കോട്ടയം: ഫെബ്രുവരി 14ന് നടത്താനിരുന്ന റീജണൽ ട്രാൻസ്‌പോർട്ട് അതോറിറ്റി യോഗം മാറ്റിവച്ചു. പുതുക്കിയ തീയതി പിന്നീട്.

കോട്ടയം: മാടപ്പള്ളി ഐ.സി.ഡി.എസിന്റെ കീഴിലുള്ള 102 അങ്കണവാടികളിലേക്ക് പ്രീ സ്‌കൂൾ എജ്യൂക്കേഷൻ കിറ്റ് വിതരണം ചെയ്യുന്നതിന് ടെണ്ടർ ക്ഷണിച്ചു. ഫെബ്രുവരി 12ന് ഉച്ചകഴിഞ്ഞ് രണ്ടു വരെ സ്വീകരിക്കും. അന്നേദിവസം ഉച്ചകഴിഞ്ഞ് മൂന്നിനു തുറക്കും. വിശദവിവരത്തിന് ഫോൺ: 8281999155, 9496278461.

കോട്ടയം: കേരള മോട്ടോർ തൊഴിലാളി ക്ഷേമനിധി ബോർഡ് ജില്ലാ ഓഫീസും ഡോ. അഗർവാൾസ് കണ്ണാശുപത്രിയും സംയുക്തമായി സൗജന്യ ആരോഗ്യപരിശോധന ക്യാമ്പ് സംഘടിപ്പിച്ചു. മോട്ടോർ തൊഴിലാളി ക്ഷേമനിധി ജില്ലാ ഓഫീസ് അങ്കണത്തിൽ നടന്ന ക്യാമ്പ് റീജണൽ ട്രാൻസ്‌പോർട്ട് ഓഫീസർ ആർ. രമണൻ ഉദ്ഘാടനം ചെയ്തു. നേത്രപരിശോധനയും രക്താദിസമ്മർദ്ദം, പ്രമേഹം എന്നിയുടെ പരിശോധനയും നടന്നു. ജില്ലാ എക്‌സിക്യൂട്ടീവ് ഓഫീസർ മനോജ് സെബാസ്റ്റിയൻ, അഡീഷണൽ ജില്ലാ എക്‌സിക്യൂട്ടീവ് ഓഫീസർ സാറാമ്മ തോമസ്, ജില്ലാ ഉപദേശക സമിതി അംഗങ്ങൾ, മോട്ടോർ തൊഴിലാളികൾ, ഉടമകൾ, കുടുംബാംഗങ്ങൾ എന്നിവർ പങ്കെടുത്തു.

കോട്ടയം: കേരള മദ്രസാധ്യാപക ക്ഷേമനിധിയിൽ 2023-2024 സാമ്പത്തിക വർഷത്തെ ക്ഷേമനിധി വിഹിതം അടയ്ക്കാനുള്ളവർ മാർച്ച് 10 നകം പോസ്റ്റ് ഓഫീസിൽ അടയ്ക്കണം. അതത് സാമ്പത്തിക വർഷത്തെ ക്ഷേമനിധി വിഹിതം അടയ്ക്കാതിരുന്നാൽ ക്ഷേമനിധി അംഗത്വം റദ്ദാവും. ക്ഷേമനിധി ആനുകൂല്യങ്ങൾ ലഭിക്കുന്നതിന് തടസമാകുകയും ചെയ്യുമെന്ന് ചീഫ് എക്‌സിക്യൂട്ടീവ് ഓഫീസർ അറിയിച്ചു.

കേരള ക്ഷീരകർഷക ക്ഷേമനിധി ബോർഡ് നടപ്പിലാക്കുന്ന ക്ഷീര കർഷകർക്കുള്ള ആരോഗ്യ ഇൻഷുറൻസ് പദ്ധതിയായ "ക്ഷീരസാന്ത്വനം ഇൻഷുറൻസ് പദ്ധതി" 2023-24ൻ്റെ എൻറോൾമെൻ്റ് ആരംഭിച്ചു. 

80 വയസ്സ് വരെയുള്ള ക്ഷീരകർഷക ക്ഷേമനിധി അംഗങ്ങൾക്ക് സബ്സിഡിയോടു കൂടി പദ്ധതിയിൽ അംഗങ്ങളാവാം. 

പദ്ധതിയിൽ ചേരുന്നതിനുള്ള അവസാന തീയതി 2024 ഫെബ്രുവരി 15. കൂടുതൽ വിവരങ്ങൾക്ക് ബ്ലോക്ക് തലത്തിൽ പ്രവർത്തിക്കുന്ന ക്ഷീരവികസന യൂണിറ്റിലോ ക്ഷീരസംഘത്തിലോ ബന്ധപ്പെടാം.

 കേരളത്തിലെ അഭ്യസ്തവിദ്യരായ തൊഴിലന്വേഷകർക്ക്, മികച്ച തൊഴിലവസരങ്ങൾ ലഭ്യമാക്കുക എന്ന ലക്ഷ്യത്തോടെ കേരള സംസ്ഥാന യുവജന കമ്മീഷൻ  ഫെബ്രുവരി 24 ശനിയാഴ്‌ച രാവിലെ 9 മുതൽ എറണാകുളം തൃപ്പൂണിത്തുറ ഗവ. ആർട്സ്   കോളേജിൽ   തൊഴിൽമേള സംഘടിപ്പിക്കുന്നു.

കോട്ടയം: സംസ്ഥാന ന്യൂനപക്ഷ കമ്മിഷൻ സിറ്റിങ് തിങ്കളാഴ്ച (ഫെബ്രുവരി 12) രാവിലെ 11 ന്  കളക്ടറേറ്റിലെ 'തൂലിക' കോൺഫറൻസ് ഹാളിൽ നടക്കും. സിറ്റിങിൽ നിലവിലുള്ള പരാതികൾ പരിഗണിക്കുന്നതോടൊപ്പം പുതിയ പരാതികൾ സ്വീകരിക്കും.

കോട്ടയം: സംസ്ഥാന യുവജന കമ്മീഷൻ ഫെബ്രുവരി 24ന് രാവിലെ ഒമ്പതു മുതൽ പാലാ സെന്റ് തോമസ് കോളജിൽ തൊഴിൽമേള സംഘടിപ്പിക്കുന്നു. കോട്ടയം എംപ്ലോയ്‌മെന്റ് എക്‌സ്‌ചേഞ്ചിന്റെയും പാലാ സെന്റ് തോമസ് കോളജിന്റെയും സഹകരണത്തോടെയാണ് 'കരിയർ എക്‌സ്‌പോ 2024' സംഘടിപ്പിക്കുന്നത്. 18 നും 40 നും മദ്ധ്യേ പ്രായമുള്ള യുവജനങ്ങൾക്ക് സൗജന്യമായി രജിസ്റ്റർ ചെയ്ത് പങ്കെടുക്കാം. ആയിരത്തിലേറെ തൊഴിലവസരങ്ങളാണുള്ളത്. പുതുമുഖങ്ങൾക്കും തൊഴിൽ പരിചയമുള്ളവർക്കും കരിയർ എക്‌സ്‌പോയിൽ പങ്കെടുക്കാം.