കേരള സര്‍ക്കാറിന്റെ വിശപ്പ് രഹിത കേരളം പദ്ധതിയില്‍ നടപ്പിലാക്കി വരുന്ന ജനകീയ ഹോട്ടല്‍ ഏറ്റെടുത്ത് പള്ളിക്കര പഞ്ചായത്ത്. പഞ്ചായത്തിനകത്തെ രണ്ടാമത്തെ ജനകീയ ഹോട്ടല്‍ പെരിയോട്ടടുക്കത്ത് ആരംഭിച്ചു. കുടുംബശ്രീ നേതൃത്വത്തില്‍ നടക്കുന്ന ഹോട്ടലില്‍ ഇരുപത് രൂപയ്ക്ക് ഉച്ചഭക്ഷണം ലഭിക്കും. നേരത്തെ പഞ്ചായത്ത് പരിസരത്ത് പ്രവര്‍ത്തിച്ചിരുന്ന കുടുംബശ്രീ ക്യാന്റീനാണ് ജനകീയ ഹോട്ടലായി പ്രവര്‍ത്തനം ആരംഭിച്ചത്. തുടര്‍ന്ന് പെരിയാട്ടടുക്കത്തും ജനകീയ ഹോട്ടല്‍ ആരംഭിച്ചതോടെ പള്ളിക്കര പഞ്ചായത്തില്‍ കുടുംബശ്രീ അംഗങ്ങള്‍ നേതൃത്വം നല്‍കുന്ന രണ്ട ജനകീയ ഹോട്ടലുകളായി.

തിരൂരങ്ങാടി ജി.എച്ച്. എസ്. എസില്‍ 2020 ഫെബ്രുവരിയില്‍ കെ-ടെറ്റ് പരീക്ഷ എഴുതി പാസായി സര്‍ട്ടിഫിക്കറ്റ് വെരിഫിക്കേഷന്‍ പൂര്‍ത്തീകരിച്ചവരുടെ സര്‍ട്ടിഫിക്കറ്റ് വിതരണം (കാറ്റഗറി മൂന്ന്, നാല്)  ഇന്ന് (നവംബര്‍ ആറ്) തിരൂരങ്ങാടി ജില്ലാ വിദ്യാഭ്യാസ ഓഫീസില്‍ നടക്കും. ഉദ്യോഗാര്‍ഥികള്‍ ഹാള്‍ടിക്കറ്റിന്റെ പകര്‍പ്പ് സഹിതം സര്‍ട്ടിഫിക്കറ്റ് കൈപ്പറ്റണം.

ക്ഷയരോഗ നിയന്ത്രണ പഞ്ചയാത്തിനുള്ള അക്ഷയ കേരള പുരസ്‌കാരം പള്ളിക്കര പഞ്ചായത്തിന് ലഭിച്ചു. 2025 ഓടുകൂടി സംസ്ഥാനം പൂര്‍ണ്ണമായും ക്ഷയരോഗ വിമുക്തമാക്കുന്നതിന്റെ മുന്നോടിയായി പള്ളിക്കര പഞ്ചായത്ത് പരിധിയില്‍ തുടര്‍ച്ചയായി അഞ്ച് വയസ്സിന് താഴെയുള്ള കുട്ടികളില്‍ തുടര്‍ച്ചയായി ക്ഷയരോഗ നിയന്ത്രണ പ്രവര്‍ത്തനങ്ങള്‍ നടത്തി, ചികിത്സ  ഇടയ്ക്ക് വെച്ച് നിര്‍ത്തി പോയില്ല, മരുന്നുകളോട് പ്രതികരിക്കാത്ത ഗുരുതര ക്ഷയരോഗം തുടര്‍ച്ചയായി ഉണ്ടായിട്ടില്ല തുടങ്ങിയ നേട്ടങ്ങള്‍ കൈവരിച്ചതിനാണ് അംഗീകാരം.

കേരള മോട്ടോര്‍ തൊഴിലാളി ക്ഷേമനിധിയില്‍ അംഗങ്ങളായ തൊഴിലാളികളുടെ മക്കള്‍ക്ക് 2020-21 അധ്യയന വര്‍ഷത്തേക്ക് വിദ്യാഭ്യാസ സ്‌കോളര്‍ഷിപ്പിന് അപേക്ഷ ക്ഷണിച്ചു.  സംസ്ഥാനത്തെ സര്‍ക്കാര്‍/ എയ്ഡഡ്/ അംഗീകൃത സെന്‍ട്രല്‍ സ്‌കൂള്‍/ ഐ.സി.എസ്.ഇ / സി.ബി.എസ്.ഇ / എന്നീ സ്‌കൂള്‍ /കോളജുകളില്‍ വിവിധ കോഴ്‌സുകളില്‍ (എട്ടാം ക്ലാസ് മുതല്‍ പ്രൊഫഷനല്‍ കോഴ്‌സ് വരെ) പഠിക്കുന്ന കുട്ടികള്‍ക്കാണ് സ്‌കോളര്‍ഷിപ്പ് അനുവദിക്കുക.  പ്ലസ് വണ്‍ മുതലുള്ള കോഴ്‌സുകള്‍ക്ക് അപേക്ഷ സമര്‍പ്പിക്കുന്നവര്‍ കോഴ്‌സിന്റെ യോഗ്യതാ പരീക്ഷയില്‍ 50 ശതമാനം മാര്‍ക്ക് നേടിയവരായിരിക്കണം.

കൃഷി വ്യാപനം ലക്ഷ്യമിട്ടുകൊണ്ടു  നടപ്പിലാക്കുന്ന  സുജലം സുഫലം പദ്ധതിയില്‍ ഉള്‍പ്പെടുത്തി  കാര്‍ഷിക രംഗത്ത് മികച്ച നേട്ടങ്ങള്‍ ഉണ്ടാക്കാന്‍ ഹരിത കേരളം ജില്ലാ മിഷന്‍. തരിശുരഹിത ഗ്രാമം ലക്ഷ്യം നേടിയ തദ്ദേശസ്ഥാപനങ്ങളെ അനുമോദിച്ചുകൊണ്ട് സാക്ഷ്യപത്രം നല്‍കുന്ന ചടങ്ങ് ഇന്ന് (നവംബര്‍ ആറിന്) ഉച്ചക്ക് 2.30 ന് ഡിപിസിഹാളില്‍   ജില്ലാ പ്രസിഡണ്ട് എ ജി സി. ബഷീര്‍ ഉദ്ഘാടനം നിര്‍വ്വഹിക്കും.പ്രിന്‍സിപ്പല്‍ കൃഷി ഓഫീസര്‍ എ.

ശുചിത്വ - മാലിന്യ സംസ്‌കരണ രംഗത്ത് മികച്ച നേട്ടം കൈവരിച്ച ജില്ലയിലെ 16 തദ്ദേശ സ്ഥാപനങ്ങള്‍ ശുചിത്വപദവിലേക്ക്. സര്‍ക്കാറിന്റെ 12 ഇന പരിപാടികളുടെ ഭാഗമായി സംസ്ഥാനത്തെ എല്ലാ ഗ്രാമപഞ്ചായത്തുകളും നഗരസഭകളും നിശ്ചിത മാനദണ്ഡങ്ങളുടെ അടിസ്ഥാനമാക്കി ശുചിത്വപദവി നേടുന്നതിന്റെ  രണ്ടാം ഘട്ടത്തിലാണ് പെരിന്തല്‍മണ്ണ, കോട്ടക്കല്‍ നഗരസഭകളും മലപ്പുറം, പെരുമ്പടപ്പ് ബ്ലോക്ക് പഞ്ചായത്തുകളും 12 ഗ്രാമപഞ്ചായത്തുകളും  തെരഞ്ഞെടുക്കപ്പെട്ടത്.

ജില്ലയുടെ വികസനത്തിന് കുതിപ്പേകി കാസര്‍കോട് വികസന പാക്കേജില്‍ ഉള്‍പ്പെടുത്തിയ വിവിധ മേഖലകളില്‍ ഉളള 217 കോടി രൂപയുടെ പദ്ധതികള്‍ ഉദ്ഘാടനത്തിന് സജ്ജമായി. കാര്‍ഷിക ജലസേചനം, പാലങ്ങള്‍, റോഡുകള്‍, ആരോഗ്യ സ്ഥാപനങ്ങള്‍, വിദ്യാലയങ്ങള്‍ തുടങ്ങി വിവിധ മേഖലകളിലായി 99 ഓളം പ്രവൃത്തികള്‍ ഉദ്ഘാടനത്തിന് ഒരുങ്ങി. കഴിഞ്ഞ സാമ്പത്തിക വര്‍ഷം വരെ അംഗീകാരം ലഭിച്ച പദ്ധതികളില്‍ ഭൂരിഭാഗവും പൂര്‍ത്തീകരിച്ചു. നാളിതുവരെയായി 228 ഓളം പദ്ധതികള്‍ പൂര്‍ത്തീകരിച്ചു. 195 പദ്ധതികള്‍ നിര്‍വ്വഹണത്തിന്റെ വിവിധ ഘട്ടങ്ങളില്‍ ആണ്. 

കാര്‍ഷിക ജലസേചനം

കാര്‍ഷിക മേഖല പരിപോഷിപ്പിക്കുക എന്ന ലക്ഷ്യത്തോടെ സംസ്ഥാന മണ്ണ് പര്യവേഷണ മണ്ണ് സംരക്ഷണ വകുപ്പ് ആവിഷ്‌ക്കരിച്ച നീര്‍ത്തട വികസന പദ്ധതിയ്ക്ക് കീഴാറ്റൂര്‍ ഗ്രാമപഞ്ചായത്തിലെ നല്ലൂരില്‍ തുടക്കമായി. നബാര്‍ഡിന്റെ 97.05 ലക്ഷം രൂപ ചെലവിലാണ് പദ്ധതി യാഥാര്‍ഥ്യമാക്കുന്നത്. കാര്‍ഷിക മേഖലയിലെ സമഗ്ര വികസനം ലക്ഷ്യമിട്ടുള്ള പ്രവര്‍ത്തനങ്ങളാണ് പദ്ധതിയുടെ ഭാഗമായി വിഭാവനം ചെയ്തിരിക്കുന്നത്.

കാസര്‍കോട് ജില്ല നേരിടുന്ന ജലപ്രതിസന്ധി പരിഹരിക്കാന്‍ ജില്ലാഭരണകൂടത്തിന്റെ ആഭിമുഖ്യത്തില്‍ നടപ്പാക്കുന്ന ജലസംരക്ഷണ പ്രവര്‍ത്തനങ്ങളുടെ ഭാഗമായി പുത്തിഗെ അനോടി പള്ളം അഭിവൃദ്ധിപ്പെടുത്താന്‍ പദ്ധതി ആരംഭിച്ചു. പ്രവൃത്തി ഉദ്ഘാടനം റവന്യു ഭവന-നിര്‍മാണ വകുപ്പ് മന്ത്രി ഇ ചന്ദ്രശേഖരന്‍ നിര്‍വഹിച്ചു. രാജ്മോഹന്‍ ഉണ്ണിത്താന്‍ മുഖ്യാതിഥിയായി. പഞ്ചായത്ത് ഹാളില്‍ സംഘടിപ്പിച്ച പരിപാടിയില്‍ എം സി ഖമറുദ്ദീന്‍ എംഎല്‍എ അധ്യക്ഷനായി. ജില്ലാ കളക്ടര്‍ ഡോ.