ചങ്ങനാശ്ശേരി ഗവൺമെന്റ് വനിതാ ഐ.ടി.ഐയിൽ ഡി/സിവിൽ, കമ്പ്യൂട്ടർ ഓപ്പറേറ്റർ ആൻഡ് പ്രോഗ്രാമിംഗ് അസ്സിസ്റ്റന്റ്  ട്രേഡുകളിൽ ഏതാനും സീറ്റുകളിൽ ഒഴിവുണ്ട്. ഗവൺമെന്റ് സ്റ്റൈപന്റോടുകൂടിയാണ് പഠനം. പ്രായപരിധിയില്ല. അസൽ സർട്ടിഫിക്കറ്റുകളുമായി സെപ്റ്റംബർ 30 വരെ ഐ.ടി.ഐയിൽ നേരിട്ടെത്തി പ്രവേശനം നേടാം. ഫോൺ: 9446321018, 9744624730, 0481-2400500.

അയിരൂര്‍ പഞ്ചായത്ത് സര്‍ക്കാര്‍ എല്‍.പി സ്‌കൂളുകളില്‍ യോഗ, കായിക, കഥകളിമുദ്ര പരിശീലനങ്ങള്‍ നല്‍കുന്നതിന് അപേക്ഷിക്കാം. അവസാന തീയതി സെപ്റ്റംബര്‍ 19. പ്രായപരിധി 25 വയസ്.  ഫോണ്‍ : 04735 230226.

പന്തളം സര്‍ക്കാര്‍ ഐടിഐയില്‍ ഇലക്ട്രീഷ്യന്‍,   പ്ലംബര്‍ ട്രേഡുകളില്‍ പട്ടിക ജാതി/ വര്‍ഗ, ജനറല്‍ വിഭാഗത്തില്‍ സീറ്റ് ഒഴിവുണ്ട്. അസല്‍ രേഖകളോടെ ഐടിഐ ഓഫീസുമായി ബന്ധപ്പെടുക .ഫോണ്‍: 9446444042.
 

പാമ്പാടി രാജീവ് ഗാന്ധി ഇൻസ്റ്റിറ്റ്യൂട്ട് ഓഫ് ടെക്നോളജിയിലെ മാസ്റ്റർ ഓഫ് കമ്പ്യൂട്ടർ ആപ്ലിക്കേഷൻ( ഒരു ഒഴിവ്) ഇലക്ട്രോണിക്സ് ആൻഡ് കമ്മ്യൂണിക്കേഷൻ എൻജിനീയറിങ്് വിഭാഗങ്ങളിലേക്ക് (രണ്ട് ഒഴിവ്) ദിവസ വേതനാ ടിസ്ഥാനത്തിൽ ഇൻസ്ട്രക്ടർ ഗ്രേഡ് - ഒന്ന്  തസ്തികയിൽ ഒഴിവുണ്ട്. വിശദാംശങ്ങൾക്കു വെബ്‌സൈറ്റ് www.rit.ac.in സന്ദർശിക്കുക. എഴുത്ത് പരീക്ഷയുടെയും അഭിമുഖത്തിന്റെയും അടിസ്ഥാനത്തിലാണ് നിയമനം. ഉദ്യോഗാർത്ഥികൾ തിരിച്ചറിയൽ രേഖ, അസ്സൽ സർട്ടിഫിക്കറ്റ്, ബയോഡേറ്റ, പ്രവൃത്തി പരിചയ സർട്ടിഫിക്കറ്റ് എന്നിവ സഹിതം സെപ്റ്റംബർ 16 ന് രാവിലെ 10.30 ന് അതാത് വിഭാഗങ്ങളിൽ എത്തണം.

കോന്നി വെറ്ററിനറി ആശുപത്രിയിലെ മൊബൈല്‍ വെറ്ററിനറി യൂണിറ്റിലേക്ക്  വെറ്ററിനറി സര്‍ജന്‍മാരെ താല്‍ക്കാലികമായി തിരഞ്ഞെടുക്കുന്നു.  ജില്ലാ മൃഗസംരക്ഷണ  ഓഫീസില്‍ സെപ്റ്റംബര്‍ 15 പകല്‍  12 ന് അഭിമുഖം നടത്തും. യോഗ്യത ബിവിഎസ് സി ആന്‍ഡ് എഎച്ച് , കേരള സ്റ്റേറ്റ് വെറ്ററിനറി കൗണ്‍സില്‍ രജിസ്‌ട്രേഷന്‍. ഫോണ്‍: 0468 2322762.

കൊടുമണ്‍, ചന്ദനപ്പളളി പ്ലാന്റേഷന്‍ കോര്‍പ്പറേഷനില്‍ എസ്റ്റേറ്റ് വര്‍ക്കറുടെ 145 ഒഴിവുണ്ട്. ദിവസവേതനം 571 രൂപ. യോഗ്യത - ഏഴാം ക്ലാസ് വിജയം. (ബിരുദം ഉണ്ടായിരിക്കാന്‍ പാടില്ല) റബര്‍ ബോര്‍ഡില്‍ നിന്നോ പ്ലാന്റേഷന്‍ കോര്‍പ്പറേഷനില്‍  നിന്നോ ലഭിച്ച റബര്‍ ടാപ്പിംഗ് ട്രെയിനിംഗ് സര്‍ട്ടിഫിക്കറ്റ്. അടൂര്‍ എംപ്ലോയ്‌മെന്റ് എക്‌സ്‌ചേഞ്ച് പരിധിയിലുളളവര്‍ അസല്‍ സര്‍ട്ടിഫിക്കറ്റുകളുമായി അടൂര്‍ ടൗണ്‍ പ്ലോയ്‌മെന്റ് എക്‌സ്‌ചേഞ്ചില്‍ സെപ്റ്റംബര്‍ 22നകം ഹാജരാകണം. ഫോണ്‍ : 04734 224810.
 

ഇൻസ്റ്റിറ്റ്യൂട്ട് ഫോർ ക്ലൈമറ്റ് ചേഞ്ച് സ്റ്റഡീസി(ഐസിസിഎസ്)ന്റെ ആഭിമുഖ്യത്തിൽ അന്ന മാണി സ്മാരക പ്രഭാഷണം ആരംഭിച്ചു. എം.ജി. സർവകലാശാലാ കാമ്പസിൽ നടന്ന ചടങ്ങിൽ ബെംഗളൂരു ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസിലെ ശാസ്ത്രജ്ഞ പ്രൊഫ. കുശല രാജേന്ദ്രൻ അന്ന മാണി സ്മാരക പ്രഭാഷണം നടത്തി.
 കേരളാ സയൻസ് ആൻഡ് ടെക്നോളജി വകുപ്പ് എക്സ്-ഒഫിഷ്യോ പ്രിൻസിപ്പൽ സെക്രട്ടറിയും കെ.എസ്.സി.എസ.്ടി.ഇ. എക്സിക്യൂട്ടീവ് വൈസ് പ്രസിഡന്റുമായ പ്രൊഫ. കെ.പി. സുധീർ ഉദ്ഘാടനം ചെയ്തു. എം.ജി. സർവകലാശാലാ വൈസ് ചാൻസലർ പ്രൊഫ. സി.ടി. അരവിന്ദകുമാർ അധ്യക്ഷത വഹിച്ചു.

പ്രധാനമന്ത്രി ഗ്രാമസഡക് യോജന പദ്ധതിയുടെ നിര്‍വഹണത്തിനായി പ്രോഗ്രാം ഇംപ്ലിമെന്റേഷന്‍ യൂണിറ്റിലേക്ക് കരാര്‍ അടിസ്ഥാനത്തില്‍ അക്രഡിറ്റഡ് എഞ്ചിനീയര്‍ /അക്രഡിറ്റഡ് ഓവര്‍സിയറെ പത്തനംതിട്ട ഓഫീസില്‍ നിയമിക്കുന്നു. അക്രഡിറ്റഡ് എഞ്ചിനീയറുടെ യോഗ്യത ബി ടെക് (സിവില്‍ എഞ്ചിനീയറിംഗ്). പ്രവൃത്തി പരിചയം അഭികാമ്യം.

കര്‍ഷകതൊഴിലാളി ക്ഷേമനിധിബോര്‍ഡില്‍  അംശദായം  ഒടുക്കാതെ അംഗത്വം നഷ്ടപ്പെട്ട തൊഴിലാളികളില്‍ 10 വര്‍ഷം വരെ കുടിശികയുളളവര്‍ക്ക്  അംശദായ കുടിശിക പിഴ സഹിതം അടച്ച് അംഗത്വം പുന:സ്ഥാപിക്കാന്‍ അവസരം. 01-09-2015 മുതല്‍ കുടിശിക വരുത്തിയവര്‍ക്കാണ് ആനുകൂല്യം.  ഇതിനകം 60 വയസ് പൂര്‍ത്തിയായ തൊഴിലാളികള്‍ കുടിശിക അടയ്‌ക്കേണ്ടതില്ല. ആധാര്‍കാര്‍ഡ്, ബാങ്ക് പാസ്ബുക്ക് എന്നിവയുടെ പകര്‍പ്പും ഫോട്ടോയും സഹിതം ഡിസംബര്‍ 10ന് മുമ്പ് കുടിശിക അടച്ച് അംഗത്വം പുന:സ്ഥാപിക്കണമെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു. ഫോണ്‍ : 0468-2327415.
 

കേരള കർഷകത്തൊഴിലാളി ക്ഷേമനിധി ബോർഡിൽ കഴിഞ്ഞ പത്തുവർഷക്കാലപരിധിയിൽ (2015 സെപ്റ്റംബർ 9 മുതൽ 2025 സെപ്റ്റംബർ 9 വരെ) 24 മാസത്തിൽ കൂടുതൽ അംശദായ കുടിശിക വരുത്തി അംഗത്വം നഷ്ടപ്പെട്ടവർക്ക് അംഗത്വം പുനഃസ്ഥാപിക്കാം. കുടിശിക പിഴ സഹിതം അടച്ച് ഡിസംബർ 10 വരെ  അംഗത്വം പുനഃസ്ഥാപിക്കാമെന്നും ഇനി ഇത്തരത്തിൽ അവസരം ലഭിക്കില്ലെന്നും ജില്ലാ എക്സിക്യൂട്ടീവ് ഓഫീസർ അറിയിച്ചു. ആധാർ, ബാങ്ക് പാസ് ബുക്ക്, സ്‌കൂൾ സർട്ടിഫിക്കറ്റ് /ജനന സർട്ടിഫിക്കറ്റ് എന്നിവയുടെ പകർപ്പും ഫോട്ടോ, ഫോൺ നമ്പർ, നോമിനിയുടെ പേര്,വയസ്സ്,ബന്ധം,ഐ.ഡി. കാർഡ് തുടങ്ങിയവയും 25 രൂപയും കരുതണം. ഫോൺ: 0481-2585604.