നിയമ വകുപ്പിന്റെ നേതൃത്വത്തിൽ മധ്യമേഖലാതലത്തിൽ
മാറ്റൊലി എന്ന പേരിൽ
സാമൂഹിക നിയമ ബോധവൽക്കരണ പരിപാടി സംഘടിപ്പിച്ചു. നോർത്ത് ഇഎംഎസ് ടൗൺഹാളിൽ സംഘടിപ്പിച്ച പരിപാടി കേരള സംസ്ഥാന ഉപഭോക്തൃ തർക്ക പരിഹാര കമ്മീഷൻ പ്രസിഡൻ്റ് ജസ്റ്റിസ് കെ. സുരേന്ദ്രമോഹൻ  ഉദ്ഘാടനം ചെയ്തു. 

തിരുവായ്ക്ക് എതിർവാ ഇല്ലാതിരുന്ന രാജഭരണ കാലഘട്ടത്തിൽ നിന്നും ഭരണഘടനയുടെ ചട്ടക്കൂടിൽ സ്വതന്ത്രമായ കാലഘട്ടത്തിലാണ് നാം ജീവിക്കുന്നതെന്ന്  അദ്ദേഹം പറഞ്ഞു. നമ്മളെല്ലാവരും ഇന്ന് ജീവിക്കുന്നത് സുരക്ഷിതമായ സമൂഹത്തിലാണ്.

കാട് ഇറങ്ങിയവന്‍ ഇനി കാടിനെ കാക്കും

- നിലമ്പൂര്‍ മാഞ്ചീരി കോളനിയില്‍ നിന്നും കാട് കാക്കാന്‍ ഇനി രവീന്ദ്രനും

കാടിന്റെ വന്യതയിലും അളകളുടെ (ഗുഹാ വീടുകള്‍) സുരക്ഷിതത്വത്തിലുമായിരുന്നു രവീന്ദ്രന്റെ ബാല്യം. എന്നാല്‍ സ്വപ്നങ്ങള്‍ക്കപ്പുറം രവീന്ദ്രന്റെ ജീവിതയാത്ര ഒരു ചരിത്രം എഴുതാന്‍ ഒരുങ്ങുകയാണ്. നിലമ്പൂര്‍ ഉള്‍ക്കാടുകളിലെ ചോലനായ്ക്കര്‍ വിഭാഗത്തില്‍ നിന്നും രണ്ടാമത്തെ ബീറ്റ് ഫോറസ്റ്റ് ഓഫീസറായാണ് പി രവീന്ദ്രന്‍ എന്ന 27 കാരന്‍ ചരിത്രത്തില്‍ ഇടം നേടുന്നത്. 

അന്തിക്കാട് ബ്ലോക്ക് പഞ്ചായത്തിൻ്റെ ചിറയ്ക്കൽ ബഡ്സ് സ്കൂളിൽ ഫിസിയോ തെറാപ്പി സെൻ്റർ പ്രവർത്തനമാരംഭിച്ചു. ജില്ലാ പഞ്ചായത്തും അന്തിക്കാട് ബ്ലോക്ക് പഞ്ചായത്തും സംയുക്തമായി 36 ലക്ഷം രൂപ ചെലവിൽ ഒരുക്കിയ ഫിസിയോ തെറാപ്പി സെന്റർ ജില്ലാ പഞ്ചായത്ത് പ്രസിഡന്റ് വി. എസ്. പ്രിൻസ് ഉദ്ഘാടനം ചെയ്തു. 

ഭിന്നശേഷി സൗഹാർദ്ദത്തോടെയാണ് കെട്ടിടം സജ്ജമാക്കിയിരിക്കുന്നത്. ഫിസിയോ തെറാപ്പിക്ക് പുറമേ സ്പീച്ച് തെറാപ്പി സൗകര്യവുമുണ്ട്. ആഴ്ചയിൽ രണ്ട് ദിവസം ഡോക്ടർമാരുടെ സേവനം ലഭ്യമാണ്. അന്തിക്കാട് ബ്ലോക്ക് പഞ്ചായത്ത് പ്രസിഡൻ്റ് കെ.കെ. ശശിധരൻ അധ്യക്ഷനായി. ജില്ലാ പഞ്ചായത്തംഗം ഷീന പറയങ്ങാട്ടിൽ മുഖ്യാതിഥിയായി.

സംരംഭകര്‍ക്ക് പ്രവര്‍ത്തന കാര്യക്ഷമത നല്‍കുന്നതിന് കേരള ഇന്‍സ്റ്റിട്യൂട്ട് ഹോര്‍ എന്റര്‍പ്രണര്‍ഷിപ്പ് ഡവലപ്മെന്റ് അഞ്ച് ദിവസത്തെ ഗ്രോത്ത് പള്‍സ് പരിശീലന പരിപാടി സംഘടിപ്പിക്കുന്നു. നിലവില്‍ സംരംഭം തുടങ്ങി അഞ്ച് വര്‍ഷത്തില്‍ താഴെ പ്രവര്‍ത്തി പരിചയമുള്ള സംരംഭകര്‍ക്ക് പങ്കെടുക്കാം. 

മറ്റത്തൂര്‍ ഗ്രാമപഞ്ചായത്തിന്റെ എച് ബി 12@ മറ്റത്തൂര്‍ എന്ന പദ്ധതിയോടനുബന്ധിച്ച് 'ചോരയ്ക്ക് ചീര ഞങ്ങളും എച്ച് ബി 12 ലേക്ക്' എന്ന പദ്ധതിക്ക് ജി എല്‍ പി എസ് മറ്റത്തൂരില്‍ തുടക്കമായി. വിവിധ ഇനത്തില്‍പ്പെട്ട ചീര തൈകള്‍ സ്‌കൂള്‍ അങ്കണത്തില്‍ കൃഷിക്കായി ഒരുക്കി മറ്റത്തൂര്‍ ഗ്രമപഞ്ചായത്ത് പ്രസിഡന്റ് അശ്വതി വിബി ഉദ്ഘാടനം നിര്‍വഹിച്ചു. കുട്ടികളുടെ ഉച്ചഭക്ഷണത്തില്‍ ഇലക്കറികള്‍ ഉള്‍പ്പെടുത്തി പോഷകാഹാര കുറവും വിളര്‍ച്ചയും പരിഹരിക്കാനാണ് പദ്ധതി വിഭാവനം ചെയ്യുന്നത്. ഗ്രാമപഞ്ചായത്ത് അംഗം ഷൈനി ബാബു അധ്യക്ഷയായി. പ്രധാന അധ്യാപിക എം എസ് ബീന സ്വാഗതം പറഞ്ഞു.

വ്യവസായ വാണിജ്യ വകുപ്പും അടാട്ട് ഗ്രാമ പഞ്ചായത്തും സംയുക്തമായി സംരംഭക വര്‍ഷം 2023-24 ന്റെ ഭാഗമായി ലോണ്‍, ലൈസന്‍സ്, സബ്‌സിഡി മേള സംഘടിപ്പിച്ചു. മുതുവറ കമ്മ്യൂണിറ്റി ഹാളില്‍ നടന്ന പരിപാടി അടാട്ട് ഗ്രാമപഞ്ചായത്ത് പ്രസിഡന്റ്  സിമി അജിത്കുമാര്‍ ഉദ്ഘാടനം ചെയ്തു. മേളയില്‍ സംരംഭകര്‍ക്കായി സര്‍ക്കാര്‍ നല്‍കുന്ന സബ്സിഡി വിതരണവും പുതുസംരംഭകര്‍ക്കുള്ള ലൈസന്‍സ് വിതരണവും നടന്നു. സംരംഭകര്‍ക്ക് ബാങ്ക് അധികൃതരുമായി സംവദിക്കാനും സംശയനിവാരണത്തിന് വ്യവസായ വകുപ്പിന്റെ രജിസ്‌ട്രേഷന്‍ കൗണ്ടറും ബാങ്കുകളുടെ ഹെല്‍പ്ഡെസ്‌ക് സംവിധാനവും ഒരുക്കിയിരുന്നു.

കേരള ഖാദി ഗ്രാമവ്യവസായ ബോര്‍ഡിന് കീഴില്‍ 2023-24 സര്‍വോദയ പക്ഷം റിബേറ്റിനോടനുബന്ധിച്ച് ഖാദി തുണിത്തരങ്ങളുടെ ചില്ലറ വില്‍പ്പനയ്ക്ക്  30 ശതമാനം സ്‌പെഷ്യല്‍ റിബേറ്റ് അനുവദിച്ചതായി പ്രൊജക്ട് ഓഫീസര്‍ അറിയിച്ചു. ഇന്ന് (ഫെബ്രുവരി ഒമ്പത്) മുതല്‍ 14 വരെ പ്രവൃത്തി ദിവസങ്ങളില്‍ വടക്കേ ബസ് സ്റ്റാന്റിന് സമീപം, പാലസ് റോഡ്, ഒളരിക്കര എന്നിവിടങ്ങളിലുള്ള ഖാദി ഗ്രാമ സൗഭാഗ്യകളിലും പാവറട്ടി, കേച്ചേരി, പൂവ്വത്തൂര്‍, പുഴയ്ക്കല്‍ എന്നിവിടങ്ങളിലെ ഗ്രാമ സൗഭാഗ്യകളിലും ഗ്രാമശില്പകളിലും ഖാദി കോട്ടണ്‍, സില്‍ക്ക്, സ്പണ്‍ സില്‍ക്ക് തുണിത്തരങ്ങളുടെ വില്പനയ്ക്ക് റിബേറ്റ് ലഭിക്കും.

 ജില്ലാ എംപ്ലോയ്മെന്റ് എക്സ്‌ചേഞ്ചിൽ പ്രവർത്തിക്കുന്ന എംപ്ലോയബിലിറ്റി സെന്ററിൽ  രണ്ട് സ്വകാര്യ സ്ഥാപനങ്ങളി ലേക്കുള്ള ഒഴിവുകളി ലേക്ക്‌ അഭിമുഖം നടത്തുന്നു. പ്ലസ്‌ടു, ബിരുദം, ബിരുദാനന്തര ബിരുദം, ഡിപ്ലോമ, എന്നീ യോഗ്യതകളുള്ള 18 നും 35 നും മധ്യേ പ്രായമുള്ളവർക്ക് പങ്കെടുക്കാം.

2023-24 വർഷത്തിൽ ദാക്ഷായണി വേലായുധൻ്റെ പേരിലുള്ള വാർഷിക അവാർഡിന് അപേക്ഷ ക്ഷണിച്ചു. സ്ത്രീ ശാക്തീകരണത്തിനും പാർശ്വവത്കൃതരുടെ ഉന്നമനത്തിനും വേണ്ടി പ്രവർത്തിക്കുന്ന ഒരു വനിതയ്ക്കാണ് അവർഡ് ലഭിക്കുക. ഈ മേഖലയിൽ അഞ്ച് വർഷമെങ്കിലും  പ്രവർത്തിച്ചവരെയാണ് അവാർഡിനായി പരിഗണിക്കുക.