അപേക്ഷ ക്ഷണിച്ചു
കേരള സംസ്ഥാന യുവജനക്ഷേമ ബോര്ഡ് 2020 ലെ സ്വാമി വിവേകാനന്ദന് യുവപ്രതിഭാ പുരസ്കാരത്തിന് നിശ്ചിത ഫോറത്തില് അപേക്ഷ ക്ഷണിച്ചു. വ്യക്തിഗത അവാര്ഡിനായി 18 നും 40 നും മദ്ധ്യേ പ്രായമുള്ള യുവജനങ്ങള്ക്ക് അപേക്ഷിക്കാം. സാമൂഹ്യ പ്രവര്ത്തനം, മാധ്യമ പ്രവര്ത്തനം (പ്രിന്റ് മീഡിയ), മാധ്യമ പ്രവര്ത്തനം (ദൃശ്യ മാധ്യമം), കല, സാഹിത്യം, ഫൈന് ആര്ട്സ്, കായികം (വനിത), കായികം (പുരുഷന്), ശാസ്ത്രം, സംരംഭകത്വം, കൃഷി എന്നീ മേഖലകളില് നിന്നും മികച്ച ഓരോ വ്യക്തിക്കുവീതം ആകെ 11 പേര്ക്കാണ് അവാര്ഡ് നല്ക്കുന്നത്. അവാര്ഡിനായി സ്വയം അപേക്ഷ സമര്പ്പിക്കുകയോ മറ്റൊരു വ്യക്തിയെ നാമനിര്ദേശം ചെയ്യുകയോ ചെയ്യാം. അവാർഡിന് അർഹരാകുന്നവർക്ക് 50,000 രൂപയും പ്രശസ്തി പത്രവും പുരസ്കാരവും നൽകും.
കേരള സംസ്ഥാന യുവജനക്ഷേമ ബോർഡിൽ അഫിലിയേറ്റ് ചെയ്തിട്ടുള്ള യൂത്ത്/ യുവ ക്ലബ്ബുകളിൽ നിന്നും അവാർഡിനായി അപേക്ഷകൾ ക്ഷണിച്ചു. ജില്ലാതലത്തിൽ തെരഞ്ഞെടുക്കുന്ന മികച്ച ക്ലബ്ബിന് 30,000 രൂപയും പ്രശസ്തി പത്രവും പുരസ്കാരവും ലഭിക്കും. ജില്ലാതലത്തിൽ അവാർഡിനർഹത നേടിയ ക്ലബ്ബുകളെയാണ് സംസ്ഥാനതലത്തിലെ അവാർഡിനായി പരിഗണിക്കുക. സംസ്ഥാന അവാർഡ് നേടുന്ന ക്ലബ്ബിന് 50,000 രൂപയും, പ്രശസ്തി പത്രവും, പുരസ്കാരവും നൽകും. അപേക്ഷകൾ സമർപ്പിക്കുവാനുള്ള അവാസാന തീയതി നവംബർ അഞ്ച്. വിശദവിവരങ്ങൾക്ക്: www.ksywb.kerala.gov.in .
- Log in to post comments