വാഹനങ്ങളുടെ രജിസ്‌ട്രേഷന്‍ വാഹന്‍സോഫ്റ്റ് വെയര്‍ സംവിധാനത്തിലേക്ക് മാറുന്നതിനാല്‍ നിലവിലെ ഓണ്‍ലൈന്‍ സംവിധാനം വഴി താല്‍കാലിക രജിസ്‌ട്രേഷന്‍ നടത്തിയ എല്ലാ വാഹനങ്ങളും മാര്‍ച്ച് 16നകം സ്ഥിരം രജിസ്‌ട്രേഷന്‍ നടത്തണമെന്ന് ആര്‍.ടി.ഒ. അറിയിച്ചു.  വാഹന്‍സോഫ്റ്റ് വെയറിലൂടെ താല്‍കാലിക രജിസ്‌ട്രേഷന്‍ നടത്തുന്നവര്‍ക്ക് മാത്രമാണ് വാഹന്‍ സോഫ്റ്റ് വെയര്‍ വഴി ഫാന്‍സി നമ്പര്‍ റിസര്‍വേഷനും അനുവദിക്കുക.

ആലപ്പുഴ: ആലപ്പുഴ ഇലക്ട്രിക്കൽ സർക്കിളിന് കീഴിലുള്ള സബ്‌റീജിയണൽ സ്റ്റോറിലുള്ള ഉപയോഗശൂന്യമായ സാധനങ്ങൾ വിൽക്കുന്നതിന്് സ്പീഡ് പോസ്റ്റ്/കൊറിയർ സർവീസ് മുഖേന മുദ്രവച്ച ദർഘാസ് ക്ഷണിച്ചു. ദർഘാസുകൾ ആലപ്പുഴ ഇലക്ട്രിക്കൽ സർക്കിൾ ഓഫീസിൽ നിന്നും ലഭിക്കും. ഡപ്യൂട്ടി ചീഫ് എൻജിനീയർ, ഇലക്ട്രിക്കൽ സർക്കിൾ, ആലപ്പുഴ എന്ന വിലാസത്തിൽ മാർച്ച് 27ന് വൈകിട്ട് അഞ്ചിനകം ദർഘാസ് ലഭിക്കണം.  വിശദവിവരത്തിന് ഫോൺ: 0477-2245602.

ആലപ്പുഴ: ഗവ. മെഡിക്കൽ കോളജിലെ  ന്യൂറോളജി വിഭാഗത്തിലേക്ക് ടെൻ ടൊന്റി പേസ്റ്റ്-65എണ്ണം വാങ്ങുന്നതിനുള്ള ക്വട്ടേഷൻ മാർച്ച് 17 ഉച്ചയ്ക്ക് 12 വരെ  നൽകാം. പ്രിൻസിപ്പൽ, ഗവ. ടി.ഡി. മെഡിക്കൽ കോളജ്, ആലപ്പുഴ-688 005 എന്ന വിലാസത്തിൽ ക്വട്ടേഷൻ നൽകാം. ഫോൺ: 0477-2282015

അന്ധകാരനഴി ഷട്ടർ ഇടൽ, യോഗം നാളെ

ആലപ്പുഴ:അന്ധകാരനഴി ഷട്ടർ അടയ്ക്കുന്നത് സംബന്ധിച്ച് സബ്കളക്ടറുടെ അധ്യക്ഷതയിൽ മാർച്ച് 15ന് ഉച്ചയ്ക്ക് 2.30ന് ചേർത്തല എസ്.എൻ.എം.ജി.ബി എച്ച്.എസ്.എസ്. ഓഡിറ്റോറിയത്തിൽ യോഗം നടത്തുമെന്ന് ചേർത്തല തഹസിൽദാർ അറിയിച്ചു.

ആലപ്പുഴ: ഗവ. മെഡിക്കൽ കോളജിലെ  ഫാർമസ്യൂട്ടിക്കൽ സയൻസ് വിഭാഗത്തിലേക്ക് ക്യാമറ ലുസിഡ, പ്രിസം ടൈപ്പ് മൈക്രോസ്‌കോപ് -15 എണ്ണം, ഓർഗൺ ട്രാൻസ്പ്ലാന്റേഷൻ മീറ്റിങ്ങിന് വീഡിയോ ക്യാമറ-ഒരെണ്ണം എന്നിവ വാങ്ങുന്നതിനുള്ള ക്വട്ടേഷൻ മാർച്ച് 22 ഉച്ചയ്ക്ക് 12 വരെ  നൽകാം. പ്രിൻസിപ്പൽ, ഗവ. ടി.ഡി. മെഡിക്കൽ കോളജ്, ആലപ്പുഴ-688 005 എന്ന വിലാസത്തിൽ ക്വട്ടേഷൻ നൽകാം. ഫോൺ: 0477-2282015

ആലപ്പുഴ: എസ്.എസ്.എൽ.സി പരീക്ഷയ്ക്ക് തുടക്കമായി.  ജില്ലയിൽ നിന്നും 23,057  വിദ്യാർഥികൾ   എസ്.എസ്.എൽ.സി. പരീക്ഷ എഴുതിയതായി  വിദ്യാഭ്യാസ ഉപഡയറക്ടർമാർ അറിയിച്ചു . ഇതിൽ 11,977 ആൺകുട്ടികളും 11,080 പെൺകുട്ടികളുമാണുള്ളത്. വിദ്യാഭ്യാസ ഉപജില്ല തിരിച്ചുള്ള കണക്ക് ചുവടെ- ആലപ്പുഴ 6716,കുട്ടനാട് -2183,ചേർത്തല 6622, മാവേലിക്കര 7536 .പ്രളയ ശേഷം നടക്കുന്ന എസ്.എസ്.എൽ.സി. പരീക്ഷയിൽ ഏറ്റവുമധികം വിദ്യാർഥികൾ പരീക്ഷ എഴുതുന്നത് മാവേലിക്കര വിദ്യാഭ്യാസ ജില്ലയിലും ഏറ്റവും കുറവ് വിദ്യാർഥികൾ  കുട്ടനാട് വിദ്യാഭ്യാസ ജില്ലയിലുമാണ്.ടെക്‌നിക്കൽ  വിദ്യാർഥികൾ  ഉൾപ്പെടെയുള്ള കണക്കാണിത്.

ആലപ്പുഴ: ആലപ്പുഴ ലോകസഭ മണ്ഡലത്തിൽ കഴിഞ്ഞ ജനുവരി 30ലെ കണക്കനുസരിച്ച് 1314535 വോട്ടർമാരാണുള്ളത്. മാവേലിക്കര മണ്ഡലത്തിൽ 1272751 വോട്ടർമാരുണ്ട്. രണ്ടു മണ്ഡലങ്ങളിലും പുരുഷന്മാരേക്കാൾ കൂടുതൽ വനിത വോട്ടർമാരാണ്. രണ്ടു ലോകസഭ മണ്ഡലത്തിലെ നിയമസഭ മണ്ഡലങ്ങളിലും പുരുഷ വോട്ടർമാരേക്കാൾ കൂടുതൽ സ്ത്രീ വോട്ടർമാരാണുള്ളത്. രണ്ടിടത്തുമായി 117722 സ്ത്രീ വോട്ടർമാർ പുരുഷന്മാരേക്കാൾ അധികമായുണ്ട്. ഈ മാസം 25 വരെ വോട്ടർപട്ടികയിൽ പേരു ചേർക്കാമെന്നതിനാൽ അന്തിമപട്ടികയിൽ മാറ്റമുണ്ടാകും. 

ലോക്‌സഭാ തെരഞ്ഞെടുപ്പില്‍ ആദിവാസി മേഖലയില്‍ നിന്നുള്ള വോട്ടിംഗ് ശതമാനം വര്‍ദ്ധിപ്പിക്കുന്നതിനായി സ്വീപ്പ് കര്‍മ്മ പദ്ധതിയുടെ ഭാഗമായി ബോധവത്കരണ പരിപാടി സംഘടിപ്പിക്കുന്നു.  മാര്‍ച്ച് 15, 16 തിയതികളില്‍ തിരുനെല്ലി,  നൂല്‍പ്പുഴ, തവിഞ്ഞാല്‍ ഗ്രാമപഞ്ചായത്തുകള്‍ കേന്ദ്രീകരിച്ച് ബോധവത്കരണ തെരുവുനാടകം അരങ്ങേറും.  വയനാടിന് പുറമെ പാലക്കാട്, ഇടുക്കി, പത്തനംതിട്ട, തിരുവനന്തപുരം ജില്ലകളിലെ ആദിവാസി മേഖലകളിലാണ് ഇലക്ഷന്‍ കമ്മീഷന്‍ ബോധവത്കരണ പരിപാടികള്‍ സംഘടിപ്പിക്കുന്നത്.