ഹെവി മെഷീനറിയിൽ ഇതാദ്യമായി ശ്രദ്ധേയ സാന്നിധ്യമറിയിച്ച്, കേരളത്തിന്റെ വ്യാവസായിക മേഖലയുടെ അഭിമാനമുയർത്തി സംരംഭകർ. സാറ്റോ ക്രെയിൻ അവതരിപ്പിച്ച് സീ ഷോർ ഗ്രൂപ്പിന്റെ സഹകരണത്തിലുള്ള മതിലകം ലീവേജ്  എഞ്ചിനീയറിംഗ് കമ്പനിയും വേസ്റ്റ് ടു ക്ളീൻ യന്ത്രവുമായി വാളകം ട്രാവൻകൂർ ഇൻഡസ്ട്രിയൽ സൊല്യൂഷൻസുമാണ് മെഷീൻ എക്സ്പോ 2024 ൽ മുഖ്യ ആകർഷണമാകുന്നത്. 

കോട്ടയം: ഖാദിമേള തുണിത്തരങ്ങൾ 30 ശതമാനം വിലക്കിഴിവിൽ ലഭ്യമാക്കി ജില്ലാ ഖാദി ഗ്രാമവ്യവസായ ബോർഡിന്റെ സർവോദയ പക്ഷം റിബേറ്റ് മേളയ്ക്ക് തുടക്കം. ബേക്കർ ജങ്ഷനിലെ ഖാദി ഗ്രാമസൗഭാഗ്യയിൽ നടന്ന ജില്ലാതല ഉദ്ഘാടനവും ആദ്യ വിൽപ്പനയും ജില്ലാ പഞ്ചായത്ത് പ്രസിഡന്റ് കെ.വി. ബിന്ദു നിർവഹിച്ചു. ഖാദി ഉത്പന്നങ്ങളുടെ പ്രചാരണത്തിനായി കൂടുതൽ ഓൺലൈൻ സംവിധാനങ്ങൾ പ്രയോജനപ്പെടുത്തണമെന്ന് ജില്ലാ പഞ്ചായത്ത് പ്രസിഡന്റ് പറഞ്ഞു. 2023 ഓണം മേള മെഗാ സമ്മാന പദ്ധതിയിൽ മൂന്നാം സമ്മാനമായ ഒരു പവൻ സ്വർണനാണയവും വിതരണം ചെയ്തു. വിജയി ചങ്ങനാശേരി തൃക്കൊടിത്താനം സ്വദേശി മൂലമുറിയിൽ സിജി ജോസഫിനു വേണ്ടി ഭർത്താവ് എം.എ.

ആലുവ പുതിയ കെ.എസ്.ആർ.ടി.സി ബസ് ടെർമിനൽ നാടിനു സമർപ്പിച്ചു

 കെ.എസ്.ആർ.ടി.സിയിലെ നിലവിലുള്ള പ്രതിസന്ധികളെ മറികടക്കുന്നതിനുള്ള നവീകരണ പ്രവർത്തനങ്ങൾ നടപ്പിലാക്കി വരികയാണെന്ന് ഗതാഗത വകുപ്പ് മന്ത്രി കെ.ബി ഗണേഷ് കുമാർ. ആലുവയിലെ പുതിയ കെ.എസ്.ആർ.ടി.സി ബസ് ടെർമിനൽ ഉദ്ഘാടനം ചെയ്യുകയായിരുന്നു മന്ത്രി.

അഞ്ചാമത് രാജ്യാന്തര വനിതാ ചലച്ചിത്ര മേളയിൽ ഫെബ്രുവരി 11 ഞായറാഴ്ച രാവിലെ ഒൻമ്പതര മുതൽ വൈകീട്ട് ആറുമണി വരെ കൊച്ചി സവിത സംഗീത തീയേറ്ററുകളിൽ വിവിധ സിനിമകൾ പ്രദർശിപ്പിക്കുന്നു.സവിത തീയേറ്ററിൽ രാവിലെ 9:30ക്ക്  ‘ദി സിരൻ ’  12:00ന് ‌  ‘ഹൗറിയ ’ 3:00ക്ക്‌ ‘ദി ഗേൾ ഫ്രം ഉറുഗ്വേ ’ 7:00ക്ക്‌ ‘ഹോർഡ് ’ എന്നീ സിനിമകളായിരിക്കും പ്രദർശിപ്പിക്കുന്നത്ത്. അന്നേ ദിവസം സംഗീത തീയേറ്ററിൽ രാവിലെ 9:45ന് ‘ദി റാപ്ചർ ’ 12:15ന് ‘ഫൂട്ട് പ്രിന്റ്സ് ഓൺ വാട്ടർ ’ 3ന് ‘ഫോർ ഡോട്ടേഴ്‌സ് ’ 7:15ന് ‘ടൈഗർ സ്ട്രൈപ്സ് ’ എന്നീ സിനിമകൾ പ്രദർശിപ്പിക്കും.

കൊച്ചി ..പ്രവര്‍ത്തനമേഖലകളില്‍ സ്വന്തമായ ഇടം കണ്ടത്തെി സ്ത്രീകള്‍ സമൂഹത്തില്‍ നിന്ന് സ്വാതന്ത്ര്യം പിടിച്ചുവാങ്ങുകയാണ് വേണ്ടതെന്ന് നടി ഉര്‍വശി പറഞ്ഞു. കേരള സംസ്ഥാന ചലച്ചിത്ര അക്കാദമി സാംസ്‌കാരിക വകുപ്പിന്റെ 'സമം' പദ്ധതിയുടെ ഭാഗമായി  സംഘടിപ്പിക്കുന്ന അഞ്ചാമത് രാജ്യാന്തര വനിത ചലച്ചിത്രമേള ഉദ്ഘാടനം ചെയ്യുകയായിരുന്നു ഉര്‍വശി.

കോട്ടയം: മൃഗസംരക്ഷണ വകുപ്പിന്റെ ജില്ലയിലെ രണ്ട് മൊബൈൽ വെറ്ററിനറി യൂണിറ്റുകളിലേക്ക് വെറ്ററിനറി സർജനെ കരാർ അടിസ്ഥാനത്തിൽ താൽക്കാലികമായി നിയമിക്കുന്നതിന് വോക്-ഇൻ-ഇന്റർവ്യൂ നടത്തുന്നു. കേരള സ്റ്റേറ്റ് വെറ്ററിനറി കൗൺസിലിൽ രജിസ്റ്റർ ചെയ്ത ബി.വി.എസ്.സി. ആൻഡ് എ.എച്ച്. പാസായവർക്ക് അപേക്ഷിക്കാം. താൽപര്യമുള്ളവർ യോഗ്യത തെളിയിക്കുന്ന രേഖകളുമായി ഫെബ്രുവരി 14ന് രാവിലെ 10.30ന് കളക്‌ട്രേറ്റിലെ ജില്ലാ മൃഗസംരക്ഷണ ഓഫീസിൽ നടക്കുന്ന അഭിമുഖത്തിന് എത്തണം. വിശദവിവരത്തിന് ഫോൺ: 0481 2563726.

•  ഭവനനിർമാണത്തിന് 1.18 കോടി
• ആരോഗ്യമേഖലയ്ക്ക് 1.6 കോടി

കോട്ടയം: പാമ്പാടി ബ്ലോക്ക് പഞ്ചായത്തിന് 2024-25 വർഷം 26.89 കോടി രൂപയുടെ ബജറ്റ്. ബ്ലോക്ക് പഞ്ചായത്ത് കോൺഫറൻസ് ഹാളിൽ നടന്ന യോഗത്തിൽ ബ്ലോക്ക് പഞ്ചായത്ത് വൈസ് പ്രസിഡന്റ് അശോക് കുമാർ പൂതമന ബജറ്റ് അവതരിപ്പിച്ചു.
ബ്ലോക്ക് പഞ്ചായത്ത് പ്രസിഡന്റ് മറിയാമ്മ എബ്രഹാം അധ്യക്ഷയായി. ബജറ്റിൽ 26.89 കോടി രൂപ വരവും 26.75 കോടി രൂപ ചെലവും 18.43 ലക്ഷം രൂപ മിച്ചവും പ്രതീക്ഷിക്കുന്നു. ഭവനനിർമാണത്തിന് 1.18 കോടി രൂപയും ആരോഗ്യ മേഖലയ്ക്ക് 1.6 കോടി രൂപയും വകയിരുത്തി.

ഓപ്പൺ ഫോറം : സിനിമയിലെ സ്ത്രീലൈംഗികതയുടെ പ്രതിനിധാനം 

കൊച്ചി:അഞ്ചാമത് രാജ്യാന്തര വനിത ചലച്ചിത്രമേളയോടനുബന്ധിച്ച്  ഇന്ന് (ഫെബ്രുവരി 11)  വൈകിട്ട് അഞ്ചിന് എറണാകുളം സവിത തിയേറ്ററിൽ 
“സിനിമയിലെ സ്ത്രീലൈംഗികതയുടെ പ്രതിനിധാനം” എന്ന വിഷയത്തിൽ ഓപ്പൺഫോറം നടത്തും. ചലച്ചിത്ര താരം ജോളി ചിറയത്ത് മോഡറേറ്ററാകും. സംവിധായകൻ ജിയോ ബേബി, ചലച്ചിത്ര നിരൂപക ഇന്ദുരാമ വാസുദേവൻ, അധ്യാപിക ആശ അച്ചി ജോസഫ്, തിരക്കഥാകൃത്ത്  സജീവ് പാഴൂർ, ഡോക്യൂമെന്ററി സംവിധായികരും രാജ്യാന്തര ഹ്രസ്വ ചലച്ചിത്രമേള ജേതാക്കളായ ലൂർദസ് എം സുപ്രിയ,ഗുർളീൻ ഗ്രിവൽ എന്നിവർ പങ്കെടുക്കും.

എടയാറ്റുചാൽ നെൽവയലിലേക്ക് വിദ്യാർഥികളുമായി പഠന യാത്ര നടത്തി

പുതിയ തലമുറയെ കൃഷിയിലേക്ക് എത്തിക്കണമെന്നും
അവരെ ആധുനിക കൃഷി രീതികൾ പഠിപ്പിച്ചു കൊടുക്കണമെന്നും
വ്യവസായ വകുപ്പ് മന്ത്രി പി.രാജീവ്.  വിദ്യാർഥികൾ മണ്ണിനെയും കൃഷിയെയും മനസിലാക്കണമെന്നും അദ്ദേഹം പറഞ്ഞു. കൃഷിക്കൊപ്പം കളമശ്ശേരിയുടെ ഭാഗമായി എടയാറ്റുചാൽ നെൽവയലിലേക്ക് വിദ്യാർഥികളുമായി സംഘടിപ്പിച്ച പഠന യാത്രയിൽ സംസാരിക്കുകയായിരുന്നു അദ്ദേഹം.