കോട്ടയം: കോട്ടയം ലോക്സഭാ മണ്ഡലത്തിൽ അസന്നിഹിത വോട്ടർമാർക്കുള്ള വോട്ടെടുപ്പിൽ 10545 പേർ വീടുകളിൽ വോട്ട് ചെയ്തു. ഏപ്രിൽ 20 വരെയുള്ള കണക്കാണിത്. 85 വയസു പിന്നിട്ടവർക്കും ഭിന്നശേഷിക്കാർക്കുമാണ് വീട്ടിൽ വോട്ടിന് സൗകര്യമൊരുക്കിയിരുന്നത്. 85 വയസു പിന്നിട്ട 8136 പേരും ഭിന്നശേഷിക്കാരായ 2379 പേരുമാണ് വോട്ട് ചെയ്തത്. 
 

കോട്ടയം: ലോക്സഭ തെരഞ്ഞെടുപ്പുമായി ബന്ധപ്പെട്ട് ജില്ലയിൽ പോളിങ് ബൂത്തുകളിലേക്ക് നിയോഗിച്ചിട്ടുള്ള  ഉദ്യോഗസ്ഥർക്ക് വിതരണം ചെയ്യാൻ വാടകയ്ക്ക് പായ നൽകുന്നതിന് മുദ്രവച്ച ക്വട്ടേഷൻ  ക്ഷണിച്ചു.  4'x 6' അളവിലുള്ള 7820 പ്ലാസ്റ്റിക് പായകളാണ് ലഭ്യമാക്കേണ്ടത്. ഏപ്രിൽ  24ന് വൈകിട്ട് അഞ്ചിനകം മുഴുവൻ പായകളും എത്തിക്കണം.   ക്വട്ടേഷനുകൾ ഏപ്രിൽ 22ന് ഉച്ചയ്ക്ക് 12നകം  കോട്ടയം ജില്ലാ കളക്ടറുടെ കാര്യാലയത്തിലെ ജില്ലാ ഇലക്ഷൻ ഓഫീസിൽ നൽകണം.വിശദവിവരങ്ങൾക്ക് ജില്ലാ ഇലക്ഷൻ ഓഫീസിലോ 0481 2560085 എന്ന ഫോൺ നമ്പരിലോ ബന്ധപ്പെടുക

കോട്ടയം: ലോക്സഭ തെരഞ്ഞെടുപ്പിൻ്റെ പോളിങ് ഡ്യൂട്ടിക്ക് നിയോഗിക്കപ്പെട്ട ശേഷം നടന്ന പരിശീലനത്തിൽ പങ്കെടുക്കാത്ത കോട്ടയം ജില്ലയിലെ ഉദ്യോഗസ്ഥർക്ക് തിങ്കളാഴ്ച (ഏപ്രിൽ 22 ) പരിശീലനം നൽകുന്നു. ഉച്ചകഴിഞ്ഞ് രണ്ടിന്  കളക്ടറേറ്റിലെ വിപഞ്ചിക ഹാളിലാണ്  പരിശീലനം. മുമ്പ് നടന്ന പരിശീലനത്തിൽ പങ്കെടുക്കാത്ത ഉദ്യോഗസ്ഥർ നിർബന്ധമായും ഇതിൽ പങ്കെടുക്കണമെന്നും അല്ലാത്ത പക്ഷം കർശന നടപടിയെടുക്കുമെന്നും ജില്ലാ തെരഞ്ഞെടുപ്പ് ഓഫീസറായ ജില്ലാ കളക്ടർ വി. വിഗ്‌നേശ്വരി അറിയിച്ചു.

.

ലോക്‌സഭാ തിരഞ്ഞെടുപ്പ് വോട്ടെടുപ്പ് ദിവസം പോളിങ് ഡ്യൂട്ടിയിലുള്ള 406 ഉദ്യോഗസ്ഥര്‍ ഇതുവരെ വോട്ട് ചെയ്തു. തിരഞ്ഞെടുപ്പ് ഡ്യൂട്ടിയുള്ള ഉദ്യോഗസ്ഥര്‍ക്കായി നിയോജകമണ്ഡലങ്ങളിലെ പരിശീലന കേന്ദ്രങ്ങളില്‍ ഒരുക്കിയ വോട്ടര്‍ ഫെസിലിറ്റേഷന്‍ സെന്ററിൽ പോസ്റ്റൽ ബാലറ്റ് വഴിയാണ് വോട്ട് രേഖപ്പെടുത്തിയത്.

ഇതുവരെ 202 പേർ വോട്ട് രേഖപ്പെടുത്തി

ആബ്‌സന്റീ വിഭാഗത്തില്‍പ്പെട്ട അവശ്യസര്‍വീസ് ജീവനക്കാര്‍ക്കുള്ള (എ.വി.ഇ.എസ്) പോസ്റ്റല്‍ വോട്ടെടുപ്പില്‍ രണ്ടുദിവസങ്ങളിലായി  തൃശൂര്‍ ലോക്‌സഭാ മണ്ഡലത്തില്‍ ഉള്‍പ്പെട്ട 202 പേര്‍ വോട്ട് ചെയ്തു. കളക്ടറേറ്റിലുള്ള ജില്ലാ പ്ലാനിങ് ഹാളില്‍ പ്രത്യേകം സജ്ജീകരിച്ച പോസ്റ്റല്‍ വോട്ടിങ് സെന്ററിലാണ് വോട്ട് രേഖപ്പെടുത്തുന്നത്. ഇന്നലെ (ഏപ്രിൽ 22) മാത്രം 127 പേർ വോട്ട് ചെയ്തു. ഇന്ന് (ഏപ്രില്‍ 23) രാവിലെ ഒമ്പത് മുതല്‍ വൈകിട്ട് അഞ്ചുവരെ വോട്ട് രേഖപ്പെടുത്താന്‍ അവസരമുണ്ട്.  

പൊതു തിരഞ്ഞെടുപ്പില്‍ തൃശൂര്‍ ലോക്‌സഭാ മണ്ഡലത്തില്‍ ഭിന്നശേഷിക്കാര്‍, 85 വയസ്സിനു മുകളിലുള്ള മുതിര്‍ന്ന പൗരന്മാര്‍ എന്നീ വിഭാഗത്തില്‍ ഉള്‍പ്പെടുന്ന ആബ്സന്റീ വോട്ടര്‍മാരില്‍ ഇതുവരെ 8852 പേര്‍ ഹോം വോട്ടിങ് സംവിധാനത്തിലൂടെ വോട്ട് രേഖപെടുത്തി. ഏപ്രില്‍ 15 മുതല്‍ 21 വരെ ആദ്യഘട്ടത്തിലുള്ള കണക്കാണിത്. തുടര്‍ന്നുള്ള രണ്ടു ദിവസങ്ങളിലായി ഹോം വോട്ടിങ് പൂര്‍ത്തിയാക്കാനാണ് ലക്ഷ്യമിടുന്നത്.

* 17 സ്ഥാപനങ്ങൾക്ക് നോട്ടീസ്