കോട്ടയം: കുറുപ്പുന്തറ റെയിൽവേ സ്‌റ്റേഷൻ യാർഡിലെ ലെവൽ ക്രോസിങ് ഗേറ്റ് ഗേറ്റ് നമ്പർ 22(കുറുപ്പുന്തറ യാർഡ് ഗേറ്റ്) അടിയന്തര അറ്റകുറ്റപണികൾക്കായി ചൊവ്വ(ഏപ്രിൽ 23) രാവിലെ 8.00 മണി മുതൽ വൈകിട്ട് 8.00 മണി വരെ അടച്ചിടുമെന്നു അഡീഷണൽ ജില്ലാ മജിസ്‌ട്രേറ്റ് അറിയിച്ചു. വാഹനഗതാഗതം കുറുപ്പുന്തറ ആർ.ഒ.ബി. വഴിയോ മാഞ്ഞൂർ ആർ.ഒ.ബി. വഴിയോ തിരിച്ചുവിടും.

കോട്ടയം: വൈക്കം റോഡ് -കുറുപ്പുന്തറ സ്‌റ്റേഷനുകൾക്കിടയിലെ ലെവൽ ക്രോസിങ് ഗേറ്റ് നമ്പർ 21(കടുത്തുരുത്തി ഗേറ്റ്) അടിയന്തര അറ്റകുറ്റപണികൾക്കായി തിങ്കൾ(ഏപ്രിൽ 22) രാവിലെ 8.00 മണി മുതൽ വൈകിട്ട് 6.00 മണി വരെ അടച്ചിടുമെന്നു അഡീഷണൽ ജില്ലാ മജിസ്‌ട്രേറ്റ് അറിയിച്ചു.  വാഹനഗതാഗതം കുറുപ്പുന്തറ യാർഡിലെ ആർ.ഒ.ബി. വഴി തിരിച്ചുവിടും.

കോട്ടയം: സംസ്ഥാന ഉന്നത വിദ്യാഭ്യാസ വകുപ്പിന്റെ കോട്ടയം പാമ്പാടി അസാപ് കമ്മ്യൂണിറ്റി സ്‌കിൽ പാർക്കിൽ ഫിറ്റ്നെസ് ട്രെയിനർ കോഴ്സിലേക്ക് പ്രവേശനം ആരംഭിച്ചു. വിശദവിവരങ്ങൾക്ക്  ഫോൺ: 8921636122, 7736645206.

കോട്ടയം: ലോക്‌സഭാ തെരഞ്ഞെടുപ്പിൽ മാവേലിക്കര ലോക്‌സഭാ മണ്ഡലത്തിന്റെ ഭാഗമായ ചങ്ങനാശേരി നിയമസഭാ മണ്ഡലത്തിലെ അവശ്യസേവന വിഭാഗത്തിൽപ്പെട്ട വോട്ടർമാർക്ക് ഏപ്രിൽ 21,22,23 തിയതികളിൽ ചങ്ങനാശേരി എസ്.എച്ച്. ഹയർ സെക്കൻഡറി സ്‌കൂളിലെ പോസ്റ്റൽ വോട്ടിങ് സെന്ററിൽ വോട്ട് രേഖപ്പെടുത്താം. രാവിലെ ഒൻപതു മണി മുതൽ വൈകിട്ട് അഞ്ചുവരെയാണ് വോട്ടിങ് സമയം.

കോട്ടയം: കോട്ടയം ലോക്‌സഭാ മണ്ഡലത്തിൽ അസന്നിഹിത വോട്ടർമാർക്കുള്ള വോട്ടെടുപ്പിൽ 7457 പേർ വീടുകളിൽ വോട്ട് ചെയ്തു. ഏപ്രിൽ 18 വരെയുള്ള കണക്കാണിത്. 85 വയസു പിന്നിട്ടവർക്കും ഭിന്നശേഷിക്കാർക്കുമാണ് വീട്ടിൽ വോട്ടിന് സൗകര്യമൊരുക്കിയിരുന്നത്. 85 വയസു പിന്നിട്ട 5678 പേരും ഭിന്നശേഷിക്കാരായ 1779 പേരുമാണ് വോട്ട് ചെയ്തത്. വെള്ളിയാഴ്ചയോടെ (ഏപ്രിൽ 19) അസന്നിഹിതർക്കു വീട്ടിൽ വോട്ടിനുള്ള ആദ്യഘട്ടം പൂർത്തിയാകും. രണ്ടാംഘട്ടം ഏപ്രിൽ 20 മുതൽ 24 വരെയും. രണ്ടുഘട്ടത്തിലും വോട്ട് രേഖപ്പെടുത്താനാവാത്തവർക്ക് ഏപ്രിൽ 25ന് അവസരമുണ്ടാകും.

കോട്ടയം:  കഴിഞ്ഞ ലോക്‌സഭാ തെരഞ്ഞെടുപ്പിൽ പോളിങ് ശതമാനം കുറഞ്ഞ ബൂത്തുകളിൽ പോളിങ് ഉയർത്തുന്നതിനായി സ്വീപിന്റെ(സിസ്റ്റമാറ്റിക് വോട്ടർ എഡ്യൂക്കേഷൻ ആൻഡ് ഇലക്ടറൽ പാർട്ടിസിപ്പേഷൻ) ബൂത്ത് ദത്തെടുക്കൽ പരിപാടിയുടെ ഭാഗമായി പാലാ, കടുത്തുരുത്തി നിയമസഭാ നിയോജക മണ്ഡലങ്ങളിലെ മുതിർന്ന വോട്ടർമാരെ ആദരിച്ചു.

വോട്ടര്‍പട്ടികയില്‍ പേരുണ്ടോ എന്നറിയാന്‍ ഹെല്‍പ്പ്‌ലൈന്‍ ആപ്പുമായി തെരഞ്ഞെടുപ്പ് കമ്മീഷന്‍. തെരഞ്ഞെടുപ്പ് സംബന്ധിച്ച സേവനങ്ങളും വിവരങ്ങളും വോട്ടര്‍മാര്‍ക്ക് എളുപ്പത്തില്‍ ലഭിക്കാന്‍ സഹായകമാവുന്ന ആപ്പ് ഗൂഗിള്‍ പ്ലേ സ്റ്റോര്‍, ആപ്പിള്‍ ആപ്പ് സ്റ്റോര്‍ മുഖേന ഡൗണ്‍ലോഡ് ചെയ്തുപയോഗിക്കാം.

ലോക്‌സഭാ തെരഞ്ഞെടുപ്പില്‍ പോസ്റ്റല്‍ വോട്ടിനായി ഫോറം 12 ല്‍ അപേക്ഷ സമര്‍പ്പിച്ച പരിശീലന കേന്ദ്രങ്ങളില്‍ വോട്ടുചെയ്യാന്‍ കഴിയാത്ത പോളിങ്ങ് ഉദ്യോഗസ്ഥര്‍, മറ്റു മണ്ഡലങ്ങളില്‍ വോട്ടുള്ള വയനാട്ടില്‍ തെരഞ്ഞെടുപ്പ് ജോലിക്കായി നിയോഗിക്കപ്പെട്ട ഉദ്യോഗസ്ഥര്‍, ഡ്രൈവര്‍മാര്‍, വീഡിയോ ഗ്രാഫര്‍മാര്‍ തുടങ്ങി പൊതുവായി തെരഞ്ഞെടുപ്പ് ജോലിക്ക് നിയോഗിക്കപ്പെട്ടവര്‍ എന്നിവര്‍ക്കായി കല്‍പ്പറ്റ എസ്.കെ.എം.ജെ ഹൈസ്‌കൂളില്‍ വോട്ടേഴ്‌സ് ഫെസിലിറ്റേഷന്‍ സെന്റര്‍ സജ്ജമായി.  ഏപ്രില്‍ 22 മുതല്‍ 24 വരെ രാവിലെ 9 മുതല്‍ വൈകീട്ട് 5 വരെ ഈ കേന്ദ്രത്തില്‍ ഈ വിഭാഗത്തിലുള്ളവര്‍ക്ക്  വോട്ടുചെയ്യാം.

വോട്ടര്‍മാര്‍ക്ക് പോളിങ് ബൂത്തുകളുടെ സ്ഥാനം, സൗകര്യങ്ങള്‍, വോട്ടര്‍ അസിസ്റ്റന്‍സ് ബൂത്ത് എന്നിവ സംബന്ധിച്ച് മാര്‍ഗ്ഗനിര്‍ദ്ദേശം നല്‍കാന്‍ ശരിയായ അടയാളങ്ങള്‍ പോളിങ് സ്റ്റേഷനുകളില്‍ സ്ഥാപിക്കും. ഇവ ഇംഗ്ലീഷിലും മലയാളത്തിലും നീലയും വെള്ളയും നിറത്തിലായിരിക്കും. അക്ഷരങ്ങള്‍ വോട്ടര്‍ക്ക് അകലെ നിന്ന് എളുപ്പത്തില്‍ കാണാവുന്ന വിധമായിരിക്കും ക്രമീകരണം.