ലോക്‍സഭാ പൊതുതിരഞ്ഞെടുപ്പുമായി ബന്ധപ്പെട്ട് മലപ്പുറം ജില്ലയില്‍ പൊലീസ്, എക്സൈസ് വകുപ്പുകള്‍ നടത്തിയ പ്രത്യേക പരിശോധനകളില്‍ സ്വര്‍ണവും കഞ്ചാവും  മദ്യവും പിടികൂടി. എക്സൈസ് വകുപ്പിന്റെ നേതൃത്വത്തില്‍ നടത്തിയ പരിശോധനയില്‍ നിലമ്പൂർ നിയമസഭാ മണ്ഡലത്തിൽ നിന്നും 5500 രൂപ വിലവരുന്ന അര ലിറ്റർ ചാരായവും 18 ലിറ്റർ വാഷും പിടികൂടി. തിരൂർ , കോട്ടയ്ക്കൽ മണ്ഡലങ്ങളില്‍ നിന്നായി 6000 രൂപ വില വരുന്ന നാല് ലിറ്റർ വിദേശ മദ്യം വീതവും തവനൂർ നിന്ന് 6750 രൂപ വിലയുള്ള 4.5 ലിറ്റർ വിദേശ മദ്യവും പിടികൂടി. തിരൂരില്‍ നിന്നും 45 ഗ്രാം കഞ്ചാവും പിടികൂടി. സംഭവത്തില്‍ എക്സൈസ് കേസെടുത്തു.

ലോക്‍സഭാ തിരഞ്ഞെടുപ്പിന്റെ നടപടിക്രമങ്ങള്‍ കാര്യക്ഷമമായി നിര്‍വഹിക്കുന്നതിന് വില്ലേജ് തലത്തില്‍ മേല്‍നോട്ടം വഹിക്കുന്നത് സെക്ടര്‍ ഓഫീസര്‍മാര്‍. മലപ്പുറം ജില്ലയിലെ 16 നിയമസഭാ മണ്ഡലങ്ങളിലായി ആകെ 288 സെക്ടര്‍ ഓഫീസര്‍മാരെയാണ് ജില്ലാ തിരഞ്ഞെടുപ്പ് ഓഫീസര്‍ കൂടിയായ ജില്ലാ കളക്ടര്‍ വി.ആര്‍ വിനോദ് ചുമതലപ്പെടുത്തിയിരിക്കുന്നത്. ഒന്നു മുതല്‍ 14 വരെയുള്ള പോളിങ് സ്‌റ്റേഷനുകള്‍ ചേര്‍ന്നതാണ് ഒരു സെക്ടര്‍.

ലോക്‍സഭാ തിരഞ്ഞെടുപ്പിന്റെ ഭാഗമായി അവശ്യ സര്‍വ്വീസ് വിഭാഗത്തില്‍ പെട്ട (എ.വി.ഇ.എസ്) ജീവനക്കാര്‍ക്കുള്ള പോസ്റ്റല്‍ വോട്ടെടുപ്പ് ഏപ്രില്‍ 20 മുതല്‍ നടക്കും.  മലപ്പുറം, പൊന്നാനി ലോക്‍സഭാ മണ്ഡലങ്ങളിലെ വോട്ടര്‍മാര്‍ക്ക് 20, 21, 22 തിയതികളിലാണ് വോട്ടെടുപ്പ്. പോസ്റ്റല്‍ വോട്ടിങ് സെന്ററായ മലപ്പുറം എം.എസ്.പി ഹയര്‍സെക്കന്ററി സ്കൂളിലാണ് ഇവര്‍ക്ക് വോട്ട് രേഖപ്പെടുത്താന്‍ സൗകര്യമുള്ളത്. ഈ ദിവസങ്ങളില്‍ രാവിലെ ഒമ്പതു മുതല്‍ വൈകീട്ട് അഞ്ചു മണി വരെയായിരിക്കും വോട്ട് രേഖപ്പെടുത്താനാവുക.

ആലപ്പുഴ: ആലപ്പുഴ  മണ്ഡലത്തില്‍ പോളിംഗ് ‍ഡ്യൂട്ടിയുള്ള  മണ്ഡലത്തിന് പുറത്ത് വോട്ടുള്ള ഫാറം 12 ല്‍ പോസ്റ്റല്‍ ബാലറ്റിന് അപേക്ഷിച്ച് ബന്ധപ്പെട്ട ഉപ വരണാധികാരികള്‍ ബാലറ്റ് പേപ്പര്‍ അംഗീകരിച്ചിട്ടുള്ള ജീവനക്കാര്‍ക്ക് പോസ്റ്റല്‍ ബാലറ്റ് വോട്ട് പോളിംഗ് ഉദ്യോഗസ്ഥര്‍ക്കുള്ള പരിശീലന കേന്ദ്രങ്ങളില്‍ സ്ഥാപിച്ചിട്ടുള്ള വോട്ടര്‍ഫെസിലിറ്റേഷന്‍ സെന്ററുകളിലെത്തി വോട്ടു ചെയ്യാം.  അരൂര്‍ നിയമസഭ മണ്ഡലത്തില്‍ ഗവ. ബോയ്‌സ് എച്ച്. എസ്. എസ്., ചേര്‍ത്തലയില്‍ ഗവ. ഗേള്‍സ് എച്ച്.എസ്.എസ്, ആലപ്പുഴ എസ്.ഡി.വി സ്‌കൂള്‍, അമ്പലപ്പുഴ ഗവ.ഗേള്‍സ് എച്ച്. എസ്.

ആലപ്പുഴ: ജില്ലയിൽ എടത്വ പഞ്ചായത്തിലെ വാർഡ് 1 വിളക്കുമരം പാSശേഖരത്ത് വളർത്തുന്ന താറാവുകളിലും ചെറുതന പഞ്ചായത്തിലെ വാർഡ് മൂന്നിൽ വളർത്തുന്ന താറാവുകളിലും പക്ഷിപ്പനി സ്ഥിരീകിരിച്ചു. പക്ഷിപ്പനിക്ക് സമാനമായ ലക്ഷണങ്ങൾ കണ്ടതിനെത്തുടർന്ന് ഇവയുടെ സാമ്പിളുകൾ ഭോപ്പാലിലെ ലാബിൽ പരിശോധനയ്ക്ക് അയച്ചിരുന്നു.സാമ്പിളുകളിൽ ഏവിയൻ ഇൻഫ്‌ളുവൻസ (എച്ച് 5 എൻ 1)പോസിറ്റീവ് ആണെന്ന് റിപ്പോർട്ട് ചെയ്തിട്ടുണ്ട്.

ആലപ്പുഴ: ലോക്സഭ തിരഞ്ഞെടുപ്പ് 2024-ന്റെ ഭാഗമായി പോസ്റ്റൽ ബാലറ്റിനായി അവശ്യ സർവ്വീസുകാർ സമർപ്പിച്ച 12 ഡി അപേക്ഷകളിൽ പോസ്റ്റൽ ബാലറ്റിനായി അനുമതി ലഭിച്ചവർക്ക് ഏപ്രിൽ 20, 21, 22 തീയതികളിൽ താഴെ പറയുന്ന കേന്ദ്രങ്ങളിലെത്തി പോസ്റ്റൽ ബാലറ്റ് വോട്ടിംഗ് രേഖപ്പെടുത്താവുന്നതാണെന്ന് ജില്ല തിരഞ്ഞെടുപ്പ് ഓഫീസർ അറിയിച്ചു.

ആലപ്പുഴ: തണ്ണീർമുക്കം ബണ്ടിന്റെ 26 ഷട്ടറുകൾ നിലവിൽ തുറന്നു നിലയിലാണ്. ജലമൊഴുക്ക് കൃത്യമായി നിരീക്ഷിച്ച് നിയന്ത്രിക്കുന്നതിനുള്ള ക്രമീകരണങ്ങൾ ഒരുക്കിയിട്ടുണ്ടെന്ന് ജില്ല കളക്ടർ അലക്സ് വർഗീസ് അറിയിച്ചു. പാടശേഖരങ്ങളിലെ കൊയ്ത്ത് പൂർത്തിയാകുന്ന മുറയ്ക്ക് അധികം വൈകാതെ മറ്റു ഷട്ടറുകൾ കൂടി തുറക്കും. ജലനിരപ്പ്, ഉപ്പുവെള്ളത്തിന്റെ സ്വഭാവം എന്നിവ കൃത്യമായി നിരീക്ഷിച്ചു വരികയാണെന്നും ജില്ല കളക്ടർ അറിയിച്ചു.

ആലപ്പുഴ: ലോക്സഭ തിരഞ്ഞെടുപ്പിൽ വീട്ടിലിരുന്ന് വോട്ട് ചെയ്തവരുടെ ബാലറ്റുകൾ ജില്ലയിൽ സീൽ ചെയ്ത സ്റ്റീൽ ട്രങ്കുകളിൽ ശേഖരിക്കാനുള്ള നടപടിയായി. ബുധനാഴ്ച മുതൽ പോളിംഗ് ടീമുകൾക്ക് സ്റ്റീൽ ട്രങ്കുകളിൽ ബാലറ്റ് സൂക്ഷിക്കുന്നതിന് നൽകിയിട്ടുണ്ട്. പോൾ ചെയ്ത ബാലറ്റുകൾ കഴിഞ്ഞ ദിവസം ആലപ്പുഴയിൽ ക്യാരി ബാഗിലും തുറന്ന സഞ്ചിയിലും കൊണ്ടുപോയതായി വന്ന വാർത്ത വസ്തുതാ വിരുദ്ധമാണെന്ന് ജില്ല തിരഞ്ഞെടുപ്പ് ഓഫീസർ അറിയിച്ചു. ആലപ്പുഴയിലെ ടീമുകൾക്ക് പോൾ ചെയ്ത ബാലറ്റുകൾ സൂക്ഷിക്കാൻ സുരക്ഷിതമായ ബോക്സുകൾ നൽകിയിരുന്നു. ഇതിലാണ് ബാലറ്റ് ശേഖരിച്ചിട്ടുള്ളത്.

ആലപ്പുഴ: ലോക്സഭാ തിരഞ്ഞെടുപ്പിന്റെ പ്രചാരണാർത്ഥം സ്ഥാനാർത്ഥികൾ ഉപയോഗിക്കുന്ന പൊതുനിരത്തിലെ ഓഡിയോ, വീഡിയോ ഡിസ്പ്ലേകൾക്ക് മീഡിയ സർട്ടിഫിക്കേഷന്‍ ആൻഡ് മോണിറ്ററിംഗ് കമ്മിറ്റിയുടെ (എംസിഎംസി) അംഗീകാരം നിർബന്ധമാണെന്ന്  ജില്ലാ തിരഞ്ഞെടുപ്പ് ഉദ്യോഗസ്ഥനും ജില്ല കളക്ടറുമായ അലക്സ് വർഗീസ് അറിയിച്ചു. ഇലക്ട്രോണിക് മാധ്യമങ്ങളിലൂടെയുള്ള രാഷ്ട്രീയ പരസ്യ വിഭാഗത്തിലാണ് തിരഞ്ഞെടുപ്പ് കമ്മീഷൻ ഇവയെ ഉൾപ്പെടുത്തിയിരിക്കുന്നത്. പൊതുനിരത്തിലെ ഫ്ളക്സ് ഹോർഡിങ്സ്, ലഘുലേഖകൾ, വാൾപേപ്പറുകൾ എന്നിവയ്ക്ക് പ്രീ സർട്ടിഫിക്കേഷന്‍ ആവശ്യമില്ല. എന്നാൽ തിരഞ്ഞെടുപ്പുമായി ബന്ധപ്പെട്ട നിയമങ്ങളും മാതൃക പെരുമാറ്റചട്ടവും പാലിച്ചിരിക്കണം.

ആലപ്പുഴ: ആലപ്പുഴ തിരഞ്ഞെടുപ്പ് ബോധവത്കരണ വിഭാഗമായ സ്വീപ്പിന്റെ ആഭിമുഖ്യത്തിൽ ജനാധിപത്യത്തിന് ഒരു കൈയൊപ്പ് 
ക്യാമ്പയിൻ ജില്ല കളക്ടർ അലക്സ് വർഗീസ് കളക്ട്രേറ്റില്‍  ഉദ്ഘാടനം ചെയ്തു.