തമിഴ് നാട് നിയമസഭാ തിരഞ്ഞെടുപ്പിനോടനുബന്ധിച്ച് കേരളത്തിലെ വിവിധ സ്ഥാപനങ്ങളില്‍ ജോലിചെയ്യുന്ന തമിഴ് നാട് സ്വദേശികളായ വോട്ടര്‍മാര്‍ക്ക് പോളിംഗ് ദിനമായ ഏപ്രില്‍ 23 ന് ശമ്പളത്തോടു കൂടിയ അവധി പ്രഖ്യാപിച്ചു.   തമിഴ് നാട്ടിലെ വോട്ടര്‍ പട്ടികയില്‍ പേരുള്ള കേരളത്തിലെ വിവിധസ്ഥാപനങ്ങളില്‍ ജോലിചെയ്യുന്ന എല്ലാ ജീവനക്കാര്‍ക്കും അര്‍ഹതയുണ്ട്. അവധി ദിവസവേതനക്കാര്‍ക്കും താല്‍ക്കാലിക ജീവനക്കാര്‍ക്കും ബാധകമാണ്.
 

നിയമസഭാ തിരഞ്ഞെടുപ്പിന്റെ വോട്ടെണ്ണല്‍ നടക്കുന്ന മെയ് നാലിന് (തിങ്കള്‍) ജില്ലാ കലക്ടര്‍ ജില്ലയില്‍ മദ്യനിരോധനം പ്രഖ്യാപിച്ചു. മദ്യം വില്‍ക്കുന്ന-വിളമ്പുന്ന ഒരു സ്ഥാപനവും ഈ ദിവസം പ്രവര്‍ത്തിക്കാന്‍ പാടില്ല.  ഉത്തരവ് ലംഘിക്കുന്നവര്‍ക്കെതിരെ കര്‍ശനനടപടി സ്വീകരിക്കുമെന്ന് മുന്നറിയിപ്പും നല്‍കി.
 

സെന്‍സസ് -2027ന്റെ ഭാഗമായി പൊതുജനങ്ങള്‍ക്ക് സ്വന്തമായി വിവരങ്ങള്‍ ഓണ്‍ലൈനായി രേഖപ്പെടുത്താനുള്ള (സെല്‍ഫ് എന്യൂമറേഷന്‍) സൗകര്യം ജൂണ്‍ മാസം മുതല്‍ ലഭ്യമാകും. 2026 ജൂണ്‍ 16 മുതല്‍ 30 വരെയാണ് ഇതിനായി സമയം അനുവദിച്ചിരിക്കുന്നത്. സെന്‍സസ് ഉദ്യോഗസ്ഥര്‍ വീടുകളില്‍ എത്തുന്നതിന് മുന്‍പ് തന്നെ വ്യക്തികള്‍ക്ക് തങ്ങളുടെ കുടുംബത്തിലെ വിവരങ്ങള്‍ ഓണ്‍ലൈന്‍ പോര്‍ട്ടല്‍ വഴി നേരിട്ട് സമര്‍പ്പിക്കാനുള്ള സംവിധാനമാണ് സെല്‍ഫ് എന്യുമറേഷന്‍. ഏകദേശം 15-20 മിനിറ്റിനുള്ളില്‍ ഈ പ്രക്രിയ പൂര്‍ത്തിയാക്കാന്‍ സാധിക്കും.

രജിസ്റ്റര്‍ ചെയ്യേണ്ട വിധം

പുനലൂര്‍ ആസ്ഥാനമായുള്ള  കേച്ചേരി എന്റര്‍പ്രൈസസില്‍ പണം നിക്ഷേപിച്ച് തിരികെ ലഭിക്കാത്ത മലപ്പുറം ജില്ലക്കാര്‍ക്ക് പരാതി നല്‍കാം. അപേക്ഷയും അനുബന്ധ രേഖകളും 14 ദിവസത്തിനകം നോഡല്‍ ഓഫീസറായ ഡെപ്യൂട്ടി കലക്ടര്‍ക്ക് (ആര്‍.ആര്‍) നേരിട്ടോ തപാല്‍ മുഖേനയോ നല്‍കണം. ക്ലെയിം ഫോം  മലപ്പുറം സിവില്‍ സ്റ്റേഷനിലെ ഡെപ്യൂട്ടി കലക്ടറുടെ (ആര്‍.ആര്‍) ഓഫീസില്‍ ലഭ്യമാണ്.

വേങ്ങര ചേറൂര്‍-കിളിനക്കോട് പാറകണ്ണി റോഡില്‍  സംരക്ഷണ ഭിത്തി നിര്‍മ്മാണം നടക്കുന്നതിനാല്‍ ഏപ്രില്‍ 21 മുതല്‍ പ്രവൃത്തി പൂര്‍ത്തിയാകുന്നത് വരെ ഗതാഗതം നിരോധിച്ചു. ചേറൂര്‍, ചിന്നമ്മപ്പടി ഭാഗത്തേക്ക് പോകേണ്ടവര്‍  കാരാത്തോട് - പുള്ളിക്കല്ല് - ചേറൂര്‍ റോഡ്, പള്ളിപ്പടി - കീരന്‍കുന്ന് റോഡ് വഴി പോകണം. വേങ്ങര ഭാഗത്തേക്ക് പോകേണ്ടവര്‍, വേങ്ങര - കുന്നുംപുറം റോഡ്, മലപ്പുറം - പരപ്പനങ്ങാടി റോഡ് എന്നിവ ഉപയോഗപ്പെടുത്തണം.

ഗതാഗത നിയമലംഘനങ്ങളുമായി ബന്ധപ്പെട്ട് കെട്ടിക്കിടക്കുന്ന പിഴ തുകകള്‍ പകുതി തുകയ്ക്ക്  അടച്ചുതീര്‍ക്കാന്‍ അവസരം. സര്‍ക്കാരിന്റെ പ്രത്യേക ഒറ്റത്തവണ തീര്‍പ്പാക്കല്‍ പദ്ധതിയുടെ ഭാഗമായാണ് അവസരമുള്ളത്.  2024 ഡിസംബര്‍ 31 വരെ ചാര്‍ജ് ചെയ്ത ഇ-ചലാനുകള്‍ക്കാണ് ഇളവ് ലഭിക്കുക. പോലീസ്, മോട്ടോര്‍ വാഹന വകുപ്പ് എന്നിവര്‍ പിടികൂടിയ കേസുകള്‍ക്കും നിലവില്‍ കോടതിയുടെ പരിഗണനയിലുള്ള കേസുകള്‍ക്കും ഈ ഇളവ് ബാധകമാണ്. ഒറ്റത്തതവണ തീര്‍പ്പാക്കല്‍ പദ്ധതിയുടെ ഭാഗമായി ഏപ്രില്‍ 22, 25  തീയതികളില്‍ മലപ്പുറം എസ്.പി. ഓഫീസ് അനക്‌സ് ഹാളില്‍ നടത്തുന്ന അദാലത്തില്‍ പിഴ തുക തീര്‍പ്പാക്കാന്‍ അവസരമുണ്ട്.

ദേശീയ തലത്തിൽ ആരംഭിക്കുന്ന ജനസംഖ്യാ കണക്കെടുപ്പ് (സെൻസസ് ) പരിപാടിയുടെ എറണാകുളം ജില്ലാതല പരിശീലന പരിപാടിക്കു തുടക്കം.
കളക്ടറേറ്റ് സ്പാർക്ക് ഹാളിൽ ചേർന്ന ചടങ്ങിൽ ജില്ലാ കളക്ടറും   പ്രിൻസിപ്പൽ സെൻസസ് ചാർജ് ഓഫീസറുമായ ജി. പ്രിയങ്ക സെൻസസ് ചാർജ് ഓഫീസർമാർക്കുള്ള ത്രിദിന പരിശീലന പരിപാടി ഉത്ഘാടനം ചെയ്തു.

കണയന്നൂർ താലൂക്കിലെ ഇടപ്പള്ളി സൗത്ത് വില്ലേജിൽ ഉൾപ്പെട്ട വിവിധ സർവ്വേ നമ്പറുകളിലെ ഭൂമിയുടെ ലേലം ഏപ്രിൽ 22-ന് രാവിലെ 11 മണിക്ക് ഇടപ്പള്ളി സൗത്ത് വില്ലേജിൽ വെച്ച് നടക്കും. ലേലം സംബന്ധിച്ച കൂടുതൽ വിവരങ്ങൾക്കായി എറണാകുളം പാർക്ക് അവന്യൂ റോഡിൽ സുഭാഷ് പാർക്കിന് എതിർവശം പ്രവർത്തിക്കുന്ന കണയന്നൂർ റവന്യൂ റിക്കവറി സ്പെഷ്യൽ തഹസിൽദാരുടെ കാര്യാലയവുമായി ബന്ധപ്പെടേണ്ടതാണ്.

സമഗ്ര മാനസിക ആരോഗ്യ പരിപാടിയുടെ ഭാഗമായി  ആയവന ഗ്രാമപഞ്ചായത്തിനോട് ചേർന്നുള്ള കെട്ടിടത്തിൽ പ്രവർത്തിക്കുന്ന പകൽ വീട്ടിലെ അന്തേവാസികൾക്ക് 2026 മെയ് 1 മുതൽ 2027 ഏപ്രിൽ 30 വരെ ഒരു വർഷത്തേക്ക് ഭക്ഷണം വിതരണം ചെയ്യുന്നതിന് ടെൻഡർ  ക്ഷണിച്ചു. ടെൻഡർ സ്വീകരിക്കുന്ന അവസാന തീയതി ഏപ്രിൽ 29 രാവിലെ 11വരെ. ഫോൺ:0485-2282044