kozhikode news

കാട വളര്‍ത്തലില്‍ പരിശീലനം

മൃഗസംരക്ഷണ വകുപ്പിന്റെ  ആഭിമുഖ്യത്തില്‍  മലമ്പുഴ ഐ.റ്റി.ഐക്ക് സമീപമുള്ള മൃഗസംരക്ഷണ പരിശീലനകേന്ദ്രത്തില്‍ ഏപ്രില്‍  26 ന്   കാട വളര്‍ത്തലില്‍ ഒരു ദിവസത്തെ സൗജന്യ പരിശീലനം സംഘടിപ്പിക്കുന്നു. താല്‍പര്യമുളളവര്‍ നേരിട്ടോ ഫോണ്‍ മുഖേനയോ ഓഫീസ് സമയങ്ങളില്‍ മുന്‍കൂട്ടി പേര് രജിസ്റ്റര്‍ ചെയ്യണം.  പേര് രജിസ്റ്റര്‍ ചെയ്തവര്‍ ആധാര്‍ നമ്പറുമായി 26 ന്   തിയതി രാവിലെ 10 മണിക്കു മുന്‍പായി മലമ്പുഴ മൃഗസംരക്ഷണ  പരിശീലന കേന്ദ്രത്തില്‍ എത്തിച്ചേരേണ്ടതാണെന്ന് അസി. ഡയറക്ടര്‍ അറിയിച്ചു.  ഫോണ്‍ : 0491 2 815454,  8281777080. 

്                              അപേക്ഷകള്‍ സ്വീകരിക്കുന്നു                               
കേന്ദ്ര ടെക്‌സ്റ്റൈല്‍ മന്ത്രാലയത്തിന്റെ കീഴിലുളള അപ്പാരല്‍ ട്രെയിനിംഗ് ആന്‍ഡ് ഡിസൈന്‍ സെന്റര്‍ കണ്ണൂര്‍, തളിപ്പറമ്പ്, നാടുകാണിയിലെ സെന്ററില്‍ മൂന്ന് വര്‍ഷത്തെ ഫാഷന്‍ ഡിസൈനിംഗ് ഡിഗ്രി കോഴ്‌സിലേക്ക് അപേക്ഷകള്‍ സ്വീകരിക്കുന്നു. ഫോണ്‍ - 0460-2226110, 9995004269/9744917200.

തൊഴിലവസരങ്ങളുമായി എംപ്ലോയബിലിറ്റി സെന്റര്‍
                കോഴിക്കോട് സിവില്‍ സ്റ്റേഷനിലെ  എംപ്ലോയബിലിറ്റി സെന്ററില്‍ ഏപ്രില്‍ 27 ന് രാവിലെ 10.30 ന് ജില്ലയിലെ വിവിധ സ്വകാര്യ  സ്ഥാപനങ്ങളിലേയ്ക്ക് സയന്‍സിലും കണക്കിലും ബിരുദാനന്തര ബിരുദം യോഗ്യതയായുളള ഫാക്കല്‍റ്റി, ബിരുദം അടിസ്ഥാന യോഗ്യതയായുളള ടീച്ചര്‍മാര്‍, എം.ബി.എ യോഗ്യതയായുളള മാര്‍ക്കറ്റിംങ്ങ് മാനേജര്‍, ബി.ടെക് (സിവില്‍) യോഗ്യതയുളള പ്രോജക്ട് കോ - ഓര്‍ഡിനേറ്റര്‍, ഐ.ടി.ഐ എ.സി മെക്കാനിക് യോഗ്യതയുളള ടെക്‌നീഷ്യന്‍, പ്ലസ് ടു യോഗ്യതയുളള ഫൈനാന്‍ഷ്യല്‍ അഡൈ്വസര്‍, ഇലക്ട്രിക്കല്‍ ഡിപ്ലോമ യോഗ്യതയുളള ടെക്‌നിക്കല്‍ സൂപ്പര്‍വൈസര്‍ തുടങ്ങി വിവിധ തസ്തികകളിലേക്ക്   കൂടിക്കാഴ്ച നടത്തും. എംപ്ലോയ്ബിലിറ്റി    സെന്ററില്‍   രജിസ്റ്റര്‍ ചെയ്തവര്‍ക്ക്  സൗജന്യമായും, അല്ലാത്തവര്‍ക്ക് 250 രൂപ ഒറ്റത്തവണ ഫീസടച്ച് ഓണ്‍ലൈനായി www.employabilitycentre.org   എന്ന വെബ് സൈറ്റില്‍ രജിസ്റ്റര്‍ ചെയ്തും അഭിമുഖത്തില്‍ പങ്കെടുക്കാം.  താല്‍പര്യമുളള ഉദ്യോഗാര്‍ത്ഥികള്‍ ബയോഡാറ്റ സഹിതം 27 ന് രാവിലെ 10.30ന് സെന്ററില്‍ ഹാജരാകണം.  കുടുതല്‍ വിവരങ്ങള്‍ക്ക് : 0495 - 2370178.

ദര്‍ഘാസുകള്‍ ക്ഷണിച്ചു
രാമനാട്ടുകര മുന്‍സിപ്പാലിറ്റിയിലെ ചിറക്കാംകുന്ന് എസ്.സി കോളനി, ഡിവിഷന്‍ 7 നാലര ഇഞ്ച് വ്യാസമുളള കുഴല്‍ക്കിണര്‍ നിര്‍മ്മിക്കുന്ന ജോലി നടപ്പിലാക്കുന്നതിനുളള ദര്‍ഘാസുകള്‍ ക്ഷണിച്ചു. ദര്‍ഘാസുകള്‍ ലഭിക്കേണ്ട അവസാന തീയതി മെയ് 17 ന് ഉച്ച മൂന്ന് മണി വരെ. ഫോണ്‍ - 0495 2370016.