സമഗ്രശിക്ഷ കണ്ണൂര്‍ ഭിന്നശേഷി കുട്ടികള്‍ക്കായി സംഘടിപ്പിക്കുന്ന ഉള്‍ച്ചേരല്‍ കായികോത്സവം ഫെബ്രുവരി 13, 14 തീയതികളില്‍ നടക്കും. പോലീസ് മൈതാനം, മുന്‍സിപ്പല്‍ സ്‌കൂള്‍, പോലീസ് ഫുട്‌ബോള്‍ ടര്‍ഫ് എന്നിവിടങ്ങളിലാണ് മത്സരം നടക്കുക. ജില്ലയിലെ 15 ബിആര്‍സികളില്‍ നിന്നായി 650ഓളം വിദ്യാര്‍ഥികള്‍ മത്സരത്തില്‍ പങ്കെടുക്കും. 13ന് ഫുട്‌ബോള്‍, ഹാന്‍ഡ്ബാള്‍, ബാഡ്മിന്റണ്‍, ക്രിക്കറ്റ് എന്നിവയും 14ന് സ്റ്റാന്റിങ് ജമ്പ്, റിലേ, ബോള്‍ ത്രോ എന്നീ മത്സരങ്ങളുമാണ് നടക്കുന്നത്. ഇവയില്‍ പങ്കെടുക്കാന്‍ സാധിക്കാത്ത കുട്ടികള്‍ക്കും കാണികള്‍ക്കുമായി 'ഫണ്‍ ഗെയിംസ്' കൂടി സംഘടിപ്പിക്കും.

തദ്ദേശ സ്വയംഭരണ സ്ഥാപനങ്ങളുടെ 2024-25 വാര്‍ഷിക പദ്ധതിയില്‍ 28 പദ്ധതികള്‍ക്കു കൂടി ജില്ലാ ആസൂത്രണ സമിതി അംഗീകാരം നല്‍കി. ഇരിട്ടി, കൂത്തുപറമ്പ്, കണ്ണൂര്‍ ബ്ലോക്കുകളുടെയും നടുവില്‍, കീഴല്ലൂര്‍, പെരിങ്ങോം വയക്കര, വളപട്ടണം, ഏഴോം, പരിയാരം, ചെറുകുന്ന്, കോട്ടയം, പിണറായി, കുറ്റിയാട്ടൂര്‍, കണിച്ചാര്‍, ധര്‍മടം, പാപ്പിനിശ്ശേരി, ഉളിക്കല്‍, ചെങ്ങളായി, ചെറുതാഴം, പന്ന്യന്നൂര്‍, എരുവേശ്ശി, ആറളം, കടന്നപ്പള്ളി, കല്യാശ്ശേരി, മൊകേരി, മാങ്ങാട്ടിടം, പാട്യം, കുറുമാത്തൂര്‍ പഞ്ചായത്തുകളുടെയും പദ്ധതികള്‍ക്കാണ് അംഗീകാരം നല്‍കിയത്. നേരത്തെ ഏഴ് തദ്ദേശസ്ഥാപനങ്ങളുടെ വാര്‍ഷിക പദ്ധതികള്‍ യോഗം അംഗീകരിച്ചിരുന്നു.

വനിതാ ശിശുവികസന വകുപ്പിൻ്റെ കീഴിൽ എറണാകുളം ജില്ലയിലെ പാമ്പാക്കുട ഐസിഡിഎസ് പ്രോജക്ടിലെ 122 അങ്കണവാടികൾക്ക് പ്രീ സ്കൂൾ കിറ്റ് വിതരണം ചെയ്യുന്നതിന് താല്പര്യമുള്ള ജി എസ് ടി രജിസ്ട്രേഷനുള്ള വ്യക്തികൾ / സ്ഥാപനങ്ങളിൽ നിന്ന് മുദ്ര വെച്ച മത്സര സ്വഭാവമുള്ള ടെൻഡർ  ക്ഷണിച്ചു. ടെൻഡർ ഫോം സ്വീകരിക്കുന്ന അവസാന തീയതി ഫെബ്രുവരി 8.കൂടുതൽ വിവരങ്ങൾക്ക് ഫോൺ നമ്പർ : 0485 2274404

 മൂടാടി ഗ്രാമപഞ്ചായത്ത് വാർഷിക പദ്ധതിയിൽ ഉൾപ്പെടുത്തി മത്സ്യതൊഴിലാളികൾക്ക് ഫൈബർ വള്ളങ്ങൾ വിതരണം ചെയ്തു. ഗ്രാമപഞ്ചായത്ത് പ്രസിഡൻ്റ്  സി കെ ശ്രീകുമാർ വിതരണോദ്ഘാടനം നിർവ്വഹിച്ചു. വൈസ് പ്രസിഡൻ്റ് ഷീജ പട്ടേരി അധ്യക്ഷത വഹിച്ചു.

രണ്ടു ലക്ഷം രൂപ ചെലവിൽ അഞ്ച് ഫൈബർ വള്ളങ്ങളാണ് പദ്ധതിയുടെ ഭാഗമായി മത്സ്യ തൊഴിലാളികൾക്ക് വിതരണം ചെയ്തത്. ചടങ്ങിൽ സ്ഥിരം സമിതി അധ്യക്ഷ രായ എം കെ മോഹനൻ, എം പി അഖില, വാർഡ് മെമ്പർ റഫീഖ് പുത്തലത്ത്, ഫിഷറീസ് സബ് ഇൻസ്പെക്ടർ ജയപ്രകാശ് എന്നിവർ സംസാരിച്ചു.

കൊയിലാണ്ടി നഗരസഭയുടെ 'സുകൃതം ജീവിതം' പദ്ധതിയുടെ ഭാഗമായി സംഘടിപ്പിക്കുന്ന മെഗാ മെഡിക്കൽ ക്യാമ്പും എക്സിബിഷനും ഇ എം എസ് ടൗൺ ഹാളിൽ ആരംഭിച്ചു. ജീവിതശൈലി മാറ്റത്തിലൂടെ സമ്പൂർണ്ണ ആരോഗ്യം പ്രദാനം ചെയ്യുക, രോഗവിവരങ്ങൾ മുൻകൂട്ടി മനസ്സിലാക്കുക എന്ന  ഉദ്ദേശ്യത്തോടെ നടപ്പാക്കുന്ന ജീവതാളം പദ്ധതിയുടെ ഭാഗമായാണ് ക്യാമ്പ്  സംഘടിപ്പിക്കുന്നത്. ഉദ്ഘാടനം മലബാർ മെഡിക്കൽ കോളേജ് പ്രിൻസിപ്പാൾ ഡോ. പി വി നാരായണൻ  നിർവ്വഹിച്ചു. നഗരസഭ ചെയർപേഴ്സൻ കെ പി സുധ അധ്യക്ഷത വഹിച്ചു.

ശിങ്കാരിമേളം യൂനിറ്റ് ആരംഭിച്ചു

ആഘോഷപരിപാടികളിലും ഉത്സവപറമ്പുകളിലും ആടിത്തിമിർക്കാൻ  മൂടാടിയിലെ പെൺപട ഒരുങ്ങി കഴിഞ്ഞു.  മൂടാടി ഗ്രാമപഞ്ചായത്തിന്റെ വനിത ഘടക പദ്ധതിയിലൂടെയാണ്‌ 18 വനിതകളടങ്ങുന്ന ശിങ്കാരി മേള യൂണിറ്റ് ആരംഭിച്ചത്. 2017ല്‍ 'മുചുകുന്ന് വനിതാ ശിങ്കാരി മേളം' എന്ന പേരില്‍ പ്രദേശത്തെ കുറച്ച് വനിതകള്‍ ചേര്‍ന്ന് ആരംഭിച്ച ഗ്രൂപ്പാണ് ഇപ്പോള്‍ പഞ്ചായത്തിന്റെ ഭാഗമായി തീര്‍ന്നിരിക്കുന്നത്. 

ജില്ലയിൽ 7.5 ലക്ഷത്തോളം കുട്ടികൾക്ക് ഗുളിക നൽകി

ദേശീയ വിരവിമുക്ത ദിനം ജില്ലാതല ഉദ്‌ഘാടനം കോഴിക്കോട് ബിഇഎം സ്കൂളിൽ കോർപ്പറേഷൻ മേയർ ബീന ഫിലിപ്പ് നിർവഹിച്ചു. ‌ആരോഗ്യ വകുപ്പിന്റെ നേതൃത്വത്തിൽ സംഘടിപ്പിച്ച ദേശീയ വിര വിമുക്ത പരിപാടിയുടെ ഭാഗമായി ജില്ലയിൽ ഏഴര ലക്ഷത്തോളം കുട്ടികൾക്കാണ് വിര ഗുളിക നൽകിയത്. കഴിക്കാൻ സാധിക്കാതെ വന്നവർക്ക് മോപ് അപ്പ് ദിനമായ ഫെബ്രുവരി 15 നു ഗുളിക കഴിക്കാം.

ദർഘാസുകൾ ക്ഷണിച്ചു

തോടന്നൂർ ബ്ലോക്ക് പഞ്ചായത്ത്  2023-24  വാർഷിക പദ്ധതിയിൽ ഉൾപ്പെടുത്തി നടത്തുന്ന മരാമത്ത് പ്രവൃത്തികൾക്ക് ടെണ്ടർ ക്ഷണിച്ചു. ദർഘാസ് 
ഓൺലൈനായി സ്വീകരിക്കുന്ന അവസാന തിയ്യതി  : ഫെബ്രുവരി 19 വൈകീട്ട് അഞ്ച് മണി. ഫെബ്രുവരി 21 ന്  വൈകീട്ട് അഞ്ച് മണിക്ക് ദർഘാസുകൾ ഓൺലൈനായി തുറക്കുന്നതാണ്.  ഫോൺ : 0496 2590232   

വാക്ക്  ഇൻ ഇൻറർവ്യൂ

പാർപ്പിട മേഖലക്ക് മുൻതൂക്കം നൽകി ചേളന്നൂർ ബ്ലോക്ക്‌ പഞ്ചായത്ത് ബജറ്റ് അവതരിപ്പിച്ചു.  2024 - 25 സാമ്പത്തിക വർഷത്തെ ജെൻഡർ ബജറ്റ് ആണ് അവതരിപ്പിച്ചത്. ബ്ലോക്ക്‌ പഞ്ചായത്ത്‌ വൈസ് പ്രസിഡന്റ്‌ ഷിഹാന രാരപ്പൻകണ്ടി ബജറ്റ് അവതരണം നടത്തി. ബ്ലോക്ക്‌ പഞ്ചായത്ത്‌ പ്രസിഡന്റ് കെ പി സുനിൽകുമാർ അധ്യക്ഷത വഹിച്ചു. 

    
ആൺകുട്ടികളെയും പെൺകുട്ടികളെയും വീടുകളിൽ സമഭാവനയോടെ വളർത്തണമെന്ന് വനിതാ കമ്മിഷൻ അധ്യക്ഷ അഡ്വ. പി. സതീദേവി പറഞ്ഞു. കോഴിക്കോട് ജില്ലാതല പട്ടികവർഗ മേഖലാ ക്യാമ്പിന്റെ ഭാഗമായി വാണിമേൽ പഞ്ചായത്തിലെ വിലങ്ങാട് സെന്റ് ജോർജ് പള്ളി പാരിഷ് ഹാളിൽ സംഘടിപ്പിച്ച സെമിനാർ ഉദ്ഘാടനം ചെയ്തു സംസാരിക്കുകയായിരുന്നു വനിതാ കമ്മിഷൻ അധ്യക്ഷ.