ജില്ലയില് റെഡ് അലര്ട്ട് പ്രഖ്യാപിച്ചു
ജില്ലയില് ഇന്ന് (ഒക്ടോബര് 22) പാലക്കാട് ഉള്പ്പെടെ എറണാകുളം, ഇടുക്കി, തൃശൂര്, മലപ്പുറം ജില്ലകളില് കേന്ദ്ര കാലാവസ്ഥ വകുപ്പ് റെഡ് അലേര്ട്ട് പ്രഖ്യാപിച്ചു.
അതീവ ഗൗരവമുള്ള റെഡ് അലര്ട്ടില് 24 മണിക്കൂറില് 205 മില്ലിമീറ്ററില് കൂടുതല് മഴ ലഭിക്കാനുള്ള സാധ്യതയുണ്ട്. വൈകുന്നേരങ്ങളില് മഴ കൂടുതല് ശക്തമാകാന് സാധ്യതയുള്ളതിനാല് പൊതുജനങ്ങള് അതീവ ജാഗ്രത പാലിക്കണമെന്ന് ജില്ലാ ദുരന്ത നിവാരണ അതോറിറ്റി അറിയിച്ചു.
ഇടിമിന്നല്: ജനങ്ങള് ജാഗ്രത നിര്ദേശങ്ങള് പാലിക്കണം
ജില്ലയില് വൈകുന്നേരങ്ങളില് ഇടിമിന്നലോടെ മഴ പെയ്യുന്ന സാഹചര്യത്തില് പൊതുജനങ്ങള് ജാഗ്രത പാലിക്കണമെന്ന് ദുരന്തനിവാരണ അതോറിറ്റി അധികൃതര് അറിയിച്ചു.
- കുട്ടികള് ഉച്ചയ്ക്ക് രണ്ട് മുതല് രാത്രി 10 വരെ തുറസായ സ്ഥലത്തും, ടെറസ്സിലും കളിക്കരുത്.
- തിരഞ്ഞെടുപ്പ് പ്രചാരണവുമായി ബന്ധപ്പെട്ട പ്രസംഗ വേദികളില് ഇടിമിന്നലുള്ള സമയത്ത് പ്രസംഗം ഒഴിവാക്കുക.
- ഇടിമിന്നലിന്റെ ആദ്യ ലക്ഷണം കണ്ടാല് ഉടനെ സുരക്ഷിതമായ കെട്ടിടത്തിനുള്ളിലേക്ക് മാറുക.
- മഴക്കാര് കാണുമ്പോള് തുണികള് എടുക്കാന് ടെറസിലേക്കോ, മുറ്റത്തക്കോ ഉച്ചയ്ക്ക് രണ്ട് മുതല് രാത്രി 10 വരെയുള്ള സമയത്ത് പോകരുത്ഗൃ
- ഹോപകരണങ്ങളുടെ വൈദ്യുതി ബന്ധം വിഛേദിക്കുക.
- ജനലും വാതിലും അടച്ചിടുക
- ഫോണ് ഉപയോഗിക്കരുത്
- ലോഹ വസ്തുക്കളുടെ സ്പര്ശനം സാമീപ്യം, വൈദ്യുതി ഉപകരണങ്ങളുടെ സാമീപ്യം എന്നിവ ഒഴിവാക്കുക.
- ഇടിമിന്നലുള്ള സമയത്ത് ടെറസ്സിലോ മറ്റ് ഉയരമുള്ള സ്ഥലങ്ങളിലോ വൃക്ഷ കൊമ്പിലോ ഇരിക്കുന്നത് അപകടകരമാണ്.
- വൃക്ഷങ്ങളുടെ ചുവട്ടില് നില്ക്കുകയോ പട്ടം പറത്തുകയോ ചെയ്യരുത്.
- വാഹനത്തിലാണങ്കില് തുറസ്സായ സ്ഥലത്ത് നിര്ത്തണം. ലോഹ ഭാഗങ്ങളില് സ്പര്ശിക്കരുത്.
- ജലാശയങ്ങളില് ഇറങ്ങരുത്.
- തുറസ്സായ സ്ഥലത്താണങ്കില് പാദങ്ങള് ചേര്ത്തുവച്ച് തല കാല്മുട്ടുകള്ക്ക് ഇടയില് ഒതുക്കി ഇരിക്കുക.
- ഇടിമിന്നലില്നിന്നും സുരക്ഷിതമാക്കാന് കെട്ടിടങ്ങള്ക്കു മുകളില് മിന്നല് ചാലകം സ്ഥാപിക്കാം. വൈദ്യുതോപകരണങ്ങളുടെ സുരക്ഷയ്ക്കായി സര്ജ്ജ് പ്രോട്ടക്ടര് ഘടിപ്പിക്കാം.
- മിന്നലിന്റെ ആഘാതത്താല് പൊള്ളലേല്ക്കുകയോ കാഴ്ച്ചയോ കേള്വിയോ നഷ്ടമാവുകയോ ഹൃദയാഘാതം സംഭവിക്കയോ ചെയ്യാം. മിന്നലേറ്റ വ്യക്തിയുടെ ശരീരത്തില് വൈദ്യുത പ്രവാഹം ഉണ്ടാവാത്തതിനാല് ആദ്യ 30 സെക്കന്റിനുള്ളില് പ്രഥമ ശുശ്രൂഷ നല്കണം.
- വളര്ത്തു മൃഗങ്ങളെ തുറസായ സ്ഥലത്ത് കെട്ടരുത്.
അലര്ട്ട് പ്രഖ്യാപിച്ച ദിവസങ്ങളില് പാലിക്കേണ്ട പൊതു നിര്ദേശങ്ങള്
- ഉരുള്പൊട്ടല് സാധ്യത ഉള്ളതിനാല് രാത്രി സമയത്ത് മലയോരമേഖലയിലേക്കുള്ള യാത്ര ഒഴിവാക്കുക
- മലയോര മേഖലയിലെ റോഡുകള്ക്ക് കുറുകെ ഉള്ള ചെറിയ ചാലുകളിലൂടെ മലവെള്ള പാച്ചിലും ഉരുള്പൊട്ടലും ഉണ്ടാവാന് സാധ്യതയുള്ളതിനാല് ഇത്തരം ചാലുകളുടെ അരികില് വാഹനങ്ങള് നിര്ത്തരുത്.
- മലയോര മേഖലയിലും ബീച്ചുകളിലും വിനോദ സഞ്ചാരത്തിന് പോവരുത്.
- സമൂഹ മാധ്യമങ്ങളിലൂടെ തെറ്റായ വിവരങ്ങള് പ്രചരിപ്പിക്കരുത്- ഒരു കാരണവശാലും നദി മുറിച്ചു കടക്കരുത്.
- പാലങ്ങളിലും നദിക്കരയിലും മറ്റും കയറി സെല്ഫി എടുക്കരുത്.
- പുഴകളിലും തോടുകളിലും ജലനിരപ്പ് ഉയരാന് സാധ്യതയുള്ളതിനാല് ചാലുകളിലും, വെള്ളകെട്ടിലും മഴയത്ത് ഇറങ്ങാതിരിക്കണം. കുട്ടികള് ഇറങ്ങുന്നില്ലെന്ന് മുതിര്ന്നവര് ഉറപ്പുവരുത്തണം. നദിയില് കുളിക്കുന്നതും തുണി നനയ്ക്കുന്നതും കളിക്കുന്നതും ഒഴിവാക്കുക.
- ദൃശ്യ-ശ്രവ്യ മാധ്യമങ്ങളില് വരുന്ന മുന്നറിയിപ്പുകള് ശ്രദ്ധിക്കുക.
- ആകാശവാണിയുടെ തൃശൂര്, കോഴിക്കോട് നിലയങ്ങള് ശ്രദ്ധിക്കുക
- തൊട്ടടുത്ത ക്യാമ്പുകളിലേക്ക് ആവശ്യമെങ്കില് മാറി താമസിക്കുക. ഓരോ വില്ലേജിലെയും ആളുകള്ക്ക് സുരക്ഷിതമായ സ്ഥാനങ്ങള് അതാതു പ്രാദേശിക ഭരണകൂടങ്ങള് നിങ്ങളെ അറിയിച്ചാല് ഉടനെ സ്വമേധയാ മാറാന് ശ്രമിക്കുക.
- ജലം കെട്ടിടത്തിനുള്ളില് പ്രവേശിച്ചാല് വൈദ്യുത ആഘാതം ഒഴിവാക്കുവാനായി മെയിന് സ്വിച്ച് ഓഫാക്കുക.
- ജില്ലാ എമെര്ജന്സി ഓപ്പറേഷന് സെന്റര് നമ്പരുകള് 1077, ജില്ലയ്ക്ക് പുറത്തുനിന്നാണ് വിളിക്കുന്നതെങ്കില് എസ്.ടി.ഡി കോഡ് ചേര്ക്കുക
- പഞ്ചായത്ത് അധികൃതരുടെ ഫോണ് നമ്പര് കൈയില്് സൂക്ഷിക്കുക.
- വീട്ടില് അസുഖമുള്ളവരെയും അംഗപരിമിതരെയും ഭിന്നശേഷിക്കാരെയും പ്രായമായവരെയും കുട്ടികളെയും പ്രത്യേകം ശ്രദ്ധിക്കുക.
- വെള്ളം വീട്ടില് കയറിയാലും വൈദ്യുതോപകരണങ്ങള് നശിക്കാത്ത തരത്തില് ഉയരത്തില് വെക്കുക.
- വളര്ത്തു മൃഗങ്ങളെ സുരക്ഷിത സ്ഥാനത്തേക്ക് മാറ്റുകയോ അതിനു പറ്റാത്ത അവസ്ഥയില് കെട്ടഴിച്ചു വിടുകയോ ചെയ്യുക.
- വാഹനങ്ങള് ഉയര്ന്ന പ്രദേശങ്ങളിലേക്ക് മാറ്റി പാര്ക്ക് ചെയ്യുക.
- താഴ്ന്ന പ്രദേശത്തെ ഫ്ളാറ്റുകളില് ഉള്ളവര് ഫ്ളാറ്റിന്റെ സെല്ലാറില് കാര് പാര്ക്ക് ചെയ്യാതെ കൂടുതല് ഉയര്ന്ന സ്ഥലങ്ങളില് പാര്ക്ക് ചെയ്യുക.
- രക്ഷാപ്രവര്ത്തനങ്ങളില് പരിശീലനം ലഭിച്ചവര് മാത്രം ദുരിതാശ്വാസ സഹായം നല്കുക. മറ്റുള്ളവര് അവര്ക്ക് പിന്തുണ കൊടുക്കുക.
എമെര്ജന്സി കിറ്റില് സൂക്ഷിക്കേണ്ട വസ്തുക്കള്
- ടോര്ച്ച്
- റേഡിയോ
- 500 മില്ലിലിറ്റര് വെള്ളം
- ഓ.ആര്.എസ് പാക്കറ്റ്
- അത്യാവശ്യം വേണ്ട മരുന്ന്
- മുറിവിന് പുരട്ടുന്ന മരുന്ന്
- ഒരു ചെറിയ കുപ്പി ആന്റി സെപ്ടിക് ലോഷന്
- 100 ഗ്രാം കപ്പലണ്ടി
- 100 ഗ്രാം ഉണക്ക മുന്തിരി അല്ലെങ്കില് ഈന്തപ്പഴം
- ചെറിയ ഒരു കത്തി
- 10 ക്ലോറിന് ടാബ്ലെറ്റ്
- ഒരു ബാറ്ററി ബാങ്ക് അല്ലെങ്കില് ടോര്ച്ചില് ഇടാവുന്ന ബാറ്ററി
- ബാറ്ററിയും, കോള് പ്ലാനും ചാര്ജ് ചെയ്ത ഒരു സാധാരണ മൊബൈല് ഫോണ്
- അത്യാവശ്യം കുറച്ച് പണം, എ.ടി.എം കാര്ഡ്
എമെര്ജന്സി കിറ്റ് തയ്യാറാക്കി വീട്ടില് എല്ലാവര്ക്കും എടുക്കാന് പറ്റുന്ന തരത്തില് സുരക്ഷിതമായ ഒരിടത്ത് വെക്കുകയും വീട്ടിലെ സ്ത്രീകളും കുട്ടികളും മുതിര്ന്നവരുമുള്പ്പെടെ അടിയന്തര സാഹചര്യത്തില് ആരെയും കാത്ത് നില്ക്കാതെ എമെര്ജന്സി കിറ്റുമായി സുരക്ഷിത ഇടത്തേക്ക് മാറുന്ന തരത്തിലേക്ക് വീട്ടിലുള്ള എല്ലാവരെയും പ്രാപ്തരാക്കുകയും ചെയ്യണം.
- Log in to post comments