മെയ് എട്ടിന് നടത്താന്‍ നിശ്ചയിച്ചിരുന്ന മലപ്പുറം ആര്‍.ടി.ഒ യോഗം ജൂണ്‍ 12ന് രാവിലെ 10.30ന് കലക്‌ട്രേറ്റ് സമ്മേളന ഹാളില്‍ നടക്കും.

മഹാകവി മോയിന്‍കുട്ടി വൈദ്യര്‍ മാപ്പിള കലാ അക്കാദമിയിലെ മാപ്പിളപ്പാട്ട് മൂന്നാം വര്‍ഷ വിദ്യാര്‍ത്ഥികളുടെ അരങ്ങേറ്റവും മാപ്പിള കലാ ഗവേഷകനും ഗ്രന്ഥകാരനുമായിരുന്ന ഇഖ്ബാല്‍ കോപ്പിലാന്‍ അനുസ്മരണവും ഇന്ന് (5.5.19 ഞായര്‍) രാവിലെ 10 ന് വൈദ്യര്‍ അക്കാദമിയില്‍ നടക്കും. വൈദ്യര്‍ മഹോത്സവത്തിന്റെ ഭാഗമായി നടന്ന പരിപാടികളുടെ സര്‍ട്ടിഫിക്കറ്റ് വിതരണവും മാപ്പിളപ്പാട്ട് രചനാ മത്സരം വിജയികള്‍ക്കുള്ള സമ്മാനദാനവും നടക്കും. അക്കാദമി ചെയര്‍മാന്‍ ടി.കെ ഹംസ, വൈസ് ചെയര്‍മാന്‍ കെ.വി.അബൂട്ടി എന്നിവര്‍ സംബന്ധിക്കും.

മലമ്പുഴ മൃഗസംരക്ഷണ   പരിശീലനകേന്ദ്രത്തില്‍   മെയ് ഒന്‍പത്,  10 തീയതികളില്‍ ആട് വളര്‍ത്തലില്‍ സൗജന്യ പരിശീലനം സംഘടിപ്പിക്കുന്നു. താല്‍പര്യമുളളവര്‍ നേരിട്ടോ ഫോണ്‍ മുഖേനയോ ഓഫീസ് സമയങ്ങളില്‍ മുന്‍കൂട്ടി പേര് രജിസ്റ്റര്‍ ചെയ്യണം. പേര് രജിസ്റ്റര്‍  ചെയ്തവര്‍ ആധാര്‍നമ്പറുമായി  ഒന്‍പതാം തിയതി  രാവിലെ 10 നകം മലമ്പുഴ മൃഗസംരക്ഷണ പരിശീലനകേന്ദ്രത്തില്‍ എത്തണം. ഫോണ്‍ 0491 - 2815454.  

ജില്ലയില്‍ റംസാന്‍ കാലത്ത് അന്യസംസ്ഥാനങ്ങളില്‍ നിന്നും  വന്‍തോതില്‍ എത്തുന്ന പഴം, പച്ചക്കറി, മത്സ്യം എന്നിവയില്‍   പ്രത്യേക പരിശോധന ഊര്‍ജിതമാക്കി ഭക്ഷ്യ സുരക്ഷ വകുപ്പ്.  മാരകമായ വിഷം കലര്‍ന്നതും അമിതമായ രാസവസ്തുക്കളുടെ ഉപയോഗിച്ച ഭക്ഷ്യവസ്തുക്കളുടെ വില്‍പന  തടയുന്നതിനാണ് പരിശോധന കര്‍ശനമാക്കിയത്.

മലപ്പുറം എക്‌സൈസ് ഡിവിഷനിലെ വിവിധ അബ്കാരി കേസ്സുകളില്‍ ഉള്‍പ്പെട്ട് സര്‍ക്കാരിലേക്കു കണ്ടണ്‍ുകെട്ടിയ 40 വാഹനങ്ങള്‍ മലപ്പുറം എക്‌സൈസ് സ്‌പെഷ്യല്‍ സ്‌ക്വാഡ് ഓഫീസില്‍ മെയ് 16 രാവിലെ 9.30ന് ലേലം ചെയ്യും. ഫോണ്‍ :  04832734886.

ലോകസഭ തെരഞ്ഞെടുപ്പിന്റെ വോട്ടെണ്ണലിന് ദിവസങ്ങള്‍ ശേഷിക്കെ ജില്ലയില്‍ 592 പോസ്റ്റല്‍ വോട്ടുകള്‍ എത്തി. 416 സൈനികരുടെ സര്‍വ്വീസ് വോട്ടും 176 സര്‍ക്കാര്‍ ജീവനക്കാരുടെ പോസ്റ്റല്‍ വോട്ടുകളുമാണ് ഇതുവരെ ജില്ലാ വരണാധികാരിക്കു മുന്‍പാകെ എത്തിയിട്ടുള്ളത്. ജില്ലയിലെ ആകെ 1350 സര്‍വ്വീസ് വോട്ടുകളില്‍ 416 എണ്ണമാണ് ഇന്നലെ വരെ വരണാധികാരിക്ക് ലഭിച്ചത്. ഇതില്‍ 267 വോട്ടുകള്‍ മലപ്പുറം മണ്ഡലത്തിലും 149 എണ്ണം പൊന്നാനി മണ്ഡലത്തിലേതുമാണ്.

ആലപ്പുഴ: 10-ാം ക്ലാസ്സ് പരീക്ഷയിൽ തോറ്റ കുട്ടികളെ കണ്ടെത്തി പരിശീലം നൽകി വീണ്ടും പരീക്ഷയെഴുതിക്കുന്ന പദ്ധതിയായ ഹോപ്പ് പദ്ധതി പ്രകാരം ആലപ്പുഴ ജില്ല പോലീസ് പരീശീലം നൾകിയ 14 കുട്ടികളും വിജയിച്ചു..വിജയികളെ ജില്ലതലത്തിൽ സംഘടിപ്പിക്കുന്ന ചടങ്ങിൽ വച്ച് അനുമോദിക്കും.

      ആലപ്പുഴ:ഈ കഴിഞ്ഞ അദ്ധ്യയന വർഷം 10-ാം ക്ലാസ്സ് പരീഷ എഴുതിയ 1642 എസ്.പി.സി. കേഡറ്റുകളും വിജയിച്ചു. 308 കേഡറ്റുകൾ മുഴുവൻ എ പ്ലസ്സുകളും 113 കേഡറ്റുകൾ എ പ്ലസ്സുകളും 108 കേഡറ്റുകൾ 8 എ പ്ലസ്സുകളും നേടി. പാഠ്യേതര വിഷയങ്ങളിലേ പ്രവർത്തനങ്ങൾ കുട്ടികളെ പഠനത്തിൽ പിന്നോക്കമാക്കുകയല്ല മറിച്ച് കുട്ടികളെ ഉന്നത വിജയം നേടാൻ പ്രാപ്തരാക്കുകയാണ് ചെയ്യുകയെന്ന് ജില്ലാ പോലീസ് മേധാവി അറിയിച്ചു. വിജയികളെജില്ലതലത്തിൽ സംഘടിക്കപ്പിക്കുന്ന ചടങ്ങിൽ വച്ച് അനുമോദിക്കുമെന്ന് ജില്ലാ പോലീസ് മേധാവി കെ എം ടോമി അറിയിച്ചു.

കാക്കനാട്: ചെറായി- വൈപ്പിന്‍ വൈദ്യുത പദ്ധതി പ്രകൃതിയെ സംരക്ഷിച്ച് നടപ്പാക്കുമെന്ന് ജില്ലാ കളക്ടര്‍ മുഹമ്മദ് വൈ സഫീറുള്ള കളക്ടറേറ്റില്‍ വാര്‍ത്താസമ്മേളനത്തില്‍ അറിയിച്ചു.  1999ല്‍ തുടങ്ങിവെച്ച പദ്ധതിയാണിത്.  40000 കുടുംബങ്ങളാണ് ഗുണഭോക്താക്കളായിട്ടുള്ളത്.  ചെറായി പോലൊരു പ്രദേശത്ത് നല്ല വോള്‍ട്ടേജില്‍ വൈദ്യുതിയെത്തേണ്ടത് പൊതുജനങ്ങളുടെ ആവശ്യമാണ്.  മറുവശത്ത് പ്രകൃതിസംരക്ഷണവും ഉറപ്പാക്കണം.