റാന്നി ഗവണ്‍മെന്റ് ഐടിഐയില്‍ ഇലക്‌ട്രോണിക്‌സ് മെക്കാനിക്ക് ട്രേഡില്‍ അഞ്ച് ഒഴിവുകളുണ്ട്. പ്രവേശനത്തിന് താത്പര്യമുള്ളവരും ഇന്‍ഡക്‌സ്മാര്‍ക്ക് 180ല്‍ താഴെയുള്ളവരും ഈ മാസം 14ന് രാവിലെ 10.30ന് റ്റി.സി, അഡ്മിഷന്‍ ഫീസ്, പിറ്റിഎ ഫണ്ട് എന്നിവ സഹിതം ഹാജരാകണം. ഫോണ്‍: 9447265195.

        (പിഎന്‍പി 2269/18)

ജില്ലയില്‍ ടൂറിസം ക്ലബുകള്‍ രൂപീകരിക്കുന്നതിന് ജില്ലാ ടൂറിസം പ്രമോഷന്‍ കൗണ്‍സില്‍ അപേക്ഷ ക്ഷണിച്ചു. ജില്ലയിലെ പ്രൊഫഷണല്‍ കോളേജുകള്‍ ഉള്‍പ്പെടെയു ള്ള വിദ്യാഭ്യാസ സ്ഥാപനങ്ങള്‍ക്കും, സാമൂഹിക സാംസ്‌കാരിക സന്നദ്ധ സംഘടനകള്‍ക്കും അപേക്ഷിക്കാം. കൂടുതല്‍ വിവരം കോഴഞ്ചേരി ഡിറ്റിപിസി ടൂറിസ്റ്റ് ഫെസിലിറ്റേഷന്‍ സെന്ററില്‍ ലഭിക്കും. ഫോണ്‍: 9447709944, 0468 2311343.        (പിഎന്‍പി 2268/18)

അടൂര്‍ ഐഎച്ച്ആര്‍ഡി എന്‍ജിനീയറിംഗ് കോളേജില്‍ ഒഴിവുള്ള ഒന്നാം വര്‍ഷ ബി.ടെക് കോഴ്‌സുകളില്‍ മെറിറ്റ്/മാനേജ്‌മെന്റ് സീറ്റുകളിലേക്ക് പ്രവേശനം നടത്തും. ഇലക്ട്രിക്കല്‍, ഇലക്‌ട്രോണിക്‌സ് ബ്രാഞ്ചുകളില്‍ മെറിറ്റ് സീറ്റുകളിലും കംപ്യൂട്ടര്‍ സയന്‍സ്, മെക്കാനിക്കല്‍ എന്നീ ബ്രാഞ്ചുകളില്‍  മാനേജ്‌മെന്റ് സീറ്റുകളിലും ഒഴിവുണ്ട്. മെറിറ്റ് സീറ്റില്‍ 35000 രൂപയും മാനേജ്‌മെന്റ് സീറ്റില്‍ 65000 രൂപയുമാണ് വാര്‍ഷിക ഫീസ്. താത്പര്യമുളള കേരള എന്‍ട്രന്‍സ് യോഗ്യത നേടിയ വിദ്യാര്‍ഥികള്‍ കോളേജ് ഓഫീസുമായി ബന്ധപ്പെടണം. ഫോണ്‍: 04734 231995. 

        (പിഎന്‍പി 2267/18)

കേരള തയ്യല്‍ തൊഴിലാളി ക്ഷേമനിധി ബോര്‍ഡിലെ ട്രേഡ് യൂണിയനുകള്‍ക്ക് തൊഴിലാളികളുടെ അംശദായം അടയ്ക്കാനുള്ള പേയ്‌മെന്റ് ഗേറ്റ് വേ, നേത്രപരിശോധനാ ക്യാമ്പ്, എസ്.എസ്.എല്‍.സിക്ക് എല്ലാ വിഷയങ്ങള്‍ക്കും എ പ്ലസ് ലഭിച്ച ക്യാഷ് അവാര്‍ഡിന് അര്‍ഹരായ കുട്ടികള്‍ക്ക് സര്‍ട്ടിഫിക്കറ്റ് വിതരണം, ബോര്‍ഡ് നല്‍കുന്ന സേവനങ്ങള്‍ക്ക് എസ്.എം.എസ് സംവിധാനം എന്നിവയുടെ സംസ്ഥാനതല ഉദ്ഘാടനം തിരുവനന്തപുരം പാളയം ചന്ദ്രശേഖരന്‍ നായര്‍ സ്റ്റേഡിയത്തിലെ ഒളിംപിയ ഹാളില്‍ ആഗസ്റ്റ് 10ന് ഉച്ചയ്ക്ക് രണ്ടിന് എക്‌സൈസ്, തൊഴില്‍, നൈപുണ്യ വകുപ്പ് മന്ത്രി ടി.പി.രാമകൃഷ്ണന്‍ നിര്‍വഹിക്കും. വി.എസ്.ശിവകുമാര്‍ എം.എല്‍.എ അധ്യക്ഷത വഹിക്കും.

കള്ളത്തരവും വഞ്ചനയും അഴിമതിയും കാട്ടുന്ന ഡയറക്ട്, മള്‍ട്ടിലെവല്‍ മാര്‍ക്കറ്റിംഗ് കമ്പനികളുടെ വഴി പുറത്തേക്കാണെന്ന് ഭക്ഷ്യപൊതുവിതരണ ഉപഭോക്തൃകാര്യ വകുപ്പ് മന്ത്രി പി. തിലോത്തമന്‍ പറഞ്ഞു. മള്‍ട്ടിലെവല്‍ മാര്‍ക്കറ്റിംഗ്, ഡയറക്ട് സെല്ലിംഗ് മാര്‍ഗരേഖ പ്രകാശനം ചെയ്ത് സംസാരിക്കുകയായിരുന്നു അദ്ദേഹം. 

* മന്ത്രി രാമചന്ദ്രന്‍ കടന്നപ്പള്ളി ഉദ്ഘാടനം ചെയ്തു, പ്രദര്‍ശനം 16 വരെ

1790 ലെ വാത്മീകി രാമായണം താളിയോലയും 1877 ലെ ഉത്തരരാമായണം കുറത്തിപ്പാട്ട് പുസ്തകവും ഉള്‍പ്പെടെ അപൂര്‍വ ചരിത്രരേഖകള്‍ കാണാന്‍ ആഗസ്റ്റ് 16 വരെ അവസരം. സംസ്ഥാന ആര്‍ക്കൈവ്‌സ് വകുപ്പിന്റെ ആഭിമുഖ്യത്തില്‍ താളിയോല രാമായണങ്ങളുടെയും പുരാതന ഗ്രന്ഥങ്ങളുടെയും പ്രദര്‍ശനത്തിലാണ് അപൂര്‍വവും ഏറ്റവും പഴക്കമേറിയതുമായ താളിയോലകളും ആദ്യകാല രാമായണ ഗ്രന്ഥങ്ങളും ഒരുക്കിയിരിക്കുന്നത്. നളന്ദയിലെ ആര്‍ക്കൈവ്‌സ് ഡയറക്ടറേറ്റിലെ സിഗ്‌നേച്ചര്‍ ഗ്യാലറിയിലാണ് പ്രദര്‍ശനം.

മുന്‍ പ്രധാനമന്ത്രി രാജീവ് ഗാന്ധിയുടെ ജന്മദിനമായ ആഗസ്റ്റ് 20ന് സര്‍ക്കാര്‍ ഓഫീസുകളില്‍ സദ്ഭാവനാ ദിനമായി ആചരിക്കണമെന്ന് പൊതുഭരണ (സര്‍വീസസ്-ഡി) വകുപ്പ് അറിയിച്ചു. എല്ലാ ജില്ലാ കളക്ടര്‍മാരുടെയും വകുപ്പു മേധാവികളുടെയും  ഓഫീസുകളിലും പൊതുമേഖലാ സ്ഥാപനങ്ങളിലും ആഗസ്റ്റ് 20ന് രാവിലെ 11ന് സദ്ഭാവനാ പ്രതിജ്ഞ സംഘടിപ്പിക്കണമെന്നും അറിയിപ്പില്‍ പറയുന്നു.

പി.എന്‍.എക്‌സ്.3496/18