തൃശൂർ ജില്ലയിൽ തിങ്കളാഴ്ച (02/11/2020) 433 പേർക്ക് കൂടി കോവിഡ്-19 സ്ഥിരീകരിച്ചു. 967 പേർ രോഗമുക്തരായി. ജില്ലയിൽ രോഗബാധിതരായി ചികിത്സയിൽ കഴിയുന്നവരുടെ എണ്ണം 9797 ആണ്. തൃശൂർ സ്വദേശികളായ 87 പേർ മറ്റു ജില്ലകളിൽ ചികിത്സയിൽ കഴിയുന്നു. ജില്ലയിൽ ഇതുവരെ കോവിഡ് സ്ഥിരീകരിച്ചവരുടെ എണ്ണം 41147 ആണ്. 31022 പേരെയാണ് ആകെ രോഗമുക്തരായി ആശുപത്രിയിൽ നിന്നും ഡിസ്ചാർജ് ചെയ്തത്.

എസ്.ആര്‍.സി കമ്മ്യൂണിറ്റി കോളേജ് 2021 ജനുവരി സെഷനില്‍ സംഘടിപ്പിക്കുന്ന വിവിധ സര്‍ട്ടിഫിക്കറ്റ്-ഡിപ്ലോമ കോഴ്‌സുകള്‍ക്കുള്ള അപേക്ഷ ക്ഷണിച്ചു.

കള്ള് വ്യവസായ തൊഴിലാളി ക്ഷേമനിധിയില്‍ അംഗങ്ങളായ തൊഴിലാളികളുടെ മക്കള്‍ക്ക് 2020-21 അദ്ധ്യയന വര്‍ഷത്തേയ്ക്ക് സ്‌കോളര്‍ഷിപ്പ് നല്‍കുന്നതിന് അപേക്ഷ ക്ഷണിച്ചു. സര്‍ക്കാര്‍ സ്ഥാപനങ്ങളിലോ സര്‍ക്കാര്‍ അംഗീകരിച്ചിട്ടുള്ള സ്ഥാപനങ്ങളിലോ എട്ടാംക്ലാസ് മുതല്‍ പഠിക്കുന്ന വിദ്യാര്‍ത്ഥികള്‍ക്കാണ് സ്‌കോളര്‍ഷിപ്പ് നല്‍കുന്നത്. ഓരോ കോഴ്‌സിനും അതിന്റെ അടിസ്ഥാന യോഗ്യതാ പരീക്ഷ വിജയിച്ചിരിക്കണം. 8,9,10 ക്ലാസുകളില്‍ പഠിക്കുന്ന വിദ്യാര്‍ത്ഥികള്‍ യഥാക്രമം 7,8,9 എന്നീ ക്ലാസുകളിലെ മാര്‍ക്ക് ലിസ്റ്റ് ഹാജരാക്കണം.

അന്തിക്കാട് ബ്ലോക്ക് പഞ്ചായത്തിലെ ജെന്റര്‍ റിസോഴ്‌സ് സെന്റര്‍ സംസ്ഥാന വനിത കമ്മീഷന്‍ ചെയര്‍പേഴ്‌സണ്‍ എം.സി ജോസഫൈന്‍ ഉദ്ഘാടനം ചെയ്തു. അന്തിക്കാട് ബ്ലോക്ക് പഞ്ചായത്തിലെ വനിതകളുടെ സമഗ്ര ഉന്നമനം ലക്ഷ്യമാക്കി നടപ്പിലാക്കിയ പദ്ധതിയാണ് വുമണ്‍ ഫെസിലിറ്റേറ്റര്‍ ആന്റ് കൗണ്‍സിലിംഗ് സെന്റര്‍. സ്ത്രീകളുടെ പദവി മെച്ചപ്പെടുത്തുന്നതിനും മാനസിക പിന്തുണയും സൗജന്യ നിയമ സഹായവും നല്‍കുകയാണ് ജെന്റര്‍ റിസോഴ്‌സ് സെന്ററിന്റെ ലക്ഷ്യം. ബ്ലോക്ക് പഞ്ചായത്ത് അങ്കണത്തില്‍ നടന്ന പരിപാടിയില്‍ പ്രസിഡന്റ് പി.സി ശ്രീദേവി അധ്യക്ഷയായി. ഗീതാ ഗോപി എം എല്‍ എ മുഖ്യാതിഥിയായി. 

തൃശൂര്‍ നഗരത്തെ ഭക്ഷ്യ സ്വയംപര്യാപ്ത നഗരമാക്കാന്‍ സുഭിക്ഷ നഗരം കാര്‍ഷിക പദ്ധതി. നഗരത്തിലെ എല്ലാ കുടുംബങ്ങള്‍ക്കും സുരക്ഷിത ഭക്ഷണം ഉറപ്പാക്കുകയും ആരോഗ്യമുള്ള ഒരു ജനതയെ സൃഷ്ടിക്കുകയാണ് സുഭിക്ഷ നഗരം പദ്ധതിയുടെ ലക്ഷ്യം. കൃഷി വകുപ്പ് മന്ത്രിയുടെ പ്രത്യേക നിര്‍ദ്ദേശാനുസരണം കൃഷി വകുപ്പിന്റെ 27 ലക്ഷം വകയിരുത്തിയാണ് പദ്ധതി നടപ്പിലാക്കുന്നത്. ഇതിന്റെ ഭാഗമായി നഗരത്തിലെ തിരഞ്ഞെടുക്കുന്ന ഓരോ കുടുംബത്തിലും നഗരപരിമിതികള്‍ക്കുള്ളില്‍ നിന്ന് കൊണ്ട് നാടിന് അനുയോജ്യമായ പോഷകസമ്പൂര്‍ണ്ണവും സുരക്ഷിതവുമായ പരമ്പരാഗത ഭക്ഷ്യോത്പ്പന്നങ്ങള്‍ ഉത്പാദിപ്പിക്കുന്നതിനുള്ള സാഹചര്യങ്ങള്‍ ലഭ്യമാക്കും.

വനിതാ ശിശു വികസന വകുപ്പ് മുഖേന നടപ്പിലാക്കുന്ന വിവിധ പദ്ധതികള്‍ക്കായി അപേക്ഷകള്‍ ക്ഷണിച്ചു. വനിതകള്‍ ഗൃഹനാഥരായ കുടുംബങ്ങളിലെ കുട്ടികള്‍ക്ക് വിദ്യാഭ്യാസ ധനസഹായം, വിധവകളുടെ മക്കള്‍ക്ക് ഉന്നത വിദ്യാഭ്യാസത്തിന് ധനസഹായം - പടവുകള്‍, വിധവ പുനര്‍ വിവാഹ ധനസഹായം - മംഗല്യ പദ്ധതി, അശരണരായ വിധവകള്‍ക്ക് അഭയവും സംരക്ഷണവും നല്‍കുന്ന അഭയകിരണം പദ്ധതി എന്നിവയ്ക്കാണ് അപേക്ഷ ക്ഷണിച്ചത്. നവംബര്‍ 20 നകം അപേക്ഷകള്‍ അങ്കണവാടി വര്‍ക്കര്‍മാര്‍ വഴി ബന്ധപ്പെട്ട ഐസിഡിഎസ് പ്രൊജക്ടുകളില്‍ സമര്‍പ്പിക്കണം.

വലപ്പാട് കഴിമ്പ്രം പ്രദേശത്ത് പതിമൂന്നാം വാര്‍ഡില്‍ ഒരു കോടി 5 ലക്ഷം രൂപയുടെ 4 പദ്ധതികള്‍. ഗ്രാമ പഞ്ചായത്ത് പ്രളയ ദുരിതാശ്വാസ ഫണ്ട് 10 ലക്ഷവും മൈനര്‍ ഇറിഗേഷന്‍ ഫണ്ട് 30 ലക്ഷവും ഉപയോഗിച്ച് കഴിമ്പ്രം പനച്ചിചുവട് അറപ്പ കെട്ടി സംരക്ഷിച്ച് സ്യൂയിസ് വാല്‍വ് നിര്‍മ്മിക്കുന്നതിന്റെ നിര്‍മാണോദ്ഘാടനം പഞ്ചായത്ത് പ്രസിഡന്റ് ഇ കെ തോമസ് നിര്‍വഹിച്ചു. സ്ഥിരം സമിതി ചെയര്‍മാന്‍ പി.എസ് ഷജിത്ത് അധ്യക്ഷത വഹിച്ചു. പഞ്ചായത്തംഗങ്ങളായ ഐ.വി. സുന്ദരന്‍, പി.ബി. കണ്ണന്‍, പഞ്ചായത്ത് അസി.എഞ്ചിനീയര്‍ ആശ, ടി.എസ്. മധു, പി.എസ്. നിമോദ്, കെ.വി. രാജന്‍, വി.വി. സജീവന്‍, കെ.വി. സന്ധ്യ , പ്രില്ല സുധി, കെ.സി.

ലൈഫ് - പി എം എ വൈ പദ്ധതിയില്‍ ഉള്‍പ്പെടുത്തി കൊടുങ്ങല്ലൂര്‍ നഗരസഭയില്‍ പട്ടികജാതി വിഭാഗത്തില്‍പ്പെട്ട 59 പേര്‍ക്ക് കൂടി വീട് നിര്‍മ്മിച്ച് നല്‍കും. സ്വന്തമായി സ്ഥലമുള്ളവര്‍ക്കാണ് പദ്ധതിയില്‍ ഉള്‍പ്പെടുത്തി വീട് നല്‍കുന്നത്. നഗരസഭ ചെയര്‍മാന്‍ കെ ആര്‍ ജൈത്രന്റെ അധ്യക്ഷതയില്‍ ചേര്‍ന്ന നഗരസഭ കൗണ്‍സില്‍ യോഗത്തിലാണ് തീരുമാനം. നഗരസഭ ബസ് സ്റ്റാന്റില്‍ യാത്രക്കാര്‍ക്ക് മൈക്കിലൂടെ അറിയിപ്പുകള്‍ നല്‍കുന്നതിന് നെന്മാറ ലേബര്‍ കോണ്‍ട്രാക്റ്റ് വെല്‍ഫെയര്‍ സൊസൈറ്റിക്ക് അനുമതി നല്‍കി. ബസ്സുകളുടെ സമയവും സര്‍ക്കാരിന്റെ പ്രധാനപ്പെട്ട അറിയിപ്പുകളും അനൗണ്‍സ് ചെയ്യും.

ഹരിത കേരള മിഷന്‍ പദ്ധതിയുടെ ഭാഗമായി വിവിധ കേന്ദ്രങ്ങളില്‍ പച്ചത്തുരുത്തുകള്‍ സൃഷ്ടിച്ച് മികച്ച പരിസ്ഥിതി പ്രവര്‍ത്തനങ്ങള്‍ നടത്തിയതിന് കൊടുങ്ങല്ലൂര്‍ നഗരസഭയ്ക്ക് സംസ്ഥാന സര്‍ക്കാരിന്റെ പുരസ്‌കാരം. നഗരത്തിലെ വിവിധ സ്ഥലങ്ങളില്‍ ഫലവൃക്ഷ തൈകള്‍ വെച്ച് പിടിപ്പിച്ച് പച്ചത്തുരുത്തുകള്‍ നിര്‍മിക്കുകയും മാതൃകാപരമായി പരിസ്ഥിതി പുനസ്ഥാപന പ്രവര്‍ത്തനങ്ങള്‍ ഏറ്റെടുത്ത് നടപ്പിലാക്കുകയും ചെയ്ത നഗരസഭയെ ഹരിത കേരള മിഷന്‍ വൈസ് ചെയര്‍പേഴ്‌സണ്‍ ഡോ ടി എന്‍ സീമ അനുമോദനപത്രം നല്‍കി അഭിനന്ദിച്ചു.

പഴം പച്ചക്കറി കാര്‍ഷിക സംഭരണ-വിപണന കേന്ദ്രം ചെമ്പൂക്കാവിലും ആരംഭിക്കും. കോവിഡ് മഹാമാരിയുടെ പശ്ചാത്തലത്തില്‍ കേരളത്തിലെ കര്‍ഷകര്‍ ഉല്‍പാദിപ്പിക്കുന്ന ഉല്‍പന്നങ്ങള്‍ക്ക് ന്യായവില ലഭ്യമാക്കുന്നതിന് നിരവധി പദ്ധതികള്‍ കേരള കാര്‍ഷിക വികസന കര്‍ഷക ക്ഷേമ വകുപ്പ് ആരംഭിച്ചിട്ടുണ്ട്. ഇതിന്റെ ഭാഗമായി തൃശൂര്‍ ജില്ലയിലെ കര്‍ഷകര്‍ ഉത്പാദിപ്പിക്കുന്ന പഴങ്ങള്‍, പച്ചക്കറികള്‍, മറ്റ് കാര്‍ഷിക വിഭവങ്ങള്‍ തുടങ്ങിയ ഉത്പന്നങ്ങള്‍ ചെറുകിട നാമമാത്ര കര്‍ഷകരില്‍ നിന്നും സംഭരിച്ച് വിതരണം ചെയ്യുന്നതിനായാണ് ചെമ്പൂക്കാവില്‍ സംഭരണ-വിപണന കേന്ദ്രം ആരംഭിക്കുന്നത്.