തവനൂർ ഗവ. ആർട്സ് ആൻഡ് സയൻസ് കോളജിൽ 2023-24 അധ്യയന വർഷത്തിൽ ഒന്നാം വർഷ ഇന്റഗ്രേറ്റഡ് എം.എ പൊളിറ്റിക്സ് ആൻഡ് ഇന്റർനാഷണൽ റിലേഷൻസ് കോഴ്സിൽ ഒരു സീറ്റും ബി.എ ഇംഗ്ലീഷ് കോഴ്സിൽ ഭിന്നശേഷി വിഭാഗത്തിൽ ഒരു സീറ്റും ഒഴിവുണ്ട്. യോഗ്യരായ വിദ്യാർഥികൾ അസ്സൽ രേഖകളും പകർപ്പും സഹിതം ഒക്ടോബർ മൂന്നിന് രാവിലെ 11ന് മുമ്പായി കോളേജിൽ ഹാജരാവണം. ഫോൺ: 04942687000, 8891242417.

കോട്ടയം: ജില്ലയിൽ തദ്ദേശസ്വയംഭരണ വകുപ്പിൽ ലോവർ ഡിവിഷൻ ക്ലാർക്ക് / ബിൽ കളക്ടർ (മുനിസിപ്പൽ കോമൺ സർവീസിലെ താഴ്ന്ന ശമ്പളക്കാരായ ജീവനക്കാരിൽ നിന്നുള്ള നേരിട്ടുള്ള നിയമനം-കാറ്റഗറിനമ്പർ 347/2014) തസ്തികയിലേക്ക് 2016 മേയ് 23 ന് നിലവിൽ വന്ന റാങ്ക് പട്ടികയിൽ ഉൾപ്പെട്ട മുഴുവൻ ഉദ്യോഗാർഥികളെയും നിയമന ശുപാർശ ചെയ്തതിനാൽ പട്ടിക നിലവിലില്ലാതായതായി പി.എസ്.സി. ജില്ലാ ഓഫീസർ അറിയിച്ചു.

ഫിഷറീസ് വകുപ്പിൽ ഫിഷിങ് ഹാർബറുകൾ കേന്ദ്രീകരിച്ച് സീ റസ്‌ക്യൂ സ്‌ക്വാഡ് രൂപീകരിക്കുന്നതിനായി സീ റസ്‌ക്യൂ സ്‌ക്വാഡുമാരെ തെരഞ്ഞെടുക്കുന്നു. കേരള മത്സ്യത്തൊഴിലാളി  ക്ഷേമനിധി ബോർഡിൽ അംഗത്വമുള്ള ഗോവയിലെ നാഷണൽ ഇൻസ്റ്റിറ്റ്യൂട്ട് ഓഫ് വാട്ടർ സ്പോർട്സിൽ പരിശീലനം ലഭിച്ച 20നും 45നും ഇടയിൽ പ്രായമുള്ള കടലിൽ നീന്തുന്നതിന് പ്രാവീണ്യമുളള വ്യക്തികൾ ഒക്ടോബർ ആറിന് രാവിലെ 11ന് ഫിഷറീസ് ഡെപ്യൂട്ടി ഡയറക്ടർ ഓഫീസ്, ചന്തപ്പടി, പൊന്നാനിയിൽ മതിയായ രേഖകളും പകർപ്പും ബയോഡാറ്റയും സഹിതം അഭിമുഖത്തിന് ഹാജരാവണം. ഫോൺ: 0494 2666728.

കോട്ടയം: സാങ്കേതിക വിദ്യാഭ്യാസ വകുപ്പിന്റെ കീഴിൽ വെള്ളൂരിൽ പ്രവർത്തിക്കുന്ന പാമ്പാടി ഗവൺമെന്റ് ടെക്നിക്കൽ ഹൈസ്‌കൂളിനോടനുബന്ധിച്ചുള്ള ഗവൺമെന്റ് ഇൻസ്റ്റിറ്റ്യൂട്ട് ഓഫ് ഫാഷൻ ഡിസൈനിംഗ് സെന്ററിലേക്ക് ഇംഗ്ലീഷ് ആൻഡ് വർക്‌പ്ലേയ്സ് സ്‌കിൽ വിഷയം പഠിപ്പിക്കുന്നതിന് അധ്യാപക തസ്തികയിൽ താത്ക്കാലിക ഒഴിവുണ്ട്. ഹയർ സെക്കൻഡറി അധ്യാപക തസ്തികയ്ക്ക് തുല്യമായ യോഗ്യതയുണ്ടായിരിക്കണം. താത്പര്യമുള്ളവർ ഒക്ടോബർ നാലിന് രാവിലെ 10ന് യോഗ്യതയും പ്രായവും തെളിയിക്കുന്ന തെളിയിക്കുന്ന അസൽ സർട്ടിഫിക്കറ്റ് സഹിതം സൂപ്രണ്ടിന്റെ ഓഫീസിലെത്തണം. വിശദവിവരത്തിന് ഫോൺ: 0481 2507556.

പാലക്കാട് വ്യാവസായിക ട്രൈബ്യൂണലും ഇൻഷുറൻസ് കോടതി ജഡ്ജിയും എംപ്ലോയീസ് കോമ്പൻസേഷൻ കമ്മീഷണറുമായ സാബു സെബാസ്റ്റ്യൻ ഒക്ടോബർ മൂന്ന്, ഒമ്പത്, പത്ത്, 16, 17, 30, 31 തീയതികളിൽ പാലക്കാട് റവന്യൂ ഡിവിഷണൽ മജിസ്‌ട്രേറ്റ് കോടതി ഹാളിലും (ആർ.ഡി.ഒ കോടതി) ആറ്, 12 തീയതികളിൽ പെരിന്തൽമണ്ണ സബ് ഡിവിഷണൽ മജിസ്‌ട്രേറ്റ് കോടതി ഹാളിലും 20, 27 തീയതികളിൽ മഞ്ചേരി ഇന്ദിരാഗാന്ധി ബസ് ടെർമിനൽ ബിൽഡിങിന്റെ ഒന്നാം നിലയിലെ കോടതി ഹാളിലും തൊഴിൽ തർക്ക കേസുകളും ഇൻഷൂറൻസ് കേസുകളും എംപ്ലോയീസ് കോമ്പൻസേഷൻ കേസുകളും വിചാരണ ചെയ്യും.

മലപ്പുറം ജില്ലയിലെ 27 സബ് രജിസ്ട്രാർ, രണ്ട് ജില്ലാ രജിസ്ട്രാർ ഓഫീസുകളിൽ ഈ സാമ്പത്തിക വർഷത്തിൽ ലേസർ പ്രിന്ററുകളുടെ ടോണർ കാട്രിഡ്ജുകൾ റീഫിൽ ചെയ്യുന്നതിന് ക്വട്ടേഷൻ ക്ഷണിക്കുന്നു. ക്വട്ടേഷൻ ഒക്ടോബർ 16ന് വൈകീട്ട് അഞ്ചിനകം ജില്ലാ രജിസ്ട്രാർ (ജനറൽ), ബി 2 ബ്ലോക്ക്, സിവിൽ സ്റ്റേഷൻ മലപ്പുറം - 676505 എന്ന വിലാസത്തിൽ ലഭിക്കണം. ഫോൺ 0483 2734883.

പ്രസ്തുത പദ്ധതികളിൽ നിന്ന് പ്ലോട്ട് വാങ്ങരുതെന്ന് കെ-റെറ