കോട്ടയം നഗരസഭ ലൈഫ് കുടുംബസംഗമവും അദാലത്തും 13ന്
കോട്ടയം നഗരസഭയിലെ ലൈഫ് മിഷന്‍ ഗുണഭോക്താക്കളുടെ കുടുംബസംഗമവും അദാലത്തും ജനുവരി 13ന് നടക്കും. മാമ്മന്‍മാപ്പിള ഹാളില്‍ രാവിലെ 10.30ന് തിരുവഞ്ചൂര്‍ രാധാകൃഷ്ണന്‍ എം.എല്‍.എ ഉദ്ഘാടനം ചെയ്യും. നഗരസഭ ചെയര്‍ പേഴ്സണ്‍ ഡോ. പി.ആര്‍ സോന അധ്യക്ഷത വഹിക്കും. ജില്ലാ കളക്ടര്‍ പി.കെ സുധീര്‍ ബാബു മുഖ്യാതിഥിയാകും. ലൈഫ് മിഷന്‍ ജില്ലാ കോ-ഓര്‍ഡിനേറ്റര്‍ സി.എന്‍. സുഭാഷ് പദ്ധതി വിശദീകരണം നടത്തും.
നഗരസഭ പരിധിയില്‍ ലൈഫ് മിഷന്‍- പി.എം.എ.വൈ പദ്ധതികള്‍ പ്രകാരം 347 വീടുകളും നിര്‍മ്മാണം പൂര്‍ത്തിയാക്കി. വിവിധ ഘട്ടങ്ങളിലായി 590 വീടുകളുടെ നിര്‍മാണം നടന്നു വരുന്നു. പുതിയ 100 വീടുകള്‍ പ്രാരംഭ ഘട്ടത്തിലാണ്.
സംഗമത്തില്‍ വികസനകാര്യ സ്റ്റാന്‍ഡിംഗ് കമ്മറ്റി ചെയര്‍മാന്‍മാര്‍, നഗരസഭ അംഗങ്ങള്‍, ഉദ്യോഗസ്ഥര്‍ തുടങ്ങിയവര്‍ പങ്കെടുക്കും. സംഗമത്തോടനുബന്ധിച്ച് വിവിധ വകുപ്പുകളുടെ സേവനങ്ങള്‍ ലഭ്യമാക്കുന്നതിന് അദാലത്തും സംഘടിപ്പിക്കും.
- Log in to post comments