കേരള സര്‍ക്കാര്‍ സ്ഥാപനമായ സി-ആപ്റ്റും സാങ്കേതിക വിദ്യാഭ്യാസ വകുപ്പും സംയുക്തമായി നടത്തുന്ന കെ.ജി.ടി.ഇ പ്രീ-പ്രസ്സ് ഓപ്പറേഷന്‍, കെ.ജി.ടി.ഇ പ്രസ്സ് വര്‍ക്ക് കോഴ്‌സുകളില്‍ കോഴിക്കോട് ഉപകേന്ദ്രത്തില്‍ സീറ്റൊഴിവുണ്ട്. പട്ടികജാതി/പട്ടികവര്‍ഗ/മറ്റര്‍ഹ വിഭാഗക്കാര്‍ക്ക് നിയമാനുസൃതമായ ഫീസ് ആനുകൂല്യം ലഭിക്കും. ഒ.ബി.സി/എസ്.ഇ.ബി.സി/ മുന്നോക്ക സമുദായങ്ങളിലെ സാമ്പത്തികമായി പിന്നാക്കം നില്‍ക്കുന്ന വിദ്യാര്‍ഥികള്‍ക്ക്  വരുമാന പരിധിക്ക് വിധേയമായി ഫീസ് ആനുകൂല്യം ലഭിക്കും.

സംസ്‌കാരങ്ങളുടെ സംഗമ സ്ഥാനമാണ് ഇടുക്കി  ജില്ലയെന്ന് മന്ത്രി രാമചന്ദ്രന്‍ കടന്നപ്പള്ളി. ബഹുത്വവും വൈവിധ്യവുമായ സംസ്‌കാരവുമായി  ആയിരത്താണ്ടുകള്‍ക്ക് മുന്‍പ് മനുഷ്യന്‍ ഇവിടെ ജീവിച്ചിരുന്നു എന്നതിന്  ധാരാളം തെളിവുകളും ഇടുക്കിയിലുണ്ട്. മറയൂരിലും  കാന്തല്ലൂരിലുമായി പതിനഞ്ചോളം ഗുഹാ സങ്കേതങ്ങള്‍ സംസ്ഥാന പുരാവസ്തുവകുപ്പ് ജില്ലയില്‍ നിന്ന്   കണ്ടെത്തുകയും ഡോക്യുമെന്റു ചെയ്യുകയും ചെയ്തിട്ടുണ്ട്.    സംസ്‌ക്കാരവുമായി ബന്ധപ്പെട്ട പ്രധാനപ്പെട്ട  ചിത്രങ്ങള്‍ സംരക്ഷിതമായി സര്‍ക്കാര്‍  പ്രഖ്യാപിച്ചിട്ടുമുണ്ട്.

പോണ്ടിച്ചേരി കേന്ദ്ര സര്‍വകലാശാലയുടെ മാഹി സെന്ററില്‍ ഡിഗ്രി കോഴ്സുകളായ ജേര്‍ണലിസം, ഫാഷന്‍ ടെക്നോളജി എന്നിവയിലും ഡിപ്ലോമ കോഴ്സുകളായ റേഡിയോഗ്രഫി, ടൂറിസം എന്നിവയിലും സീറ്റുകള്‍ ഒഴിവുണ്ടെന്ന് സെന്റര്‍ ഹെഡ് അറിയിച്ചു. നവംബര്‍ 12 വരെ അപേക്ഷിക്കാം. പ്ലസ്ടു/ തത്തുല്യയോഗ്യതയുള്ള വിദ്യാര്‍ഥികള്‍ക്ക് സര്‍ട്ടിഫിക്കറ്റുകള്‍ സഹിതം കേന്ദ്രത്തില്‍ ഹാജരാകാം. ഫോണ്‍: 9207982622, 04902332622.

മഞ്ചേശ്വരം ബ്ലോക്ക് പഞ്ചായത്ത് വാര്‍ഷിക പദ്ധതിയുള്‍പ്പെടുത്തി വിദ്യാഭ്യാസ സാംസ്‌കാരിക മേഖലയില്‍ നടപ്പാക്കുന്ന  അക്ഷര വെളിച്ചം പദ്ധതി യുടെ ഭാഗമായി ഗ്രന്ഥശാലകള്‍ക്ക് സൗജന്യ പുസ്തകം വിതരണം ചെയ്തു. ജില്ലാ സെഷന്‍സ് ജഡ്ജി ജസ്റ്റീസ് എസ് എച്ച് പഞ്ചാപകേശന്‍ ഉദ്്ഘാടനം ചെയ്തു. ലൈബ്രറി കൗണ്‍സില്‍ അംഗീകാരമുള്ള 30 ഗ്രന്ഥശാലകള്‍ക്കാണ് വിവിധ വിഷയ മേഖലകളിലെ 30 പുസ്തകങ്ങള്‍ വീതം വിതരണം ചെയ്തത്.  കഴിഞ്ഞ വര്‍ഷം ഗ്രന്ഥശാലകള്‍ക്ക്     ഫര്‍ണീച്ചര്‍ നല്‍കിയിരുന്നു.

മടിക്കൈ ഗവ.ഐ.ടി.ഐയിലെ എക വത്സര,ദ്വിവത്സരകോഴ്‌സുകളിലേക്കുള്ള രണ്ടാമത്തെ ചാന്‍സ് ഇന്റര്‍വ്യൂ ലിസ്റ്റ് പ്രസിദ്ധീകരിച്ചു. ഇന്റര്‍വ്യൂവില്‍ പങ്കെടുക്കുവാന്‍ താല്‍പര്യമുളളവര്‍ കോവിഡ്‌പ്രോട്ടോകോള്‍ പാലിച്ചുനവംബര്‍ ആറിന് രാവിലെ 10ന  സര്‍ട്ടിഫിക്കറ്റുകളുമായിഐ.ടി.ഐയില്‍ഹാജരാകണം.   റാങ്ക്‌ലിസ്റ്റ്‌ഐ.ടി.ഐവെബ്‌സൈറ്റായ www.itimadikkai.kerala.gov.in യില്‍ ലഭ്യമാണ്.  കൂടുതല്‍ വിവരങ്ങള്‍ക്ക് 0672240282, 9497639626

ഗാര്‍ഹിക ഉപഭോക്താക്കള്‍ക്ക് സബ്‌സിഡി പദ്ധതിയില്‍ അനെര്‍ട്ട് മുഖേന സൗരോര്‍ജ നിലയം സ്ഥാപിക്കുന്നതിനായി അപേക്ഷിക്കാം. താത്പര്യമുള്ളവര്‍ക്ക് www.buymysun.com വെബ് പോര്‍ട്ടലില്‍ രജിസ്റ്റര്‍ ചെയ്ത് ആവശ്യമായ രേഖകള്‍ സമര്‍പ്പിക്കാം. ആദ്യ മൂന്ന് കിലോവാട്ടിന് 40 ശതമാനം സബ്‌സിഡിയും, തുടര്‍ന്ന് 10 കിലോവാട്ട് വരെയുള്ള നിലയങ്ങള്‍ക്ക് ഓരോ കിലോവാട്ടിനും 20 ശതമാനം സബ്‌സിഡിയും ലഭിക്കും. കൂടുതല്‍ വിവരങ്ങള്‍ www.buymysun.com ലും ടോള്‍ ഫ്രീ നമ്പറായ 1800 425 1803 ലും ലഭിക്കും.
 

ഏറനാട് താലൂക്കില്‍ ജില്ലാകലക്ടറുടെ നേതൃത്വത്തില്‍ നടത്തുന്ന പൊതുജനപരാതി പരിഹാര അദാലത്ത് നവംബര്‍ ഒന്‍പതിന് രാവിലെ 10ന് വീഡിയോ കോണ്‍ഫറന്‍സ് മുഖേന നടത്തും.
 

കാറഡുക്ക ബ്ലോക്ക് പഞ്ചായത്ത്  വാര്‍ഷിക പദ്ധതിയില്‍ ഉള്‍പ്പെട്ട  ഭിന്നശേഷിക്കാര്‍ക്കുളള മുച്ചക്ര വാഹന വിതരണം   കാറഡുക്ക ബ്ലോക്ക് പഞ്ചായത്ത് പ്രസിഡന്റ് ഓമന          രാമചന്ദ്രന്‍ നിര്‍വ്വഹിച്ചു.  ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍മാന്‍ പി.കെ. ഗോപാലന്‍, വികസന സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍  ഉഷ.കെ, ആരോഗ്യ വിദ്യാഭ്യാസ സ്റ്റാന്റിംഗി കമ്മിറ്റി ചെയര്‍പേഴ്‌സണ്‍  ബിന്ദു ശ്രീധരന്‍, മെമ്പര്‍മാരായ വാരിജാക്ഷന്‍.കെ, ശ്രീധര.എം , സി.ഡി.പി.ഒ സജിത എന്നിവര്‍  സംസാരിച്ചു

കേരള മദ്രസ അധ്യാപക ക്ഷേമനിധിയില്‍ നിന്നും പെന്‍ഷന്‍ വാങ്ങുന്നവര്‍ക്ക് പെന്‍ഷന്‍ തടസ്സമില്ലാതെ ലഭിക്കുന്നതിന് ഡിസംബര്‍ 20നകം ലൈഫ് സര്‍ട്ടിഫിക്കറ്റ് സമര്‍പ്പിക്കണം. ലൈഫ് സര്‍ട്ടിഫിക്കറ്റിന്റെ മാതൃക www.kmtboard.in ല്‍ ലഭിക്കും.
 

സാധാരണക്കാര്‍ക്ക് ഏറ്റവും നല്ല ഉല്‍പന്നങ്ങള്‍ വിലകുറച്ച് വേഗത്തില്‍ എത്തിക്കാനാണ് കുടുംബശ്രീ ഉല്‍സവിലൂടെ ലക്ഷ്യമിടുന്നതെനന് മന്ത്രി വിദ്യാഭ്യാസ മന്ത്രി പ്രൊഫ.സി രവീന്ദ്രനാഥ് പറഞ്ഞു. കുടുംബശ്രീയുടെ ഉല്‍സവ് ഉദ്ഘാടനം ചെയ്യുകയായിരുന്നു അദ്ദേഹം. കുടുംബശ്രീ ഉല്‍പന്നങ്ങളുടെ വിപണനം വര്‍ദ്ധിപ്പിക്കാന്‍ ഉല്‍സവിലൂടെ സാധിക്കുമെന്ന് മന്ത്രി പറഞ്ഞു. വീട്ടിലിരുന്ന് ഓര്‍ഡര്‍ ചെയ്യുന്ന കുടുബശ്രീ ഉല്‍പന്നങ്ങള്‍ തപാല്‍ വകുപ്പ് വീട്ടിലെത്തിക്കും. ഇതിനായി കുടുംബശ്രീയും തപാല്‍ വകുപ്പും തമ്മില്‍ ധാരണാപത്രം ഒപ്പിട്ടു.