കോട്ടയം: ചെമ്പ്-മറവൻതുരുത്ത് പഞ്ചായത്തുകളെ തമ്മിൽ ബന്ധിപ്പിച്ച് മൂവാറ്റുപുഴയാറിന് കുറുകെ നിർമിക്കുന്ന മൂലേക്കടവ് പാലത്തിന്റെ നിർമാണ പ്രവർത്തനങ്ങൾ ദ്രുതഗതിയിൽ പുരോഗമിക്കുന്നു.  നിലവിൽ കടത്ത് വള്ളത്തെ ആശ്രയിച്ചാണ് ഇവിടെ ഗതാഗതം. സംസ്ഥാന സർക്കാർ കിഫ്ബിയിലൂടെ പാലത്തിന്റെ നിർമാണത്തിനായി 21.10 കോടി രൂപയുടെ ഭരണാനുമതി നൽകിയിരുന്നു. മൂവാറ്റുപുഴയാറിന് കുറുകെ 210 മീറ്റർ നീളത്തിലും 11 മീറ്റർ വീതിയിലും ഏഴ് സ്പാനുകളോടും കൂടിയാണ് പാലത്തിന്റെ നിർമാണം. കെ.ടി മാത്യു ആൻഡ് കമ്പനി ലിമിറ്റഡ് എന്ന കൺസ്ട്രക്ഷൻ സ്ഥാപനമാണ് പാലത്തിന്റെ കരാർ ഏറ്റെടുത്തിരിക്കുന്നത്. 20 മാസമാണ് നിർമാണ കാലാവധി.

കോട്ടയം : മാലിന്യമുക്തം നവകേരളം ക്യാമ്പയിന്റെ ഭാഗമായി തലപ്പലം ഗ്രാമപഞ്ചായത്തിൽ ജനകീയ ഹരിത ഓഡിറ്റ് റിപ്പോർട്ട് അവതരണവും അർദ്ധദിന ശിൽപശാലയും നടത്തി. ഗ്രാമപഞ്ചായത്ത് ഹാളിൽ നടന്ന യോഗം പ്രസിഡന്റ് അനുപമ  വിശ്വനാഥ് ഉദ്ഘാടനം ചെയ്തു. ആരോഗ്യകാര്യ സ്ഥിരംസമിതി അധ്യക്ഷൻ കെ. കെ. ബിജു അധ്യക്ഷത വഹിച്ചു. ഹരിത കേരള മിഷൻ റിസോഴ്സ്പേഴ്സൺ ശരത് ചന്ദ്രൻ ജനകീയ ഓഡിറ്റ് റിപ്പോർട്ട് അവതരിപ്പിച്ചു. വില്ലേജ് എക്സ്റ്റൻഷൻ ഓഫീസർ അനു ചന്ദ്രൻ ക്യാമ്പയിൻ വിശദീകരണം നൽകി. ക്യാമ്പയിൻ പ്രവർത്തനങ്ങൾ  സി.ഡി.എസ് ചെയർപേഴ്സൺ കെ. എസ്. ശ്രീജ  വിവരിച്ചു.

കോട്ടയം: കിടങ്ങൂർ ഗ്രാമപഞ്ചായത്ത് 11-ാം വാർഡിലെ കുരീക്കാട്ടിൽ- മനിശ്ശേരിൽ റോഡ് നിർമാണത്തിന് തുടക്കമായി. പ്രദേശത്തെ പന്ത്രണ്ടോളം കുടുംബങ്ങൾക്ക്് ഇതോടെ യാത്രാ സൗകര്യം ലഭ്യമാകും. വാഹന സൗകര്യമില്ലാതിരുന്ന പ്രദേശവാസികൾ പഞ്ചായത്തിന് സ്ഥലം വിട്ട് നൽകിയതോടെയാണ് റോഡ് നിർമ്മാണം പ്രാവർത്തികമായത്.

കോട്ടയം: കേരള ഖാദി ഗ്രാമവ്യവസായ ബോർഡും അംഗീകൃത ഖാദി സ്ഥാപനങ്ങളും ചേർന്ന് സംഘടിപ്പിക്കുന്ന ഓണം ഖാദിമേളയുടെ  ജില്ലാതല ഉദ്ഘാടനം  ചങ്ങനാശേരി റവന്യു ടവർ അങ്കണത്തിൽ  ജോബ് മൈക്കിൾ എം.എൽ.എ.  നിർവഹിച്ചു. ഖാദി ബോർഡംഗം കെ. എസ്. രമേഷ് ബാബു അധ്യക്ഷത വഹിച്ചു. ചങ്ങനാശേരി നഗരസഭ ആക്ടിംഗ് ചെയർമാൻ ബെന്നി ജോസഫ് ആദ്യവിൽപ്പനയും സമ്മാനകൂപ്പൺ ഉദ്ഘാടനവും നിർവഹിച്ചു. ഖാദി ബോർഡംഗം സാജൻ തൊടുകയിൽ ഡിസൈൻ വസ്ത്രങ്ങളുടെ ലോഞ്ചിംഗ് നിർവഹിച്ചു. തഹസിൽദാർ ടി. ഐ. വിജയസേനൻ മുഖ്യപ്രഭാഷണം നടത്തി.  കേരള ഖാദി ഗ്രാമവ്യവസായ ബോർഡ് ഡയറക്ടർ പി.എൻ. മേരി വെർജിൻ, പ്രോജക്ട് ഡയറക്ടർ ധന്യ ദാമോദരൻ, വിവിധ സംഘടനാ പ്രതിനിധികളായ എ. കെ. ഷാജി, കെ.

കോട്ടയം: വൈക്കം താലൂക്ക് ഞീഴൂർ വില്ലേജിൽ ഗാന്ധിഗ്രാം വില്ലേജ് ഇൻഡസ്ട്രീസ് വക 63.75 ആർ വസ്തു ഞീഴൂർ വില്ലേജ് ഓഫീസിൽ വച്ച് സെപ്റ്റംബർ 20 ന് രാവിലെ 11ന് ലേലം ചെയ്യും.

കോട്ടയം: ദേശീയതലത്തിൽ നടക്കുന്ന സമ്പൂർണ വാക്‌സിനേഷൻ തീവ്രയജ്ഞത്തിന്റെ ജില്ലാതല ആലോചനായോഗം നാളെ( ഓഗസ്റ്റ 6) രാവിലെ 11.00 മണിക്ക് ഈരാറ്റുപേട്ടയിൽ നടക്കും. ഈരാറ്റുപേട്ട വ്യാപാരഭവൻ ഹാളിൽ നടക്കുന്ന യോഗം  അഡ്വ. സെബാസ്റ്റ്യൻ കുളത്തുങ്കൽ എം.എൽ.എ ഉദ്ഘാടനം ചെയ്യും. ഈരാറ്റുപേട്ട നഗരസഭാധ്യക്ഷ സുഹറാ അബ്ദുൽ ഖാദർ അധ്യക്ഷത വഹിക്കും. ജില്ലാ മെഡിക്കൽ ഓഫീസർ ഡോ. എൻ പ്രിയ മുഖ്യപ്രഭാഷണം നടത്തും. നഗരസഭ വൈസ് ചെയർമാൻ അഡ്വ. മുഹമ്മദ് ഇല്ല്യാസ്, ആരോഗ്യ സ്ഥിരം സമിതി അധ്യക്ഷ ഡോ സഫ്‌ല ഫിർദൗസ്, പ്രമുഖ രാഷ്ട്രീയ, മത നേതാക്കൾ എന്നിവർ സംസാരിക്കും.

എക്സ്പ്ലോറ 2023 കടകംപള്ളി സുരേന്ദ്രൻ എം.എൽ. എ സന്ദർശിച്ചു

 പട്ടികജാതി വികസന വകുപ്പിന്റെ കീഴിലുള്ള കട്ടേല ഡോ അംബേദ്കർ മെമ്മോറിയൽ മോഡൽ റസിഡൻഷ്യൽ ഹയർ സെക്കണ്ടറി സ്കൂളിൽ ഫെസ്റ്റിവൽ ഓഫ് സയൻസ് - എക്സ്പ്ലോറ 2023 എന്ന പേരിൽ സ്കൂൾ ശാസ്ത്രദിനം സംഘടിപ്പിച്ചു.കേരള സ്റ്റേറ്റ് സയൻസ് ആൻഡ് ടെക്നോളജി കൗൺസിൽ സീനിയർ പ്രിൻസിപ്പൽ സയന്റിസ്റ്റ് ഡോ. ഹരിനാരായണൻ പി ചടങ്ങ് ഉദ്ഘാടനം ചെയ്തു.കടകംപള്ളി സുരേന്ദ്രൻ എം.എൽ.എ ഫെസ്റ്റിവൽ സന്ദർശിക്കുകയും വിദ്യാർത്ഥികളുമായി ശാസ്ത്ര പരീക്ഷണങ്ങളെ കുറിച്ച് അറിവും കൗതുകങ്ങളും ചോദിച്ചറിഞ്ഞു.

തിരുവനന്തപുരം ജില്ലയിലെ പഴകുറ്റി പോസ്റ്റ് ഓഫീസ് മുഖേന മഹിളാ പ്രധാൻ ഏജന്റായി പ്രവർത്തിച്ചിരുന്ന ശോഭനകുമാരി അമ്മ ജെ (സി.എ നമ്പർ 2/97) NMC/12/167, റെജി ഭവൻ, പുലിപ്പാറ, നെടുമങ്ങാട് -യുടെ ഏജൻസി പ്രവർത്തനം നെടുമങ്ങാട് ബ്ലോക്ക് പഞ്ചായത്ത് സെക്രട്ടറി സസ്പെൻഡ് ചെയ്തു. പണം തിരിമറി ഉൾപ്പെടെയുള്ള ഗുരുതര ആരോപണങ്ങളെ തുടർന്നാണ് ഏജൻസി അന്വേഷണവിധേയമായി സസ്പെൻഡ് ചെയ്തത്.

ബോണക്കാട് എസ്റ്റേറ്റിലെ ലയങ്ങളുടെ നവീകരണവുമായി ബന്ധപ്പെട്ട നടപടികൾ വേഗത്തിൽ ആക്കാൻ തീരുമാനം. ജി. സ്റ്റീഫൻ എം.എൽ.എയുടെയും ജില്ലാ കളക്ടർ ജെറോമിക് ജോർജിന്റെയും സാന്നിധ്യത്തിൽ കളക്ടറുടെ ചേമ്പറിൽ നടന്ന യോഗത്തിലാണ് തീരുമാനം. നവീകരണ പ്രവർത്തികൾക്കായുള്ള അന്തിമ എസ്റ്റിമേറ്റ് തയ്യാറാക്കുന്നതിന്റെ ഭാഗമായി ട്രേഡ് യൂണിയൻ നേതാക്കൾ ഉൾപ്പെടെ ഉദ്യോഗസ്ഥ സംഘം ഓഗസ്റ്റ് പത്തിന് ബോണക്കാട്ടെ ലയങ്ങൾ സന്ദർശിക്കും. 34 ലയങ്ങളിലായി 155 കുടുംബങ്ങളാണ് ഇവിടെ താമസിക്കുന്നത്. കൂടുതൽ കുടുംബങ്ങളെ ഉൾപ്പെടുത്തേണ്ടതുണ്ടെങ്കിൽ അതും പരിശോധിക്കും.

ഇന്ന് (ആഗസ്റ്റ് 4) തെക്കൻ തമിഴ്‌നാട് തീരം, ഗൾഫ് ഓഫ് മാന്നാർ, അതിനോട് ചേർന്ന കന്യാകുമാരി തീരം, തെക്കൻ ശ്രീലങ്കൻ തീരം, അതിനോട് ചേർന്നുള്ള തെക്കു പടിഞ്ഞാറൻ ബംഗാൾ ഉൾക്കടൽ എന്നിവിടങ്ങളിൽ മണിക്കൂറിൽ 45 മുതൽ 55 കിലോമീറ്റർ വരെയും ചില അവസരങ്ങളിൽ 65 കിലോമീറ്റർ വരെയും വേഗതയിൽ ശക്തമായ കാറ്റിന് സാധ്യതയുണ്ട്. മധ്യകിഴക്കൻ ബംഗാൾ ഉൾക്കടൽ അതിനോട് ചേർന്നുള്ള  തെക്കു കിഴക്കൻ ബംഗാൾ ഉൾക്കടൽ എന്നിവിടങ്ങളിൽ മണിക്കൂറിൽ 40 മുതൽ 45 കിലോമീറ്റർ വരെയും ചില അവസരങ്ങളിൽ 55 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്.