Skip to main content

എടയ്ക്കാട്ടുവയല്‍ പൊതുശ്മശാനം ഉദ്ഘാടനം തിങ്കളാഴ്ച

 

 

 

മുളന്തുരുത്തി: ഏറെനാളത്തെ കാത്തിരുപ്പുകള്‍ക്കൊടുവില്‍ എടയ്ക്കാട്ടുവയല്‍ പഞ്ചായത്ത് പൊതുശ്മശാനം യാഥാര്‍ത്ഥ്യമായി. തിങ്കളാഴ്ച (ജൂണ്‍ 25) വൈകീട്ട് മൂന്ന് മണിക്ക് എടയ്ക്കാട്ടുവയല്‍ ഫാര്‍മേഴ്‌സ് ഹാളില്‍ പഞ്ചായത്ത് പ്രസിഡന്റ് ജെസ്സി പീറ്ററിന്റെ അദ്ധ്യക്ഷതയില്‍ നടക്കുന്ന പൊതുസമ്മേളനത്തില്‍ പിറവം എം.എല്‍.എ അഡ്വ. അനൂപ് ജേക്കബ് ഉദ്ഘാടനം നിര്‍വ്വഹിക്കും.

ഹ്രസ്വകാല കോഴ്സുകള്‍ക്ക് അപേക്ഷിക്കാം

 

മലമ്പുഴ വനിതാ ഐ.ടി.ഐ.യുടെ ഇന്‍സ്റ്റിറ്റ്യൂട്ട് മാനെജ്മെന്‍റ് കമ്മിറ്റി നടത്തുന്ന വിവിധ കോഴ്സുകളിലേക്ക് അപേക്ഷിക്കാം. മൂന്ന് മാസമാണ് കാലാവധിയില്‍ ബ്യൂട്ടിഷന്‍ ആന്‍ഡ് കോസ്മെറ്റിക്സ് കെയര്‍, സ്റ്റിച്ചിങ് ആന്‍ഡ് എംബ്രോയിഡറി കോഴ്സുകള്‍ക്ക് എട്ടാം ക്ലാസ് പാസാവണം. ടാലി ഇ.ആര്‍.പി 9, എം.എസ്. ഓഫീസ് ആന്‍ഡ് ഇന്‍റര്‍നെറ്റ് കോഴ്സുകള്‍ക്ക് എസ്.എസ്.എല്‍.സിയാണ് യോഗ്യത. ഒരു മാസമാണ് കാലാവധി. താല്‍പര്യമുള്ളവര്‍ ജൂണ്‍ 30 വൈകീട്ട് നാലിനകം ഓഫീസില്‍ എത്തിക്കണം. ഫോണ്‍: 0491-2815181.

മലമ്പുഴ ആശ്രമം സ്കൂളില്‍ പ്രവേശനം

 

പട്ടികവര്‍ഗ വികസന വകുപ്പിന് കീഴില്‍ പ്രവര്‍ത്തിക്കുന്ന മലമ്പുഴ ആശ്രമം സ്കൂളില്‍ ഒഴിവുള്ള ഒന്ന്, രണ്ട് ക്ലാസുകളിലേക്ക് അപേക്ഷിക്കാം. പി.വി.ടി.ജി (പര്‍ട്ടിക്കുലര്‍ലി വള്‍നെറബ്ള്‍ ട്രൈബല്‍ ഗ്രൂപ്പ്) വിഭാഗത്തില്‍പ്പെട്ട വിദ്യാര്‍ഥികള്‍ ഉടനെ നേരിട്ട് സ്കൂളിലെത്തി പ്രവേശനം നേടണമെന്ന് പ്രിന്‍സിപ്പല്‍ അറിയിച്ചു. കൂടുതല്‍ വിവരം: 0491-2815894.

മേട്രണ്‍ കം റെസിഡന്‍റ് ട്യൂട്ടര്‍ ഒഴിവ്

 

കൊല്ലങ്കോട് ബ്ലോക്ക് പഞ്ചായത്തിനു കീഴിലെ പുതുനഗരം-കൊല്ലങ്കോട് ഗവ. പ്രീ-മെട്രിക്ക് ഹോസ്റ്റലുകളില്‍ വിദ്യാര്‍ഥികളുടെ രാത്രികാല പഠന മേല്‍നോട്ടത്തിനായി മേട്രണ്‍ കം റെസിഡന്‍റ് ട്യൂട്ടര്‍ (പുരുഷന്‍) ഒഴിവുണ്ട്. 2019 മാര്‍ച്ച് വരെ കരാറടിസ്ഥാനത്തിലാണ് നിയമനം. പ്രതിമാസം 12,000 രൂപ ഓണറേറിയം ലഭിക്കും. ബിരുദം, ബി.എഡ് യോഗ്യതയുള്ളവര്‍ വെള്ളപേപ്പറില്‍ തയ്യാറാക്കിയ അപേക്ഷയും യോഗ്യത തെളിയിക്കുന്ന സര്‍ട്ടിഫിക്കറ്റുകളുടെ പകര്‍പ്പും സഹിതം ജൂണ്‍ 25നകം ബ്ലോക്ക് പട്ടികജാതി വികസന ഓഫീസില്‍ അപേക്ഷ എത്തിക്കണം. ഫോണ്‍: 8547630129.

വായനാവാരം വിദ്യാര്‍ഥികള്‍ക്ക് കവിതാലാപന മത്സരം ഇന്ന്

 

    വായനാവാരത്തോടനുബന്ധിച്ച് ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ് വിദ്യാഭ്യാസ വകുപ്പിന്‍റെ സഹകരണത്തോടെ ഇന്ന് (ജൂണ്‍ 23) വിദ്യാര്‍ഥികള്‍ക്ക് മലയാളം കവിതാലാപന മത്സരം നടത്തും.  12 വയസ് വരെയുളളവര്‍ക്കും 12 മുതല്‍ 15 വരെ പ്രായമുളളവര്‍ക്കുമായി രണ്ട് വിഭാഗങ്ങളിലാണ് മത്സരം നടത്തുക.  ബി.ഇ.എം ഹെസ്കൂളില്‍ ഉച്ചയ്ക്ക് രണ്ടിന് മത്സരങ്ങള്‍ തുടങ്ങും. പങ്കെടുക്കാന്‍ താത്പര്യമുളളവര്‍ സ്കൂളിലെ തിരിച്ചറിയല്‍ കാര്‍ഡ് സഹിതം ഉച്ചയ്ക്ക് ഒന്നിനും രണ്ടിനുമിടയില്‍ രജിസ്റ്റര്‍ ചെയ്യണം.

മെന്‍റര്‍ അധ്യാപക അഭിമുഖം മാറ്റിവെച്ചു 

 

    അട്ടപ്പാടി ഐ.റ്റി.ഡി.പി. ഓഫീസിന് കീഴിലുള്ള സ്കൂളുകളിലെ മെന്‍റര്‍ അധ്യാപക ഒഴിവിലേക്ക് ഇന്ന് (ജൂണ്‍ 23) നടത്താനിരുന്ന അഭിമുഖം മാറ്റിവെച്ചതായി പ്രൊജക്റ്റ് ഓഫീസര്‍ അറിയിച്ചു. പുതിയ തീയതി പിന്നീട് അറിയിക്കും.

Subscribe to