ് ആന്റ് അഡ്വര്‍ടൈസിങ് ഡിസൈന്‍ എന്നീ വിഷയങ്ങളില്‍ പരിശീലനം നല്‍കുന്നു. അപേക്ഷകര്‍ മത്സ്യബോര്‍ഡ് അംഗീകാരമുള്ള മത്സ്യത്തൊഴിലാളി കുടുംബത്തിലെ അംഗവും ഫിഷറീസ് വകുപ്പ് തയ്യാറാക്കിയ എഫ് ഐ എം എസില്‍ ഉള്‍പ്പെടുന്നവരുമായിരിക്കണം.

വിമുക്തി പരിപാടിയുടെ ഭാഗമായി ജില്ലയിലെ പയ്യന്നൂര്‍ താലൂക്ക് ആശുപത്രിയില്‍ പ്രവര്‍ത്തിക്കുന്ന ലഹരി വിമുക്ത കേന്ദ്രത്തിലേക്ക് ക്ലിനിക്കല്‍ സൈക്കോളജിസ്റ്റ് തസ്തികയില്‍ താല്‍ക്കാലിക നിയമനം നടത്തുന്നു. എംഫില്‍/ ആര്‍ സി ഐ രജിസ്ട്രേഷനോടുകൂടി ക്ലിനിക്കല്‍ സൈക്കോളജിയിലുള്ള പി ജി ഡി സി പി എന്നിവയാണ് യോഗ്യത. താല്‍പര്യമുള്ളവര്‍ ബയോഡാറ്റ, വിദ്യാഭ്യാസ യോഗ്യത തെളിയിക്കുന്ന സര്‍ട്ടിഫിക്കറ്റുകളുടെ അസ്സലും പകര്‍പ്പും സഹിതം ഡിസംബര്‍ 19ന് രാവിലെ 10 മണിക്ക് ജില്ലാ മെഡിക്കല്‍ ഓഫീസറുടെ (ആരോഗ്യം)ചേംബറില്‍ നടക്കുന്ന വാക്ക് ഇന്‍ ഇന്റര്‍വ്യൂവിന് ഹാജരാകണം. ഫോണ്‍: 0497 2700194.

ജില്ലാ ഖാദി ഗ്രാമ വ്യവസായ ഓഫീസും പയ്യന്നൂര്‍ ഖാദി കേന്ദ്രവും ചേര്‍ന്ന് സംഘടിപ്പിക്കുന്ന ക്രിസ്തുമസ്-ന്യൂ ഇയര്‍ ഖാദി മേള ഡിസംബര്‍ 15ന് രാവിലെ 11 മണിക്ക് കേരള ഖാദി ഗ്രാമ വ്യവസായ ബോര്‍ഡ് വൈസ് ചെയര്‍മാന്‍ പി ജയരാജന്‍ ഉദ്ഘാടനം ചെയ്യും. ഖാദിഗ്രാമ സൗഭാഗ്യയില്‍ നടക്കുന്ന പരിപാടിയില്‍ കോര്‍പറേഷന്‍ വിദ്യാഭ്യാസ സ്ഥിരം സമിതി അധ്യക്ഷന്‍ സുരേഷ്ബാബു എളയാവൂര്‍ അധ്യക്ഷത വഹിക്കും. ശ്രീപുരം പാസ്റ്ററല്‍ സെന്റര്‍ ഡയറക്ടര്‍ ഫാ. ജോയ് കട്ടിയാങ്കല്‍ ആദ്യവില്പന ഏറ്റുവാങ്ങും. ജനുവരി ആറ് വരെ ഖാദിക്ക് 30% വരെ സര്‍ക്കാര്‍ റിബേറ്റ് ലഭിക്കും.
 

ദേശീയ യുവജന ദിനാഘോഷത്തോടനുബന്ധിച്ച് സംസ്ഥാന യുവജന കമ്മീഷന്‍ യുവജനങ്ങള്‍ക്കായി സംഘടിപ്പിക്കുന്ന പ്രസംഗ മത്സരത്തില്‍ അപേക്ഷിക്കാനുള്ള തീയതി ഡിസംബര്‍ 16 വരെ നീട്ടി. ഡിസംബര്‍ 21 ന് കണ്ണൂര്‍, പള്ളിക്കുന്ന് കൃഷ്ണമേനോന്‍ സ്മാരക ഗവ വനിതാ കോളേജിലാണ് മത്സരം സംഘടിപ്പിക്കുന്നത്. വിജയികള്‍ക്ക് ഒന്നാം സ്ഥാനത്തിന് 15,000 രൂപയും രണ്ടാം സ്ഥാനത്തിന് 10,000 രൂപയും മൂന്നാം സ്ഥാനത്തിന് 5000 രൂപയും ക്യാഷ് പ്രൈസും ഇഎംഎസ് സ്മാരക ട്രോഫിയും നല്‍കും.

ഫുള്‍ എ പ്ലസ് നേടി ഷാഹിന യൂസഫ്

ഡൽഹിയിൽ ഇൻഫർമേഷൻ ഓഫീസറായി നിയമിതനായ കണ്ണൂര്‍ ജില്ലാ ഇന്‍ഫര്‍മേഷന്‍ ഓഫീസ് അസിസ്റ്റന്റ് എഡിറ്റർ പി പി വിനീഷിന് ജില്ലാ ഇന്‍ഫര്‍മേഷന്‍ ഓഫീസിൻ്റെ നേതൃത്വത്തിൽ യാത്രയയപ്പ് നല്‍കി. കെ വി സുമേഷ് എം എൽ എ ഉപഹാരം കൈമാറി.

പാനൂര്‍ ബ്ലോക്ക് പഞ്ചായത്ത് ചൊക്ലി ഡിവിഷന്‍ 10 ലെ ഉപതെരഞ്ഞെടുപ്പില്‍ സിപിഐഎം സ്ഥാനാര്‍ഥി തീര്‍ത്ഥ അനൂപ് 3114 വോട്ട് നേടി വിജയിച്ചു. ഐ യു എം എല്‍ സ്ഥാനാര്‍ഥി നജ്മ 933 വോട്ടുകളും ബിജെപി സ്ഥാനാര്‍ഥി കെ പി സൗമ്യ 299 വോട്ടുകളും നേടി. ആകെ 4346 വോട്ടുകളാണ് സാധുവായത്.
 

ഉളിക്കലില്‍ കാട്ടാന ആക്രമണത്തില്‍ മരിച്ച ജോസിന്റെ ആശ്രിതര്‍ക്ക് സര്‍ക്കാര്‍ അനുവദിച്ച നഷ്ടപരിഹാര തുക ലഭിച്ചില്ലെന്ന വാര്‍ത്ത അടിസ്ഥാന രഹിതമെന്ന് കണ്ണൂര്‍ ഡിവിഷണല്‍ ഫോറസ്റ്റ് ഓഫീസര്‍ പി കാര്‍ത്തിക് അറിയിച്ചു. വന്യമൃഗ ആക്രമണത്തില്‍ മരിക്കുന്ന ആശ്രിതര്‍ക്ക് ലഭിക്കുന്ന പത്ത് ലക്ഷം രൂപയില്‍ ആദ്യഗഡുവായ അഞ്ച് ലക്ഷം രൂപ നവംബര്‍ 29ന് ജോസിന്റെ ഭാര്യയായ ആലീസ് ജോസിന്റെ ബാങ്ക് അക്കൗണ്ടില്‍ നിക്ഷേപിച്ചിട്ടുണ്ട്. എന്നാല്‍ ചില നവ മാധ്യമങ്ങളും മറ്റും നഷ്ടപരിഹാര തുക അക്കൗണ്ടില്‍ എത്തിയില്ലെന്ന രീതിയില്‍ പ്രചാരണം നടത്തുന്നുണ്ട്.

     കുളക്കട അസാപ് കമ്മ്യൂണിറ്റി സ്‌ക്കില്‍ പാര്‍ക്കില്‍ കമ്മ്യൂണിക്കേറ്റീവ് ഇംഗ്ലീഷ് ട്രെയിനര്‍ കോഴ്‌സിന്റെ പ്രവേശനം ആരംഭിച്ചു. ശനി, ഞായര്‍ ദിവസങ്ങളിലാണ് ക്ലാസ്സുകള്‍. കോഴ്‌സ് പൂര്‍ത്തീകരിക്കുന്നവര്‍ക്ക് കേന്ദ്ര ഏജന്‍സി ആയ എന്‍ സി വി ഇ റ്റിയുടെ സര്‍ട്ടിഫിക്കറ്റ് ലഭിക്കും. ബിരുദവും, അടിസ്ഥാന ഇംഗ്ലീഷ് ഭാഷാപ്രാവീണ്യവുമുള്ളവര്‍ക്കും പങ്കെടുക്കാം. ആകെ 30 സീറ്റുകള്‍. ഫീസ്:12500 രൂപ. ഫോണ്‍ : 9961960581, 7356517834.