പട്ടികജാതി, പട്ടികവർഗം, ഒ.ബി.സി, ഒ.ഇ.സി വിഭാഗത്തിലെ വിദ്യാർഥികൾക്ക് 5600 കോടി രൂപ ഗ്രാന്റ്, സ്കോളർഷിപ്പ് ഇനത്തിൽ വിതരണം ചെയ്തതായി ധനകാര്യ വകുപ്പ് മന്ത്രി കെ എൻ ബാലഗോപാൽ. എഴുകോൺ പ്രീ-മെട്രിക് ഹോസ്റ്റൽ നവീകരണ പ്രവർത്തികളുടെയും ശീതീകരിച്ച കോൺഫറൻസ് ഹാളിന്റെയും ഉദ്ഘാടനം നിർവഹിക്കുകയായിരുന്നു അദ്ദേഹം. 

തൊടിയൂർ ഗ്രാമപ്പഞ്ചായത്തിനെ അതിദാരിദ്ര്യമുക്ത പഞ്ചായത്തായി പ്രഖ്യാപിച്ചു. തൊടിയൂർ ഗ്രാമപഞ്ചായത്ത് ഹാളിൽ സംഘടിപ്പിച്ച യോഗത്തിൽ ഗ്രാമപഞ്ചായത്ത് പ്രസിഡന്റ് ബിന്ദു വിജയകുമാർ പ്രഖ്യാപനം നടത്തി.

പഞ്ചായത്തിന്റെ അതിദാരിദ്ര്യ പട്ടികയിൽ ഉൾപ്പെട്ട 37 പേർക്ക് മാസംതോറും ഭക്ഷ്യധാന്യക്കിറ്റ് നൽകുന്നു. ഉജ്ജീവനം പദ്ധതിയിൽ ഉൾപ്പെടുത്തി 4,70,000 രൂപ ചെലവഴിച്ച് 10 പേർക്ക് ഉപജീവനമാർഗമായി ആട്, പോത്ത്, പെട്ടിക്കട തുടങ്ങിയവ ലഭ്യമാക്കി. ഭൂരഹിതരായ രണ്ടുപേർക്ക് ഭൂമി വാങ്ങിയും ഭവനരഹിതരായ അഞ്ച് പേരിൽ നാലു പേർക്കും വീട് നിർമിച്ച് നൽകി. അഞ്ചാമത്തെ വീടിന്റെ നിർമാണം  പുരോഗമിക്കുന്നു. 

50 കോടി രൂപയുടെ വികസന പ്രവർത്തനങ്ങൾ അവതരിപ്പിച്ച് ചാത്തന്നൂർ ഗ്രാമ പഞ്ചായത്തിൻ്റെ വികസന സദസ്സ്. ചാത്തന്നൂർ സർക്കാർ ഹയർ സെക്കൻഡറി സ്കൂൾ ഓഡിറ്റോറിയത്തിൽ ജി.എസ് ജയലാൽ എം.എൽ.എ സദസ്സ് ഉദ്ഘാടനം ചെയ്തു. 

ചാത്തന്നൂർ ഗ്രാമ പഞ്ചായത്ത് പ്രസിഡന്റ് എസ്.കെ ചന്ദ്രകുമാർ അധ്യക്ഷനായി. ജില്ലാ പഞ്ചായത്ത് വൈസ് പ്രസിഡൻ്റ് ശ്രീജ ഹരീഷ് മുഖ്യപ്രഭാഷണം നടത്തി. ഇത്തിക്കര ബ്ലോക്ക് പഞ്ചായത്ത് പ്രസിഡന്റ് അഡ്വ. എം.കെ ശ്രീകുമാർ കില റിസോഴ്സ്പേഴ്‌സണും കവിയുമായ ചാത്തന്നൂർ വിജയനാഥ്, ഹരിത കർമസേനാംഗങ്ങൾ എന്നിവരെ ആദരിച്ചു.

കേരളത്തിൽ 62 ലക്ഷം പേർക്കാണ് സാമൂഹ്യക്ഷേമ പെൻഷൻ ലഭ്യമാക്കുന്നതെന്ന് ധനകാര്യ വകുപ്പ് മന്ത്രി കെ.എൻ ബാലഗോപാൽ. കൊറ്റങ്കര പഞ്ചായത്തിലെ വികസന സദസ്സും വിവിധ പദ്ധതികളുടെ ഉദ്ഘാടനവും കരിക്കോട് ആധുനിക മത്സ്യ മാർക്കറ്റ് അങ്കണത്തിൽ  ഉദ്ഘാടനം ചെയ്യുകയായിരുന്നു അദ്ദേഹം.  

സംസ്ഥാനത്ത് ഗ്രാമീണ റോഡുകളുടെ നവീകരണം പുരോഗമിക്കുകയാണെന്ന് മന്ത്രി കെ എൻ ബാലഗോപാൽ.  പെരിനാട് വികസന സദസ്സ്  പഞ്ചായത്ത് ഓപ്പൺ എയർ  ഓഡിറ്റോറിയത്തിൽ ഉദ്ഘാടനം ചെയ്യുകയായിരുന്നു അദ്ദേഹം.

1000 കോടി രൂപയാണ് ഇതിനായി വിനിയോഗിക്കുന്നത്.  കാസർഗോഡ് മുതൽ പാറശ്ശാല വരെയുള്ള റോഡ് ആറുവരി പാതയായി ഉയർത്താനുള്ള ചർച്ച നടക്കുന്നതായും മന്ത്രി അറിയിച്ചു. ഗ്രാമപഞ്ചായത്തിന്റെ വികസനനേട്ടങ്ങള്‍ ഉള്‍ക്കൊള്ളുന്ന വികസനരേഖയും പ്രകാശനം ചെയ്തു.

ഉന്നത വിദ്യാഭ്യാസ വകുപ്പിന് കീഴിൽ പ്രവർത്തിക്കുന്ന ട്രസ്റ്റ് റിസർച്ച് പാർക്കിലേക്കു പ്രോജക്ടുകൾ നടപ്പിലാക്കുന്നതിനായി പ്രോജക്ട് കോർഡിനേറ്റർമാരെയും പ്രോജക്ട് അസിസ്റ്റന്റിനെയും തിരഞ്ഞെടുക്കുന്നതിനായി അപേക്ഷ ക്ഷണിച്ചു. അപേക്ഷ അയക്കേണ്ട അവസാന തീയതി ഒക്ടോബർ 21.

സംസ്ഥാനത്തെ ജയിലുകളിലെ തടവുകാരുടെ എണ്ണം വർധിക്കുന്ന സാഹചര്യത്തിൽ, ഓവർ ക്രൗഡിംഗ് കുറയ്ക്കുന്നതിനായി കേരള സർക്കാർ രണ്ട് സുപ്രധാന ഉത്തരവുകൾ പുറത്തിറക്കി.

കേരള നിയമസഭയുടെ കേരള ലെജിസ്ലേറ്റീവ് അസംബ്ലി മീഡിയ ആന്റ് പാർലമെന്ററി സ്റ്റഡി സെന്റർ (പാർലമെന്ററി സ്റ്റഡീസ്) നടത്തുന്ന സർട്ടിഫിക്കറ്റ് കോഴ്സ് ഇൻ പാർലമെന്ററി പ്രാക്ടീസ് ആന്റ് പ്രൊസീജ്യർ- 2021 ന്റെ അവസാന ഘട്ട സപ്ലിമെന്ററി എഴുത്തു പരീക്ഷ നവംബർ 22, 23 തീയതികളിൽ നടത്തുന്നു. പരീക്ഷയ്ക്കുള്ള അപേക്ഷയും പരീക്ഷാഫീസും പിഴ കൂടാതെ ഒക്ടോബർ 25 വരെയും പിഴയോടുകൂടി നവംബർ 10 വരെയും സ്വീകരിക്കും.