മലപ്പുറം ജില്ലാ ഭരണകൂടവും ആരോഗ്യ വകുപ്പും  ചേര്‍ന്ന് തദ്ദേശ സ്വയംഭരണ വകുപ്പുിന്റെയും  ആരോഗ്യ കേരളത്തിന്റെയും സഹകരണത്തോടെ നടപ്പിലാക്കുന്ന സമഗ്ര ക്യാന്‍സര്‍ ജീവിതശൈലി രോഗ നിയന്ത്രണ പരിപാടിയായ ആരോഗ്യഭേരിപദ്ധതിയുടെ ഭാഗമായി പുറത്തിറക്കുന്ന ''ആരോഗ്യ പോഷണം'' കൈപുസ്തകത്തിന്റെ പ്രകാശനം ജില്ലാ കളക്ടര്‍ വി ആര്‍ വിനോദ് നിര്‍വഹിച്ചു. ജില്ലാ മെഡിക്കല്‍ ഓഫീസര്‍ ഡോക്ടര്‍  ആര്‍ രേണുക പുസ്തകം ഏറ്റുവാങ്ങി.    

ലോകസഭാ തിരഞ്ഞെടുപ്പില്‍ പൊന്നാനി, മലപ്പുറം മണ്ഡലങ്ങളില്‍ മത്സരിക്കുന്ന സ്ഥാനാര്‍ത്ഥികള്‍ക്കും ഏജന്റുമാര്‍ക്കുമായി ചെലവ് കണക്ക് സംബന്ധിച്ച യോഗം ചേര്‍ന്നു. കേന്ദ്ര തിരഞ്ഞെടുപ്പ് കമ്മീഷന്‍ നിയോഗിച്ച പൊതു, ചെലവ് നിരീക്ഷകരുടെ സാന്നിദ്ധ്യത്തില്‍ മലപ്പുറം കളക്ടറേറ്റ് കോണ്‍ഫ്രന്‍സ് ഹാളിലായിരുന്നു യോഗം. മാതൃകാ പെരുമാറ്റ ചട്ടം കൃത്യമായി പാലിക്കണമെന്നും നാമനിര്‍ദ്ദേശ പത്രിക സമര്‍പ്പിച്ചത് മുതലുള്ള ദൈനംദിന കണക്കുകള്‍ നിശ്ചിത ഫോറത്തില്‍ രേഖപ്പെടുത്തി സൂക്ഷിക്കണമെന്നും നിരീക്ഷകര്‍ യോഗത്തില്‍ നിര്‍ദ്ദേശം നല്‍കി.

ലോക്സഭാ തെരഞ്ഞെടുപ്പിന് മുന്നോടിയായി തെരഞ്ഞെടുപ്പ് വിഭാഗം, സ്വീപ് എന്നിവയുടെ നേതൃത്വത്തില്‍ മീനങ്ങാടി മടൂര്‍ കോളനിയില്‍ തൊഴിലുറപ്പ് തൊഴിലാളികള്‍ക്കിടയില്‍ 'വോട്ടുറപ്പ്' തെരഞ്ഞെടുപ്പ് ബോധവത്കരണം നടത്തി. ബോധവത്ക്കരണത്തിന്റെ ഭാഗമായി വോട്ടിങ് യന്ത്രം പരിചയപ്പെടുത്തി വോട്ട് ചെയ്യുന്നതിന്റെ പ്രാധാന്യത്തെക്കുറിച്ച് അവബോധം നല്‍കി. നൂല്‍പ്പുഴ ഗ്രാമപഞ്ചായത്തില്‍ ചെട്ട്യലത്തൂര്‍ കോളനിയിലെ പണിയ, കാട്ടുനായ്ക്ക വിഭാഗത്തില്‍പ്പെട്ട കുടുംബങ്ങള്‍ക്കും ബോധവത്ക്കരണം നല്‍കി. പരിപാടിയില്‍ എല്ലാവരും വോട്ട് ചെയ്യുമെന്ന് പ്രതിജ്ഞ എടുത്തു.

ലോക്‌സഭാ തിരഞ്ഞെടുപ്പുമായി ബന്ധപ്പെട്ട് എക്‌സൈസിന്റെ പരിശോധനയില്‍ മലപ്പുറം ജില്ലയിലെ വിവിധ ഇടങ്ങളില്‍ നിന്ന് ഹാഷിഷ് ഓയിലും എം.ഡി.എം.എയും മദ്യവും പിടികൂടി.

ഈ വര്‍ഷത്തെ  റംസാന്‍, വിഷു ആഘോഷങ്ങളോടനുബന്ധിച്ചുള്ള ഖാദി റിബേറ്റ് ആരംഭിച്ചതായി മലപ്പുറം ജില്ലാ ഖാദി ഗ്രാമ വ്യവസായ ഓഫീസ് പ്രൊജക്ട് ഓഫീസര്‍ അറിയിച്ചു. ഏപ്രില്‍ 15 വരെ 30% സര്‍ക്കാര്‍ റിബേറ്റോടുകൂടി ഖാദി വസ്ത്രങ്ങള്‍ വാങ്ങാവുന്നതാണ്. മലപ്പുറം മുന്‍സിപ്പല്‍ ബസ്റ്റാന്റ് ,ചങ്ങരംകുളം, എടപ്പാള്‍ , വട്ടംകുളം, താനൂര്‍ എന്നിവിടങ്ങളിലാണ് ഖാദി ബോര്‍ഡിന്റെ അംഗീകൃത വില്പന കേന്ദ്രങ്ങള്‍ പ്രവര്‍ത്തിക്കുന്നത്.

മലപ്പുറം ജില്ലയില്‍ പൊലീസ് വകുപ്പില്‍ പൊലീസ് കോണ്‍സ്റ്റബിള്‍ (എ.പി.ബി- എം.എസ്.പി) (സ്പെഷ്യല്‍ റിക്രൂട്ട്മെന്റ് എസ്.സി/എസ്.ടി) (കാറ്റഗറി നം. 340/2020) തസ്തികയിലേക്കും പൊലീസ് കോണ്‍സ്റ്റബിള്‍ (എ.പി.ബി- എം.എസ്.പി) (സ്പെഷ്യല്‍ റിക്രൂട്ട്മെന്റ് - എസ്.ടി) (കാറ്റഗറി നം. 251/2020) തസ്തികയിലേക്കുമുള്ള നിയമനങ്ങള്‍ക്കായി 2023 മാര്‍ച്ച് 27 ന് നിലവില്‍ വന്ന 189/2023/ഡി.ഒ.എം, 190/2023/ഡി.ഒ.എം നമ്പര്‍ റാങ്ക് പട്ടികകള്‍ ഒരു വര്‍ഷ കാലാവധി പൂര്‍ത്തിയാക്കിയതിനാല്‍ 2024 മാര്‍ച്ച് 27 പൂര്‍വ്വാഹ്നം മുതല്‍ നിലവിലില്ലാത്തവിധം റദ്ദാക്കിയതായി  ജില്ലാ പി.എസ്.സി ഓഫീസര്‍ അറിയിച്ചു.

ലോക്‍സഭാ തിരഞ്ഞെടുപ്പില്‍  മലപ്പുറം, പൊന്നാനി മണ്ഡലങ്ങളില്‍ മത്സരിക്കുന്ന സ്ഥാനാര്‍ഥികള്‍ക്ക് / ഏജന്റുമാര്‍ക്കായി ചെലവ് കണക്ക് സംബന്ധിച്ച യോഗം സംഘടിപ്പിക്കുന്നു. ഇന്ന് (ഏപ്രില്‍ 9) രാവിലെ 11 ന് കളക്ടറേറ്റ് കോണ്‍ഫ്രന്‍സ് ഹാളില്‍ വെച്ച് തിരഞ്ഞെടുപ്പ് നിരീക്ഷകരുടെ സാന്നിദ്ധ്യത്തിലാണ് യോഗം. സ്ഥാനാര്‍ഥികള്‍/ ഏജന്റുമാര്‍ പങ്കെടുക്കണമെന്ന് എക്സ്പെന്‍ഡിച്ചര്‍ മോണിട്ടറിങ് നോഡല്‍ ഓഫീസര്‍ അറിയിച്ചു.

ലോക്‍സഭാ തിരഞ്ഞെടുപ്പുമായി ബന്ധപ്പെട്ട് പൊന്നാനി, മലപ്പുറം മണ്ഡലങ്ങളിലെ  പരാതികളും വിവരങ്ങളും പൊതുജനങ്ങൾക്ക് കേന്ദ്ര തിരഞ്ഞെടുപ്പ് കമ്മീഷൻ നിയോഗിച്ച  നിരീക്ഷകരെ നേരിൽകണ്ട് അറിയിക്കാം. നിരീക്ഷകരുടെ ക്യാമ്പ് ഓഫീസായ കാലിക്കറ്റ് യൂണിവേഴ്സിറ്റി ഗസ്റ്റ് ഹൗസില്‍ എല്ലാ ദിവസവും രാവിലെ 10 മുതല്‍ 11 വരെയാണ് സന്ദര്‍ശന സമയം. പൊന്നാനി മണ്ഡലം  പൊതുനിരീക്ഷകൻ - പുൽകിത് ആർ ആർ ഖരേ (റൂം നമ്പർ 7) , പൊന്നാനി മണ്ഡലം പൊലിസ് നിരീക്ഷകൻ-  വിശ്വാസ്‌ ഡി പണ്ഡാരേ ( റൂം നമ്പർ 9), മലപ്പുറം മണ്ഡലം  പൊതുനിരീക്ഷകൻ - അവദേശ് കുമാർ തിവാരി (റൂം നമ്പർ 5) മലപ്പുറം മണ്ഡലം  പൊതുനിരീക്ഷകൻ പൊലിസ് നിരീക്ഷകൻ-  ഡോ.

ലോക്‍സഭാ തിരഞ്ഞെടുപ്പിനോടനുബന്ധിച്ച് പോളിങ് ഡ്യൂട്ടിയുള്ള ജീവനക്കാരുടെ രണ്ടാംഘട്ട റാൻഡമൈസേഷൻ മലപ്പുറം ജില്ലയിൽ പൂർത്തിയായി. ആദ്യ ഘട്ട റാന്‍ഡമൈസേഷനിലൂടെ പോളിങ് ഡ്യൂട്ടി ഉത്തരവ് ലഭിച്ച ഉദ്യോഗസ്ഥരെ എത് നിയമസഭാ മണ്ഡലങ്ങളിലേക്കാണ് നിയോഗിച്ചിരിക്കുന്നതെന്നും സ്‍പെഷ്യല്‍ പോളിങ് സ്റ്റേഷനുകള്‍ ഏതെന്നുമാണ് രണ്ടാം ഘട്ട റാന്‍ഡമൈസേഷനിലൂടെ നിര്‍ണയിച്ചത്. തിരഞ്ഞെടുപ്പ് പൊതു നീരീക്ഷകരായ അവദേശ് കുമാർ തിവാരി (മലപ്പുറം), പുൽകിത് ഖരേ (പൊന്നാനി) എന്നിവരുടെ സാന്നിദ്ധ്യത്തില്‍ ജില്ലാ തിരഞ്ഞെടുപ്പ് ഓഫീസര്‍ കൂടിയായ ജില്ലാ കളക്ടര്‍ വി.ആര്‍ വിനോദ് റാന്‍ഡമൈസേഷന്‍ നിര്‍വഹിച്ചു.  ജില്ലാ പൊലീസ് മേധാവി എസ്.

മലപ്പുറം മണ്ഡലത്തില്‍ രണ്ട് പേര്‍ പത്രിക പിന്‍വലിച്ചു