കുന്ദമംഗലം മണ്ഡലത്തിലെ പന്തീരങ്കാവ് മണക്കടവ് റോഡ്, മൂഴാപാലം എന്നിവയുടെ പ്രവൃത്തി ഉദ്ഘാടനം പൊതുമരാമത്ത് വകുപ്പ് മന്ത്രി ജി. സുധാകരന്‍ നിര്‍വ്വഹിച്ചു. പി.ടി.എ റഹീം എം.എല്‍.എ അദ്ധ്യക്ഷത വഹിച്ചു.

എന്‍.എച്ച് 66 ബൈപ്പാസില്‍ പന്തീരങ്കാവില്‍ നിന്നാരംഭിച്ച് മണക്കടവ് വരെയുള്ള  റോഡുപ്രവൃത്തിക്ക് 2 കോടി രൂപയുടെ ഭരണാനുമതിയാണ് ലഭ്യമാക്കിയിട്ടുള്ളത്. 5.5 മീറ്റര്‍ വീതിയില്‍ ടാറിംഗ്, 500 മീറ്റര്‍ നീളത്തില്‍ ഡ്രൈനേജ്, ട്രാഫിക് സുരക്ഷക്കാവശ്യമായ റോഡ് മാര്‍ക്കിംഗ്, ട്രാഫിക് ചിഹ്നങ്ങള്‍ എന്നിവ ഉള്‍പ്പെടെയുള്ള പ്രവൃത്തികളാണ് നടത്തുന്നത്.

ജലജീവന്‍ പദ്ധതിയില്‍ ഉള്‍പ്പെടുത്തി നാറാണംമൂഴി പഞ്ചായത്തില്‍ നടപ്പാക്കുന്ന കുടിവെള്ള വിതരണ പദ്ധതിയുടെ ഉദ്ഘാടനം രാജു എബ്രഹാം എംഎല്‍എ നിര്‍വഹിച്ചു. 4027 വീടുകളാണ് ആകെയുള്ളത്. ഇതില്‍ 687 വീടുകളില്‍ കുടിവെള്ള കണക്ഷന്‍ ഉണ്ട്. 3340 വീടുകള്‍ക്കാണ് ഇനി കുടിവെള്ള കണക്ഷന്‍ നല്‍കാനുള്ളത്. ഈ സാമ്പത്തിക വര്‍ഷം ഒന്നാം ഘട്ടത്തില്‍ 350 ഉം രണ്ടാംഘട്ടത്തില്‍ 300 കണക്ഷനുകളും നല്‍കും. ബാക്കി 2690 വീടുകള്‍ക്ക് 2023-24 നുള്ളില്‍ കുടിവെള്ള കണക്ഷന്‍ നല്‍കും. ഇതിനായി അടിച്ചിപ്പുഴ കുടിവെള്ള പദ്ധതിയുടെ വിപുലീകരണത്തിനായി റിപ്പോര്‍ട്ട് തയാറാക്കി വരുന്നു.

ചെങ്ങന്നൂർ :   സംസ്ഥാനത്ത് നിരവധി പുഴകളാണ് ജനകീയ മുന്നേറ്റത്തിലൂടെ സംരക്ഷിക്കപ്പെട്ടത് .  ഈ പ്രവർത്തനങ്ങൾക്ക് തുടർച്ച വേണമെന്ന്  ധനകാര്യ കയർ വകുപ്പ് മന്ത്രി ടി. എം  തോമസ് ഐസക് പറഞ്ഞു. ബുധനൂർ കുട്ടൻപേരൂർ ആറിന്റെ രണ്ടാംഘട്ട നിർമ്മാണ പ്രവർത്തനങ്ങളുടെ ഉദ്ഘാടനം നിർവഹിക്കുകയായിരുന്നു അദ്ദേഹം. 

ചെങ്ങോട്ടുകാവ് മുതല്‍ മുതുകൂറ്റില്‍ ക്ഷേത്രം വരെ നീളുന്ന കനാല്‍ റോഡ് പ്രവൃത്തിയുടെ നിര്‍മ്മാണോദ്ഘാടനം കെ.ദാസന്‍ എം.എല്‍.എ നിര്‍വഹിച്ചു. ചെങ്ങോട്ടുകാവ് മുതല്‍ പൊയില്‍ക്കാവ് വരെയുള്ള കനാല്‍ റോഡിന്റെ ആദ്യഘട്ടമായി 851 മീറ്റര്‍ ദൂരമാണ് ഈ പ്രവൃത്തിയില്‍ ഉള്‍പ്പെടുന്നത്. എം.എല്‍.എ ഫണ്ടില്‍ അനുവദിച്ച 34 ലക്ഷം രൂപ വിനിയോഗിച്ചാണ് ആദ്യഘട്ടം നിര്‍മ്മാണം. കനാല്‍ സൈഡില്‍ ഗാര്‍ഡ് സ്റ്റോണ്‍ അടക്കം സ്ഥാപിച്ച് മൂന്ന് മീറ്റര്‍ വീതിയിലാണ് റോഡ് നിര്‍മ്മിക്കുന്നത്. കുറ്റ്യാടി ജലസേചന പദ്ധതി എഞ്ചിനീയറിംഗ് വിഭാഗത്തിനാണ് നിര്‍മ്മാണ ചുമതല.

മലയാലപ്പുഴ പഞ്ചായത്തിലെ വെട്ടൂര്‍ ആയൂര്‍വേദ ആശുപത്രിക്ക് മലയാലപ്പുഴയില്‍ സബ് സെന്റര്‍ അനുവദിച്ച് സര്‍ക്കാര്‍ ഉത്തരവായതായി അഡ്വ.കെ.യു. ജനീഷ് കുമാര്‍ എംഎല്‍എ അറിയിച്ചു. മലയാലപ്പുഴ ഗ്രാമപഞ്ചായത്തിന്റെ പഴയ കെട്ടിടം നവീകരിച്ചാണ് സബ് സെന്റര്‍ പ്രവര്‍ത്തനത്തിനായി നല്‍കുക.

      വെട്ടൂര്‍ ആയുര്‍വേദ ആശുപത്രിയുടെ പ്രവര്‍ത്തനത്തിന് തടസം വരാത്ത നിലയിലായിരിക്കും സബ് സെന്റര്‍ പ്രവര്‍ത്തിപ്പിക്കുക. ആവശ്യമായ അടിസ്ഥാന സൗകര്യങ്ങള്‍ ഗ്രാമ പഞ്ചായത്ത് ഒരുക്കി നല്‍കും. സ്റ്റാഫിനെ വര്‍ക്കിംഗ് അറേഞ്ച്മെന്റില്‍ നിയമിക്കും.

സമീപകാലത്തൊന്നുമില്ലാത്ത തരത്തിലുള്ള വികസന പ്രവര്‍ത്തനങ്ങളാണ് മണ്ണ്പര്യവേക്ഷണ-മണ്ണ് സംരക്ഷണ വകുപ്പില്‍ നടക്കുന്നതെന്ന് കൃഷി- മണ്ണ് സംരക്ഷണ വകുപ്പ് മന്ത്രി വി.എസ്.സുനില്‍കുമാര്‍ പറഞ്ഞു. മണ്ണ് സംരക്ഷണ വകുപ്പ് നിര്‍മ്മാണം പൂര്‍ത്തിയാക്കിയ ഏഴ് പദ്ധതികളുടെയും പ്രവര്‍ത്തനം ആരംഭിക്കുന്ന 34 മണ്ണ് ജല സംരക്ഷണ പദ്ധതികളുടേയും സംസ്ഥാനതല ഉദ്ഘാടനം നിര്‍വഹിച്ചു സംസാരിക്കുകയായിരുന്നു അദ്ദേഹം.  കൃഷി തിരിച്ചു വരാന്‍ തുടങ്ങിയപ്പോള്‍ നീര്‍ച്ചാലുകളും കുളങ്ങളും തോടുകളും നീര്‍ത്തടങ്ങളും തിരിച്ചു വരാന്‍ തുടങ്ങിയിരിക്കുകയാണ്. ഇതിനായി വിവിധ പദ്ധതികളാണ് ആസൂത്രണം ചെയ്ത് നടപ്പാക്കുന്നത്.  

പത്തനംതിട്ട ജില്ലയില്‍ ഇന്ന് 212 പേര്‍ക്ക് 

കോവിഡ്-19 സ്ഥിരീകരിച്ചു

ജില്ലയില്‍ ഇന്ന് 157 പേര്‍ രോഗമുക്തരായി

ഇന്ന് രോഗം സ്ഥിരീകരിച്ചവരില്‍ 6 പേര്‍ വിദേശ രാജ്യങ്ങളില്‍ നിന്ന് വന്നവരും, 19 പേര്‍ മറ്റ് സംസ്ഥാനങ്ങളില്‍ നിന്നും വന്നവരും, 187 പേര്‍ സമ്പര്‍ക്കത്തിലൂടെ രോഗം ബാധിച്ചവരുമാണ്. ഇതില്‍ സമ്പര്‍ക്കപശ്ചാത്തലം വ്യക്തമല്ലാത്ത 37 പേരുണ്ട്.

ഇന്ന് രോഗബാധിതരായവരുടെ തദ്ദേശസ്വയംഭരണ സ്ഥപനങ്ങള്‍ തിരിച്ചുളള കണക്ക്

ക്രമ നമ്പര്‍, തദ്ദേശസ്വയംഭരണ സ്ഥാപനം, രോഗബാധിതരായവരുടെ എണ്ണം

ആലപ്പുഴ: ജില്ലയിലെ രൂക്ഷമായ കടലാക്രമണങ്ങൾ അനുവഭിക്കുന്ന   പ്രദേശങ്ങളാണ് ആലപ്പുഴയിലെ കാട്ടൂർ മുതൽ ഓമനപുഴ വരെയും ,അമ്പലപ്പുഴയിലെ കാക്കാഴം മുതൽ പുന്നപ്ര വരെയും ഹരിപ്പാട് മണ്ഡലത്തിലെ പതിയാങ്കര, ആറാട്ടുപുഴ, വട്ടച്ചാൽ  തുടങ്ങിയവ.. കഴിഞ്ഞ 5 വർഷ കാലയളവിൽ ഈ മേഖലയിൽ കടലാക്രമണ നിരോധന പ്രവർത്തികൾക്കായി 25 കോടി രൂപയോളം ചിലവാക്കിയിട്ടുണ്ടെന്നു നീർക്കുന്നത് നടന്ന നിർമ്മാണ ഉദ്ഘാടന ച്ചടങ്ങിന്റെ റിപ്പോർട്ടിൽഡെപ്യൂട്ടി ജനറൽ മാനേജർ കെഐഐഡിഡി കെ പി ഹരൻബാബു പറഞ്ഞു .

എംഎല്‍എ എസ്ഡിഎഫ്  പ്രവൃത്തികളില്‍ ഉള്‍പ്പെട്ട വിവിധ പൊതുമരാമത്ത് പ്രവൃത്തികള്‍ നടത്തുന്നതിന്  മത്‌സരാധിഷ്ഠിത ടെണ്ടര്‍  ക്ഷണിച്ചു.  ടെണ്ടര്‍ ഫോം ലഭിക്കുന്ന അവസാന തിയ്യതി നവംബര്‍ 10 ന് രാവിലെ 12 മണി വരെ. വിശദ  വിവരങ്ങള്‍ക്ക് ബാലുശ്ശേരി ബ്ലോക്ക് ഡവലപ്മന്റ് ഓഫീസുമായി ബന്ധപ്പെടണം.