റീബില്‍ഡ് കേരള ഇനീഷ്യേറ്റീവില്‍ കാര്‍ഷിക മേഖലയുടെ പുനര്‍ ജീവനത്തിനാ നടപ്പാക്കുന്ന ജൈവഗൃഹം പദ്ധതി ധനസഹായ വിതരണം ആരംഭിച്ചു. സംയോജിത കൃഷിക്കാണ് ധനസഹായം. കാര്‍ഷിക വിളകള്‍ക്കൊപ്പം മൃഗപരിപാലനം, കോഴി, മത്സ്യം, താറാവ്, തേനീച്ച എന്നിവയെല്ലാം ഉള്‍പ്പെടുത്തി കുറഞ്ഞ ഭൂമിയില്‍ നിന്നും പരമവാധി ആദായം ഉരപ്പാക്കുന്ന രീതിയാണ് സംയോജിത രീതി.

പട്ടഞ്ചേരി ഗ്രാമപഞ്ചായത്തിലെ നവീകരിച്ച വടതോട് കുളത്തിന്റെ ഉദ്ഘാടനം  കൃഷി, മണ്ണ് പര്യവേക്ഷണ, മണ്ണ് സംരക്ഷണ വകുപ്പ് മന്ത്രി അഡ്വ.വി.എസ്. സുനില്‍കുമാര്‍  ഉദ്ഘടാനം ചെയ്തു. ഓണ്‍ലൈനായി നടന്ന പരിപാടിയില്‍  ജലവിഭവവകുപ്പ് മന്ത്രി കെ.കൃഷ്ണന്‍കുട്ടി അധ്യക്ഷനായി. കാര്‍ഷിക മേഖലയില്‍ നിരവധി പ്രവര്‍ത്തനങ്ങളാണ് സര്‍ക്കാര്‍ നടത്തിക്കൊണ്ടിരിക്കുന്നതെന്ന് മന്ത്രി വി.എസ്.സുനില്‍കുമാര്‍ പറഞ്ഞു. കര്‍ഷക ക്ഷേമനിധി ബോര്‍ഡ് രൂപീകരിക്കുകയും കര്‍ഷകരുടെ ഉല്‍പ്പന്നങ്ങളുടെ താങ്ങുവില നിശ്ചയിക്കുകയുംചെയ്തു. കേരളത്തിലാദ്യമായി  വയനാട് സെന്റര്‍ ഓഫ് എക്സലന്‍സ്  ആരംഭിക്കാന്‍ പോവുന്നതായും മന്ത്രി പറഞ്ഞു.

കോട്ടക്കല്‍ ഗവ: വനിതാ പോളിടെക്‌നിക് കോളജില്‍ ത്രിവത്സര ഡിപ്ലോമ പ്രവേശനത്തിനുള്ള രണ്ടാം ഘട്ട അലോട്ട്‌മെന്റില്‍ പ്രവേശനത്തിന് അര്‍ഹരായവര്‍ നവംബര്‍ ആറ്, ഒന്‍പത്, 10 തീയതികളില്‍  കോളജില്‍ രാവിലെ ഒന്‍പത് മുതല്‍ നാല് വരെയുള്ള സമയങ്ങളില്‍ പ്രവേശനം നേടണം. നവംബര്‍ ആറിന് കമ്പ്യൂട്ടര്‍ ആപ്ലിക്കേഷന്‍ ആന്‍ഡ് ബിസിനസ് മാനേജ്‌മെന്റ്, ഇന്‍ട്രുമെന്റേഷന്‍ എഞ്ചിനീയറിങ,് നവംബര്‍ ഒന്‍പതിന് ഇലക്‌ട്രോണിക്‌സ് ആന്‍ഡ് കമ്യൂനിക്കേഷന്‍ എഞ്ചിനീയറിങ്, നവംബര്‍ 10ന് ഇലക്‌ട്രോണിക്‌സ് എഞ്ചിനീയറിങ് എന്നീ വിഭാഗങ്ങളിലാണ് പ്രവേശനം.

വള്ളക്കടവ്-മൂഴിയാര്‍ (ഗവി) റോഡില്‍ നിര്‍മ്മാണ പ്രവര്‍ത്തനങ്ങള്‍ ഇന്നു മുതല്‍ ആരംഭിക്കുന്നതിനാല്‍ ഈ റോഡില്‍ കൂടിയുളള വാഹന ഗതാഗതം നവംബര്‍ 20 വരെ നിരോധിച്ചു.

മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട്  ജില്ലകളിലെ ക്ഷീരകര്‍ഷകര്‍ക്കായി  കേരളസര്‍ക്കാര്‍ ക്ഷീര പരിശീലന കേന്ദ്രം ക്ഷീരകര്‍ഷക ക്ഷേമനിധി എന്ന വിഷയത്തില്‍ നവംബര്‍ 10ന് വൈകീട്ട്3.30 ന്  ഓണ്‍ലൈനായി ക്ലാസ് സംഘടിപ്പിക്കുന്നു. പങ്കെടുക്കാന്‍ താല്‍പ്പര്യമുള്ള ക്ഷീരകര്‍ഷകര്‍ dtckkdonlinetrg@gmail.com എന്ന ഇ-മെയില്‍ പേരും ഫോണ്‍നമ്പറും മുന്‍കൂട്ടി രജിസ്റ്റര്‍ ചെയ്യണം

കൊണ്ടോട്ടി പള്ളിക്കല്‍ പഞ്ചായത്ത് ചോലമാട് എസ്.സി  കുടി വെള്ള പദ്ധതി ജില്ലാ പഞ്ചായത്ത് അംഗം സെറീന ഹസീബ് ഉദ്ഘാടനം ചെയ്തു. ജില്ലാ പഞ്ചായത്തില്‍ നിന്ന് 22 ലക്ഷം രൂപയും പള്ളിക്കല്‍ ഗ്രാമ പഞ്ചായത്തില്‍ നിന്ന് നാല് ലക്ഷവും ചെലവഴിച്ചാണ് ചോലമാട് എസ്.സി കുടിവെള്ള പദ്ധതി യാഥാര്‍ത്ഥ്യമായത്. നിലവില്‍ 14 കുടുംബങ്ങള്‍ക്കാണ്  പദ്ധതിയിലൂടെ  കുടിവെള്ളം ലഭിക്കുക. വാര്‍ഡ് അംഗം ജാഫര്‍ സാദിഖ്, ടി. പി.രാജേഷ് ഒരുവില്‍, സൗമ്യ ഒരുവില്‍, പൗരസമിതി പ്രസിഡന്റ് ടി.പി നാസര്‍  തുടങ്ങിവര്‍ പങ്കെടുത്തു.

ഗാര്‍ഹിക ഉപഭോക്താക്കള്‍ക്ക് സബ്‌സിഡി സ്‌കീമില്‍ സൗരോര്‍ജ നിലയം സ്ഥാപിക്കുന്നതിന് അപേക്ഷിക്കാം.  www.buymysun.com വെബ് പോര്‍ട്ടലില്‍ രജിസ്റ്റര്‍ ചെയ്ത് ആവശ്യമായ രേഖകള്‍ സമര്‍പ്പിക്കണം ആദ്യ മൂന്ന് കിലോവാട്ടിന് 40 ശതമാനം സബ്‌സിഡിയും അധികമായി വരുന്ന 10 കിലോവാട്ട് വരെയുള്ള നിലയങ്ങള്‍ക്ക് ഓരോ കിലോവാട്ടിനും 20 ശതമാനം സബ്‌സിഡിയും ലഭിക്കും. മുന്‍ഗണനാ ക്രമമനുസരിച്ച് സാധ്യത പഠനം നടത്തിയാകും നിലയങ്ങള്‍ സ്ഥാപിക്കുക.

ശിശുദിനത്തിന്റെ ഭാഗമായി ജില്ലാ ശിശുക്ഷേമ സമിതി കലളക്ട്രറ്റ് കോണ്‍ഫറന്‍സ് ഹാളില്‍ സംഘടിപ്പിക്കുന്ന വിദ്യാര്‍ത്ഥികളുടെ പാര്‍ലിമെന്റിലേക്ക് അംഗങ്ങളെ തെരഞ്ഞെടുക്കുന്നതിന് ജില്ലയിലെ നാല് മുതല്‍ ഏഴ് വരെ ക്ലാസുകളില്‍ പഠിക്കുന്ന വിദ്യാര്‍ത്ഥികള്‍ക്ക് പ്രസംഗ മത്സരം സംഘടിപ്പിക്കുന്നു. കന്നട വിഭാഗത്തില്‍ നിന്ന് രണ്ടും  മലയാള വിഭാഗത്തില്‍ നിന്ന് മൂന്ന് പേരെയുമാണ് തെരഞ്ഞെടുക്കുക. നവംബര്‍ എട്ടിന് രാവിലെ 11 മുതല്‍ 12 വരെയാണ് വാട്‌സ്ആപ്പ് ഗ്രൂപ്പുകള്‍ വഴി മത്സരം നടത്തുക വിഷയം. അര മണിക്കൂര്‍ മുമ്പ് അറിയിക്കും. പ്രസംഗത്തിന്റെ വിഡീയോ ചിത്രീകരണം വാട്‌സ്ആപ്പില്‍ അയക്കണം.

ജില്ലയില് മൂന്ന് പ്രാഥമികാരോഗ്യ കേന്ദ്രങ്ങള്‍ കുടുംബാരോഗ്യ
കേന്ദ്രങ്ങളാക്കി ഉയര്‍ത്തി

കേരള മോട്ടോര്‍ തൊഴിലാളി ക്ഷേമനിധി ബോര്‍ഡില്‍ അംഗത്വമെടുത്ത തൊഴിലാളികള്‍ക്ക് നിബന്ധനകള്‍ക്ക് വിധേയമായി എല്ലാത്തരം കുടിശികകളും 9 ശതമാനം പലിശ ഉള്‍പ്പെടെ ഒടുക്കുന്നതിനുള്ള കാലാവധി  ഡിസംബര്‍ 31 വരെ ദീര്‍ഘിപ്പിച്ചു.