ജില്ലയിലെ തീരദേശ മേഖലകളിലെ മത്സ്യത്തൊഴിലാളി വിഭാഗത്തിൽപ്പെട്ട 18നും 28നും ഇടയിൽ പ്രായമുള്ള യുവതി യുവാക്കൾക്കായി സംഘടിപ്പിക്കുന്ന ആരവം കോസ്റ്റൽ ഗെയിംസ് ഇന്നും നാളെയുമായി (ഫെബ്രുവരി 10, 11) നടക്കും. ഫെബ്രുവരി 10ന് രാവിലെ എട്ടുമണിക്ക് അടിമലത്തുറ ജയ് ക്രൈസ്റ്റ് ഫുട്ബോൾ ഗ്രൗണ്ടിലും പുല്ലുവിള ലിയോ XIII സ്കൂൾ ഗ്രൗണ്ടിലുമായാണ് മത്സരങ്ങൾ നടക്കുക. കബഡി, ഫുട്ബോൾ, വടംവലി, വോളിബോൾ എന്നീ നാല് ഇനങ്ങളിൽ തദ്ദേശസ്വയംഭരണ സ്ഥാപന അടിസ്ഥാനത്തിൽ തെരഞ്ഞെടുക്കപ്പെട്ട പുരുഷ വനിതാ ടീമുകളാണ് മത്സരങ്ങളിൽ പങ്കെടുക്കുന്നത്.

കഴക്കൂട്ടം നിയോജക മണ്ഡലത്തിലെ കരിയം സർക്കാർ എല്‍. പി സ്‌കൂളില്‍ സ്റ്റാര്‍സ് മാതൃകയില്‍ തയ്യാറാക്കുന്ന പ്രീ പ്രൈമറി വര്‍ണ്ണക്കൂടാരത്തിന്റെ നിര്‍മാണോദ്ഘാടനം ഹരിതയിടത്തില്‍ വൃക്ഷതൈ നട്ടു കൊണ്ട് കടകംപള്ളി സുരേന്ദ്രന്‍ എം.എല്‍.എ നിര്‍വഹിച്ചു. നമ്മുടെ കുട്ടികളുടെ പഠന നിലവാരം മെച്ചപ്പെടുത്തി സംസ്ഥാനത്തെ പ്രീ -പ്രൈമറി സ്‌കൂളുകളെ മികവിന്റെ കേന്ദ്രങ്ങളാക്കുകയാണ് സര്‍ക്കാര്‍ ലക്ഷ്യമെന്ന് എം. എല്‍.എ പറഞ്ഞു. അടുത്ത അധ്യയന വര്‍ഷം കരിയം എല്‍.പി സ്‌കൂളിന് പുതിയ സ്‌കൂള്‍ ബസ് അനുവദിക്കുമെന്ന് എം.എല്‍.എ അറിയിച്ചു.

പൊതുവിദ്യാഭ്യാസ തൊഴില്‍ വകുപ്പ് മന്ത്രി വി ശിവന്‍കുട്ടി ഇന്ന് ജില്ലയില്‍ (09-02-2024)

പടിയൂര്‍ ഗ്രാമപഞ്ചായത്തിലെ മാങ്കുഴി ആദിവാസി കോളനിയിലുള്ളവര്‍ക്കായി നേത്രരോഗ നിര്‍ണ്ണയ ക്യാമ്പ് സംഘടിപ്പിച്ചു. പടിയൂര്‍ ഗ്രാമപഞ്ചായത്ത്, ആയുഷ് ട്രൈബല്‍ മെഡിക്കല്‍ യൂണിറ്റ്, ജില്ലാ ആയുര്‍വേദ ആശുപത്രി ദൃഷ്ട്ടി പദ്ധതി എന്നിവ സംയുക്തമായാണ് ക്യാമ്പ് സംഘടിപ്പിച്ചത്. ഊരിലെ കമ്മ്യൂണിറ്റി ഹാളില്‍ നടന്ന ക്യാമ്പില്‍ 40 പേര്‍ പങ്കെടുത്തു.

സംസ്ഥാന യുവജനക്ഷേമ ബോര്‍ഡ് ജില്ലാ യുവജന കേന്ദ്രത്തിന്റെ നേതൃത്വത്തില്‍ മൂന്ന് ദിവസങ്ങളായി നടത്തിയ ഉയിര്‍പ്പ് ലഹരിവിരുദ്ധ കലജാഥാ സമാപിച്ചു. സമാപന പരിപാടിയുടെ ഉദ്ഘാടനം പയ്യന്നൂര്‍ ഷേണായ് സ്‌ക്വയറില്‍ നഗരസഭാ വൈസ് ചെയര്‍മാന്‍ പി വി കുഞ്ഞപ്പന്‍ നിര്‍വഹിച്ചു. ജില്ലാ യൂത്ത് പ്രോഗ്രാം ഓഫീസര്‍ കെ പ്രസിത അധ്യക്ഷത വഹിച്ചു. ജില്ലാ കോ-ഓര്‍ഡിനേറ്റര്‍ സരിന്‍ ശശി, ബ്ലോക്ക് യൂത്ത് കോ-ഓര്‍ഡിനേറ്റര്‍ അഭിജിത്, അവളിടം യുവതി ക്ലബ് ജില്ലാ കോ-ഓര്‍ഡിനേറ്റര്‍ പി പി അനിഷ എന്നിവര്‍ പങ്കെടുത്തു.
 

ദേശീയ വിരവിമുക്ത ദിനാചരണം ജില്ലാതല ഉദ്ഘാടനം ചാല ഗവ. ഹയര്‍സെക്കണ്ടറി സ്‌കൂളില്‍ എടക്കാട് ബ്ലോക്ക് പഞ്ചായത്ത് പ്രസിഡണ്ട് പി കെ പ്രമീള നിര്‍വഹിച്ചു. ഇരുവേരി സി എച്ച് സി മെഡിക്കല്‍ ഓഫീസര്‍ ഡോ. കെ മായ അധ്യക്ഷത വഹിച്ചു. ഒരു വയസിനും 19 വയസിനും ഇടയില്‍ പ്രായമുള്ള കുട്ടികള്‍ക്ക് വിദ്യാലയങ്ങളും അങ്കണവാടികളും മുഖേനയാണ് ഗുളിക നല്‍കിയത്. ഗുളിക കഴിക്കാന്‍ കഴിയാത്തവര്‍ക്ക് ഫെബ്രുവരി 15ന് മോപ് അപ് റൗണ്ടിലൂടെ മരുന്ന് നല്‍കും

വേനലില്‍ ആശ്വാസം പകരാന്‍ ഖാദി കൂള്‍ പാന്റ്‌സ് പുറത്തിറക്കി പയ്യന്നൂര്‍ ഖാദി കേന്ദ്രം. പാന്റ്‌സിന്റെ ജില്ലാതല ലോഞ്ചിങ് കണ്ണൂര്‍ ഖാദി ഗ്രാമ സൗഭാഗ്യയില്‍ കേരള ഖാദി ഗ്രാമ വ്യവസായ ബോര്‍ഡ് വൈസ് ചെയര്‍മാന്‍ പി ജയരാജന്‍ നിര്‍വഹിച്ചു. സര്‍വ്വോദയപക്ഷം ഖാദി റിബേറ്റ് മേളയുടെ ഉദ്ഘാടനവും ഓട്ടോ തൊഴിലാളികള്‍ക്കുള്ള യൂണിഫോം വിതരണവും അദ്ദേഹം നിര്‍വഹിച്ചു. അസിസ്റ്റന്റ് കലക്ടര്‍ അനൂപ് ഗാര്‍ഗ് ഖാദി കൂള്‍ പാന്റ്‌സിന്റെ

സമഗ്രശിക്ഷ കണ്ണൂര്‍ ഭിന്നശേഷി കുട്ടികള്‍ക്കായി സംഘടിപ്പിക്കുന്ന ഉള്‍ച്ചേരല്‍ കായികോത്സവം ഫെബ്രുവരി 13, 14 തീയതികളില്‍ നടക്കും. പോലീസ് മൈതാനം, മുന്‍സിപ്പല്‍ സ്‌കൂള്‍, പോലീസ് ഫുട്‌ബോള്‍ ടര്‍ഫ് എന്നിവിടങ്ങളിലാണ് മത്സരം നടക്കുക. ജില്ലയിലെ 15 ബിആര്‍സികളില്‍ നിന്നായി 650ഓളം വിദ്യാര്‍ഥികള്‍ മത്സരത്തില്‍ പങ്കെടുക്കും. 13ന് ഫുട്‌ബോള്‍, ഹാന്‍ഡ്ബാള്‍, ബാഡ്മിന്റണ്‍, ക്രിക്കറ്റ് എന്നിവയും 14ന് സ്റ്റാന്റിങ് ജമ്പ്, റിലേ, ബോള്‍ ത്രോ എന്നീ മത്സരങ്ങളുമാണ് നടക്കുന്നത്. ഇവയില്‍ പങ്കെടുക്കാന്‍ സാധിക്കാത്ത കുട്ടികള്‍ക്കും കാണികള്‍ക്കുമായി 'ഫണ്‍ ഗെയിംസ്' കൂടി സംഘടിപ്പിക്കും.