ചാവക്കാട് ഐസിഡിഎസ് പദ്ധതിയിലെ 126 അംഗനവാടികൾക്ക് പ്രീ- സ്കൂൾ എജുക്കേഷൻ കിറ്റുകൾ വിതരണം ചെയ്യാൻ താല്പര്യമുള്ള വ്യക്തികൾ/ സ്ഥാപനങ്ങളിൽ നിന്നും ദർഘാസ് ക്ഷണിച്ചു. 3780 രൂപയാണ് നിരതദ്രവ്യം. ഫെബ്രുവരി 13 ഉച്ചയ്ക്ക് 2.30 വരെ സമർപ്പിക്കാം. ഫോൺ: 0487 2507707.

ബ്രഹ്‌മപുരം മാലിന്യ സംസ്‌കരണ പ്ലാന്റിൽ കഴിഞ്ഞ വർഷമുണ്ടായ അഗ്‌നിബാധ കെടുത്തുന്നതിന് ആത്മാർഥതയോടെയും സമർപ്പണത്തോടെയും പ്രവർത്തിച്ച 387 സിവിൽ ഡിഫൻസ് വൊളന്റിയർമാർക്കു പ്രചോദനമായി റിവാർഡ് കൈമാറി.

ചാലക്കുടി ഐ സി ഡി എസ് പ്രോജക്ട് പരിധിയിലുള്ള കാടുകുറ്റി ഗ്രാമപഞ്ചായത്തിലെ അങ്കണവാടിയിലേക്ക് ഹെൽപ്പർ തസ്തികയിലേക്ക് അപേക്ഷ ക്ഷണിച്ചു. കാടുകുറ്റി ഗ്രാമപഞ്ചായത്ത് പരിധിയിൽ സ്ഥിരതാമസമുള്ള 18നും 46 വയസ്സിനും ഇടയിലുള്ള വനിതകൾക്ക് അപേക്ഷിക്കാം. മലയാളം എഴുത്തും വായനയും അറിഞ്ഞിരിക്കണം. എസ്എസ്എൽസി പാസായവർ ഹെൽപ്പർ തസ്തികയിലേക്ക് അപേക്ഷിക്കേണ്ടതില്ല. ചാലക്കുടി ഐസിഡിഎസ് പ്രോജക്ട് ഓഫീസ്, കാടുകുറ്റി ഗ്രാമപഞ്ചായത്ത് ഓഫീസ് എന്നിവിടങ്ങളിൽ നിന്നും അപേക്ഷാഫോറം മാതൃക ലഭിക്കും. ചാലക്കുടി ഐ സി ഡി എസ് ഓഫീസിൽ ഫെബ്രുവരി 26 ന് വൈകിട്ട് 5 മണിക്ക് മുൻപായി സമർപ്പിക്കണം.

നവകേരളം കർമപദ്ധതി രണ്ട്, ഹരിത കേരളം ജില്ലാ മിഷന്റെ നേതൃത്വത്തിൽ ദേശീയ സമ്പാദ്യ പദ്ധതി വകുപ്പിന്റെ മഹിളാ പ്രധാൻ എസ് എ എസ് ഏജൻ്റുമാർക്ക് പരിശീലന പരിപാടി സംഘടിപ്പിച്ചു. മാലിന്യ പരിപാലനം, ജല- ഊർജസംരക്ഷണം, പരിസര ശുചീകരണം, ജൈവ സംസ്കാരത്തിലൂടെ എല്ലാ മേഖലകളിലുമുള്ള ഹരിത ഉപഭോഗം എന്നിവ നടപ്പാക്കി ഭാവി തലമുറക്കായി പ്രകൃതിയെ സംരക്ഷിക്കുന്ന പ്രവർത്തനങ്ങൾ നടപ്പാക്കുന്നതിന് പൊതുജന പങ്കാളിത്തം ഉറപ്പാക്കുകയാണ് ലക്ഷ്യം. ഹരിത ഭവനവും ഹരിത ഉപഭോഗവും എന്ന ക്യാമ്പയിനിലൂടെ 243000 ദേശീയ സമ്പാദ്യ പദ്ധതി നിക്ഷേപകരുടെ കുടുംബങ്ങളിൽ സന്ദേശം എത്തിക്കും.

പെരിനാട് കുടുംബാരോഗ്യ കേന്ദ്രത്തിലേക്ക് ലാബ് റീഏജന്‍സ് ലഭ്യമാക്കുന്നതിന് ടെന്‍ഡര്‍ ക്ഷണിച്ചു. അവസാന തീയതി ഫെബ്രുവരി 21. ഫോണ്‍ 0474 2548111.

പട്ടികജാതി/മറ്റ്അര്‍ഹ/തത്തുല്യവിഭാഗങ്ങളുടെ 2023-24 വര്‍ഷത്തെ പോസ്റ്റ്‌മെട്രിക് സ്‌കോളര്‍ഷിപ്പിനുള്ള അപേക്ഷകള്‍ ഇ-ഗ്രാന്‍ഡ്‌സ് പോര്‍ട്ടല്‍ മുഖേന ജില്ലാ പട്ടികജാതി വികസന ഓഫീസില്‍ മാര്‍ച്ച് 10നകം ലഭിക്കണം. ഫോണ്‍ 0474 2794996.

ജില്ലാ വികസനസമിതി യോഗം ഫെബ്രുവരി 24ന് രാവിലെ 11ന് കലക്‌ട്രേറ്റ് കോണ്‍ഫറന്‍സ് ഹാളില്‍ ചേരും.

ഖാദി ഗ്രാമവ്യവസായ ബോര്‍ഡും ഖാദി സ്ഥാപനങ്ങളും സംയുക്തമായി സംഘടിപ്പിച്ച 2023 ഓണമേള സമ്മാനപദ്ധതിയുടെ സംസ്ഥാനതല നറുക്കെടുപ്പിലെ വിജയിക്ക് സമ്മാനം നല്‍കി. മൂന്നാം സമ്മാനമായ ഒരു പവന്‍ സ്വര്‍ണനാണയം കരസ്ഥമാക്കിയ ഗീതയ്ക്ക് (ഗീതാ ഭവന്‍, ഇരവിപുരം പി.ഒ; കൂപ്പണ്‍ നമ്പര്‍ -068645) ജില്ലാ ഖാദി ഗ്രാമ വ്യവസായ അങ്കണത്തില്‍ കോര്‍പ്പറേഷന്‍ കൗണ്‍സിലര്‍ എ കെ സവാദാണ് കൈമാറിയത്. പ്രൊജക്റ്റ് ഓഫീസര്‍ രാജലക്ഷ്മി അധ്യക്ഷയായി.  

 പൊതു-പട്ടികജാതി വിഭാഗങ്ങള്‍ക്ക് തയ്യല്‍പരിശീലനവും തയ്യല്‍ മെഷീന്‍ നല്‍കലും ഉള്‍പ്പെടുന്ന ജനകീയാസൂത്രണപദ്ധതികളിലേക്ക് കുടുംബശ്രീ മിഷന്‍, അസാപ്, കെയ്‌സ്, കെ- ഡിസ്‌ക്, നോളജ് മിഷന്‍ എന്നീ ഏജന്‍സികള്‍ എംപാനല്‍ ചെയ്തിട്ടുളള പരിശീലനസ്ഥാപനങ്ങളില്‍ നിന്നും ക്വട്ടേഷനുകള്‍ ക്ഷണിച്ചു. ഫെബ്രുവരി 17നകം കോര്‍പ്പറേഷന്‍ വ്യവസായ വികസന ഓഫീസര്‍ക്ക് സമര്‍പ്പിക്കണം.

എംപ്ലോയീസ് പ്രോവിഡന്റ് ഫണ്ട് ഓര്‍ഗനൈസേഷന്‍ മേഖലാ കാര്യാലയത്തിന്റെ ആഭിമുഖ്യത്തില്‍ നിധി ആപ്കേ നികട് അദാലത്ത് ഫെബ്രുവരി 27ന് രാവിലെ ഒന്‍പത് മുതല്‍ ഉച്ചയ്ക്ക് ഒന്ന് വരെ കടപ്പാക്കട സ്‌പോര്‍ട്‌സ് ക്ലബ്ബില്‍ നടത്തും. പരാതി പരിഹരിക്കല്‍, പി എഫില്‍ പുതുതായി രജിസ്റ്റര്‍ ചെയ്ത സ്ഥാപനങ്ങള്‍ക്കുള്ള നിര്‍ദേശങ്ങള്‍, ഇ പി എഫ് ഒയുടെ പുതിയപദ്ധതികള്‍ എന്നിവ വ്യക്തമാക്കും.