അറക്കുളം കുടുംബാരോഗ്യ കേന്ദ്രത്തില്‍ ആഴ്ച്ചയില്‍ മൂന്ന് ദിവസത്തേക്ക് 550 രൂപ ദിവസ വേതനത്തിന് ക്ലര്‍ക്കിനെ നിയമിക്കുന്നു. ഫെബ്രുവരി 16 ന് അഭിമുഖം നടക്കും. ബിരുദ യോഗ്യതയുളളവര്‍ക്ക് പങ്കെടുക്കാം.

കേരള ഖാദി ഗ്രാമ വ്യവസായ ബോര്‍ഡിന്റെ ഷോറൂമുകളില്‍ സര്‍വോദയപക്ഷം പ്രമാണിച്ച് ഫെബ്രുവരി 09 മുതല്‍ 14 വരെ ഖാദി തുണിത്തരങ്ങള്‍ക്ക്  30 ശതമാനം വരെ സ്പെഷ്യല്‍ റിബേറ്റ് അനുവദിച്ചിട്ടുണ്ട്. കെ.ജി.എസ് മാതാ ആര്‍ക്കേഡ് തൊടുപുഴ, കെ.ജി.എസ് പൂമംഗലം ബില്‍ഡിംഗ് തൊടുപുഴ, കെ.ജി.എസ് ഗാന്ധി സ്‌ക്വയര്‍ കട്ടപ്പന എന്നിവിടങ്ങളിലെ അംഗീകൃത ഷോറൂമുകളില്‍ ആനുകൂല്യം ലഭ്യമാണ്.  

അറക്കുളം കുടുംബാരോഗ്യ കേന്ദ്രത്തില്‍ ആഴ്ച്ചയില്‍ മൂന്ന് ദിവസത്തേക്ക് 550 രൂപ ദിവസ വേതനത്തിന് ക്ലര്‍ക്കിനെ നിയമിക്കുന്നതിന് ഫെബ്രുവരി 16 ന് അഭിമുഖം നടത്തും. ബിരുദ യോഗ്യതയുളളവര്‍ക്ക് പങ്കെടുക്കാം. ആരോഗ്യവകുപ്പില്‍ 15 വര്‍ഷത്തില്‍ കുറയാത്ത പ്രവൃത്തി പരിചയം, സ്പാര്‍ക്ക് മറ്റു ഓഫീസ് സോഫ്റ്റ്വെയറുകള്‍ എന്നിവയിലുള്ള പരിജ്ഞാനം, കെഎസ്ആര്‍ പരിജ്ഞാനം എന്നിവ അഭികാമ്യം. 

കൊല്ലം ഇന്‍ഡസ്ട്രിയല്‍ ട്രിബ്യൂണല്‍  ഫെബ്രുവരി  17, 24 തീയതികളില്‍ പീരുമേട് ട്രിബ്യൂണല്‍ ഓഫീസില്‍ വിചാരണ നടത്തും. തൊഴില്‍ തര്‍ക്കങ്ങള്‍, തൊഴിലാളികളുടെ ഇന്‍ഷുറന്‍സ്, തൊഴിലാളി നഷ്ടപരിഹാരം എന്നീ കേസുകളാണ് വിചാരണയില്‍ പരിഗണിക്കുക. കൂടുതല്‍ വിവരങ്ങള്‍ക്ക് ഫോണ്‍: 04742792892.

2024-25 സാമ്പത്തികവര്‍ഷ കാലയളവില്‍ തൊടുപുഴ ജില്ലാ സ്റ്റേഷനറി ഓഫീസുമായി ബന്ധപ്പെട്ട കയറ്റിറക്ക് ജോലികള്‍ കരാര്‍ വ്യവസ്ഥയില്‍ എറ്റെടുത്ത് ചെയ്യുന്നതിന് മുദ്രവെച്ച ദര്‍ഘാസുകള്‍ ക്ഷണിച്ചു.  മാര്‍ച്ച് 14 ന് ഉച്ചക്ക് 12 മണി വരെ ദര്‍ഘാസ് ഫോമുകള്‍ ജില്ലാ സ്റ്റേഷനറി ഓഫീസില്‍ നിന്നും ലഭിക്കും. മാര്‍ച്ച് 14 ന് 2 മണി വരെ ദര്‍ഘാസ് അപേക്ഷകള്‍ സ്വീകരിക്കുന്നതും തുടര്‍ന്ന് 3 മണിക്ക് തുറന്ന് പരിശോധിക്കുന്നതുമാണ്. ദര്‍ഘാസ് അപേക്ഷയുടെ കവറിന് പുറത്ത് കയറ്റിറക്ക് കരാര്‍ ദര്‍ഘാസ് നമ്പര്‍ 01/202324 എന്ന് രേഖപ്പെടുത്തിയിരിക്കണം. കൂടുതല്‍ വിവരങ്ങള്‍ക്ക് ഫോണ്‍: 04862 227912.

സംസ്ഥാനത്തെ സ്വകാര്യ ആശുപത്രി മേഖലയിലെ ജീവനക്കാരുടെ മിനിമം വേതന പരിഷ്‌ക്കരണം സംബന്ധിച്ച് അന്വേഷണങ്ങള്‍ നടത്തുവാനും സര്‍ക്കാരിനെ ഉപദേശിക്കുവാനുമുളള കമ്മറ്റിയുടെ തെളിവെടുപ്പ് യോഗം  ഫെബ്രുവരി 13 ന്       രാവിലെ 11  ന് കുമളി ഹോളിഡേ ഹോമില്‍ നടക്കും. പ്രസ്തുത തെളിവെടുപ്പ് യോഗത്തില്‍ ഇടുക്കി ജില്ലയിലെ ഈ മേഖലയില്‍ പ്രവര്‍ത്തിച്ചു വരുന്ന ട്രേഡ് യൂണിയന്‍ പ്രതിനിധികളും തൊഴിലുടമ പ്രതിനിധികളും, തൊഴിലാളികളും പങ്കെടുക്കണമെന്ന് ഇടുക്കി ജില്ലാ ലേബര്‍ ഓഫീസര്‍  അറിയിച്ചു.