ദേശീയ വിരവിമുക്ത  ദിനാചരണത്തിൻറെ മലപ്പുറം ജില്ലാതല ഉദ്ഘാടനം  പെരിന്തൽമണ്ണ ഗവൺമെൻ്റ് ഗേൾസ് ഹയർ സെക്കന്ററി സ്കൂളിൽ നഗരസഭാ ചെയർപേഴ്സൺ പി ഷാജി നിർവഹിച്ചു. പരിപാടിയിൽ സ്കൂൾ വിദ്യാർഥികൾക്ക്  വിരനശീകരണത്തിനുള്ള ആൽബൻഡസോൾ ഗുളികകൾ വിതരണം ചെയ്തു. ദേശീയ വിരവിമുക്ത ദിനാചാരണത്തോടനുബന്ധിച്ച് ജില്ലയിലെ ഒന്നു മുതൽ 19 വയസ്സുവരെ 13,38,853 കുട്ടികൾക്കാണ് വിര ഗുളിക (ആൽബൺഡസോൾ) നൽകുന്നത്.  

'ഉയിർപ്പ്' എന്ന പേരിൽ മയക്കുമരുന്നിനെതിരെ സംസ്ഥാന യുവജനക്ഷേമ ബോർഡ് നടത്തിവരുന്ന ബോധവത്കരണ പരിപാടികളുടെ ഭാഗമായി മലപ്പുറം ജില്ലാ യുവജനകേന്ദ്രത്തിന്റെ  നേതൃത്വത്തിൽ ഫെബ്രുവരി 11 മുതൽ 14വരെ ജില്ലയില്‍ ലഹരി വിരുദ്ധ കലാജാഥ സംഘടിപ്പിക്കും. പൊതുയിടങ്ങൾ, ക്യാമ്പസുകൾ എന്നിവ കേന്ദ്രീകരിച്ച് ലഹരി വിരുദ്ധ സന്ദേശം നൽകുന്ന സംഗീതശിൽപ്പം, തെരുവ് നാടകം എന്നിവ നടക്കും. ഫെബ്രുവരി 11 രാവിലെ പത്തിന് മലപ്പുറം ടൗണിൽ പി. ഉബൈദുല്ല എം.എൽ.എ കലാജാഥ ഉദ്ഘാടനം ചെയ്യും.

മലപ്പുറം ജില്ലാ എംപ്ലോയ്‌മെന്റ് എക്‌സ്ചേഞ്ച് എംപ്ലോയബിലിറ്റി സെന്ററിന്റെ ആഭിമുഖ്യത്തിൽ ഫെബ്രുവരി 16ന് രാവിലെ 10.30 മുതൽ മഞ്ചേരി ഏറനാട് നോളേജ് സിറ്റിയിൽ വെച്ച് തൊഴിൽമേള സംഘടിപ്പിക്കുന്നു. 28ഓളം കമ്പനികൾ പങ്കെടുക്കുന്ന തൊഴിൽമേളയിൽ പ്രവേശനം സൗജന്യമാണ്. ഫോൺ: 0483 2734737.

മൊറയൂർ വില്ലേജിൽ ബ്ലോക്ക് 56ൽ റീസർവേ നമ്പർ 157/1-1, 157/1-2, 157/1-3, 162/1-4  എന്ന നമ്പറുകളിൽപ്പെട്ട ഭൂമിയിൽ ആരംഭിക്കാൻ ഉദ്ദേശിക്കുന്ന ഗ്രാനൈറ്റ് ക്വാറിക്ക് പാരിസ്ഥിതികാനുമതി ലഭ്യമാക്കുന്നതിലേക്കായുള്ള പബ്ലിക് ഹിയറിങ് മലപ്പുറം ജില്ലാ കളക്ടറുടെ അധ്യക്ഷതയിൽ ഫെബ്രുവരി 28ന് രാവിലെ 11ന് മോങ്ങം ഹോട്ടൽ സുൽത്താൻ പാലസിൽ വെച്ച് നടക്കും.

തിരൂരങ്ങാടി ഗവ. താലൂക്ക് ആശുപത്രിയിലെ ഫാർമസിയിലേക്ക് ആവശ്യമായ വിവിധ സൈസിലുള്ള മരുന്ന് കവറുകൾ 2024 മാർച്ച് ഒന്ന് മുതൽ 2025 ഫെബ്രുവരി 28 വരെയുള്ള കാലയളവിൽ വിതരണം ചെയ്യാൻ തയ്യാറുള്ള സ്ഥാപനങ്ങളിൽ നിന്നും ടെൻഡർ ക്ഷണിച്ചു. ഫെബ്രുവരി 22ന് രാവിലെ 11നുള്ളിൽ ടെൻഡറുകൾ സമർപ്പിക്കണം. കൂടുതൽ വിവരങ്ങൾ പ്രവൃത്തി സമയങ്ങളിൽ ആശുപത്രി ഓഫീസിൽ നിന്നും ലഭിക്കും.

എൻ്റെ തൊഴിൽ എൻ്റെ അഭിമാനം പദ്ധതിയുടെ ഭാഗമായി തൊഴിലില്ലായ്മ  പരിഹരിക്കുന്നതിൻ്റെ ഭാഗമായി

മത്സ്യത്തൊഴിലാളി ക്ഷേമനിധി ബോര്‍ഡിന്റെ ആഭിമുഖ്യത്തില്‍ വിവിധ വകുപ്പുകളുടെ സഹകരണത്തോടെ നടപ്പിലാക്കുന്ന 'ലഹരിമുക്ത തീരം' ക്യാമ്പയിന് പൊന്നാനി തുടക്കമായി.
പൊന്നാനി എം.ഇ.എസ് കോളേജ് ഓഡിറ്റോറിയത്തില്‍ നടന്ന പരിപാടിയിൽ
കോസ്റ്റൽ എസ്.ഐ അയ്യപ്പൻ, എക്സൈസ് പ്രിവൻ്റീവ് ഓഫീസറും വിമുക്തി കോർഡിനേറ്ററുമായ പി.പി. പ്രമോദ് എന്നിവർ ലഹരി വിരുദ്ധ ബോധവൽക്കരണ ക്ലാസ്സെടുത്തു.
മജീഷ്യനും മെന്റലിസ്റ്റുമായ താഹിര്‍ നയിക്കുന്ന പ്രചാരണ പരിപാടിയും ക്യാമ്പയിൻ്റെ ഭാഗമായി നടന്നു.

വള്ളിക്കുന്ന് കുടുംബശ്രീ സി.ഡി. എസിന്റെ ആഭിമുഖ്യത്തിൽ ബൾക് ലോൺ വിതരണം നടത്തി. ഗ്രാമപഞ്ചായത്ത് പ്രസിഡന്റ്‌ എ. ശൈലജ ടീച്ചർ ഉദ്ഘാടനം ചെയ്തു. കെ.എസ്.ബി.സി.ഡി.സി മലപ്പുറം എ.ജി.എം മുഹമ്മദ്‌ ഹനീഫ മുഖ്യാതിഥിയായി. വള്ളിക്കുന്ന് സി ഡി.എസിലേക്ക് കേരള സംസ്ഥാന പിന്നോക്ക വിഭാഗ വികസന കോർപറേഷനിൽ നിന്ന് ലഭിച്ച 2.85  കോടി  രൂപ 56 അയൽക്കൂട്ടങ്ങൾക്കാണ് വിതരണം ചെയ്തത്.

ദേശീയ ബാലികാദിനത്തിന്റെ ഭാഗമായി മലപ്പുറം ജില്ലാ ഭരണകൂടത്തിന്റെയും ജില്ലാ വനിതാ ശിശുവികസന ഓഫീസിന്റെയും ആഭിമുഖ്യത്തില്‍ മഞ്ചേരി ജി.ജി.എച്ച്.എസ്.എസില്‍ വിദ്യാര്‍ത്ഥിനികള്‍ക്ക് ഫലവൃക്ഷതൈ വിതരണം ചെയ്തു. സംസ്ഥാന ഓഡിറ്റ് വിഭാഗം ഡെപ്യൂട്ടി ഡയറക്ടര്‍ കെ.കെ ചിത്രലേഖ ഉദ്ഘാടനം ചെയ്തു. ജില്ലാ വനിതാ ശിശുവികസന ഓഫീസര്‍ കെ.വി ആശാമോള്‍ അധ്യക്ഷത വഹിച്ചു. സ്‌കൂള്‍ പ്രിന്‍സിപ്പല്‍ എം. അലി,  എച്ച്.എം കെ. മധുസൂദനന്‍, പി.ടി.എ പ്രസിഡന്റ് യൂസഫ് മേച്ചേരി എന്നിവര്‍ സംസാരിച്ചു. ബാലികാ ദിനത്തോടനുബന്ധിച്ച് മഞ്ചേരി ജി.ബി.എച്ച്.എസ്.എസ്, ജി.ജി.എച്ച്.എസ്.എസ് വിദ്യാര്‍ഥിനികള്‍ക്കായി ഫുട്‌ബോള്‍ മത്സരം സംഘടിപ്പിച്ചു.