ഉന്നത വിജയം നേടിയ സ്‌കോള്‍-കേരള വിദ്യാര്‍ഥികള്‍ക്ക്  ഇന്ന് (ആഗസ്റ്റ് ഒമ്പത്) രാവിലെ 10ന് കോട്ടക്കല്‍ രാജാസ് ഹയര്‍ സെക്കന്‍ഡറി സ്‌കൂളില്‍  സ്വീകരണവും അനുമോദനയോഗവും നടത്തും. കേരള നിയമസഭാ സ്പീക്കര്‍ പി. ശ്രീരാമകൃഷ്ണന്‍ ഉദ്ഘാടനം ചെയ്യും.   പ്രൊഫ. ആബിദ് ഹുസൈന്‍ തങ്ങള്‍ എം.എല്‍.എ അധ്യക്ഷത വഹിക്കും. സ്‌കോള്‍-കേരള  വൈസ് ചെയര്‍മാന്‍ ഡോ. കെ. മോഹനകുമാര്‍, സ്‌കോള്‍-കേരള എക്‌സിക്യൂട്ടീവ് ഡയറക്ടര്‍ ഡോ. കെ.എം. ഖലീല്‍ തുടങ്ങിയവര്‍ പങ്കെടുക്കും.

മലപ്പുറം ഗവണ്‍മെന്റ് കോളേജില്‍ ബിരുദാനന്തര ബിരുദ തലത്തില്‍ വിവിധ പഠന വകുപ്പുകളില്‍ സംവരണ വിഭാഗങ്ങള്‍ക്ക് സീറ്റൊഴിവുണ്ട്. ക്യാപ് രജിസ്‌ട്രേഷന്‍ നിലനില്‍ക്കുന്ന വിദ്യാര്‍ത്ഥികള്‍ ആഗസ്റ്റ് 10ന് ഉച്ചക്ക് ഒന്നിനകം  കോളേജില്‍ റിപ്പോര്‍ട്ട് ചെയ്യണം.  നേരത്തെ റിപ്പോര്‍ട്ട് ചെയ്തവര്‍ റിപ്പോര്‍ട്ട് ചെയ്യേണ്ടതില്ല.  

ഒഴൂര്‍ പഞ്ചായത്തില്‍ 15,000 രൂപ പ്രതിമാസം വേതന നിരക്കില്‍ കമ്മ്യൂണിറ്റി വുമണ്‍ ഫെസിലിറ്റേറ്ററെ  നിയമിക്കുന്നു. എം.എസ്.ഡബ്ല്യൂ യോഗ്യതയോ തതുല്ല്യമായ വുമണ്‍ സ്റ്റഡീസ്, സൈക്കോളജി, സോഷ്യോളജി എന്നിവയില്‍ ബിരുദാനന്ത ബിരുദ യോഗ്യതയോ ഉള്ളവരായിരിക്കണം. താല്‍പ്പര്യമുള്ള ഉദ്യോഗാര്‍ത്ഥികള്‍ ആഗസ്റ്റ് 20ന് രാവിലെ  10 ന് കൂടിക്കാഴ്ചക്കായി പഞ്ചായത്ത് ഓഫീസില്‍ എത്തണമെന്ന് സെക്രട്ടറി അറിയിച്ചു.

ഒഴൂര്‍ പഞ്ചായത്തില്‍ വനിതകള്‍ക്കായി യോഗപരിശീലനം നടത്തുന്നതിന് പ്രതിദിനം 400 രൂപ വേതനത്തില്‍ യോഗ പരിശീലകയെ നിയമിക്കുന്നു. അംഗീകൃത സര്‍വ്വകലാശാലയില്‍ നിന്ന് ബി.എന്‍.വൈ.എസ് ബിരുദം/ യോഗ അസോസിയേഷനും കേരള സ്പോര്‍ട്സ്  കൗണ്‍സിലും അംഗീകരിച്ച യോഗ്യതയുണ്ടാകണം.  താല്‍പ്പര്യമുള്ളവര്‍ കൂടിക്കാഴ്ചക്കായി ആഗസ്റ്റ് 20ന് രാവിലെ 11 ന് പഞ്ചായത്ത് ഓഫീസില്‍ എത്തണം.

ജില്ലയിലെ തദ്ദേശ സ്വയംഭരണ സ്ഥാപനങ്ങളുടെ പുതുക്കിയ വാര്‍ഷിക പദ്ധതികള്‍ക്ക് ജില്ലാ ആസൂത്രണ സമിതി അംഗീകാരം നല്‍കി. 2018-19 ലെ പദ്ധതികളോടൊപ്പം സ്പില്‍ ഓവര്‍ തുക ചേര്‍ത്ത് പുതുക്കിയ പദ്ധതികള്‍ക്കാണ് അംഗീകാരം നല്‍കിയത്. ജില്ലാ പഞ്ചായത്ത് പ്രസിഡന്റ് അഡ്വ. സണ്ണി പാമ്പാടിയുടെ അദ്ധ്യക്ഷതയില്‍ നടന്ന ജില്ലാ ആസൂത്രണ സമിതി യോഗത്തില്‍ 53 ഗ്രാമ പഞ്ചായത്തുകളുടെയും അഞ്ച് ബ്ലോക്ക് പഞ്ചായത്തുകളുടെയും പുതുക്കിയ പദ്ധതികള്‍ അംഗീകരിച്ചു.

    മഞ്ചേരി ഗവ.  ടെക്‌നിക്കല്‍ ഹൈസ്‌കൂള്‍ ജനറല്‍ബോഡി യോഗവും എപ്ലസ് നേടിയ വിദ്യാര്‍ഥികളെ അനുമോദിക്കലും ഇന്ന് (ആഗസ്റ്റ് ഒമ്പത്) രാവിലെ 9.30ന് സ്‌കൂളില്‍ ചേരും. എം. ഉമ്മര്‍ എം.എല്‍.എ മുഖ്യാതിഥിയാവും.

കേരള വനിതാ കമ്മീഷന്റെ മലപ്പുറം ജില്ലയിലെ അദാലത്ത് ഇന്ന് (ആഗസ്റ്റ് ഒമ്പത് ) രാവിലെ 10.30 ന് ജില്ലാ പഞ്ചായത്ത് ഹാളില്‍ നടക്കും.