മീനങ്ങാടി ഐ.എച്ച്.ആര്‍.ഡി. മോഡല്‍  കോളേജില്‍  ലൈബ്രേറിയന്‍ ഗ്രേഡ് നാല്  വിഭാഗത്തില്‍ താത്കാലികാടിസ്ഥാനത്തില്‍ നിയമിക്കുന്നതിനുള്ള കൂടിക്കാഴ്ച മാര്‍ച്ച് 20 ന് രാവിലെ 11 ന് കോളേജ് ഓഫീസില്‍ നടക്കും.ഫോണ്‍ 04936 246446.

മോട്ടോര്‍ തൊഴിലാളി ക്ഷേമനിധി ബോര്‍ഡ് സംയുക്ത മോട്ടോര്‍ തൊഴിലാളി ട്രേഡ് യൂണിയനുകളുമായി സഹകരിച്ച് ജില്ലയിലെ തൊഴിലാളികള്‍ക്കായി രജിസ്ട്രേഷന്‍ ക്യാമ്പ് നാളെ (മാര്‍ച്ച് 14) രാവിലെ 10 മുതല്‍ രണ്ട് മണി വരെ ഇന്‍ഡോര്‍ സ്റ്റേഡിയത്തിനു സമീപമുള്ള എ.ഐ.ടി.യു.സി ഓഫീസില്‍ സംഘടിപ്പിക്കും. ക്യാമ്പില്‍ പുതുതായി അംഗത്വമെടുക്കാനും കുടിശ്ശിക അടവാക്കാനും സൗകര്യമുണ്ടായിരിക്കുന്നതാണെന്ന് ജില്ലാ എക്സിക്യുട്ടീവ് ഓഫീസര്‍ അറിയിച്ചു.

ജില്ലയിലെ സ്വകാര്യ സ്ഥാപനങ്ങളില്‍  കസ്റ്റമര്‍ സര്‍വ്വീസ് അസോസിയേറ്റ്, കാഷ്യര്‍, ഇല്കട്രിഷ്യന്‍ തസ്തികകളിലേക്ക് നിയമനം നടത്തുന്നതിനായി സിവില്‍ സ്റ്റേഷനിലുളള എംപ്ലോയ്ബിലിറ്റി സെന്ററില്‍ മാര്‍ച്ച് 16 ന് രാവിലെ 10.30 ന് കൂടിക്കാഴ്ച നടക്കും.   എംപ്ലോയ്ബിലിറ്റി സെന്ററില്‍ രജിസ്റ്റര്‍ ചെയ്തവര്‍ക്ക് സൗജന്യമായും, അല്ലാത്തവര്‍ക്ക് 250 രൂപ ഫീസടച്ച് രജിസ്റ്റര്‍ ചെയ്യും അഭിമുഖത്തില്‍ പങ്കെടുക്കാം.  താല്‍പര്യമുളളവര്‍  ബയോഡാറ്റ സഹിതം രാവിലെ സെന്ററില്‍ എത്തണം. ഫോണ്‍ : 0495 2370178