കോട്ടയം:  സംസ്ഥാന ഉന്നത വിദ്യാഭ്യാസ വകുപ്പ് സംരംഭമായ കോട്ടയം പാമ്പാടി അസാപ് കമ്മ്യൂണിറ്റി സ്‌കിൽ പാർക്കിൽ ലാബ് കെമിസ്റ്റ്, യൂണിറ്റി സർട്ടിഫൈഡ് വി ആർ ഡെവലപ്പർ എന്നീ കോഴ്സുകളിൽ പ്രവേശനം ആരംഭിച്ചു. കൂടുതൽ വിവരങ്ങൾ അറിയുന്നതിനായി താഴെ കാണുന്ന ലിങ്ക് സന്ദർശിക്കുക, https://forms.office.com/r/hUH2gaG3us . ഫോൺ: 8921636122, 7736645206

കോട്ടയം: കുറ്റിക്കാട്ട് ദേവീ ക്ഷേത്രത്തിലെ പത്താമുദയ മഹോത്സവവുമായി ബന്ധപ്പെട്ടു ക്ഷേത്രത്തിന്റെ മൂന്നു കിലോമീറ്റർ ചുറ്റളവിലുളള പ്രദേശം ഏപ്രിൽ 21 മുതൽ 28 വരെകോട്ടയം താലൂക്ക് കഉത്സവ മേഖലയായി പ്രഖ്യാപിച്ചുകൊണ്ട് ജില്ലാ കളക്ടർ ഉത്തരവായി.  

കോട്ടയം: മറ്റു ക്ഷേമനിധികളിൽ അംഗത്വമുള്ളവരെ ഒഴിവാക്കുന്നതിന്റെ ഭാഗമായി ഇരട്ട അംഗത്വമുള്ളവർ 2024 മേയ് ഒന്നിനു മുമ്പായി മറ്റു ക്ഷേമനിധികളിലെ അംഗത്വമവസാനിപ്പിച്ച രേഖകൾ സഹിതം കോട്ടയം ജില്ലാ ഭാഗ്യക്കുറി ക്ഷേമ ഓഫീസറുടെ മുന്നിൽ ഹാജരാകണം. അല്ലാത്തപക്ഷം മറ്റൊരു അറിയിപ്പില്ലാതെ ഭാഗ്യക്കുറി ക്ഷേമനിധിയിലെ അംഗത്വം റദ്ദാക്കുമെന്നു ജില്ലാ ഭാഗ്യക്കുറി ക്ഷേമനിധി ഓഫീസർ അറിയിച്ചു. കൂടുതൽ വിവരങ്ങൾക്കു ഫോൺ നമ്പർ 0481-2300390

ജില്ലാ കളക്ടർ ചീഫ് ഇലക്ടറൽ ഓഫീസർക്ക് പരാതി നൽകി

2024 ലോക് സഭാ തെരെഞ്ഞെടുപ്പുമായി ബന്ധപ്പെട്ട് സംസ്ഥാനത്തെ വിവിധ ലോക് സഭാ മണ്ഡലങ്ങളിൽ സമ്മതിദായകരായിട്ടുള്ളതും തെരഞ്ഞെടുപ്പുമായി ബന്ധപ്പെട്ട് ഡ്യൂട്ടി നിശ്ചയിച്ചിട്ടുള്ളതുമായ അസിസ്റ്റന്റ് റിട്ടേണിംഗ് ഓഫീസറുടെ വിവിധ ഉദ്യോഗസ്ഥർ, ഡ്രൈവർമാർ, മറ്റ് ഉദ്യോഗസ്ഥർ എന്നിവർക്ക് നേരിട്ട് വോട്ട് രേഖപ്പെടുത്തുന്നതിനായി വോട്ടിംഗ് ഫെസിലിറ്റേഷൻ സെന്റർ (VFC) സംവിധാനം തിരുവനന്തപുരം ജില്ലാ കളക്ട്രേറ്റിലെ ഗ്രൗണ്ട് ഫ്ലോറിൽ തയ്യാറാക്കിയിട്ടുണ്ട്.

കോട്ടയം: ലോകസഭാ തെരഞ്ഞെടുപ്പിനോടനുബന്ധിച്ച് കോട്ടയം ജില്ലയിൽ പൊതുസ്ഥലങ്ങളിൽ അനധികൃതമായി സ്ഥാപിച്ച 72,775 പ്രചാരണ സാമഗ്രികൾ ആന്റി ഡീഫേസ്മെന്റ് സ്‌ക്വാഡുകൾ നീക്കം ചെയ്തു.
പൊതുസ്ഥലങ്ങളിൽ സ്ഥാപിച്ച 63,901 പോസ്റ്ററുകളും 5,852 ബാനറുകളും 3,020 മറ്റു പ്രചാരണവസ്തുക്കളുമാണ് നീക്കിയത്. സ്വകാര്യസ്ഥലത്ത് അനുമതിയില്ലാതെ അനധികൃതമായി സ്ഥാപിച്ച 62 പോസ്റ്ററുകളും 10 ബാനറുകളും ഒരു ചുവരെഴുത്തും നീക്കം ചെയ്തു. അനധികൃതമായി സ്ഥാപിക്കുന്ന പ്രചാരണസാമഗ്രികൾ നീക്കുന്നതിന്റെ ചെലവ് അതത് സ്ഥാനാർഥികളുടെ തെരഞ്ഞെടുപ്പ് ചെലവിൽ ഉൾപ്പെടുത്തും.