Skip to main content

റേഷന്‍ കാര്‍ഡ് : താലൂക്ക് മാറ്റാനും തെറ്റുതിരുത്താനും അപേക്ഷിക്കാം

    സംസ്ഥാനത്തെ റേഷന്‍ കാര്‍ഡ് ഉടമകള്‍ക്ക് മറ്റൊരു താലൂക്കിലേയ്ക്ക് റേഷന്‍ കാര്‍ഡ് മാറ്റുന്നതിനും തെറ്റുകള്‍ തിരുത്തുന്നതിനും പുതിയ അംഗങ്ങളെ ഉള്‍പ്പെടുത്തുന്നതിനും ഉള്‍പ്പെടെ നിരവധി ആവശ്യങ്ങള്‍ നിറവേറ്റുന്നതിന് സാങ്കേതിക സംവിധാനമായി.  ജൂണ്‍ 25 മുതല്‍ അപേക്ഷകള്‍ ബന്ധപ്പെട്ട താലൂക്ക് ഓഫീസുകളില്‍ സ്വീകരിക്കും. തുടങ്ങും. ഫോറത്തിന് ഒപ്പം പ്രത്യേകം ഫീസ് വേണ്ട.  സിവില്‍ സപ്ലൈസിന്റെ വൈബ്‌സൈറ്റില്‍ നിന്നും സൗജന്യമായി പ്രിന്റ് എടുക്കുകയോ താലൂക്ക് സപ്ലൈ ഓഫീസ്, പഞ്ചായത്ത്, വില്ലേജ് ഓഫീസുകളില്‍ ലഭ്യമാക്കിയിട്ടുള്ള മാതൃകാ ഫോറത്തിന്റെ പകര്‍പ്പുകള്‍ പൂരിപ്പിച്ച് നല്‍കുകയോ വേണം.

സെറ്റ് അപേക്ഷ : 30 വരെ ഓണ്‍ലൈന്‍ രജിസ്‌ട്രേഷന്‍

    ഹയര്‍ സെക്കണ്ടറി, നോണ്‍ വൊക്കേഷണല്‍ അധ്യാപക നിയമനത്തിന് ഏര്‍പ്പെടുത്തിയിരിക്കുന്ന സംസ്ഥാനതല യോഗ്യതാ നിര്‍ണ്ണയ പരീക്ഷയായ സെറ്റ് (സ്റ്റേറ്റ് എലിജിബിലിറ്റി ടെസ്റ്റ്) സെപ്തംബര്‍ ഒമ്പതിന് നടത്തും.  പൂരിപ്പിച്ച അപേക്ഷകള്‍ ജൂലൈ മൂന്നിന് വൈകുന്നേരം അഞ്ചിനു മുമ്പ് എല്‍.ബി.എസ് സെന്ററില്‍ ലഭിക്കണം.  ഓണ്‍ലൈന്‍ രജിസ്‌ട്രേഷന്‍ 30 വൈകുന്നേരം അഞ്ചിനു മുമ്പ് പൂര്‍ത്തിയാക്കണം.
പി.എന്‍.എക്‌സ്.2552/18

വ്യാജമദ്യ നിയന്ത്രണ സമിതിയോഗം

    വ്യാജമദ്യനിയന്ത്രണ സമിതിയുടെ ജില്ലാതല യോഗം ഈ മാസം 29ന് ഉച്ചയ്ക്ക് ശേഷം മൂന്നിന് ജില്ലാ കളക്ടറുടെ അധ്യക്ഷതയില്‍ കളക്ടറേറ്റില്‍ ചേരും. 
                                           (പിഎന്‍പി 1634/18)

ഇ-പോസ് റേഷന്‍ വിതരണം : ബില്ലുകള്‍ നല്‍കാത്തവര്‍ക്കെതിരെ നടപടി

    ജില്ലയിലെ എല്ലാ റേഷന്‍ കടകളിലും ഇ-പോസ് മെഷീന്‍ വഴി വിതരണം ആരംഭിച്ചിട്ടു ള്ള സാഹചര്യത്തില്‍ കടയുടമകള്‍ ബില്ലുകള്‍ നല്‍കാത്തത് സംബന്ധിച്ച വ്യാപകമായ പരാതികള്‍ ലഭിക്കുന്ന സാഹചര്യത്തില്‍ ഇ-പോസ് മെഷീന്‍ വഴി വിതരണം ചെയ്യുന്ന സാധനങ്ങളുടെ ബില്ലുകള്‍ ഉപഭോക്താക്കള്‍ക്ക് നല്‍കാത്ത കടയുടമകള്‍ക്കെതിരെ നടപടികള്‍ സ്വീകരിക്കുമെന്ന് ജില്ലാ സപ്ലൈ ഓഫീസര്‍ അറിയിച്ചു. എല്ലാ റേഷന്‍ ഉപഭോക്താക്കളും ബില്ലുകള്‍ ചോദിച്ചു വാങ്ങി ബില്ലില്‍ രേഖപ്പെടുത്തിയിട്ടുള്ള റേഷന്‍ സാധനങ്ങളുടെ തൂക്കവും ബി ല്‍ തുകയും  ഉറപ്പുവരുത്തേണ്ടതാണെന്നും ഡിഎസ്ഒ അറിയിച്ചു.  

ആരോഗ്യ ഇന്‍ഷുറന്‍സ് ക്യാമ്പ്

    വള്ളിക്കോട് ഗ്രാമപഞ്ചായത്തിലെ ആരോഗ്യ ഇന്‍ഷുറന്‍സ് കാര്‍ഡ് പുതുക്കലുമായി ബന്ധപ്പെട്ട അവസാന ഘട്ട ക്യാമ്പ് ഈ മാസം 27,28,29 തീയതികളില്‍ പഞ്ചായത്ത് ഓഡിറ്റോറിയത്തില്‍ നടക്കും. 2013 മുതല്‍ കാര്‍ഡ് പുതുക്കാന്‍ സാധിക്കാത്തവര്‍ക്കും കാര്‍ഡ് നഷ്ടപ്പെട്ടവര്‍ക്കും പുതിയതായി അക്ഷയ കേന്ദ്രങ്ങളില്‍ രജിസ്റ്റര്‍ ചെയ്തവര്‍ക്കും ഈ സൗകര്യം പ്രയോജനപ്പെടുത്താമെന്ന് സെക്രട്ടറി അറിയിച്ചു. ഫോണ്‍: 0468 2350229.
                                            (പിഎന്‍പി 1635/18)

Subscribe to