Skip to main content

യോഗം മാറ്റിവച്ചു

 

ജില്ലയിലെ കേന്ദ്രാവിഷ്‌കൃത പദ്ധതികളുടെ പുരോഗതി അവലോകനം ചെയ്യുന്നതിനായി ഇന്ന് (18.9.18) കലക്ടറേറ്റ്  കോണ്‍ഫറന്‍സ് ഹാളില്‍ ചേരുന്നതിന് നിശ്ചയിച്ചിരുന്ന ഡിസ്ട്രിക്ട് ഡെവലപ്‌മെന്റ് കോ-ഓര്‍ഡിനേഷന്‍ ആന്റ് മോണിറ്ററിംഗ് കമ്മിറ്റി യോഗം 25ലേക്ക് മാറ്റി വച്ചതായി പ്രോജക്ട് ഡയറക്ടര്‍ അറിയിച്ചു.

ആദിവാസി പുനരധിവാസ വികസന സമിതി യോഗം 19ന്

 

ജില്ലയിലെ വിവിധ ആദിവാസി പുനരധിവാസ കോളനികളിലെ വികസന പദ്ധതികള്‍ ചര്‍ച്ച ചെയ്യുന്നതിനും  പുതിയ നിര്‍ദ്ദേശങ്ങള്‍ അംഗീകരിക്കുന്നതിനുമായി ജില്ലാ ആദിവാസി പുനരധിവാസ വികസന മിഷന്‍ യോഗം 19ന് രാവിലെ 10.30ന് ജില്ലാകലക്ടറുടെ അധ്യക്ഷതയില്‍ കലക്ടറുടെ ചേമ്പറില്‍ ചേരുമെന്ന് ട്രൈബല്‍ ഡവലപ്‌മെന്റ് ഓഫീസര്‍ അറിയിച്ചു.

കട്ടപ്പന ഗവ: ഐ ടി ഐ അന്താരാഷ്ട്ര നിലവാരത്തിലാക്കുന്നതിന്റെ ആദ്യഘട്ട നിര്‍മ്മാണ പ്രവര്‍ത്തനങ്ങള്‍ മൂന്നു മാസത്തിനകം ആരംഭിക്കും

 

 

 

കട്ടപ്പന ഗവ. ഐ ടി ഐ അന്താരാഷ്ട്ര നിലവാരത്തിലേക്കുയര്‍ത്തുന്നതിനുള്ള നിര്‍മ്മാണ പ്രവര്‍ത്തനങ്ങള്‍ക്ക് ആദ്യ ഘട്ടത്തില്‍ എട്ടര കോടി രൂപയുടെ ഭരണാനുമതി ലഭിച്ചതായി റോഷി അഗസ്റ്റിന്‍ എം.എല്‍.എ . ആവശ്യമായ അടിസ്ഥാന സൗകര്യങ്ങളും നിര്‍മ്മാണ പ്രവര്‍ത്തനങ്ങളും എന്തൊക്കെയെന്ന് മനസിലാക്കുന്നതിന് സ്ഥലം സന്ദര്‍ശിച്ച ശേഷം സംസാരിക്കുകയായിരുന്നു അദ്ദേഹം. കേരളത്തില്‍ ആകെ 10 ഐ ടി ഐ കളാണ് അന്താരാഷ്ട്ര നിലവാരത്തിലേക്കുയര്‍ത്തുന്നത്. ഇതില്‍ ഉള്‍പ്പെട്ട ഇടുക്കിയിലെ ഏക  ഐ ടി ഐ ആണ് കട്ടപ്പനയിലേത്.

നാലു ബ്ലോക്കുകളിലെ  ദുരിതാശ്വാസനിധി മന്ത്രി എം.എം മണി  ഇന്ന് (18.9.18) ഏറ്റുവാങ്ങും

 

 

മുഖ്യമന്ത്രിയുടെ ദുരിതാശ്വാസ നിധിയിലേക്ക് ജില്ലയില്‍ നിന്നും സമാഹരിക്കുന്ന തുക വിവിധ ബ്ലോക്ക് കേന്ദ്രങ്ങളില്‍ വൈദ്യുതി മന്ത്രി എം.എം മണി ഏറ്റുവാങ്ങും.  ഇന്ന്  രാവിലെ 10ന് ദേവികുളം ബ്ലോക്കിലും ഉച്ചക്ക് 12ന് നെടുങ്കണ്ടം ബ്ലോക്കിലും ഉച്ചക്ക് രണ്ടിന് കട്ടപ്പന ബ്ലോക്കിലും വൈകിട്ട് 4ന് അഴുത ബ്ലോക്കിലും നടക്കുന്ന ചടങ്ങുകളില്‍ വച്ച് തുക ഏറ്റുവാങ്ങും. 

ഉദ്യോഗസ്ഥര്‍ ഇനി ശ്രദ്ധിക്കേണ്ടത് നാടിന്റെ പുനരുദ്ധാരണത്തില്‍: ജില്ലാ കളക്ടര്‍

പ്രളയത്തില്‍ തകര്‍ന്ന നാടിനെ പുനരുദ്ധരിക്കുന്നതിലായിരിക്കണം ഉദ്യോഗസ്ഥര്‍ ഇനി ശ്രദ്ധ ചെലുത്തേണ്ടതെന്ന് ജില്ലാ കളക്ടര്‍ അമിത് മീണ. ദുരിതബാധിതര്‍ക്കുള്ള നഷ്ടപരിഹാരം ഏകദേശം എല്ലാവര്‍ക്കും കൊടുത്തു തീര്‍ത്തതായും ബാക്കിയുണ്ടെങ്കില്‍ ഇന്നു തന്നെ കൊടുത്തു തീര്‍ക്കണമെന്നും വിവിധ വകുപ്പു മേധാവികളുടെ അവലോകന യോഗത്തില്‍ കളക്ടര്‍ ഉത്തരവിട്ടു. പ്രകൃതി ക്ഷോഭം മൂലം ജില്ലയില്‍ കോടിക്കടക്കണക്കിന് രൂപയുടെ നഷ്ടമാണുണ്ടായിട്ടുള്ളത്. റോഡുകളും പാലങ്ങളും വിദ്യാഭ്യാസ സ്ഥാപനങ്ങളുമെല്ലാം തകര്‍ന്നു. ഇവയെല്ലാം പുനരുദ്ധരിക്കുന്ന കാര്യത്തിലായിരിക്കണം ഇനിയുള്ള ശ്രദ്ധ വേണ്ടത്.  

Subscribe to