Skip to main content

ഭാഷാധ്യാപക യോഗ്യതാ പരീക്ഷ: അപേക്ഷ തീയതി നീട്ടി

 

പരീക്ഷാഭവൻ 2019 മാർച്ച് ഒന്നു മുതൽ എട്ടു വരെ നടത്തുന്ന എൽ.പി/യു.പി വിഭാഗങ്ങളിലെ അറബിക്/ഉറുദു/സംസ്‌കൃതം ഭാഷാധ്യാപക യോഗ്യത പരീക്ഷയുടെ അപേക്ഷ 300 രൂപ സൂപ്പർ ഫൈനോടു കൂടി ശനിയാഴ്ച വൈകുന്നേരം അഞ്ച് മണി വരെ സ്വീകരിക്കും.

പി.എൻ.എക്സ്. 5507/18

സൗദി ഹോസ്പിറ്റലിൽ മാനേജർ നിയമനം

 

സൗദി അറേബ്യയിലെ അൽ മൗവ്വാസാത്ത് ഹോസ്പിറ്റലിലേക്ക് സപ്പോർട്ട് സർവ്വീസ് മാനേജരുടെ ഒഴിവിലേക്ക് അഞ്ച് വർഷം പ്രവൃത്തിപരിചയമുള്ള യോഗ്യരായ ഉദ്യോഗാർത്ഥികളെ നിയമിക്കുന്നതിന് ഒഡെപെക്ക് മുഖേന ഈ മാസം 20 ന് കൊച്ചിയിൽ ഇന്റർവ്യൂ നടത്തുന്നു. താൽപര്യമുള്ളവർ ബയോഡാറ്റ, സർട്ടിഫിക്കറ്റുകളുടെ പകർപ്പുകൾ എന്നിവ സഹിതം odepcprivate@gmail.com എന്ന ഇ-മെയിലേക്ക് അപേക്ഷിക്കണം. കൂടുതൽ വിവരങ്ങൾക്ക് www.odepc.kerala.gov.in.  ഫോൺ:0471-2329440/41/42/43/45.

പി.എൻ.എക്സ്. 5506/18

നാഷണൽ ആയുഷ് മിഷൻ പ്രോജക്ടിൽ വിവിധ തസ്തികകളിൽ താല്കാലിക നിയമനം

 

നാഷണൽ ആയുഷ് മിഷൻ, ഭാരതീയ ചികിത്സാ വകുപ്പ്, തിരുവനന്തപുരം ജില്ലാ മെഡിക്കൽ ഓഫീസ് മുഖേന ആയൂർവേദ തെറാപ്പിസ്റ്റ്, സ്‌പെഷ്യലിസ്റ്റ് മെഡിക്കൽ ഓഫീസർ, ലാബ് ടെക്‌നീഷ്യൻ, ഡാറ്റാ എൻട്രി ഓപ്പറേറ്റർ എന്നീ തസ്തികകളിൽ താല്കാലികമായി നിയമനം നടത്തുന്നു. തിരുവന്തപുരം ആയൂർവ്വേദ കോളേജിന് സമീപമുള്ള ആരോഗ്യഭവനിലെ ഭാരതീയ ചികിത്സാ വകുപ്പ്  ജില്ലാ മെഡിക്കൽ ഓഫീസിൽ വിവിധ ദിവസങ്ങളിലായി വാക്ക് ഇൻ  ഇന്റർവ്യൂ നടക്കും.   

സംസ്ഥാന പിന്നാക്ക വിഭാഗ കമ്മീഷൻ സിറ്റിംഗ് ഇന്ന് (14.12.2018)

 

കേരള സംസ്ഥാന പിന്നാക്ക വിഭാഗ കമ്മീഷൻ സിറ്റിംഗ് തിരുവനന്തപുരം വെള്ളയമ്പലം അയ്യങ്കാളി ഭവനിലുള്ള കമ്മിഷന്റെ കോർട്ട് ഹാളിൽ ഇന്ന് (ഡിസംബർ 14) രാവിലെ 11ന് നടക്കും.  ചെയർമാൻ റിട്ട. ജസ്റ്റിസ് ജി. ശിവരാജൻ, മെമ്പർമാരായ അഡ്വ. വി.എ. ജെറോം, മുള്ളൂർക്കര മുഹമ്മദ് അലി സഖാഫി, മെമ്പർ സെക്രട്ടറി ബിശ്വനാഥ സിൻഹ എന്നിവർ പങ്കെടുക്കും.

പി.എൻ.എക്സ്. 5503/18

ഊർജ്ജസംരക്ഷണ ദിനാചരണം ഇന്ന് (ഡിസംബർ 14)

 

ഊർജ്ജസംരക്ഷണ ദിനത്തോടനുബന്ധിച്ച് (ഡിസംബർ 14) എല്ലാ വകുപ്പുമേധാവികളും ജില്ലാ കളക്ടർമാരും പൊതുമേഖല/സ്വയംഭരണ സ്ഥാപനങ്ങളുടെ മേധാവികളും അവരവരുടെ ഓഫീസുകളിലും അതത് വകുപ്പുകളുടെ ഭരണനിയന്ത്രണത്തിലുള്ള ഓഫീസുകളിലും ഇന്ന് (ഡിസംബർ 14) രാവിലെ 11 നും വിദ്യാഭ്യാസ സ്ഥാപനങ്ങളിൽ അസംബ്ലി സെഷനിലും ഊർജ്ജ സംരക്ഷണ പ്രതിജ്ഞയെടുക്കും.  പ്രതിജ്ഞയുടെ പൂർണ്ണരൂപം ചുവടെ ചേർക്കുന്നു.

''ഊർജ്ജ വിഭവങ്ങളുടെ അമിതചൂഷണവും അമിതോപഭോഗവും വരുത്തിവെയ്ക്കുന്ന ആഗോളതാപനവും കാലാവസ്ഥാ വ്യതിയാനവും എന്റെ നാടിന്റെയും മുഴുവൻ ലോകത്തിന്റെയും നാശത്തിന് വഴിവെക്കുമെന്നു ഞാൻ ഉറച്ചു വിശ്വസിക്കുന്നു.

നവോത്ഥാനത്തിന്റെ അപൂർണദൗത്യം പൂർത്തിയാക്കാൻ സാഹിത്യകാരൻമാർക്ക്‌ കഴിയണം: മുഖ്യമന്ത്രി പിണറായി വിജയൻ

 

* സാഹിത്യ, സാംസ്‌കാരിക പ്രവർത്തകരുടെ യോഗം ചേർന്നു

 

നവോത്ഥാനത്തിന്റെ പൂർത്തിയാവാത്ത ദൗത്യമാണ് സ്ത്രീസമത്വമെന്നും ഈ അപൂർണദൗത്യം പൂർത്തിയാക്കാൻ സാഹിത്യകാരൻമാർക്ക് കഴിയുമെന്നും മുഖ്യമന്ത്രി പിണറായി വിജയൻ പറഞ്ഞു.  ആ നിലയ്ക്കുള്ള ഉത്തരവാദിത്വം സാഹിത്യകാരൻമാർ ഏറ്റെടുക്കണമെന്നും മുഖ്യമന്ത്രി ആവശ്യപ്പെട്ടു. നവോത്ഥാനമൂല്യസംരക്ഷണത്തിന്റെ ഭാഗമായി നിയമസഭയിലെ ബാങ്ക്വറ്റ് ഹാളിൽ ചേർന്ന സാഹിത്യ, സാംസ്‌കാരിക പ്രവർത്തകരുടെ യോഗത്തിൽ സംസാരിക്കുകയായിരുന്നു അദ്ദേഹം.  

ലോക്‌സഭാ തെരഞ്ഞെടുപ്പ്: ജില്ലാതല കോര്‍കമ്മിറ്റി  യോഗം ചേര്‍ന്നു

2019 ല്‍ നടക്കുന്ന  ലോകസഭാ തെരഞ്ഞെടുപ്പില്‍ ഭിന്നശേഷിക്കാരായവരുടെ പങ്കാളിത്തം മെച്ചപ്പെടുത്തുന്നതുമായി ബന്ധപ്പെട്ട് കളക്ടറേറ്റ് മിനി കോണ്‍ഫറന്‍സ് ഹാളില്‍ ജില്ലാതല കോര്‍ കമ്മറ്റി യോഗം ചേര്‍ന്നു.     ജില്ലാ കളക്ടര്‍ ഡോ. ഡി. സജിത്ത് ബാബു അദ്ധ്യക്ഷതയിലാണ് യോഗം നടന്നത്. 2019ലെ ലോകസഭ തെരഞ്ഞെടുപ്പില്‍ ജില്ലയിലെ ഭിന്നശേഷിക്കാരായ മുഴുവന്‍ പേരെയും  പങ്കാളികളാക്കുന്നതിനുള്ള പ്രവര്‍ത്തനങ്ങളാണ് നടക്കുന്നത്.

വൈകല്യമുള്ള കുട്ടികള്‍ക്ക് സ്വാന്തനമേകാന്‍ വലിയപറമ്പ ഗ്രാമ പഞ്ചായത്തില്‍ ബഡ്‌സ് സ്‌കൂള്‍

വൈകല്യമുള്ള കുട്ടികള്‍ക്ക് സ്വാന്തനമേകാന്‍ വലിയപറമ്പ് ഗ്രാമ പഞ്ചായത്തില്‍ ബഡ്‌സ് സ്‌കൂള്‍  പ്രവര്‍ത്തനമാരംഭിക്കും.  ഇടയിലക്കാടില്‍ പഞ്ചായത്ത് അധീനതയിലുള്ള ഒരേക്കര്‍ ഭൂമിയില്‍ പ്രവര്‍ത്തനമാരംഭിക്കുന്ന ബഡ്‌സ്് സ്‌കൂളിന്റെ ഉദ്ഘാടനം ജനുവരിയില്‍ നടക്കും. പഞ്ചായത്തിലെ ആദ്യത്തെ ബഡ്‌സ് സ്‌കൂള്‍ ആണിത്. ലോകബാങ്ക് പദ്ധതിയില്‍ ഉള്‍പ്പെടുത്തി 98 ലക്ഷം രൂപ ചെലവിലാണ് പദ്ധതി നടപ്പിലാക്കിയത്. ഇതുവരെ പഞ്ചായത്തിലെ ഭിന്നശേഷിക്കാരായ കുട്ടികള്‍ക്ക് പഠിക്കാനോ അവരുടെ കഴിവുകള്‍ വികസിപ്പിക്കാനോ ഉള്ള സാഹചര്യം ഉണ്ടായിരുന്നില്ല.

Subscribe to