ആലപ്പുഴ : തീരദേശത്തെ സാമൂഹിക പശ്ചാത്തല വികസനം ലക്ഷ്യമിട്ട് സർക്കാർ ആവിഷ്കരിച്ച തീരദേശ റോഡുകളുടെ നിർമ്മാണ പദ്ധതിയുടെ ഭാഗമായി ജില്ലയിലെ തീരദേശ റോഡുകളുടെ രണ്ടാം ഘട്ട ഉദ്ഘാടനം നവംബര്‍ 8ന് (8/11/2020) രാവിലെ 10 മണിക്ക് ഫിഷറീസ്, ഹാർബർ എഞ്ചിനിയറിങ്ങ്, കശുവണ്ടി വ്യവസായ വകുപ്പ് മന്ത്രി ജെ. മേഴ്‌സികുട്ടിയമ്മ ഓൺലൈനായി നിർവഹിക്കും.

ജില്ലയിലെ വിവിധ മണ്ഡലങ്ങളിലായി 4642.20 ലക്ഷം രൂപ വകയിരുത്തി ഹാർബർ എൻജിനീയറിംഗ് വകുപ്പ് നിർമ്മിക്കുന്ന  97 റോഡുകളാണ് രണ്ടാം ഘട്ടത്തിൽ ഉദ്ഘാടനം ചെയ്യുന്നത്. 

    ആലപ്പുഴ: ജില്ലയില്‍ എലിപ്പനി കേസുകള്‍ കൂടിവരുന്നതായി ശ്രദ്ധയില്‍പ്പെട്ടിട്ടുണ്ട്. കൃത്യസമയത്ത് ചികിത്സ ലഭിച്ചില്ലെങ്കില്‍ മരണം സംഭവിക്കാവുന്ന രോഗമാണ് എലിപ്പനി.  
അതുകൊണ്ടു തന്നെ പനിയുണ്ടെങ്കില്‍ സ്വയം ചികില്‍സിക്കരുത്. ആരോഗ്യ പ്രവര്‍ത്തകരുടെ നിര്‍ദ്ദേശ പ്രകാരം പരിശോധനകള്‍ നടത്തി  എലിപ്പനിയാണോ എന്ന് നിര്‍ണ്ണയിക്കേണ്ടത് അത്യാവശ്യമാണെന്ന് ജില്ല മെഡിക്കല്‍ ഓഫീസ് അറിയിച്ചു.  

മാറാക്കര ഗ്രാമ പഞ്ചായത്തിലെ മേല്‍മുറി ഗവ. എല്‍.പി. സ്‌കൂളിന് പുതിയ കെട്ടിടം നിര്‍മിക്കുന്നതിന് ഒരു കോടി രൂപ അനുവദിച്ച് സര്‍ക്കാര്‍ ഉത്തരവായതായി പ്രൊഫ. ആബിദ് ഹുസൈന്‍ തങ്ങള്‍ എം.എല്‍.എ പറഞ്ഞു. പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായാണ് തുക അനുവദിച്ചിട്ടുള്ളത്. സ്‌കൂളിന്റെ ഭൗതിക സൗകര്യങ്ങള്‍ മെച്ചപ്പെടുത്തുന്നതിനായാണ് തുക വിനിയോഗിക്കുക. പൊതു വിദ്യാഭ്യാസ വകുപ്പിന്റെ 2020-21 വാര്‍ഷിക പദ്ധതിയില്‍ ഉള്‍പ്പെടുത്തിയാണ് ഇപ്പോള്‍ തുക അനുവദിച്ചത്.

എസ്.ആര്‍.സി കമ്മ്യൂണിറ്റി കോളേജ് 2021 ജനുവരി സെഷനില്‍ സംഘടിപ്പിക്കുന്ന വിവിധ സര്‍ട്ടിഫിക്കറ്റ്-ഡിപ്ലോമ കോഴ്‌സുകള്‍ക്കുളള അപേക്ഷ ക്ഷണിച്ചു.  യോഗ, കമ്പ്യൂട്ടര്‍ ആപ്ലിക്കേഷന്‍, ബ്യൂട്ടികെയര്‍ മാനേജ്‌മെന്റ്, മാനേജ്‌മെന്റ് ഓഫ് ലേണിംഗ് ഡിസെബിലിറ്റി, കൗണ്‍സിലിംഗ് സൈക്കോളജി, മൊബൈല്‍ ജേര്‍ണലിസം, എയര്‍ലൈന്‍ ആന്റ് എയര്‍പോര്‍ട്ട് മാനേജ്‌മെന്റ്, ഫിറ്റ്‌നെസ്സ് ട്രെയിനിംഗ്, അക്യുപ്രഷര്‍ ആന്റ് ഹോളിസ്റ്റിക് ഹെല്‍ത്ത് കെയര്‍, എയര്‍ലൈന്‍ ആന്റ് എയര്‍പോര്‍ട്ട് മാനേജ്‌മെന്റ്, ഹോട്ടല്‍ മാനേജ്‌മെന്റ് ആന്റ് കാറ്ററിംഗ്, സംഗീതഭൂഷണം, മാര്‍ഷ്യല്‍ ആര്‍ട്‌സ്, പഞ്ചകര്‍മ്മ അസിസ്റ്റന്‍സ്, ലൈഫ് എന്‍ജിനീയറിംഗ്, ലൈറ്റിംഗ് ഡിസൈ

    ആലപ്പുഴ: കോവിഡാനന്തര ആരോഗ്യ പ്രശ്നങ്ങള്‍ യഥാസമയം കണ്ടെത്തി ചികിത്സിക്കുന്നതിനായി സര്‍ക്കാരും ആരോഗ്യവകുപ്പും പോസ്റ്റ് കോവിഡ് ക്ലിനിക്കുകള്‍ ജില്ലയില്‍ തുടങ്ങുന്നു. പ്രാഥമികാരോഗ്യ കേന്ദ്രങ്ങള്‍, സാമൂഹികാരോഗ്യ കേന്ദ്രങ്ങള്‍, താലൂക്ക്, ജില്ല, ജനറല്‍ ആശുപത്രികള്‍, മെഡിക്കല്‍ കോളേജുകള്‍ എന്നിവിടങ്ങളില്‍ ക്ലിനിക്കുകള്‍ പ്രവര്‍ത്തിക്കുന്നതാണ്. എല്ലാ വ്യാഴാഴ്ചകളിലും 12 മണി മുതല്‍ 2 മണി വരെ ആയിരിക്കും പ്രവര്‍ത്തന സമയം. 

 ഇടുക്കി നിയോജക മണ്ഡലത്തില്‍  പണിപൂര്‍ത്തിയാക്കിയ  8 റോഡുകളുടെ ഉദ്ഘാടനവും  3 റോഡുകളുടെ നിര്‍മ്മാണ  ഉദ്ഘാടനവും ഇന്ന് (നവംബര്‍ 6) നാലു മണിക്ക് മുരിക്കാശ്ശേരിയില്‍ ചേരുന്ന യോഗത്തില്‍ പൊതുമരാമത്ത് വകുപ്പ് മന്ത്രി ജി. സുധാകരന്‍ നിര്‍വഹിക്കും.  വൈദ്യുതി വകുപ്പ് മന്ത്രി എം.എം. മണി അധ്യക്ഷത വഹിക്കും. ഡീന്‍ കുര്യാക്കോസ് എം.പി മുഖ്യപ്രഭാഷണം നടത്തും. റോഷി അഗസ്റ്റിന്‍ എം.എല്‍.എ സ്വാഗതം പറയും.  

എം എല്‍ എയും റവന്യു ഭവന നിര്‍മ്മാണ വകുപ്പ് മന്ത്രിയുമായ ഇ ചന്ദ്രശേഖരന്റെ പ്രത്യേക വികസന നിധിയില്‍ നിന്നും മൂന്ന് പ്രവൃത്തികള്‍ക്കായി 30 ലക്ഷം രൂപ അനുവദിച്ചു.പ്രവൃത്തികള്‍ക്ക് ജില്ലാ കളക്ടര്‍ ഡോ ഡി സജിത് ബാബു ഭരണാനുമതി നല്‍കി.കോടോം-ബേളൂര്‍ പഞ്ചായത്തിലെ കലയന്തടം-കേളോത്ത് റോഡ് വീതി കൂട്ടി ടാറിങ്,പനത്തടി പഞ്ചായത്തിലെ വട്ടക്കുണ്ട്-കാര്യങ്ങാനം റോഡ് ടാറിങ്,കള്ളാര്‍ പഞ്ചായത്തിലെ അയ്യന്‍കാവ്-വളയംകുണ്ട് റോഡ് ടാറിങ് എന്നീ മൂന്ന് പ്രവൃത്തികള്‍ക്കാണ് പത്ത് ലക്ഷം രൂപ വീതം മന്ത്രിയുടെ പ്രത്യേക വികസന നിധിയില്‍ നിന്നും അനുവദിച്ചിരുന്നത്.

ജില്ലയിലെ വിവിധ പോലീസ് സ്‌റ്റേഷനുകളിലായി സൂക്ഷിച്ചിരിക്കുന്ന 189 ഓളം വാഹനങ്ങള്‍ ഇ-ലേലം ചെയ്യുന്നു. വാഹനത്തിന്മേല്‍ ഏതെങ്കിലും തരത്തിലുള്ള അവകാശവാദം ഉന്നയിക്കുന്നവര്‍ 30 ദിവസത്തിനുള്ള രേഖകളുമായി അതത് സ്‌റ്റേഷന്‍ ഓഫീസര്‍മാര്‍ മുമ്പാകെ ബന്ധപ്പെടണമെന്നും അല്ലാത്തപക്ഷം പ്രസ്തുത വാഹനങ്ങള്‍ അവകാശികളില്ലാത്ത വാഹനങ്ങളായി പരിഗണിച്ച് സര്‍ക്കാരിലേക്ക് മുതല്‍ കൂട്ടുന്നതായിരിക്കുമെന്ന് ജില്ലാ പോലീസ് മേധാവി അറിയിച്ചു.

ആലപ്പുഴ: കോളജ് ഓഫ് അപ്ലൈഡ് സയന്‍സ് കാര്‍ത്തികപ്പള്ളി പുതുതായി അനുവദിച്ച ബി.കോം ഫിനാന്‍സ് കോഴ്‌സിന് ഒരു ആഴ്ചക്കകം അപേക്ഷിക്കാം. കോളജ് സീറ്റായ 50 ശതമാനത്തിലേക്ക് യൂണിവേഴ്‌സിറ്റി വെബ്‌സൈറ്റില്‍ രജിസ്റ്റര്‍ ചെയ്തശേഷം നേരിട്ട് അപേക്ഷ നല്‍കാം. നേരത്തെ രജിസ്റ്റര്‍ ചെയ്തവര്‍ക്ക് സൈറ്റില്‍ കയറി തിരുത്തലുകള്‍ വരുത്താന്‍ അവസരമുണ്ട്. ഒഴിവുള്ള ബി.എസ് സി കമ്പ്യൂട്ടര്‍ സയന്‍സ് സീറ്റുകളിലേക്കും അപേക്ഷ നല്‍കാം. വെബ്‌സൈറ്റ് : www.ihrd.ac.in, www.keralauniversity.ac.in. ഫോണ്‍ 0479 2485852, 9495069307, 854700 5018.