പാലക്കാട് ലക്കിടി അസാപ് കമ്മ്യൂണിറ്റി സ്‌കിൽ പാർക്കിൽ നടത്തുന്ന ഡ്രോൺ പൈലറ്റ് കോഴ്‌സിലേക്ക് അപേക്ഷ ക്ഷണിച്ചു. 18 വയസ് തികഞ്ഞവർക്ക് അപേക്ഷിക്കാം.

ഡയറക്ടർ ജനറൽ ഓഫ് സിവിൽ ഏവിയേഷന്റെ അംഗീകാരത്തോടെയുള്ള അഞ്ച് ദിവസത്തെ തീവ്രപരിശീലനമാണ് കോഴ്സിൽ ലഭിക്കുക. വിജയകരമായി പൂർത്തിയാക്കുന്നവർക്ക് 25 കിലോഗ്രാം വരെ ഭാരമുള്ള ഡ്രോണുകൾ പറത്താനുള്ള ഔദ്യോഗിക ലൈസൻസ് ലഭിക്കും. അസാപ്പിന്റെ കാസർഗോഡ് വിദ്യാനഗറിലുള്ള കമ്മ്യൂണിറ്റി സ്‌കിൽ പാർക്കിലാണ് കോഴ്സ് ക്ലാസുകൾ നടത്തുക.

പട്ടികജാതി വികസന വകുപ്പിന് കീഴിൽ ആലുവയിൽ പ്രവർത്തിച്ചുവരുന്ന ഗവ പ്രീ എക്‌സാമിനേഷൻ ട്രെയിനിംഗ് സെന്ററിൽ പട്ടികജാതി /പട്ടികവർഗ്ഗ /മറ്റ് അർഹരായ/മറ്റ് പിന്നാക്ക വിഭാഗ വിദ്യാർഥികൾക്ക് എസ്.എസ്.എൽ.സി/പ്ലസ് ടൂ അടിസ്ഥാന യോഗ്യതയാക്കി കേരള പബ്ലിക് സർവീസ് കമ്മീഷൻ നടത്തുന്ന പരീക്ഷകളുടെ സൗജന്യ പരിശീലനത്തിന് അപേക്ഷ ക്ഷണിച്ചു. ഒരു ലക്ഷത്തിൽ താഴെ വരുമാനമുള്ള ഒ.ബി.സി / ഒ.ഇ.സി വിഭാഗത്തിൽപ്പെട്ടവർക്ക് 30 ശതമാനം സീറ്റ് അനുവദിക്കും. പട്ടികജാതി/പട്ടികവർഗ്ഗ വിഭാഗ വിദ്യാർഥികൾക്ക് സ്റ്റൈപ്പന്റ് ലഭിക്കും. താൽപര്യമുള്ളവർ ജൂലൈ നാലിനു മുൻപായി അപേക്ഷ നൽകണം.

 ജില്ലാ പഞ്ചായത്തും വിജ്ഞാൻസാഗറും ചേർന്ന് സംഘടിപ്പിച്ച ലോകപരിസ്ഥിതി ദിനാഘോഷ പരിപാടി ജില്ലാ പഞ്ചായത്ത് പ്രസിഡന്റ്‌ മേരി തോമസ് ഉദ്ഘാടനം ചെയ്തു. ഹരിത ഊർജ്ജം വ്യാപിപ്പിക്കുന്നതിനും പ്രചരിപ്പിക്കുന്നതിനുമായി സൗരോർജ്ജ നിലയങ്ങളുടെ പ്രദർശനവും വൃക്ഷത്തൈ നടലും വിജ്ഞാൻ സാഗറിൽ നടന്നു. ജില്ലാ പഞ്ചായത്ത്‌, വിജ്ഞാൻസാഗർ, ഗവ.ഹിന്ദി ടീച്ചേഴ്സ് ട്രെയിനിങ് ഇൻസ്റ്റിറ്റ്യൂട്ട്, അനെർട്ട്, എൻ.ഡി.ആർ.എഫ്, ഗവ. എഞ്ചിനിയറിംഗ് കോളേജ് നാഷണൽ സർവീസ് സ്കീം എന്നിവർ ചേർന്നാണ് പരിപാടി നടത്തിയത്.

സംസ്ഥാന അസംഘടിത തൊഴിലാളി സാമൂഹികസുരക്ഷാ പദ്ധതിയിൽ കോട്ടയം ജില്ലയിൽ ഒരു വർഷം അംഗത്വ കാലയളവ് പൂർത്തിയാക്കിയവരുടെ മക്കളിൽ 2026- 2027 അധ്യയന വർഷം എൽ.കെ.ജി / ഒന്നാം ക്ലാസ് എന്നിവയിൽ പുതുതായി പ്രവേശനം നേടിയ കുട്ടികൾക്ക് വിദ്യാഭ്യാസ ധനസഹായത്തിന് അപേക്ഷ സ്വീകരിക്കുന്ന തീയതി ജൂൺ 20 വരെ നീട്ടി. വെബ്സൈറ്റ്:് http://services.unorganisedwssb.org/index.php/home . ഫോൺ: 0481 2300762.

        ലോക പരിസ്ഥിതി ദിനത്തോടനുബന്ധിച്ച് പുത്തൂർ സുവോളജിക്കൽ പാർക്കിൽ വിപുലമായ ആഘോഷ പരിപാടികൾ സംഘടിപ്പിച്ചു.    കേരള ഫോറസ്റ്റ് റിസർച്ച് ഇൻസ്റ്റിറ്റ്യൂട്ടിലെ  ശാസ്ത്രജ്ഞൻ ഡോ. പി.കെ.സി പിള്ള മുഖ്യാതിഥിയായി പരിസ്ഥിതിദിന സന്ദേശം നൽകി.

രണ്ടാഴ്ചയ്ക്കുളളിൽ 10,000 വൃക്ഷതൈകൾ വച്ചു പിടിപ്പിക്കുന്ന സുവോളജിക്കൽ പാ‍ർക്കിന്റെ പ്രത്യേക ഹരിത പദ്ധതിയുടെ ഉദ്ഘാടനവും ഇതോടൊപ്പം നടന്നു.  

 സംസ്ഥാന മ്യൂസിയം മൃഗശാല വകുപ്പിന്റെ ആഭിമുഖ്യത്തിൽ സംഘടിപ്പിച്ച  ലോക പരിസ്ഥിതി ദിനാചരണ പരിപാടികളുടെ സംസ്ഥാനതല ഉദ്ഘാടനം  കായിക, യുവജനക്ഷേമ, മ്യൂസിയം-മൃഗശാലാ, രജിസ്ട്രേഷൻ പുരാവസ്തു, പുരാരേഖ വകുപ്പ് മന്ത്രി ഒ.ജെ. ജനീഷ് നിർവ്വഹിച്ചു.

പരിസ്ഥിതി ദിനത്തോടനുബന്ധിച്ചുള്ള വൃക്ഷത്തൈ നടീൽ കേവലമൊരു ചടങ്ങായി ഒതുങ്ങരുതെന്ന് മന്ത്രി ഓർമിപ്പിച്ചു. ഇന്ന് നടുന്ന തൈകൾ സംരക്ഷിച്ചു വളർത്താൻ ഓരോരുത്തരും ബാധ്യസ്ഥരാണെന്നും അദ്ദേഹം വ്യക്തമാക്കി.

ജില്ലയിൽ വിവിധ വകുപ്പുകളിലെ സർജന്റ് (കാറ്റഗറി നം.100/2019) തസ്തികയ്ക്കായി 2023 ഏപ്രിൽ മൂന്നിന് നിലവിൽ വന്ന റാങ്ക് പട്ടിക മൂന്ന് വർഷക്കാലാവധി പൂർത്തിയായതിനാൽ 2026 ഏപ്രിൽ അഞ്ചിന് പൂർവ്വാഹ്നം പ്രാബല്യത്തിൽ റദ്ദാക്കിയതായി ജില്ലാ പി.എസ്.സി ഓഫീസർ അറിയിച്ചു.

സഹകരണ മേഖലയുടെ വിശ്വാസ്യത വീണ്ടെടുത്ത് സഹകരണസംഘങ്ങളുടെ സുരക്ഷിതത്വം ഉറപ്പാക്കുമെന്ന് സഹകരണ, എക്സൈസ് വകുപ്പ് മന്ത്രി എം ലിജു പറഞ്ഞു.  സഹകരണ വകുപ്പ്  സംഘടിപ്പിക്കുന്ന പരിസ്ഥിതി സംരക്ഷണ പരിപാടിയായ തണൽ പദ്ധതിയുടെ സംസ്ഥാനതല ഉദ്ഘാടനം നിർവഹിച്ച് സംസാരിക്കുകയായിരുന്നു മന്ത്രി.

പള്ളിക്കത്തോട് സബ് ട്രഷറി നിർമാണത്തിനായി ആനിക്കാട് വില്ലേജിൽ അനുവദിച്ചിരിക്കുന്ന സ്ഥലത്തുനിന്ന് മുറിച്ചു മാറ്റേണ്ട മരങ്ങൾ ജൂൺ15ന് രാവിലെ 11ന് ആനിക്കാട് വില്ലേജ് ഓഫീസിൽ വച്ചു ലേലം ചെയ്യും. വിശദവിവരങ്ങൾ കോട്ടയം താലൂക്ക് ഓഫീസ്, ആനിക്കാട് വില്ലേജ് ഓഫീസ് എന്നിവിടങ്ങളിൽ ലഭിക്കും.

 യുവാക്കളിലും വിദ്യാര്‍ത്ഥികളിലുമുള്ള ലഹരി വ്യാപനം തടയുന്നതിന് ആധുനിക സാങ്കേതിക വിദ്യയുടെ സഹായത്തോടെ എക്‌സൈസ് വകുപ്പിനെ ശാക്തീകരിക്കുമെന്ന് എക്‌സൈസ്, സഹകരണ വകുപ്പ് മന്ത്രി എം. ലിജു പറഞ്ഞു. തൃശ്ശൂര്‍ എക്‌സൈസ് അക്കാദമി പരേഡ് ഗ്രൗണ്ടില്‍ പരിശീലനം പൂര്‍ത്തിയാക്കിയ 66 സിവില്‍ എക്‌സൈസ് ഓഫീസര്‍മാരുടെ പാസ്സിംഗ് ഔട്ട് പരേഡില്‍ സേനാംഗങ്ങളുടെ അഭിവാദ്യം സ്വീകരിച്ച് സംസാരിക്കുകയായിരുന്നു മന്ത്രി. ദീര്‍ഘകാല അടിസ്ഥാനത്തിലുള്ള സമഗ്രമായ മദ്യനയം വരും ദിവസങ്ങളില്‍ പ്രഖ്യാപിക്കുമെന്നും മന്ത്രി പറഞ്ഞു.