Post Category
പി കെ.ശിവദാസിന്റെ നിര്യാണത്തിൽ മന്ത്രി എ.കെ. ബാലൻ അനുശോചിച്ചു
സാംസ്കാരിക വൈജ്ഞാനിക മേഖലകളിലെ അതുല്യപ്രതിഭയായിരുന്ന പി.കെ. ശിവദാസിന്റെ നിര്യാണത്തിൽ സാംസ്കാരിക മന്ത്രി എ.കെ. ബാലൻ അനുശോചിച്ചു. പത്രപ്രവർത്തകൻ, വിവർത്തകൻ, നിഘണ്ടുകാരൻ തുടങ്ങിയ നിലകളിൽ വലിയ സംഭാവനയാണ് അദ്ദേഹം നൽകിയത്. മലയാളത്തിലെ ആദ്യത്തെ ഇ-റിവേഴ്സ് ഡിക്ഷ്ണറി തയ്യാറാക്കിയും പ്രശസ്ത ഇടതുപക്ഷ ചിന്തകരുടെ പുസ്തകങ്ങൾ വിവർത്തനം ചെയ്തും സ്വതന്ത്ര വിജ്ഞാന ഗ്രന്ഥങ്ങളുടെ രചനയിലൂടെയും സാഹിത്യ ലോകത്തും അദ്ദേഹം ചിരപ്രതിഷ്ഠ നേടി. അദ്ദേഹത്തിന്റെ അകാല വേർപാട് സാംസ്കാരിക ലോകത്തിന് വലിയ നഷ്ടമാണ് - അനുശോചന സന്ദേശത്തിൽ മന്ത്രി അറിയിച്ചു.
പി.എൻ.എക്സ്. 1360/19
date
- Log in to post comments