പഞ്ചായത്ത് ക്ലാര്‍ക്ക് : കരട് സീനിയോറിറ്റി പട്ടിക പ്രസിദ്ധീകരിച്ചു

കൊച്ചി: പഞ്ചായത്ത് വകുപ്പില്‍ 2014 ജനുവരി ഒന്നു മുതല്‍ 2018 ഡിസംബര്‍ 31 വരെ ക്ലാര്‍ക്ക് തസ്തികയില്‍ നിയമന ശുപാര്‍ശ ചെയ്യപ്പെട്ട് സേവനത്തില്‍ പ്രവേശിച്ചവരുടെ സംസ്ഥാനതല സീനിയോരിറ്റി പട്ടികയുടെ കരട് പ്രസിദ്ധീകരിച്ചു.   പഞ്ചായത്ത് ഡയറക്ടറുടെ www.dop.lsgkerala.gov.in എന്ന വെബ് സൈറ്റില്‍ പരിശോധനയ്ക്ക് ലഭിക്കും.   കരട് ലിസ്റ്റ് എല്ലാ ഗ്രാമപഞ്ചായത്തുകളുടെയും നോട്ടീസ് ബോര്‍ഡിലും പ്രസിദ്ധപ്പെടുത്തും.  ആക്ഷേപമുളളവര്‍ക്ക് ജനുവരി 15 വരെ ബന്ധപ്പെട്ട ഗ്രാമപഞ്ചായത്ത് ഓഫീസുകളില്‍ പരാതി സമര്‍പ്പിക്കാമെന്ന് പഞ്ചായത്ത് ഡെപ്യൂട്ടി ഡയറക്ടര്‍ അറിയിച്ചു.