മുനമ്പം ഫിഷിംഗ് ഹാര്‍ബര്‍ മാനേജ്മെന്റ് സൊസൈറ്റിയുടെ മുനമ്പത്തുളള പുതുക്കി പണിത പഴയ ക്യാന്റീന്‍ തരകന്‍സ് ഓഫീസ് / ലേല ഓഫീസ് ആയി തരകന്‍മാര്‍ക്ക് മാത്രമായി ഉപയോഗിക്കുവാൻ

 (1.2.3) എന്നീ നമ്പര്‍ മുറികള്‍ 01/04/2025 മുതല്‍ 31/03/2026 വരെ (ഒരു വര്‍ഷത്തേക്ക്) വാടകയ്ക്ക് നല്‍കുന്നതിന് ക്വട്ടേഷനുകള്‍ ക്ഷണിച്ചു.

ഫോണ്‍: 0484 -2397370

എറണാകുളം ജില്ലാ ടൂറിസം പ്രമോഷന്‍ കൗണ്‍സിലിന്റെ ഉടമസ്ഥതയിലുള്ള വെറിറ്റോ (2012 മോഡല്‍) മഹീന്ദ്ര വില്‍ക്കുന്നതിനുള്ള ടെന്‍ഡര്‍ ക്ഷണിച്ചു. ടെന്‍ഡര്‍ ഫോറം 295/ (ജിഎസ്ടി 18% ഉള്‍പ്പെടെ) രൂപയ്ക്ക് ഡിടിപിസിയില്‍ നിന്നും ലഭിക്കും. ടെന്‍ഡറുകള്‍ സ്വീകരിക്കുന്ന അവസാന തിയതി ഏപ്രില്‍ ഒന്ന് പകല്‍ 12 വരെ

ജില്ലയില്‍ രണ്ടുദിവസമായി നടന്ന പട്ടികജാതി പട്ടികവര്‍ഗ്ഗ ഗോത്ര കമ്മീഷന്‍ അദാലത്തില്‍ 77 പരാതികള്‍ക്ക് പരിഹാരം. കമ്മീഷന്‍ ചെയര്‍മാന്‍ ശേഖരന്‍ മിനിയോടന്റെ നേതൃത്വത്തില്‍ എറണാകുളം ഗവ.ഗസ്റ്റ് ഹൗസില്‍ നടന്ന അദാലത്തില്‍ 93 പരാതികളാണ് പരിഗണിച്ചത്. സര്‍ക്കാരിന്റെ വിവിധ വകുപ്പുകളുമായി ബന്ധപ്പെട്ട് 2020 മുതലുള്ള പരാതികള്‍ക്കാണ് പരിഹാരമായത്.

വാക് ഇന്‍ ഇന്റര്‍വ്യൂ

എറണാകുളം ജില്ലാ നാഷണല്‍ ആയുഷ് മിഷന്‍ മുഖേന ഹോമിയോപ്പതി വകുപ്പിനു കീഴില്‍ വരുന്ന മള്‍ട്ടിപര്‍പ്പസ് വര്‍ക്കര്‍ (മൊബൈല്‍ മെഡിക്കല്‍ യൂണിറ്റ്) തസ്തികയിലേയക്ക്  

താല്‍കാലിക നിയമനത്തിന് വാക് ഇന്‍ ഇന്റര്‍വ്യൂ നടത്തും. പ്രതിമാസ വേതനം 15,000/ രൂപ .പ്രായം 40 വയസ്സ് കവിയരുത്.

യോഗ്യത: ജി എന്‍ എം / എ എന്‍ എം നേഴ്സിംഗ് സര്‍ട്ടിഫിക്കറ്റ്, കമ്പ്യൂട്ടര്‍ പരിജ്ഞാനം, കേരള നഴ്സസ് ആന്റ് മിഡ് വൈഫ്സ് കൗണ്‍സില്‍ സര്‍ട്ടിഫിക്കറ്റ്

സ്ത്രീകളുടെയും കുട്ടികളുടെയും സുരക്ഷയും മാനസിക പിന്തുണയും ലക്ഷ്യമാക്കി കുടുംബശ്രീ സംസ്ഥാന ദാരിദ്ര്യനിര്‍മ്മാര്‍ജ്ജന മിഷനും ആഭ്യന്തരവകുപ്പും ചേര്‍ന്ന് നടപ്പാക്കുന്ന സ്നേഹിത - പോലീസ് സ്റ്റേഷന്‍ എക്സ്റ്റന്‍ഷന്‍ സെന്റര്‍ നാളെ മുതല്‍ പ്രവര്‍ത്തനം ആരംഭിക്കുന്നു.

ജില്ലാതലത്തില്‍ 9 കേന്ദ്രങ്ങളാണ് ഇത്തരത്തില്‍ ഒരുങ്ങുന്നത്. എല്ലാ ഡി.വൈ.എസ്.പി/എ.സി.പി ഓഫീസുകളും കേന്ദ്രീകരിച്ച് രണ്ട് ദിവസത്തേക്ക് കമ്മ്യൂണിറ്റി കൗണ്‍സിലറുടെ സേവനം ഉറപ്പാക്കും.

ലോജിസ്റ്റിക് ആന്റ് സപ്ലൈ ചെയിന്‍ മാനേജ്‌മെന്റ്

തിരുവനന്തപുരം ആറ്റിങ്ങല്‍ അംഗീകൃത പഠന കേന്ദ്രത്തില്‍ കേരള സര്‍ക്കാര്‍ സ്ഥാപനമായ കേരള സ്റ്റേറ്റ് റൂട്രോണിക്‌സില്‍ ഒരു വര്‍ഷം, ആറുമാസം, മൂന്നുമാസം ദൈര്‍ഘ്യമുള്ള ലോജിസ്റ്റിക് ആന്റ് സപ്ലൈ ചെയിന്‍ മാനേജ്‌മെന്റ് കോഴ്‌സുകളിലേക്ക് അപേക്ഷ ക്ഷണിച്ചു. ഇന്റേണ്‍ഷിപ്പോടുകൂടി റെഗുലര്‍, പാര്‍ട്ട് ടൈം ബാച്ചുകളിലേക്ക് പത്താം ക്ലാസ്, പ്ലസ് ടു, ഡിഗ്രി യോഗ്യത ഉള്ളവര്‍ക്ക് അപേക്ഷിക്കാം. 

ഫോണ്‍ : 7994926081

*ഈ ടെന്‍ഡര്‍ നടപടികളുടെ വിവരങ്ങള്‍ അറിയാം*

എറണാകുളം ജില്ലാ ആയുര്‍വേദ ആശുപത്രിയില്‍ സാനിറ്റേഷന്‍ വര്‍ക്കര്‍ തസ്തികയില്‍ ദിവസ വേതനാടിസ്ഥാനത്തില്‍ നിയമനം നടത്തുന്നു. ഏഴാം ക്ലാസ് യോഗ്യതയുള്ള എഴുതുവാനും വായിക്കുവാനും കഴിയുന്നവര്‍ക്ക് അപേക്ഷിക്കാം. താത്്പര്യമുള്ളവര്‍ അഞ്ചു രൂപയുടെ കോര്‍ട്ട് ഫീ സ്റ്റാമ്പ് പതിപ്പിച്ച അപേക്ഷ, തിരിച്ചറിയല്‍ രേഖ, വിദ്യാഭ്യാസ യോഗ്യത, പ്രവര്‍ത്തിപരിചയം എന്നിവ തെളിയിക്കുന്ന രേഖകളും സഹിതം മാര്‍ച്ച് 20ന് വൈകിട്ട് 5 ന് മുന്‍പ് സ്ഥാപന മേധാവി മുന്‍പാകെ ഹാജരാക്കണം.അപേക്ഷകളില്‍ നിന്നും തിരഞ്ഞെടുക്കുന്ന ഉദ്യോഗാര്‍ത്ഥികള്‍ക്ക് മാര്‍ച്ച് 22ന് രാവിലെ 11 ന് കൂടിക്കാഴ്ച നടത്തുന്നതാണ്.

മന്ത്രി പി എ മുഹമ്മദ് റിയാസ് ഉദ്ഘാടനം ചെയ്യും

കേരള വിനോദസഞ്ചാര വകുപ്പിന് കീഴില്‍ പ്രവര്‍ത്തിക്കുന്ന കളമശ്ശേരി ഫുഡ് ക്രാഫ്റ്റ് ഇന്‍സ്റ്റ്യൂട്ടില്‍ എസ്പൊയര്‍ 2025 തൊഴില്‍മേള ഇന്ന് ( മാര്‍ച്ച് 15 ) നടക്കും . കേരളത്തിലെ 13 ഫുഡ് ക്രാഫ്റ്റ് ഇന്‍സ്റ്റിറ്റ്യൂട്ടുകളെയും പങ്കെടുപ്പിച്ചുകൊണ്ട് നടക്കുന്ന തൊഴില്‍മേള രാവിലെ 9 30 ന് പൊതുമരാമത്ത് -ടൂറിസം വകുപ്പ് മന്ത്രി പി എ മുഹമ്മദ് റിയാസ് ഉദ്ഘാടനം ചെയ്യും. വ്യവസായ മന്ത്രി പി രാജീവ് അധ്യക്ഷനാകും.

എം.പി ലാഡ്‌സ് പദ്ധതിയില്‍ ഉള്‍പ്പെടുത്തി ഏറ്റെടുത്തിട്ടുള്ള പ്രൊജക്ടുകളിലെ നടപടിക്രമങ്ങള്‍ പരമാവധി വേഗത്തില്‍ പൂര്‍ത്തിയാക്കണമെന്ന് ഹൈബി ഈഡന്‍ എം.പി പറഞ്ഞു. ജില്ലാ കളക്ടര്‍ എന്‍.എസ്.കെ ഉമേഷിന്റെ സന്നിധ്യത്തില്‍ ചേര്‍ന്ന എറണാകുളം പാര്‍ലമെന്റ് മണ്ഡലത്തിലെ എം.പി ലാഡ്‌സ് പദ്ധതികളുടെ അവലോകന യോഗത്തില്‍ സംസാരിക്കുകയായിരുന്നു അദ്ദേഹം. 45 ദിവസത്തിനകം പ്രവൃത്തികളുടെ ഭരണാനുമതി നല്‍കാന്‍ ഉദ്യോഗസ്ഥര്‍ ശ്രദ്ധിക്കണമെന്നും അദ്ദേഹം പറഞ്ഞു.

സംസ്ഥാന യുവജന കമ്മീഷന്‍ ജില്ലാ മെഗാ അദാലത്തില്‍ 26 പരാതികള്‍ തീര്‍പ്പാക്കി.കമ്മീഷന്‍ ചെയര്‍മാന്‍ എം. ഷാജറിന്റെ അധ്യക്ഷതയില്‍ എറണാകുളം ഗവ. ഗസ്റ്റ് ഹൗസ് കോണ്‍ഫറന്‍സ് ഹാളില്‍ നടന്ന മെഗാ അദാലത്തില്‍ 41 പരാതികളാണ് പരിഗണിച്ചത്. 15 പരാതികള്‍ അടുത്ത സിറ്റിംഗിലേക്ക് മാറ്റിവെച്ചു. പുതിയതായി 7 പരാതികള്‍ ലഭിച്ചു.