മെഡികെയേഴ്സ്, നെഹ്റുയുവ കേന്ദ്ര, സേവക് സൊസൈറ്റി എന്നിവയുടെ ആഭിമുഖ്യത്തില്‍ നാളെ (മാര്‍ച്ച് 13) രാവിലെ 10 മുതല്‍ ഒന്ന് വരെ നല്ലേപ്പിള്ളി ഗ്രാമപഞ്ചായത്തിലെ കുറ്റിപള്ളം ലക്ഷംവീട് കോളനി അങ്കണവാടിയില്‍ സൗജന്യ മെഡിക്കല്‍ ക്യാമ്പ് നടത്തും. ക്യാമ്പില്‍ വിദഗ്ധ ഡോക്ടര്‍മാരുടെ സേവനവും ആവശ്യമായ മരുന്നുകളും സൗജന്യമായിരിക്കും. ഫോണ്‍ 0491- 2559807.

അട്ടപ്പാടി ഗവ. ഐ.ടി.ഐയില്‍ എംബ്ലോയബിലിറ്റി സ്കില്‍ വിഷയം പഠിപ്പിക്കുന്നതിന് ഗസ്റ്റ് ഇന്‍സ്ട്രക്ടറെ  ആവശ്യമുണ്ട്.  എം.ബി.എ / ബി.ബി.എ അല്ലെങ്കില്‍ സോഷ്യോളജി / എക്കണോമിക്സ് ബിരുദവും രണ്ടുവര്‍ഷത്തെ പ്രവൃത്തി പരിചയവുമാണ് യോഗ്യത. താല്‍പര്യമുല്ളവര്‍  മാര്‍ച്ച് 16 രാവിലെ 10ന് അസ്സല്‍ യോഗ്യതാ സര്‍ട്ടിഫിക്കറ്റുകളുമായി അട്ടപ്പാടി ഗവ.ഐ.ടി.ഐയില്‍ നടക്കുന്ന കൂടിക്കാഴ്ച്ചയ്ക്ക് എത്തണമെന്ന് പ്രിന്‍സിപ്പല്‍ അറിയിച്ചു. ഫോണ്‍: 04924-211516.

റെയില്‍വേ റിക്രൂട്ട്മെന്‍റിന്‍റെ വിവിധ പരീക്ഷകള്‍ക്കായി ജില്ലയിലെ എസ്.എസ്.എല്‍.സി.യും അതിനു മുകളിലും വിദ്യാഭ്യാസ യോഗ്യതയുള്ള പട്ടികജാതി, പട്ടികവര്‍ഗ്ഗ ഉദ്യോഗാര്‍ത്ഥികള്‍ക്ക് പാലക്കാട് ജില്ലാ ഭരണകൂടം പരിശീലനം നല്‍കുന്നു. താല്‍പര്യമുള്ളവര്‍ വെള്ളക്കടലാസില്‍ തയ്യാറാക്കിയ അപേക്ഷയും  യോഗ്യത, ജാതി, തെളിയിക്കുന്ന സര്‍ട്ടിഫിക്കറ്റുകളുടെ പകര്‍പ്പും, മൊബൈല്‍ നമ്പറും സൂചിപ്പിച്ച് മാര്‍ച്ച് 25നകം ജില്ലാ പ്ലാനിങ് ഓഫീസില്‍ സമര്‍പ്പിക്കണം. പരിശീലന ക്ലാസുകള്‍ ഏപ്രില്‍ ആദ്യ വാരത്തില്‍ ആരംഭിക്കും. 

മരുതറോഡ് ഗ്രാമപഞ്ചായത്തിലെ 2018 - 2019 സാമ്പത്തിക വര്‍ഷത്തെ കെട്ടിട നികുതി അടയ്ക്കാത്തവര്‍ മാര്‍ച്ച് 31നകം പഞ്ചായത്ത് ഓഫീസില്‍  അടയ്ക്കണമെന്ന് സെക്രട്ടറി അറിയിച്ചു.

മരുതറോഡ് ഗ്രാമപഞ്ചായത്തില്‍ താമസിക്കുന്ന വിമുക്ത ഭടന്‍മാര്‍ക്ക് 2019-20 സാമ്പത്തിക വര്‍ഷത്തെ കെട്ടിട നികുതി ഇളവ് ലഭിക്കുന്നതിന് മാര്‍ച്ച് 31നകം സാക്ഷ്യപത്രം മരുതറോഡ് ഗ്രാമപഞ്ചായത്തില്‍ സമര്‍പ്പിക്കണമെന്ന് സെക്രട്ടറി അറിയിച്ചു.