Skip to main content

ഗതാഗത നിയന്ത്രണം

കാപ്പാട് - തുഷാരഗിരി - അടിവാരം  റോഡില്‍ പുനരുദ്ധാരണ പ്രവൃത്തി നടക്കുന്നതിനാല്‍ തിരുവങ്ങൂര്‍ മുതല്‍ കാപ്പാട് വരെയുളള റോഡില്‍ പ്രവൃത്തി കഴിയുന്നതുവരെ  ഗതാഗത നിയന്ത്രണം ഏര്‍പ്പെടുത്തി. റോഡിലൂടെ കടന്നുപോകുന്ന വാഹനങ്ങള്‍ പൂക്കാട് വഴി കാപ്പാടേക്ക്് പോകേണ്ടതാണെന്ന് പൊതുമരാമത്ത് നിരത്ത് വിഭാഗം എക്സിക്യൂട്ടീവ് എഞ്ചിനീയര്‍ അറിയിച്ചു.

നെഹ്റു യുവ കേന്ദ്ര ബ്ലോക്ക് തല മത്സരങ്ങള്‍   15, 16 തീയതികളില്‍

ജില്ലാ നെഹ്‌റു യുവ കേന്ദ്ര തൂണേരി കുന്നുമ്മല്‍ ബ്ലോക്ക് തല ഫുട്ബോള്‍, വോളിബോള്‍ മത്സരങ്ങള്‍ ചുഴലിനേതാജി വായനശാല & ഗ്രന്ഥാലയത്തിന്റെ സഹകരണത്തോടെ സംഘടിപ്പിക്കും. വോളിബോള്‍ മത്സരം ഈ മാസം 15 ന്  ചുഴലി സ് കൂള്‍ ഗ്രൗണ്ടിലും  ഫുട്ബോള്‍  16 ന്  പുറമേരി സ്‌കൂള്‍ ഗ്രൗണ്ടിലും നടക്കും. നെഹ്‌റു യുവ കേന്ദ്രയില്‍ പേര് രജിസ്റ്റര്‍ ചെയ്ത ടീമുകള്‍ ഒന്‍പത് മണിക്ക് അതാത് സ്ഥലങ്ങളില്‍ റിപ്പോര്‍ട്ട് ചെയ്യണം. ഫോണ്‍ - 9539529959. 

ഔട്ട് റീച് വര്‍ക്കര്‍ ഒഴിവ് :  അപേക്ഷ ക്ഷണിച്ചു

കേരള സ്റ്റേറ്റ് എയ്ഡ്സ് കംട്രോള്‍ സൊസൈറ്റിയുടെ സുരക്ഷാ പ്രോജക്ടിലേക്ക് ഔട്ട് റീച് വര്‍ക്കറുടെ ഒഴിവിലേക്ക് ്മിശവേമീരെശല്യേസീ്വവശസീറല2017@ഴാമശഹ.രീാ എന്ന ഇ.മെയിലില്‍ ബയോഡാറ്റ സഹിതം അയക്കണം. മിനിമം യോഗ്യത പ്ലസ്ടു. ഫോണ്‍ - 9188200960.
 

ആസൂത്രണ സമിതി യോഗം 17 ന്

 

    തദ്ദേശഭരണ സ്ഥാപനങ്ങളുടെ 2018-19 വാര്‍ഷിക പദ്ധതി ഭേദഗതികള്‍ക്ക് അംഗീകാരം നല്‍കുന്നതിനായി ജില്ലാ ആസൂത്രണ സമിതി യോഗം ഈ മാസം 17 ന്   രാവിലെ 11 ന്് ജില്ലാ ആസൂത്രണ സമിതി സെക്രട്ടറിയേറ്റ് കോണ്‍ഫറന്‍സ് ഹാളില്‍ ചേരും.

കൊയിലാണ്ടി നഗരസഭയില്‍ കലാ കായിക പരിശീലനം

സംസ്ഥാന സാംസ്‌കാരിക വകുപ്പിന്റെ വജ്ര ജൂബിലി ആഘോഷത്തിന്റെ ഭാഗമായി തദ്ദേശ സ്വയംഭരണ സ്ഥാപനങ്ങളുമായി ചേര്‍ന്നു സൗജന്യ കലാ കായിക  പരിശീലനം നല്‍കും. തെയ്യം, ശാസ്ത്രീയ സംഗീതം, മാപ്പിള കലകള്‍, ദഫ് മുട്ട് അറബനമുട്ട്, നാടകം, എന്നിവ പഠിക്കുവാന്‍ താല്പര്യമുള്ളവരില്‍ നിന്നും അപേക്ഷ ക്ഷണിച്ചു. യുപി,  ഹൈസ്‌കൂള്‍ മുതലുള്ള വിദ്യാര്‍ഥികള്‍ക്കും മുതിര്‍ന്നവര്‍ക്കും അപേക്ഷിക്കാം.  ഡിസംബര്‍ 25 നുള്ളില്‍ അപേക്ഷ നഗരസഭ ഓഫീസില്‍ ലഭിക്കണം. 
 

ഭാഗ്യക്കുറി ക്ഷേമനിധി ബോര്‍ഡ്:  വിദ്യാഭ്യാസ അവാര്‍ഡ് വിതരണം 19 ന്

 

സംസ്ഥാന ഭാഗ്യക്കുറി ഏജന്റുമാരുടെയും വില്‍പനക്കാരുടെയും ക്ഷേമനിധി അംഗങ്ങളുടെ മക്കള്‍ക്ക് നല്‍കുന്ന വിദ്യാഭ്യാസ അവാര്‍ഡിന്റെയും ഉപരിപഠനത്തിനുള്ള ഒറ്റത്തവണ സ്‌കോളര്‍ഷിപ്പിന്റെയും ജില്ലാതല വിതരണോദ്ഘാടനം മേയര്‍ തോട്ടത്തില്‍ രവീന്ദ്രന്‍ നിര്‍വ്വഹിക്കും.  ഈ മാസം 19 ന് വൈകീട്ട് മൂന്ന് മണിക്ക് ജില്ലാപഞ്ചായത്ത് കോണ്‍ഫറന്‍സ് ഹാളില്‍ നടക്കുന്ന പരിപാടിയില്‍ ഭാഗ്യക്കുറി ക്ഷേമനിധി ബോര്‍ഡ് അംഗം പി.എം ജമാല്‍ അധ്യക്ഷത വഹിക്കും. 

Subscribe to