പത്തനംതിട്ട കളക്‌ട്രേറ്റ് കോൺഫറൻസ് ഹാളിൽ 22 ന് സർട്ടിഫിക്കറ്റ് സാക്ഷ്യപ്പെടുത്തൽ നടക്കുന്നതിനാൽ അന്നേ ദിവസം നോർക്ക റൂട്ടസിന്റെ തിരുവനന്തപുരത്തെ സർട്ടിഫിക്കറ്റ് ആതന്റിക്കേഷൻ സെന്ററിൽ സർട്ടിഫിക്കറ്റ് സാക്ഷ്യപ്പെടുത്തലുണ്ടാവില്ലെന്ന് സെന്റർ മാനേജർ അറിയിച്ചു.

പി.എൻ.എക്സ്. 930/19

2019 ഏപ്രിലിൽ നടക്കുന്ന ഡി.എഡ്/ ഡി.എൽ.എഡ് സെമസ്റ്റർ പരീക്ഷകളുടെ പുതുക്കിയ ടൈംടേബിളും സമയബന്ധിതമായി പൂർത്തിയാക്കേണ്ട പ്രവർത്തനങ്ങളുടെ തിയതികളും പ്രസിദ്ധീകരിച്ചു.  പരീക്ഷ മെയ് രണ്ടിന് ആരംഭിക്കും.  ഫൈനോടുകൂടി പരീക്ഷാഫീസ് മാർച്ച് 20 വരെ അടയ്ക്കാം.  പുതുക്കിയ ടൈംടേബിളും വിശദവിവരങ്ങളും www.keralapareekshabhavan.in  ൽ ലഭ്യമാണ്.

പി.എൻ.എക്സ്. 929/19

പാലക്കാട് ജില്ലയിൽ പട്ടാമ്പി മുനിസിപ്പാലിറ്റിയിലെ 24 കൗൺസിലർമാരെ സംസ്ഥാന തിരഞ്ഞെടുപ്പ് കമ്മീഷണർ വി. ഭാസ്‌കരൻ അയോഗ്യരാക്കി.  കേരള മുനിസിപ്പാലിറ്റി ആക്ടിലെ സെക്ഷൻ 143എ പ്രകാരം നിശ്ചിത സമയ പരിധിക്കുള്ളിൽ ആസ്തി-ബാദ്ധ്യതാവിവരം സമർപ്പിക്കുന്നതിൽ വീഴ്ച വരുത്തിയതിനാലാണ് കമ്മീഷന്റെ നടപടി.  2015 നവംബർ 12-ന് മുനിസിപ്പൽ കൗൺസിലർമാരായി ചുമതലയേറ്റ ഇവർ 30 മാസത്തിനുള്ളിൽ നിശ്ചിത ഫാറത്തിൽ ആസ്തി-ബാദ്ധ്യതാ വിവരങ്ങൾ ഇതിനായി ചുമതലപ്പെടുത്തിയിട്ടുള്ള കൊച്ചിയിലെ അർബൻ അഫയേഴ്‌സ് മേഖലാ ജോയിന്റ് ഡയറക്ടർക്ക് സമർപ്പിക്കണമായിരുന്നു.

മാര്‍ച്ച്‌ 7 രാത്രി 7.45 ന്‌ ഏകദ്ദേശം 60 വയസ്സ്‌ പ്രായം തോന്നിക്കുന്ന പുരുഷന്‍ തൃശൂര്‍ മനോരമ ജംഗ്‌ഷന്‌ സമീപം കെഎസ്‌ഇബി സ്റ്റേഷന്‌ മുന്‍വശം ഏതോ വാഹനം ഇടിച്ച്‌ പരിക്ക്‌ പറ്റി ജനറല്‍ ആശുപത്രിയിലും മെഡിക്കല്‍ കോളേജിലും ചികിത്സയിലിരിക്കെ മാര്‍ച്ച്‌ 9 വൈകീട്ട്‌ 5 ന്‌ മരണപ്പെട്ടു. മൃതദേഹം മെഡിക്കല്‍ കോളേജ്‌ ആശുപത്രി മോര്‍ച്ചറിയില്‍ സൂക്ഷിച്ചിട്ടുണ്ട്‌. ബന്ധുക്കളോ സുഹൃത്തുക്കളോ ഉണ്ടെങ്കില്‍ തൃശൂര്‍ ടൗണ്‍ ഈസ്റ്റ്‌ പോലീസ്‌ സ്റ്റേഷനുമായി ബന്ധപ്പെടണം. ഫോണ്‍ : 0487-2424192, 9497962710.

അനധികൃതമായി ജോലിയില്‍ നിന്നും പിരിച്ചുവിടപ്പെട്ട ലാബ്‌ അസിസ്റ്റന്റ്‌ സ്‌കൂള്‍ മാനേജ്‌മെന്റിനെതിരെ പോലീസില്‍ പരാതി നല്‍കുകയാണെങ്കില്‍ കേസ്‌ രജിസ്റ്റര്‍ ചെയ്‌ത്‌ യഥാര്‍ത്ഥ പ്രതികള്‍ക്കെതിരെ നടപടി സ്വീകരിക്കണമെന്ന്‌ സംസ്ഥാന മനുഷ്യാവകാശ കമ്മീഷന്‍. ചാലക്കുടി ഡിവൈഎസ്‌ പിക്കാണ്‌ കമ്മീഷന്‍ ജുഡീഷ്യല്‍ അംഗം പി മോഹനദാസിന്റെ നിര്‍ദ്ദേശം. പാലിശ്ശേരി എസ്‌എന്‍ഡിപി ഹയര്‍ സെക്കന്ററി സ്‌കൂള്‍ ലാബ്‌ അസിസ്റ്റന്റ്‌ ബിന്ദുവിനെ 1735000 രൂപ കൈപ്പറ്റിയ ശേഷം സ്‌കൂള്‍ മാനേജ്‌മെന്റ്‌ പിരിച്ചു വിട്ടുവെന്നാണ്‌ പരാതി.

എളനാട്‌ പ്രൈമറി ഹെല്‍ത്ത്‌ സെന്ററില്‍ വയോജനങ്ങള്‍ക്ക്‌ മരുന്നു വാങ്ങല്‍ പദ്ധതിയുടെ ഭാഗമായി മരുന്നുകള്‍ വിതരണം ചെയ്യുന്നതിന്‌ ക്വട്ടേഷന്‍ ക്ഷണിച്ചു. ക്വട്ടേഷന്‍ സ്വീകരിക്കുന്ന അവസാന തീയതി മാര്‍ച്ച്‌ 19. കൂടുതല്‍ വിവരങ്ങള്‍ക്ക്‌ ഫോണ്‍ : 04844-288574.

ജില്ലാ സൈനിക ക്ഷേമ ഓഫീസിന്റെ വിശ്രമകേന്ദ്രത്തില്‍ കെയര്‍ ടേക്കര്‍ തസ്‌തികയില്‍ താല്‍ക്കാലിക നിയമനം നടത്തുന്നു. താല്‍പര്യമുളള വിമുക്തഭടന്മാര്‍ മാര്‍ച്ച്‌ 18 നകം അപേക്ഷ ജില്ലാ സൈനിക ക്ഷേമ ഓഫീസില്‍ നല്‍കണം. കൂടുതല്‍ വിവരങ്ങള്‍ക്ക്‌ ഫോണ്‍ : 0487-2384037.

മായന്നൂര്‍ ജവഹര്‍ നവോദയ വിദ്യാലയത്തിലെ ആറാം ക്ലാസ്സ്‌ പ്രവേശന പരീക്ഷ ഏപ്രില്‍ 6 രാവിലെ 11 ന്‌ അതത്‌ പരീക്ഷകേന്ദ്രങ്ങളില്‍ നടക്കും. ഹാള്‍ടിക്കറ്റ്‌ www.nvadmissionclasssix.in എന്ന വെബ്‌ സൈറ്റില്‍ ലഭിക്കും. അപേക്ഷാര്‍ത്ഥികള്‍ ഹാള്‍ടിക്കറ്റ്‌ ഡൗണ്‍ലോഡ്‌ ചെയ്‌ത്‌ പരീക്ഷയ്‌ക്ക്‌ എത്തണം. കൂടുതല്‍ വിവരങ്ങള്‍ക്ക്‌ ഫോണ്‍ : 04844-286260. 
 

ജില്ലയിലെ ഗ്രാമപഞ്ചായത്തുകളില്‍ കുടിവെളളം വിതരണം നടത്തുന്നതിന്‌ ടാങ്കര്‍ ലോറികളില്‍ / മറ്റു വാഹനങ്ങളില്‍ ജിപിഎസ്‌ സംവിധാനം ഘടിപ്പിക്കുന്നതിന്‌ ക്വട്ടേഷന്‍ ക്ഷണിച്ചു. കൂടുതല്‍ വിവരങ്ങള്‍ക്ക്‌ വെബ്‌ സൈറ്റ്‌ www.dop.lsgkerala.gov.in. . ഫോണ്‍ : 0487-2360616.
 

പൂത്തോള്‍ സ്റ്റേറ്റ്‌ എക്‌സൈസ്‌ അക്കാദമി ആന്‍ഡ്‌ റിസര്‍ച്ച്‌ സെന്ററില്‍ അടിസ്ഥാന പരിശീലനം പൂര്‍ത്തിയാക്കിയ 20-ാമത്‌ ബാച്ച്‌ 84 സിവില്‍ എക്‌സൈസ്‌ ഓഫീസര്‍മാരുടെയും 4-ാമത്‌ ബാച്ച്‌ 16 വനിത സിവില്‍ എക്‌സൈസ്‌ ഓഫീസര്‍മാരുടെയും പാസ്സിങ്‌ ഔട്ട്‌ പരേഡ്‌ മാര്‍ച്ച്‌ 16 രാവിലെ 7.30 ന്‌ അക്കാദമി ഗ്രൗണ്ടില്‍ നടക്കും.