ആലപ്പുഴ: ക്രിട്ടിക്കല്‍ പോളിംഗ് ബൂത്തുകളില്‍ സെന്‍ട്രല്‍ ആംഡ് പ്രൊട്ടക്ഷന്‍ ഫോഴ്‌സിന്റെ(സി.എ.പി.ഫ്.) സേവനം ഉള്‍പ്പെടെ ഏര്‍പ്പെടുത്തുമെന്ന് ജില്ല തിരഞ്ഞെടുപ്പ് ഓഫീസറായ ജില്ല കളക്ടര്‍. ജില്ലയിലാകെ 39 ക്രിട്ടിക്കല്‍ പോളിംഗ് ബൂത്തുകളാണുള്ളത്. തിരഞ്ഞെടുപ്പ് നിരീക്ഷകരുടെ സാന്നിദ്ധ്യത്തില്‍ രാഷ്ട്രീയ പാര്‍ട്ടി പ്രതിനിധികളുമായുള്ള യോഗത്തില്‍ സംസാരിക്കുകയായിരുന്നു ജില്ല കളക്ടര്‍. പൊതുനിരീക്ഷകരായ പ്രജേഷ് കുമാര്‍ റാണ, നാരായണ്‍ സിങ്, പോലീസ് നിരീക്ഷകന്‍ ആനന്ദ് ശങ്കര്‍ തക്ക്വാലെ, ചെലവ് നിരീക്ഷകനായ യോഗേന്ദ്ര ടി. വാക്കറെ എന്നിവര്‍ യോഗത്തില്‍ പങ്കെടുത്തു. 

 വോട്ടർ പട്ടികയിൽ പേരുണ്ടോ എന്നറിയുന്നതിന് തിരഞ്ഞെടുപ്പ് കമ്മീഷൻ ഒരുക്കിയിട്ടുള്ള മാർഗ്ഗങ്ങൾ പൊതുജനങ്ങൾക്ക് ഉപയോഗപ്പെടുത്താമെന്ന് മുഖ്യ തിരഞ്ഞെടുപ്പ് ഓഫീസർ സഞ്ജയ് കൗൾ പറഞ്ഞു.  വോട്ടർ പട്ടികയിൽ പേരുണ്ടെങ്കിൽ മാത്രമേ  ലോക്സഭ തിരഞ്ഞെടുപ്പിൽ വോട്ട് ചെയ്യാൻ സാധിക്കൂ.

ലോക്സഭ തിരഞ്ഞെടുപ്പിൽ തപാൽവോട്ടിന് അപേക്ഷിച്ച പോളിങ് ഡ്യൂട്ടിയുള്ള മുഴുവൻ ഉദ്യോഗസ്ഥരും വോട്ടിങ് ഫെസിലിറ്റേഷൻ കേന്ദ്രങ്ങളിലെത്തി (വിഎഫ്സി) വോട്ടവകാശം വിനിയോഗിക്കണമെന്ന് മുഖ്യതിരഞ്ഞെടുപ്പ് ഓഫീസർ സഞ്ജയ് കൗൾ അറിയിച്ചു.

* ശംഖുമുഖം സുനാമി പാർക്കിൽ വൈകിട്ട് 6 ന്

തിരഞ്ഞെടുപ്പു ദിവസവും (ഏപ്രില്‍ 26) തലേന്നും (ഏപ്രില്‍ 25) സ്ഥാനാർഥികളും രാഷ്ട്രീയ പാര്‍ട്ടികളും ദിനപത്രങ്ങള്‍ അടക്കമുള്ള അച്ചടി മാധ്യമങ്ങളില്‍ നല്‍കുന്ന പരസ്യങ്ങൾക്ക് മീഡിയ സർട്ടിഫിക്കേഷൻ ആന്റ് മോണിറ്ററിങ് കമ്മിറ്റി (എം.സി.എം.സി)യുടെ മുൻകൂർ അനുമതി വാങ്ങണമെന്ന് തിരഞ്ഞെടുപ്പ് കമ്മീഷന്‍ അറിയിച്ചു. പരസ്യം  പ്രസിദ്ധീകരിക്കാൻ ഉദ്ദേശിക്കുന്നതിന് രണ്ടുദിവസം മുമ്പെങ്കിലും ഇതിനായുള്ള അപേക്ഷ സമർപ്പിക്കണം.

മലപ്പുറം ജില്ലയില്‍ ഇലക്‌ട്രോണിക്കലി ട്രാൻസ്മിറ്റഡ് പോസ്റ്റൽ ബാലറ്റ് മാനേ‍ജ്‍മെന്റ് സിസ്റ്റം (ഇ.ടി.പി.ബി.എസ്) വഴി ബാലറ്റ് നല്‍കിയത് 1885 സര്‍വീസ് വോട്ടര്‍മാര്‍ക്ക്. ലോക്‌സഭാ തിരഞ്ഞെടുപ്പില്‍ സര്‍വീസ് വോട്ടര്‍മാര്‍ക്ക്  വോട്ടുചെയ്യുന്നതിനായി തിരഞ്ഞെടുപ്പ് കമ്മീഷന്‍ പ്രത്യേകം സജ്ജമാക്കിയ പോര്‍ട്ടല്‍ വഴിയാണ് അതത് മണ്ഡലങ്ങളുടെ വരണാധികാരികള്‍ ഇ-ബാലറ്റുകള്‍ അയച്ചത്.

ലോക്‍സഭാ  പൊതുതിരഞ്ഞെടുപ്പുമായി ബന്ധപ്പെട്ട് മലപ്പുറം ജില്ലയില്‍ എക്സൈസ് വകുപ്പ് നടത്തിയ പ്രത്യേക പരിശോധനയില്‍ വിദേശ മദ്യവും കഞ്ചാവും പിടികൂടി. നിലമ്പൂർ നിയമസഭാ മണ്ഡലത്തിൽ നിന്ന് 7500 രൂപ വിലവരുന്ന അഞ്ച് ലിറ്റർ വിദേശ മദ്യവും മഞ്ചേരി നിന്ന് 5250 രൂപ വിലവരുന്ന 3.5 ലിറ്റർ വിദേശ മദ്യവും പെരിന്തൽമണ്ണ നിന്ന് 6600 രൂപ വിലവരുന്ന നാല് ലിറ്റർ വിദേശ മദ്യവും പിടികൂടി. പെരിന്തൽമണ്ണ, തവനൂർ എന്നിവടങ്ങളിൽ  നിന്ന്  യഥാക്രമം 10 ഗ്രാം, 22 ഗ്രാം  കഞ്ചാവും  പിടികൂടി.

ലോക്സഭാ തെരഞ്ഞെടുപ്പുമായി ബന്ധപ്പെട്ട് തെരഞ്ഞെടുപ്പ് വിഭാഗം, സ്വീപ്, നെഹ്‌റു യുവകേന്ദ്ര എന്നിവയുടെ സംയുക്താഭിമുഖ്യത്തില്‍ മാനന്തവാടിയില്‍  ക്രിക്കറ്റ് ടൂർണമെൻ്റ് സംഘടിപ്പിച്ചു. യുവാക്കളില്‍ വോട്ട് ചെയ്യുന്നതിന്റെ പ്രാധാന്യം അറിയിക്കുന്നതിൻ്റെ ഭാഗമായാണ്  ടൂര്‍ണമെന്റ് സംഘടിപ്പിച്ചതെന്ന് സ്വീപ് നോഡൽ ഓഫീസർ പി.യു സിത്താര അറിയിച്ചു.   ടൂര്‍ണമെന്റ് സബ് കളക്ടര്‍ മിസല്‍ സാഗര്‍ ഭരത്  ഉദ്ഘാടനം ചെയ്തു. സ്വീപ് നോഡല്‍ ഓഫീസര്‍ പ്രതിജ്ഞ ചൊല്ലി.

കോട്ടയം:സാങ്കേതികവിദ്യാഭ്യാസ വകുപ്പിന്റെ കീഴിൽ പാമ്പാടി ഏഴാം മൈലിൽ പ്രവേശിക്കുന്ന ഗവ. ടെക്‌നിക്കൽ ഹൈസ്‌കൂളിൽ എട്ടാം ക്ലാസിലേക്കു പ്രവേശനം തുടരുന്നു. ഫോൺ: 0481 2507556, 9400006469, 9495780483, 9745366836, 9544382952
 

ലോക്സഭാ തെരഞ്ഞെടുപ്പിനോടനുബന്ധിച്ച് ഓണ്‍ലൈന്‍ പ്രേക്ഷകര്‍ക്കായി ഇന്ന് മുതൽ (ഏപ്രിൽ 23) രാവിലെ 7 മണിക്ക് നാടന്‍ പാട്ടുകള്‍/ഉപകരണ സംഗീതം എന്നിവ ജില്ലാ കളക്ടറുടെ സോഷ്യൽ മീഡിയ പേജുകളിലൂടെ (ഫേസ്ബുക്, ഇൻസ്റ്റഗ്രാം, എക്സ്, വാട്ട്സ്ആപ്പ്, യൂട്യൂബ് ) സംപ്രേഷണം ചെയ്യുന്നു. വയനാട് തുടിത്താളം ഗോത്ര കലാസംഘത്തിന്റയും ജില്ലാ സോഷ്യൽ മീഡിയ സെല്ലിന്റെയും ആഭിമുഖ്യത്തിലാണ് തുടിത്താളം സംഘടിപ്പിക്കുന്നത്. തെരഞ്ഞെടുപ്പ് ബോധവത്ക്കരണമാണ് പരിപാടിയുടെ ലക്ഷ്യം. ഏപ്രിൽ 25 വരെ തുടിത്താളം ആസ്വദിക്കാം.