ലാപ്‌ടോപുകള്‍ വാടകയ്ക്ക് ലഭ്യമാക്കുന്നതിന് ക്വട്ടേഷന്‍ ക്ഷണിച്ചു

പത്തനംതിട്ട ജില്ലാ ഇന്‍ഫര്‍മേഷന്‍ ഓഫീസിലേക്ക് 2025 സെപ്റ്റംബര്‍ 19, 20 തീയതികളില്‍ 5 ലാപ്‌ടോപുകള്‍ വാടകയ്ക്ക് ലഭ്യമാക്കുന്നതിന് ക്വട്ടേഷന്‍ ക്ഷണിച്ചു. Intel i.7 Processor, 10th Gen കോണ്‍ഫിഗറേഷന്‍ എങ്കിലും ഉള്ളതായിരിക്കണം. ഫോട്ടോ, വീഡിയോ എഡിറ്റിംഗ് സോഫ്റ്റ്‌വെയറുകള്‍ സുഗമമായി പ്രവര്‍ത്തിപ്പിക്കാന്‍ കഴിയണം. 

ക്വട്ടേഷനുകള്‍ 2025 സെപ്റ്റംബര്‍ 18ന് വൈകിട്ട് നാലിനകം പത്തനംതിട്ട കലക്ടറേറ്റിലെ ജില്ലാ ഇന്‍ഫര്‍മേഷന്‍ ഓഫീസില്‍ ലഭിക്കണം. ഫോണ്‍: 0468 2222657

 ശിശുമരണ നിരക്കും മാതൃമരണ നിരക്കും കുറച്ച് ആരോഗ്യ പരിപാലന രംഗത്ത് മാതൃക സൃഷ്ടിക്കാന്‍ കേരളത്തിന് സാധിച്ചെന്ന്  സഹകരണ-തുറമുഖ-ദേവസ്വം വകുപ്പ് മന്ത്രി വി.എൻ. വാസവൻ. നവീകരിച്ച ഇടക്കുന്നം ജനകീയാരോഗ്യ കേന്ദ്രത്തിന്‍റെ ഉദ്ഘാടനവും 

ദേശീയ നേത്രദാന പക്ഷാചരണത്തിന്റെ  ജില്ലാതല സമാപനവും മെഗാ നേത്രപരിശോധനാ ക്യാമ്പും  കോന്നി പ്രിയദര്‍ശിനി ടൗണ്‍ഹാളില്‍ സംഘടിപ്പിച്ചു.  ജില്ലാ പഞ്ചായത്ത് ആരോഗ്യ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ ആര്‍. അജയകുമാര്‍ ഉദ്ഘാടനം ചെയ്തു. കോന്നി ഗ്രാമപഞ്ചായത്ത് പ്രസിഡന്റ് അനി സാബു തോമസ്  അധ്യക്ഷനായി. കോന്നി ബ്ലോക്ക് പഞ്ചായത്ത് പ്രസിഡന്റ് എം.വി അമ്പിളി  മുഖ്യപ്രഭാഷണവും ജില്ലാ മെഡിക്കല്‍ ഓഫീസര്‍ ഡോ. എല്‍. അനിതകുമാരി വിഷയാവതരണവും നടത്തി. ജില്ലാ നോഡല്‍ ഓഫീസര്‍ ഡോ. ഐപ്പ് ജോസഫ് നേത്രദാന സമ്മതപത്രം സ്വീകരിച്ചു.

 വൈക്കം ഫിഷറീസ് ഓഫീസിനു കീഴിൽ വരുന്ന ചെമ്പ്, ഉദയനാപുരം, തലയാഴം, ടി.വി. പുരം, വെച്ചൂർ ഗ്രാമ പഞ്ചായത്തുകൾ, വൈക്കം നഗരസഭ എന്നിവിടങ്ങളിലെ മത്സ്യത്തൊഴിലാളികളുടെ ഇടയിലും മത്സ്യഅനുബന്ധത്തൊഴിലാളികൾ ജോലി ചെയ്യുന്ന മത്സ്യമാർക്കറ്റുകളിലും ഫീൽഡ് ജോലി ചെയ്യുന്നതിലേക്കായി ഒരു കോർഡിനേറ്ററുടെ ഒഴിവുണ്ട്. പ്രായപരിധി 35 വയസ്. (സംവരണ വിഭാഗങ്ങൾക്ക് നിയമാനുസൃത വയസിളവ്). ഈ പ്രദേശങ്ങളിൽ താമസിക്കുന്ന മത്സ്യത്തൊഴിലാളികളുടെ/മത്സ്യഅനുബന്ധത്തൊഴിലാളികളുടെ ആശ്രിതർക്ക് അപേക്ഷിക്കാം. യോഗ്യത: ബിരുദവും അംഗീകൃത ഡി.സി.എ. സർട്ടിഫിക്കറ്റും.

ജില്ലയിലെ പ്രവാസികള്‍ക്കും പ്രവാസി സംരംഭകര്‍ക്കുമായി നോര്‍ക്ക റൂട്ട്‌സ്, സെന്റര്‍ ഫോര്‍ മാനേജ്‌മെന്റ് ഡവലപ്പ്‌മെന്റ് (സി.എം.ഡി) എന്നിവയുടെ ആഭിമുഖ്യത്തില്‍ എന്‍.ഡി.പി.ആര്‍.ഇ.എം പരിശീലന പരിപാടി സെപ്റ്റംബര്‍ 18 ന് പത്തനംതിട്ട വൈ.എം.സി.എ ഹാളില്‍  സംഘടിപ്പിക്കും. സംരംഭം തുടങ്ങുന്നതിനും നടപ്പാക്കുന്നതിനും ആവശ്യമായ സാമ്പത്തിക, നിയമ, മാനേജ്‌മെന്റ് മേഖലകളെ സംബന്ധിച്ച മാര്‍ഗനിര്‍ദ്ദേശം നല്‍കും. രജിസ്‌ട്രേഷന്‍ 9.30 മുതല്‍. ഫോണ്‍ 0471 2329738, +91-8078249505

പുതിയ അധ്യയന വര്‍ഷത്തേയ്ക്കുള്ള ഡിഎല്‍എഡ് കോഴ്‌സ് സയന്‍സ്, കൊമേഴ്‌സ്, ഹ്യുമാനിറ്റീസ് വിഷയങ്ങളിലേക്കുളള പ്രവേശന അഭിമുഖം സെപ്റ്റംബര്‍ 15ന് തിരുവല്ല വിദ്യാഭ്യാസ ഉപഡയറക്ടറുടെ കാര്യാലയത്തില്‍ രാവിലെ 10 മുതല്‍ നടക്കും. കാര്‍ഡ് ലഭിച്ചിട്ടുളളവര്‍ അസല്‍ സര്‍ട്ടിഫിക്കറ്റുകളും  അനുബന്ധരേഖകളും സഹിതം ഹാജരാകണം. സമയക്രമം: സയന്‍സ് രാവിലെ ഒമ്പത്, കൊമേഴ്‌സ് രാവിലെ 10.30, ഹ്യുമാനിറ്റീസ് ഉച്ചയ്ക്ക് ഒന്നിന്. ഫോണ്‍ : 0469 2600181.
 

കുടുംബശ്രീ ജില്ലാ മിഷൻ ജെൻഡർ വിഭാഗവും സ്പീക്ക് മാക്കേയും ചേർന്ന് സംഘടിപ്പിക്കുന്ന വനിത ആർട്ട് ഫെസ്റ്റ്് വാഴൂരിൽ  നടക്കും.
സെപ്റ്റംബർ 13 ശനിയാഴ്ച വൈകുന്നേരം 4.30 ന് അനുഗ്രഹ റിന്യൂവൽ സെന്ററിൽ സർക്കാർ ചീഫ് ഡോ. എൻ. ജയരാജ് ഉദ്ഘാടനം ചെയ്യും. വാഴൂർ ഗ്രാമപഞ്ചായത്ത് പ്രസിഡന്റ് തോമസ് വെട്ടുവേലി അധ്യക്ഷത വഹിക്കും.
  സ്ത്രീകളുടെ കലാപ്രതിഭ വളർത്തുകയും സാമൂഹ്യ ഇടപെടലുകൾ ശക്തിപ്പെടുത്തുകയും ആത്മവിശ്വാസം വർധിപ്പിക്കുകയും ചെയ്യുകയെന്ന ലക്ഷ്യത്തോടെയാണ് ആർട്ട് ഫെസ്റ്റ് നടത്തുന്നത്. വിദഗ്ധരുടെ നേതൃത്വത്തിൽ വിവിധ കലാരൂപങ്ങളുടെ പരിശീലനവും അവതരണവും അരങ്ങേറും.

ശിശുക്ഷേമ സമിതിയുടെ എക്‌സിക്യൂട്ടീവ് യോഗം സെപ്റ്റംബര്‍ 15 രാവിലെ 11ന് ശിശുക്ഷേമസമിതി ഓഫീസില്‍ (ആര്‍ടിഒ ഓഫീസിന് മുകള്‍ഭാഗം) ചേരുമെന്ന് ജില്ലാ ശിശുക്ഷേമ സമിതി സെക്രട്ടറി ജി. പൊന്നമ്മ അറിയിച്ചു.

 മോട്ടോർ വാഹന വകുപ്പിന്റെയും പോലീസ് വകുപ്പിന്റെയും നേതൃത്വത്തിൽ  വാഹനഉടമകൾക്കായി ചെല്ലാൻ തീർപ്പാക്കൽ അദാലത്ത് സെപ്റ്റംബർ 17ന് രാവിലെ 10 മുതൽ അഞ്ചു വരെ ഉഴവൂർ സബ് റീജണൽ ട്രാൻസ്പോർട്ട് ഓഫീസിൽ വെച്ച് നടക്കുമെന്ന് ഉഴവൂർ ജോയിന്റ് റിജണൽ ട്രാൻസ്പോർട്ട് ഓഫീസർ അറിയിച്ചു.

അനാരോഗ്യകരമായ ചുറ്റുപാടുകളില്‍ ജോലി ചെയ്യുന്നവരുടെ മക്കള്‍ക്കുള്ള സെന്‍ട്രല്‍ പ്രീ മെട്രിക് സ്‌കോളര്‍ഷിപ്പ് പദ്ധതിയിലേക്ക് അപേക്ഷ ക്ഷണിച്ചു.  ഒമ്പത്, 10 ക്ലാസുകളില്‍ പഠിക്കുന്ന പട്ടികജാതി വിഭാഗം വിദ്യാര്‍ഥികള്‍ക്കാണ് അവസരം. ഫോണ്‍  0468 2322712.