ഡിസംബര്‍ 5ന് നടത്താനിരുന്ന ആര്‍.ടി.എ. മീറ്റിംഗ് ഡിസംബര്‍ 13ന് രാവിലെ 11ന് കളക്‌ട്രേറ്റില്‍ നടക്കുമെന്ന് ആര്‍.ടി.ഒ. അറിയിച്ചു.

                ജില്ലാ ആസൂത്രണ സമിതി യോഗം ഡിസംബര്‍ 6 ന് ഉച്ചയ്ക്ക് 2ന് ആസൂത്രണ ഭവനിലെ എ.പി.ജെ. ഹാളില്‍ നടക്കും.

സ്വാമി വിവേകാനന്ദന്റെ കേരള സന്ദര്‍ശനത്തിന്റെ 125-ാം വാര്‍ഷികാഘോഷത്തിന്റെ ഭാഗമായി ഡിസംബര്‍ 5ന് (ചൊവ്വാഴ്ച) വൈകീട്ട് 6ന് കല്‍പ്പറ്റ ചന്ദ്രഗിരി ഓഡിറ്റോറിയത്തില്‍ മെഗാ ഷോ സംഘടിപ്പിക്കുന്നു. തിരുവനന്തപുരം ഭാരത് ഭവന്‍ അവതരിപ്പിക്കുന്ന   നവോത്ഥാന ദൃശ്യസന്ധ്യയില്‍ എഴുപതോളം കലാകാരന്‍മാര്‍ പങ്കെടുക്കും. കേരളത്തിലെ നവോത്ഥാന കാലഘട്ടത്തെയും വിവേകാനന്ദന്റെ ദര്‍ശനങ്ങളെയും മള്‍ട്ടി മീഡിയ ദൃശ്യാവിഷ്‌കാരത്തോടുകൂടി മെഗാ ഷോയില്‍ അവതരിപ്പിക്കും. പ്രവേശനം സൗജന്യമായിരിക്കും.  ഇതോടൊപ്പം 'ഉത്തിഷ്ഠത ജാഗ്രത' എന്ന ഡോക്യുമെന്ററി പ്രദര്‍ശനവും   നടക്കും.

നമ്മുടെ ജീവിതാനുഭവത്തിലെ ഏറ്റവും വലിയ ദുരന്തമാണ് ഇപ്പോള്‍ സംഭവിച്ചതെന്ന് മുഖ്യമന്ത്രി പിണറായി വിജയന്‍ വിഴിഞ്ഞത്ത് പറഞ്ഞു.  ദുരന്തമുഖത്തെത്തിയ മുഖ്യമന്ത്രി കടലില്‍ പോയവരെ കാത്തിരിക്കുന്ന ഉറ്റവരുടെ അരികിലെത്തി അവരുടെ ദു:ഖത്തിലും ഉത്കണ്ഠയിലും സര്‍ക്കാരും പങ്കുചേരുന്നതായി അറിയിച്ചു.

തിരുവനന്തപുരം താലൂക്കില്‍  ദുരിതാശ്വാസ ക്യാമ്പുകളായി പ്രവര്‍ത്തിക്കുന്നസെന്റ് തോമസ് ഹയര്‍സെക്കണ്ടറി സ്‌കൂള്‍ പൂന്തുറ, മണക്കാട് ഗവ. യു.പി സ്‌കൂള്‍ കൊഞ്ചിറവിള, ബീമാപളളി യു.പി സ്‌കൂള്‍, വലിയ തുറ യു.പി സ്‌കൂള്‍ എന്നീ സ്‌കൂളുകള്‍ക്ക് മാത്രം ഇന്ന് (ഡിസംബര്‍ 4) അവധി ആയിരിക്കുമെന്ന് ജില്ലാ കളക്ടര്‍ ഡോ. കെ. വാസുകി അറിയിച്ചു.  

പി.എന്‍.എക്‌സ്.5161/17

സ്‌കോള്‍ കേരള മുഖേനയുളള വിവിധ കോഴ്‌സുകളില്‍ 2016 -17 അധ്യയന വര്‍ഷത്തില്‍ ഉന്നത വിജയം നേടിയ വിദ്യാര്‍ത്ഥികളെ  അനുമോദിക്കും.  ഡിസംബര്‍ ആറിന് രാവിലെ 11ന് തൈക്കാട് മോഡല്‍ ഹയര്‍ സെക്കണ്ടറി സ്‌കൂളില്‍ ചേരുന്ന യോഗം വിദ്യാഭ്യാസ വകുപ്പ് മന്ത്രി പ്രൊഫ.സി. രവീന്ദ്രനാഥ് ഉദ്ഘാടനം ചെയ്യും.  പൊതു വിദ്യാഭ്യാസ  സെക്രട്ടറി എ. ഷാജഹാന്‍ അധ്യക്ഷനാകും.

എറണാകുളം ജില്ലയില്‍ ദുരിതാശ്വാസക്യാമ്പുകള്‍ പ്രവര്‍ത്തിക്കുന്ന സ്‌കൂളുകള്‍ക്ക് ഡിസംബര്‍ 4 (തിങ്കളാഴ്ച) അവധിയായിരിക്കുമെന്ന് ജില്ലാ കളക്ടര്‍ അറിയിച്ചു. ഗവ യു പി സ്‌കൂള്‍ എടവനക്കാട്, സെന്റ് മേരീസ് എച്ച് എസ് എസ് ചെല്ലാനം, പുത്തന്‍തോട് ജിഎച്ച് എസ് എസ്, വെള്ളിയത്തംപറമ്പ് ദേവിവിലാസം എല്‍പിഎസ്, ഞാറയ്ക്കല്‍ ഗവ ഫീഷറീസ് സ്‌കൂള്‍,  ചെറായി രാമവര്‍മ എല്‍പി സ്‌കുള്‍, പാലത്തംകുളങ്ങര ഭഗവതി വിലാസം എച്ച് എസ്, കണമാലി സെന്റ് ജോസഫ് കോണ്‍വെന്റ്, എടവനക്കാട് അല്‍ ഫലഹിയ മദ്രസ, കണ്ടക്കടവ് സെന്റ് ഫ്രാന്‍സിസ് ചര്‍ച്ച് പാരിഷ് ഹാള്‍ എന്നിവിടങ്ങളിലാണ് ക്യാമ്പുകള്‍ പ്രവര്‍ത്തിക്കുന്നത്. 

പി.എന്‍.എക്‌സ്.5159/17

ആലപ്പുഴ ജില്ലയില്‍ നിന്ന് മത്സ്യ ബന്ധനത്തിന് പോയി കടലില്‍ കാണാതായ അഞ്ചു പേരെ രക്ഷിച്ചു. ഇവരെ കോസ്റ്റ് ഗാര്‍ഡിന്റെ  അഭിനവ് എന്ന കപ്പലില്‍ ബേപ്പൂരിലേക്ക് എത്തിക്കും. രണ്ടരയോടെ ഇവര്‍ ബേപ്പൂരിലെത്തുമെന്നാണ് പ്രതീക്ഷ. കോസ്റ്റ് ഗാര്‍ഡ് ഇക്കാര്യം ജില്ലാ കളക്ടര്‍ ടി.വി. അനുപമയെ അറിയിച്ചു. നവംബര്‍ 29 ന് ജോയല്‍ എന്ന ബോട്ടില്‍ മത്സ്യബന്ധനത്തിനു പോയ സിബിച്ചന്‍, ജോയി കാട്ടൂര്‍, യേശുദാസ് ചെട്ടികാട്, ഷാജി (ഇഗ്‌നേഷ്യസ്) തുമ്പോളി, ജോസഫ് ചെട്ടിക്കാട് എന്നിവരാണ് കപ്പലിലുള്ളത്. ചാവക്കാടിന്  300 നോട്ടിക്കല്‍ മൈല്‍ അകലെ വച്ചാണ് ഇവരെ കണ്ടെത്തിയെന്നാണ് പ്രാഥമിക വിവരം.

കടലില്‍ കുടുങ്ങിയ 13 മത്സ്യത്തൊഴിലാളികളെ രക്ഷപ്പെടുത്തി ഇന്നലെ കൊല്ലത്ത് എത്തിച്ചു. ഇതോടെ കൊല്ലം മേഖലയില്‍ രക്ഷപ്പെടുത്തിയ മത്സ്യത്തൊഴിലാളികളുടെ എണ്ണം 105 ആയി. 

ഇപ്പോള്‍ നടക്കുന്ന രക്ഷാപ്രവര്‍ത്തനങ്ങളില്‍ പൂര്‍ണ തൃപ്തിയുണ്ടെന്ന് വ്യോമസേനയുടെ ഹെലികോപ്റ്ററില്‍ സേനാംഗങ്ങള്‍ക്കൊപ്പം കടലില്‍ തെരച്ചിലിനായി പോയിരുന്ന മത്സ്യത്തൊഴിലാളികള്‍ ശംഖുമുഖത്ത് പറഞ്ഞു.  വെട്ടുകാട് സ്വദേശികളായ ബോസ്‌കോ, മില്‍ട്ടണ്‍, ബര്‍ബി ഫെര്‍ണ്ണാണ്ടസ് എന്നിവരാണ് ഇന്നലെ (ഡിസംബര്‍ 3) ഉച്ചയ്ക്കുശേഷം വ്യോമസേനാംഗങ്ങള്‍ക്കൊപ്പം തെരച്ചിലിനായി ഹെലികോപ്റ്ററില്‍ കടലില്‍ പോയത്.